Alþýðublaðið - 07.09.1995, Síða 1

■ Ungt fólk greiðir atkvæði með fótunum og flýr land meðan
ríkisstjórnin unirvið helmingaskipti um óbreytt ástand
Vaxandi vonleysi um batnandi hag
-segir Jón Baldvin Hannibalsson, formaður Alþýðuflokksins.
„Ríkisstjórnin virðist gersneydd
allri framtíðarsýn og unir við helm-
ingaskipti um óbreytt ástand. Hér er
landflótti vegna vaxandi vonleysis um
batnandi hag og þeir sem greiða at-
kvæði með fótunum eru tiltölulega
ungt fólk sem hefur misst vonina um
geta séð fjölskyldu farborða vegna
þess að laun eru lág, verðlag ofurhátt
og vonin um breytingar fer þverr-
andi,“ segir Jón Baldvin Hannibals-
son, alþingismaður og formaður Al-
þýðuflokksins, í viðtali við blaðið.
Jón Baldvin segir ástæðulaust að
gera h'tið úr þeim árangri sem náðist á
seinasta kjörtímabili í íslensku at-
vinnulífi. Hann sé umtalsverður og lág
verðbólga og hagstætt gengi hafí snú-
ið afkomu fyrirtækja mjög til betri
vegar. „Það var ávísun á efnahagsbata
en hann er nú að fjara út. Það er vegna
þess að þótt fyrirtæki bæti afkomu
sína og greiði niður skuldir þá eru þau
ekki að taka ákvarðanir um fjárfest-
ingar vegna þess að þau hafa enga trú
á framtíðinni. Á íslandi er ekkert að
gerast á sama tíma og þróunin geysist
áfram á sjömílnaskóm nánast hvar
sem litið er allt í kringum okkur. Is-
land er að dragast afturúr, stöðnunar-
einkennin blasa við og vantrúin á
framtíðina ýtir undir landflótta," segir
formaður Álþýðuflokksins. Jón Bald-
vin segir að þegar þing komi saman
verði helstu mál þess fjárlagafrum-
varpið og skattamálin. Ríkisstjómin
boði áfram viðvarandi halla á fjárlög-
um og heilbrigðisráðherra hyggist
ganga lengra á sviði þjónustugjalda og
tekjutengingu bótagreiðslna. Alþýðu-
flokkurinn muni hvetja til endurskoð-
unar á skattamálum og mál sem varða
bændur og neytendur verði mjög á
dagskrá þingsins. - Sjá baksíðu.
■ Enn eru 651 atriði innan
sviga í 131 blaðsíðu
lokaskjali sem til stendur
að samþykkja á Kvenna-
ráðstefnunni í Peking
„Amnesty
leggur áherslu
á að svigarnir
falli út"
- segir Jóhanna K. Eyjólfs-
dóttir, framkvæmdastjóri
íslandsdeildar Amnesty
International.
„Amnesty Intemational hefur, eins
og mörg önnur félagasamtök, áheym-
arfulltrúa á opinbem kvennaráðstefn-
unni í Peking. Pierre Sané aðalfram-
kvæmdastjóri samtakanna er staddur í
Peking og Amnesty ætlar að halda
blaðamannafundi á hverjum degi og
upplýsa hvaða ríki standa í vegi fyrir
því að svigar verði afnumdir úr plagg-
inu“, segir Jóhanna K. Eyjólfsdóttir,
framkvæmdastjóri Islandsdeildar
Amnesty Intemational.
Enn em 651 atriði innan sviga í 131
blaðsíðu plaggi sem til stendur að
samþykkja á Kvennaráðstefnunni.
„Amnesty leggur áherslu á að svig-
arnir falli út og að mannréttindi
kvenna verði fullkomlega virt í loka-
skjalinu. Að auki leggur Amnesty
áherslu á fjármálaþáttinn; hingað til
hefur lítið verið talað um peninga, en
hvernig á að framkvæma ályktanir
lokaskjalsins? Það verður að vera
tryggt í lokaskjalinu að Sameinuðu
þjóðimar leggi fram fjármagn til að
hrinda samþykktinni í framkvæmd.
Amnesty hefur lagt fram 15 atriða
plagg sem kveður á um hvað verður
að vera inni á lokaplagginu. Þessi
fimmtán atriði taka til mannréttinda
kvenna - og karla - og í fyrsta atriði
er kveðið á um að mannréttindi
kvenna séu órjúfanleg og altæk.
Allar Amnestydeildir hafa komið
þessu plaggi til sinna landanefnda sem
em í Peking og hópur Amnestyfólks
sem er í Kína núna gerir allt sem hann
getur til þess að tryggja að þessi atriði
endurspeglist í lokaskjalinu."
Jóhanna: Amnestyfólk í Kína gerir
allt sem það getur til þess að
tryggja sjónarmið sín í lokaskjalinu.
■
Ragnheiður,
Andreas og
Hulda opna
sig í Nýló
Á laugardaginn opna 4
sýningar í Nýlistasafn-
inu, Vatnsstíg 3b. Ragn-
heiður Hrafnkeisdóttir
sýnir tvö verk í efri söl-
um safnsins, Hulda Ág-
ústsdóttir sýnir verk í
forsal, Þjóðverjinn
Andreas Karl Schulze
sýnir málverk í aðalsal
og Jón Laxdal Halldórs-
son er gestur safnsins í
setustofu. Sýningarnar
eru opnar alla daga frá
klukkan 14:00 til 18:00 og
standa til 24. september.
A-mynd: E.ÓI.
■ Fylgi Þjóðvaka hrunið niður úr öllu valdi -1,6 prósent
Þetta veldur engri skelfingu
meðal Þjóðvakafólks
- segir Mörður Amason, vara-
þingmaður Þjóðvaka: „Það get-
ur vel verið að Þjóðvaki haldi
áfram að fá þetta fylgi í könnun-
um frameftir þessu kjörtímabili.
Svona kannanir segja hinsveg-
ar. ekkert um það hvað listinn
færíkosningum".
„Ég er ekkert skelfdur yfir niður-
stöðum þessarar skoðanakönnunar og
þetta veldur engri skelfingu meðal
Þjóðvakafólks. Það var ljóst eftir
kosningar, að menn höfðu orðið fyrir
vonbrigðum og það kom strax ífam í
skoðanakönnunum. Ég tek eftir því að
undanfarið hafa heyrst sameiningar-
raddir innan Alþýðuflokksins og Al-
þýðubandalagsins sem við í Þjóðvaka
vorum einir um að hafa uppi í vor og
snemmsumars. Þetta er ákaflega
ánægjulegt og kannski er núverandi
stuðningur við A-flokkana að ein-
hveiju leyti því að þakka. Ég er ekki
hissa á þessum niðurstöðum Gallup,
en hinsvegar er þetta auðvitað þannig í
þessari gruimu umfjöllun sem við bú-
um við á íslandi, að þar þykir þægi-
legast að tala um pólitflc í einhveijum
talnastærðum og það getur vissulega
verið óþægilegt fyrir þá sem eru að
reyna vinna öðruvísi," sagði Mörður
Árnason, varaþingmaður Alþýðu-
bandalagsins í samtali við Alþýðu-
blaðið í gær. Tilefni þessara ummæla
varaþingmannsins er sú staðreynd, að
fylgi Þjóðvaka heldur áfram að
minnka samkvæmt skoðanakönnun
Gallup á fylgi flokkanna, en í nýleg-
um niðurstöðum kemur fram að fylgi
flokksins meðal kjósenda í dag er að-
eins l,6prósent.
„Það getur vel verið að Þjóðvaki
haldi áfram að fá þetta fylgi í könnun-
um frameftir þessu kjörtímabili.
Svona kannanir segja hinsvegar ekkert
um það hvað listinn fær í kosningum,
enda gilda þar önnur lögmál. Þessi
fyrstu misseri kjörtímabilsins ætlar
Þjóðvaki afturámóti ekki að mæla ár-
angur sinn í skoðanakönnunum. Hann
mæhr árangur sinn í áhrifum á samfé-
lagsumræðuna og ekki síst í samein-
ingarmálum jafnaðarmanna."
Mörður neitaði því að einhver flótti
hefði brostið í ráðir Þjóðvakafólks.
„Nei, það hefur einungis einn félagi
okkar, Ólína Þorvarðardóttir, sagt
sig úr flokknum síðan í kosningunum
og það varð eitthvert mesta pólitíska
mál þessa mánaðar. Ég veit ekki til
þess að nokkur annar hafi gengið úr
Þjóðvaka.“
Mörður var því næst spurður hvort
hann teldi forystumenn Álþýðuflokks
og Alþýðubandalags hafa verið að
skreyta sig með stolnum fjöðrum í
sameiningarmálum jafnaðarmanna -
með vísan til orða hans hér í upphafi.
Mörður: Það var Ijóst eftir kosning-
ar, að menn höfðu orðið fyrir von-
brigðum og það kom strax fram í
skoðanakönnunum. A-mynd: E.ÓI.
„Þeir hafa undanfarið verið að gefa út
ávísanir og það verður auðvitað að
vera innistæða á reikningnum fyrir
þeim ávísunum. Því treystir almenn-
ingur og því treysta áhugamenn um
framgang jafnaðarstefnunnar á land-
inu. Eg held persónulega að margir af
þessum forystumönnum séu einlægir,
en þeir eru vitaskuld einnig leikmenn
á og við taflborðið. En ég veit að for-
ystumenn Þjóðvaka eru einlægir í sín-
um vilja,“ sagði Mörður að lokum.
„Egeráþeirri
hræðilegu
skoðun"...
„Ég hef reyndar verið að skrifa
leikrit og sögu... Ég hætti samt
aldrei að skrifa ijóð, því mér þykir
vænst um það. Ég er á þeirri
hræðilegu skoðun að Ijóðin komi
einhvers staðar að og að ég sjái
bara um að fanga þau. Á meðan
þau halda áfram að koma skrifa ég
ijóð. Það er ekkert mystískt við
það hvernig þau koma," segir
Bragi Ólafsson Ijóðskáld í viðfali á
blaðsíðu 5. A-mynd: E.ÓI.
■ Samþykkt þingflokks
Alþýðuflokksins
Krefjast skýrslu
um mistök í
GATT-málinu
„Þingflokkur Alþýðuflokksins -
Jafnaðarmannaflokks Islands - mun
beita sér fyrir því við upphaf þings í
haust, að krefja forsætisráðherra um
skýrslu um framkvæmd GATT-samn-
ingsins. Hver mistökin hafa rekið ötm-
ur í afgreiðslum ríkisstjórnarinnar á
innflutningsmálum, sem tengjast
GATT, þannig að nauðsynlegt er að
hún geri hreint fyrir sínum dyrum,“
segir í nýrri samþykkt þingflokks Al-
þýðuflokksins. í samþykktinni er enn-
fremur sagt að ríkisstjórnin þurfi að
greina frá því „hvernig hún hyggst
leiðrétta ítrekuð mistök sín svo samn-
ingurinn geti stuðlað að lækkun mat-
vöruverðs, aukinni samkeppni og fjöl-
breyttara vöruúrvali neytendum til
hagsbóta. Þá telur þingflokkur Al-
þýðuflokksins nauðsyn bera til, vegna
afstöðu landbúnaðarráðherra til samn-
ingsins, að forræði í tollamálum inn-
fluttra landbúnaðarafurða verði fært
frá landbúnaðarráðuneytinu yfir til
fjármálaráðuneytisins, þar sem öll
tollamál eru vistuð.“
■ Fylgi Þjóðvaka
„ Við erum
sallaróleg"
- segir Ágúst Einarsson, al-
þingismaður Þjóðvaka.
„Við líturn þessa niðurstöðu ekk-
ert sérstaklega alvarlegum augum.
Yfir sumarmánuðiua er lítið að ger-
ast í pólitík og þá er ekki óeðlilegt
að nýtt afl sé ekki mjög sterkt í
skoðanakönnunum,“ sagði Ágúst
Einarsson, alþingismaður Þjóð-
vaka, í samtali við Alþýðublaðið, en
fylgi flokksins er nú 1,6% sam-
kvæmt skoðanakönnun Gallup.
„Við myndum taka meira mark á
svona könnun þegar pólitíkin er
farin í gang og umræða komin á
stað. Þess vegna leggjum við ekki
mikið uppúr þessari könnun núna.
Hins vegar eru skoðanakannanir
alltaf vísbendingar, en það er
kannski ekki mjög mikið leggjandi
uppúr þeim á þessum árstíma og
við erum sallaróleg,“ sagði Ágúst
Einarsson.