Alþýðublaðið - 12.01.1995, Blaðsíða 7

FIMMTUDAGUR 12. JANÚAR 1995
ALÞÝÐUBLAÐHD
7
orfa inn í framtíðina
ungum kölluð Gráa jakkafatamar-
tröðin en slíku hvísla menn aðeins í
skúmaskotum. Andstaða við stjóm-
ina er nánast engin enda íjölmiðlar
allir komnir undir einn hatt. Valda-
kjaminn segir lýðræðið gengið sér til
húðar. Klofningur og sundmng í
gömlu stjómmálaflokkunum fyrir
aldamót er liðin tíð og formenn
þeirra horfnir á vit nýrra verkefna. A
Þjóðvaka Jóhönnu Sigurðardóttur
sannaðist hið fomkveðna að bylting-
in étur bömin sín, en Jóhanna sem nú
er á sextugsaldri er formaður Sval-
anna og stendur fyrir öflugu félags-
starfi þar. Þorsteinn Pálsson er
blaðafulltrúi Vinnuveitendasam-
bandsins og Davíð Oddsson er á
heiðurslaunum listamanna en auk
þess kaupir RÚV hf reglulega af
honum stutta skemmtiþætti. Olafur
Ragnar Grímsson er forstjóri fjöl-
þjóðafyrirtækis með höfuðstöðvar í
Singapore og Halldór Ásgrímsson
er kominn í útgerð fyrir austan. Jón
Baldvin Hannibalsson er sá eini
sem eitthvað lætur að sér kveða á
vettvangi stjómmálaumræðunnar.
Hann er ritstjóri Hrópandans, en það
er eina dagblaðið fyrir utan Blað
allra landsmanna, sem gekk undir
heitinu Morgunblaðið á síðustu öld.
Island hefur nokkra sérstöðu í um-
heiminum, staðsett miðja vegu milli
Bandaríkjanna og Evrópu, og stjóm-
málafræðingar benda á að stjóm
Harðar Sigurgestssonar minni um
margt á stjóm Reagans fyrir aldar-
fjórðungi, þó að Hörður þurfi ekki á
kinnalit að halda. Sjálfur líkir hann
hlutverki sínu við hlutverk Adenau-
ers hins þýska, því hér þurfi öflug
uppbygging að eiga sér stað eftir
Framsóknaröldina á undan.
Forsætis- og efnahagsráðuneyti:
Hörður Sigurgestsson er loksins
orðinn forsætisráðherra, ekki bara de
facto.
Fjánnála- og viðskiptaráðuneyti:
Brynjólfur Bjarnason, áður for-
stjóri Granda hf., sem rann saman
við Irving Oil rétt fyrir aldamót. Að-
stoðarmaður hans er Þórarinn Við-
ar Þórarinsson, eitt þekktasta andlit
á sjónvarpsskjánum þegar hér er
komið sögu.
Utanríkisráðuneyti:
Ingimundur Sigfússon, fyrmrn
sendiherra í Bonn, sem kallaður var
heim í stjómartíð Þjóðvaka. Ráðu-
neytisstjóri er Hrafn Gunnlaugsson
en hann er jafnframt siðameistari
forsetaembættisins.
Atvinnumálaráðuneyti:
Nú er búið að sameina sjávarútvegs ,
iðnaðar- og landbúnaðarráðuneyti í
eitt og ráðherra þessa mikilvæga
ráðuneytis er Þorkell Sigurlaugs-
son, áður forstöðumaður hjá Eim-
skip og einn athyglisverðasti pistla-
höftindur Viðskiptablaðsins sáluga.
Menntamálaráðuneyti:
Halldór Blöndal er hagyrðingur og
fyrmm kennari. Halldór hefur komið
helsta hugðarefni sínu í höfn. Há-
skóli íslands er nú alfarið fluttur
norður yfir heiðar og rektor hans,
Haraldur Blöndal, með embættisbú-
stað á Helgamagrastræti. Frændi
Halldórs aðstoðar hann í ráðuneyt-
inu.
Heilbrigðisráðuneyti:
Ólafur B. Thors heilbrigðisráðherra
vann það afrek að einkavæða Trygg-
ingastofnun ríkisins og er sú stofnun
nú skúffa í Sjóvá/Almennum.
Félagsmálaráðuneyti:
Óskar Magnússon, fyrmrn forstjóri
Hagkaupa er félagsmálaráðherra. Á
því tímabili sem hann stjómaði Hag-
kaupum varð það fyrsti stórmarkað-
urinn til að komast í Guinness Book
of Records með 92 prósent markaðs-
hlutdeild eftir að hafa gleypt Nóatún
1999 og Fjarðarkaup árið 2000. Að-
stoðarmaður félagsmálaráðherra er
gamli styrkþeginn Hannes Hólm-
steinn Gissurarson, en fáir þekkja
betur opinbera styrkjakerfið en hann.
Umhverfis- og samgönguráðuneyti:
Björn Bjarnason er horfinn af vett-
vángi kaldastríðsumræðunnar og er
af öðmm stjómarliðum kallaður í
gríni græninginn, enda ákafur tals-
maður nytjalistar heimavinnandi
húsmæðra og grænmetisæta. Ráð-
herrann er lögboðinn höfundur ára-
mótaskaups Sjónvarpsins sem var
einkavætt á fyrslu dögum þessarar
ríkisstjómar. Utvarpsstjóri RUV hf.
er náfrændi Bjöms og gamalreyndur
á þessu sviði, Markús Örn Antons-
son, þó allir viti að ráðuneytisstjór-
inn í utanríkisráðuneytinu er de facto
ráðandi í því fyrirtæki.
Dóms- og kirkjumálaráðuneyti:
Kjartan Gunnarsson gegnir þessu
ráðherraembætti en hann er lögfræð-
ingur að mennt og sóknamefndarfor-
maður Dómkirkjusóknar til margra
ára. Ráðherrann heldur því leyndu
hver er aðstoðarmaður hans. Eitt
fyrsta embættisverk Kjartans var að
tala máli vinar síns Jóns Steinars
Gunnlaugssonar við forseta lýð-
veldisins og er Jón Steinar nú forseti
hæstaréttar.
Hörður Sigurgestsson forsætisráð-
herra segir Þorsteini Pálssyni
blaðafulltrúa Vinnuveitendasam-
bandsins hvert skal stíma.
Matthías Bjarnason
alþingismaður
Ef Sjálfstæðisflokkurinn heldur
sinni stefnu að styðja ffjálst atvinnu-
líf og þá sem verða undir með al-
mannatryggingum og hófstilltri fé-
lagslegri aðstoð þá mun hann vera
sterkastur flokka. Þessir svokallaðir
vinstri flokkar em klofnir og hikandi
og hafa tekið miklar og undarlegar
sveiflur. Það er lífsspursmál fyrir ís-
lenska þjóð að eiga vinsamleg sam-
skipti við erlendar þjóðir en ég er
hræddur við aðild að Evrópusam-
bandinu. Það hefur staði sig illa til
dæmis við að leysa deiluna í fyrrum
Júgóslavíu. Eg hygg að núverandi
flokkakerfi haldi ekki í tíu ár viðbót.
Svo ég nefni menn sem að em á
besta aldri í dag og eiga ömgglega
eftir að vera í fremstu röð eftir tíu ár
þá held ég að Davíð Oddsson, ef
hann heldur áfram að breyta sinni
stefnu eins og frá 1992, verði fyrstur
og fremstur. Halldór Ásgrímsson,
sem er líka á góðum aldri er nýtur
maður og virðingarverður. Þeir sem
em nú um sextugt verða ekki inni í
myndinni. Eg á mér þá ósk að ekki
komi eintómir kerfiskarlar inn í
stjómmálin heldur menn sem þekkja
vel atvinnulífið af eigin raun. Ég er
hræddur um stöðu verkalýðshreyf-
ingarinnar. Gamla verkfallsvopnið
er liðið undir lok. I staðinn munu
væntanlega koma stöðugar umræður
vinnuveitenda, verkalýðs og stjóm-
valda um kaup og kjör á jafnréttis-
gmndvelli. Annars vil ég ekki skipa í
einstök ráðherraembætti eftir tíu ár.
' Davíð Oddsson á
I fremstu röð eftir
t,u er- Dnvíð fékk
T fimm tilnefningar
sem rúðherra og
B&. tvær sem forsæt-
isráðherra.
Ásgeir Hannes Eiríksson
athafnamaður
Árið 2005 verður ár trúðsins sam-
kvæmt tilskipun Sameinuðu þjóð-
anna. Bmsselstaðallinn segir að Is-
land er sé með 0,75% af þingmanni
og því 0,21% af ráðherra, þannig að
við verðum í dálítið erfiðum málum
þrátt fyrir að gert sé ráð fyrir umtals-
verðri fólksfjölgun. Ég veðja á að
Jóhanna verði þessi 0,21% og ef
hún fengi að hafa aðstoðarmann, þá
það yrði er úr kennslugeiranum. Þá
koma til greina þeir Jón Baldvin
Hannibalsson eða Júlíus Sólnes.
Jóhanna, eins
konar Hannes
Hafstein framtíð-
arinnar: Eini ráð-
herra íslendinga
að mati Ásgeirs
Hannesar.
Ásta Ragnheiður
Jóhannesdóttir
deildarstjóri
Ekki er ég nú mikil spákona og
treysti mér ekki einu sinni til að spá
fyrir um ríkisstjóm eða ráðherralista
eítir næstu kosningar, sem em eftir
nokkrar vikur. Engu að síður slæ ég
þessu öllu saman upp í kæmleysi og
læt hafa mig í þessa spámennsku fyr-
ir árið 2005.
Ríkisstjóm íslands gæti þá litið
svona út ef ég gef mér að eftir Al-
þingiskosningar það ár, verði þær
haldnar, verði mynduð miðju-
vinstristjóm. Ég nefni ekki stjóm-
málaflokka með nöfnum þar sem
einhver geijun verður á vinstrivæng
þangað til og erfitt að vita undir
livaða nöfnum boðið verður fram.
Forsætisráðherra:
Ingibjörg Sólrún Gísladóttir, sem
verður þá komin aftur inn í lands-
málapólitíkina.
Utanríkisráðherra:
Margrét S. Björnsdóttir
Fjármálaráðherra:
Halldór Ásgrímsson, nema að hann
verði orðinn leiður á þingmennsku
og kominn í annað starf.
Sjávarútvegsráðherra:
Sighvatur Bjarnason, sem genginn
verður til liðs við félagshyggjuöflin.
Menningarmálaráðhena:
Dagur B. Eggertsson
Menntamálaráðherra:
Hjálniar Árnason
Umhverfisráðherra:
Álfheiður Ingadóttir
Félagsmálaráðhena:
Ögmundur Jónasson
Samgöngu- og landbúnaðarráðherra:
Valgerður Sverrisdóttir, nema að
hún verði orðin forstjóri Atvinnu-
málastofnunar Islands.
Dóms- og kirkjumálaráðherra:
Kristín Ástgeirsdóttir
Heilbrigðisráðherra:
Annaðhvort Ingibjörg Pálmadóttir
eða Siv Friðleifsdóttir.
Iðnaðar- og viðskiptaráðherra:
Kristín A. Árnadóttir
Konur ættu að una þokkalega við
sinn hlut rætist þessi spá.
Halldór. Menn
hafa trú á úthaldi
hans. Fimm af tólf
töldu hann verða
ennþá við lýði eft-
ir tiu ár, enda
Framsókn ekki
þekkt fyrir miklar
sviptingar.
Ólafur Þ. Harðarson
stjórnmálafræðingur
Forsætisráðherra:
Björn Bjamason
Utanríkisráðherra:
Ólafur Ragnar Grímsson
Fjármálaráðherra:
Már Guðmundsson
Viðskipta- og iðnaðarráðherra:
Árni M Mathiesen
Sjávarútvegsráðherra:
Einar K. Guðfinnsson
Heilbrigðis- og tryggingamálaráð-
herra:
Ólafur Þ. Stephensen
Samgönguráðherra:
Ásdís Halla Bragadóttir
Menntamálaráðherra:
Geir Haarde
Félagsmálaráðherra:
Bryndís Hlöðversdóttir
Landbúnaðar- og umhverfisráð-
herra:
Steingrúnur J. Sigfússon
Dóms- og kirkjumálaráðherra:
Davíð Stefánsson, en hann fer jafn-
framt með málefni Hagstofunnar.
Davíð Stefánsson
með Alþingishús-
ið og Dómkirkj-
una í baksýn,
enda dóms- og
kirkjumálaráö-
herra. Og ekki má
gleyma Hagstofu.
Guðmundur Ólafsson
hagfræðingur
Þama verður við völd 3. ráðuneyti
Davíðs Oddssonar. í því verður
flokksbróðir hans í Framstæðis-
flokknum, Halldór Ásgrímsson,
utanríkisráðherra. Þessi flokkur mun
þá hafa algera yfirburði í íslenskum
stjómmálum. Aðrir ráðherrar verða
ýmsir menn utan af landi sem ég
kann ekki að nefna í dag. Aðalslag-
orð þessa flokks verður „stétt með
bændastétt." Þessi flokkur hefur
komið því til leiðar að óþörf mann-
réttindi, svo sem eins og málfrelsi,
hafa verið tekin af þéttbýlisbúum.
Það er gert til vemdar hinu fagra
mannlífi hér á landi.
Guðmundur Andri
Thorsson rithöfundur
Ég geri ráð fyrir að árið 2005 muni
sitja nokkurskonar útgáfa af núver-
andi ríkisstjóm. Þessi stjóm kemst til
valda eftir nokkrar sviptingar.
Forsætisráðherra og ráðherra Hag-
stofu íslands:
Þorsteinn Pálsson
Utanríkisráðhena:
Jóhanna Sigurðardóttir
Dómsmálaráðherra:
Davíð Oddsson
Atvinnumálaráðhena:
Margrét Björnsdóttir
Velferðarmálaráðherra:
Ólafur Ragnar Grímsson
Umhverfisráðherra og samgöngu-
málaráðherra:
Össur Skarphéðinsson
Menntamálaráðherra:
Ólafur G. Einarsson
Ekki dæma Ólaf
G. Einarsson úr
leik. Guðmundur
Andri hefur trú á
að Ólafur verði
ennþá mennta-
málaráðherra eftir
tíu ár.
Andrés Magnússon
blaðamaður
Ég geri ráð fyrir að næst verði hægri
stjóm Framsóknar- og Sjálfstæðis-
flokksins, þar á eftir skammæ 4-5
flokka vinstri stjóm, eftirfarandi rík-
isstjóm tekur við:
Forsætisráðherra:
Davíð Oddsson
Utanríkisráðherra:
Björn Bjarnason
Atvinnumálaráðherra:
Halldór Ásgrímsson
Fjármálaráðherra:
Birgir Ármannsson
Heilbrigðisráðherra:
Friðrik Jónsson
Umhverfisráðherra:
Siv Friðleifsdóttir
Menntamálaráðherra:
Árni Mathiesen
Félagsmálaráðherra:
Finnur Ingólfsson
Áður en að þvi kemur verður
Jóhanna Sigurðardóttir dæmd í út-
legð á Jan Mayen, við hávær mót-
mæli Norðmanna.
Björn Bjarnason
fetar í fótspor föð-
ur síns. Hann er
nefndur bæði sem
forsætis- og utan-
ríkisráðherra
Jón Kristjánsson
alþingismaður
Ég reikna með því að árið 2005 verði
landið orðið að einu kjördæmi og
þegar kemur fram á nýja öld þá fer
vel á því að nokkurs konar þjóðstjóm
sitji við völd. Þar verðum við að hafa
nokkra „grand old men.“ Einnig
reikna ég með að fullt jafnrétti kynj-
anna verði komið á og uppundir
helmingur ráðherranna verði því
konur:
Forsætisráðherra:
Halldór Ásgrímsson, svo Austur-
landið stjómi þessu öllu saman.
Utanríkisráðherra:
Ólafur Ragnar Grímsson, þar ræt-
ist gamall draumur.
Umhverfis- og samgönguráðherra:
Davíð Oddsson, svo hann geti byggt
fleiri yfirbyggð gatnamót í Reykja-
vík.
Dóms- og kirkjumálaráðherra:
Össur Skarphéðinsson, því hann
þekkir svo vel fangelsin í Kólumbíu.
Iðnaðar- og viðskiptaráðherra:
Geir Haarde, hann verður orðinn
svo vanur eftir að hafa stjómað
heimsmeistarakeppninni í hand-
bolta.
Fjármálaráðherra:
Jóhanna Sigurðardóttir, verður þá
orðin fomiaður Alþýðuflokksins,
það verður mátulegt á hana að taka
að sér tjánnálin því þá þarf hún að
lobbýera fyrir sjálfti sér um gælu-
verkefhin.
Félagsmálaráðherra:
Bryndís Hlöðversdóttir, lögfræð-
ingur ASÍ.
Sjávarútvegsráðherra:
Ingibjörg Pálmadóttir kvótadrottn-
ing.
Heilbrigðisráðherra:
Ingibjörg Sólrún Gísladóttir, ekki
af neinni sérstakri ástæðu.
Mennta- og menningarmálaráð-
herra:
Valgerður Sverrisdóttir.
Landbúnaðarráðherra:
Árni M. Mathiesen, orðinn VAN-
UR dýralæknir eftir langa setu í
þingflokki Sjálfstæðisflokksins. Þá
verður hann löngu búinn að bola ÓI-
afiG. úr fyrsta sætinu í Reykjanesi.
Svo gætu allir þessir verið famir út
og nóg er af öðrum mönnum til að
taka við.
Mennta- og
menningarmála-
ráðherrann: Val-
gerður Sverris-
dóttir biður Guð
um meiri peninga
í menningarmálin.
Kristín Halldórsdóttir
starfskona Kvennalistans
Hefði ég verið spurð árið 1985
hvemig skipan borgarstjómar
Reykjavíkur yrði áratug síðar hefði
ég vafalaust þótt óhóflega bjartsýn ef
ég hefði korrúst eitthvað nálægt
veruleikanum sem nú blasir við. En í
ljósi þess veruleika og þar sem áhrif
Kvennalistans em alltaf að skila sér
betur og betur, ætla ég að leyfa mér
hæfilega blöndu af raunsæi og bjart-
sýni og spá helmingaskiptum kynj-
anna í ríkisstjóm árið 2005. Menn
hljóta að vera famir að átta sig á því
þá, hvað konur hafa mikið til mál-
anna að leggja. Vonandi verða þess-
ar konur allar, með kvenfrelsissjón-
armiðin á hreinu. Ég ætla ekki að
nefna nein nöfn, en ég þekki margar
framúrskarandi kvennalistakonur á
heppilegum aldri.
Engin nöfn nefnd,
en við þekkjum
eina kvennalistak-
onu á heppilegum
aldri: Þómnn Svein-
bjarnardóttir, fram-
kvæmdastjóri
Kvennalistans.