Alþýðublaðið - 24.01.1996, Qupperneq 5

MIÐVIKUDAGUR 24. JANÚAR 1996
ALÞÝÐUBLAÐK)
5
bessastaðabardaqinn
eika þeirra
ójöfn, sumir
5spor sem getur reynsttil trafala, aðrir þykja jafnvel full flekklausir
Ellert B. Schram
PIús: „Ellert getur notað það í
kosningabaráttu að hann er orðinn
mjög sjóaður í diplómatahlutverki
fyrir íþróttahreyfinguna í útlönd-
um. Það mun hann áreiðanlega
nota, auk þess sem hann hefur ver-
ið þokkalega bjartur og farsæll í
ritstjórastarfi - og að vissu leyti í
pólitík."
„Hann er drengur góður, ágætur
tækifærisræðumaður sem býður af
sér góðan þok'ka, en hefur kannski
ekki mikla forsetaeiginleika um-
fram það.“
„Hann er sympatískur og geð-
þekkur maður, en hann hefur ekk-
ert í það að verða forseti.“
Mínus: „Mig grunar að hann
hafi mjög lítið til brunns að bera
til að næra þjóðina vitsmunalega
séð. Hann er svona svolítill
Páimi.“
„Ellert hefur grafið undan tiltrú
fólks með því að líta á embætti
forseta eins og hverja aðra vinnu.
Þetta virkar eins og hann sé reikull
og sækist eftir embættinu svona
meðal annarra metorða sem hann
gæti hugsað sér.“
„Ellert vantar þá virðingu sem
til þarf, hann hefur tapað of oft til
að koma til greina sem sigurveg-
ari. Styrkleiki hans kann að liggja
innan íþróttahreyfingunni en veik-
leiki í ofmati á eigin ágæti.“
„Fólki finnst hann vera dalandi
stjarna. Hann líður líka fyrir að
hafa farið í fýlu og hætt í pólitík."
Bakland: „Ellert er þrátt fyrir
allt forseti íþróttasambands Is-
lands sem eru fjöldasamtök. Eg
held líka að hann sé vel kynntur
innan íþróttahreyfingarinnar og
geti sótt fylgi þangað miklu fremur
en Pálmi. fþróttamenn eiga
kannski ekki eftir að fórna sér þús-
undum saman fyrir hann, en hann
á þó að geta nýlt sér þetta batterí
að einhverju leyti.“
Næstu skref: „Ég held að það
sé einna helst að ráðleggja honum
að fara ekki í framboð."
Guðrún
Pétursdóttir
Plús: „Það er erfitt að átta sig á
Guðrúnu. Hún hefur margt til
brunns að bera, menntun, hæfi-
leika, tungumálakunnáttu. Það er
verulega mikið bein í nefinu á
henni og að því leytinu er hún eng-
in Guðrún Agnarsdóttir eða Vigdís
Finnbogadóttir. Ég mundi segja að
hún væri þungaviktarmanneskja í
embættið, ef.fólk á annað borð vill
svoleiðis einstakling á forsetastól.“
„Það er einhver brilljans í henni
og ef hún spilar rétt úr stöðunni
held ég að hún eigi að hafa mikla
möguleika."
„Hún gæti veitt nýjum ferskleika
inn í embættið með gáfum sínum,
hugmyndaauðgi og glæsileika."
„Það heyrast raunar raddir um
að embættið megi ekki verða ein-
hver einkaeign kvenna og að það
gæti haft áhrif. Eflaust vegur þó
þyngra að því hefur verið gegnt af
konu með miklum sóma og margir
munu telja rétt að kona gegni því
áfram.“
„Ætterni hennar er bæði styrk-
leiki og veikleiki. Hún nýtur efa-
laust trausts margar sjálfstæðis-
manna vegna þess en jafnframt eru
þar ýmsir sem finnst nóg komið af
Engeyjarættinni í æðstu stöðum og
áhrifum hennar."
Mínus: „Veikleiki hennar er
hversu fáir þekkja hana og hvað
hún hefur verið lítið í umræðunni.
Hún þarf á öllurn þeim tíma að
halda sem er til kosninga til að
kynna sig og það er ákveðinn
vandi að forsendurnar eru ekki
ljósar, nefnilega við hverja er
etja.“
„Ég held að það sé.veikleiki
Guðrúnar að hafa verið í öllum
þessum skæruhernaði. Þótt hún sé
mikil baráttukona og hafi sýnt
Davíð og Hrafni tvo í heimana, þá
hefur hún fyrst og fremst virkað á
mann sem nokkurs konar skæru-
liði.“
„Það gæti reynst erfitt að ná
stuðningi landsbyggðarinnar sem
þekkir lítið til hennar, ef til vill að
undanskildum Vestfjörðum."
„Eiginmaður hennar er náttúr-
lega ekki síður þekktur en hún og
mér er ekki alveg ljóst hvort hann
verði henni til framdráttar. Þó held
ég að það gæti verið kostur fyrir
konu sem sækist eftir forsetaemb-
ætti að hún eigi mann sem er nógu
sérstakur til að verða ekki eins og
einhver drottningarmaður sem
hangir aftan í henni. Mér sýnist að
Ólafur Hannibalsson sé þess konar
maður, en þó rná vera að þjóðinni
kunni að þykja hann full sérvitur."
„Guðrún þykir skondin,
skemmtileg og sjarmerandi. Það er
hins vegar þröngur hópur sem veit
af því og vill gera hana að forseta.
En þessi hópur er svo ánægður
með frambjóðandann sinn að hon-
um er mjög hætt við að ofmeta
hana og möguleikana til að afla
henni fylgis.“
Bakland: „Hún er náttúrlega á
dálítið sérstökum stað stað í pólit-
ík. Hún er af þessum fínu sjálf-
stæðisættum en um leið virkar hún
svolítið eins og svarti sauðurinn í
fjölskyldunni með því að hafa ver-
ið á móti Ráðhúsinu og ávarpa
’68-kynslóðina á nýársböllum.
Hún gæti semsagt haft mjög breiða
skírskotun í báðar fylkingar, til
hægri og vinstri."
„Hún getur náttúrlega fyrst og
fremst vænst stuðnings meðal
menntafólks. En það er líka styrk-
leiki hjá henni hvaðan hún er ætt-
uð. Thorsættin og Engeyjarættin
og allt það fólk er mjög sterkt bak-
land, ekki bara fjárhagslega sem
skiptir auðvitað mjög miklu máli,
heldur líka meðal þjóðarinar sem
finnst hún vera af konungakyni og
vill hafa slíka manneskju í for-
svari."
Næstu skref: „Það sem þarf
fyrst og fremst að gera við Guð-
rúnu er að fá hana til að vera hana
miklu ábyrgari og landsmóðurlegri
en í þessu viðtali sem var tekið við
hana í sjónvarpinu á mánudaginn.
Það þarf að gera hana mun yfir-
vegaðri."
„Guðrún er alveg óskrifað blað
og af öllum frambjóðendum er
flóknast að leggja upp kosninga-
baráttu fyrir hana. Maður breytir.
ekki ímynd Davíðs, Jóns Baldvins
eða Ólafs Ragnars, maður lætur þá
vera nokkurn veginn eins og þeir
eiga að sér og reynir að forðast
mistök. Hjá Guðrúnu erum við að
tala um allt aðra hluti. Það þarf að
móta ímynd hennar og reyna að
koma henni til skila. Þetta er í raun
spurning um að búa til einhvers
konar persónu og því er kosninga-
baráttan hennar að vissu leyti
óskastarf fyrir menn sem eru svo
ánægðir með sjálfa sig að þeir
halda að þeir geti mótað einhverja
draumakaraktera fyrir þjóðina.“
Steingrímur
Hermannsson
Plús: „Kostir hans eru þeir einir
að hann er búinn að vera lengi í
pólitík og á þrátt fyrir allt ákveð-
inn hóp sem hefur á honum blint
traust og fær honum aldrei full-
þakkað fyrir öll árin sem hann
stýrði þjóðarskútunni til andskot-
ans. Þetta eru þrátt fyrir allt ein-
hverjar þúsundir manna.“
„Steingrímur hefur náttúrlega
áratuga uppsafnaða pólitíska
reynslu. Hluta þjóðarinnar finnst
hann líka vera sá stjórnmálamaður
sem hefur skilið sig best - svona á
sinn hátt. Það má heldur ekki
gleyma luralegu fasinu sem vekur
væntumþykju í huga helmings
þjóðarinnar."
„Steingrímur gæti reynst sterkur
kandídat þegar baráttan fer að
harðna. Hann er einn af vinsælustu
núlifandi stjórnmálamönnum og
hefur fylgi langt út fyrir sinn
flokk.“
„Það er einkennilegt en satt að
fólk virðist treysta Steingrími.
Þess vegna gæti hann komist
nokkuð langt þrátt fyrir að vera
útjaskaður pólitíkus."
Mínus: „Hann er of gamall og
löngu orðinn þreyttur og búið að
parkera honum. Raunar skorti
hann alltaf þá dýpt sem þarf til að
höndla forsetaembættið, enda var
hann alla tíð fyrst og fremst klókur
sáttasemjari og baktjaldamaður. Ég
held það sé útilokað að þjóðin velji
sér Steingrím sem forseta."
„Ég held ekki að þjóðin sé á
höttunum eftir afa sínum í þetta
embætti og maður sem lætur múra
sig inn í Seðlabanka í staðinn fyrir
að gera eitthvað skemmtilegt í ell-
inni hefur ekki karaktersveifluna
sem þarf í þetta embætti.“
„Ég held að hans metnaður hans
sé of rislágur, þótt hann sé ágætur
maður. Þjóðinni þykir vænt um
hann og hann hefur að mörgu leyti
verið farsæll, en hann hefur ekki
þá eiginleika sem þjóðin vill sjá í
embættinu.“
„Eftir öll árin í pólitíkinni eru
ótal axarsköft sem hægt er að
herma upp á Steingrím þegar hent-
ar. Það er líka spurning hvort þorra
þjóðarinnar þyki hann núorðið
ekki of púkó til að verða forseti."
„Það er náttúrlega veikleiki að
tala um að gegna stöðunni til fjög-
urra ára, fólk vill stöðugleika í for-
setaembættinu. Sjálfstæðismenn
gætu þó bitið á agnið og metið það
þannig að þarna leysist vandi Dav-
íðs, því auðvitað mundi það henta
honum betur að fara fram eftir
fjögur ár. En kannski er þetta bara
brella hjá Steingrími til að fá
stuðning."
Bakland: „Bakland Steingríms
er þreytt eins og hann. Hann á sér
fyrst og fremst stuðningsmenn í
eldri kantinum, fólk sem er yfir
fimmtugt og hefur ekkert að gera
lengur í svona pjakka eins og
munu verðu í kringum aðra fram-
bjóðendur. Hann er hættur að vera
foringi þannig að baklandið hans
er núll.“
„Framsóknarmenn munu
kannski fara vel með það, en ekki
einu sinni þeir kjósa Steingrím.
Þeir eru að reyna að vera nútíma-
menn og hann minnir of mikið á
gamla Framsóknarflokkinn. Obb-
inn af Framsóknarflokknum mundi
líklega frekar kjósa Davíð en
Steingrím."
Næsta skref: „Hiklaust að láta
hann ekki fara fram.“
X
Olafur Egilsson
Plús: „Að því ég best veit er
eini kosturinn við Olaf sem for-
setakandídat að hann hefur dip-
lómatíska reynslu og flekklaust
mannorð.“
„Ólafur er grandvar og góður
diplómati, óaðfinnanlegur maður,
siðfágaður og kurteis heimsborg-
ari.“
„Ef þjóðin vildi fá svona litla
kóngsímynd eða svona lítil kon-
ungshjón, þá mundu Ólafur og
kona hans sóma sér vel. Mér finnst
hann hafa talsvert nrikið í þetta og
kannski ekki síður konan hans sem
er mun litríkari manneskja. Þetta
er gáfað fólk og kann sig afskap-
lega vel.“
„Styrkleiki Ólafs felst fyrst og
síðast í reynslu hans og þekkingu á
erlendum samskiptum en veikleik-
inn jafnframt í karakterleysi emb-
ættismennskunnar.“
Mínus: „Ólafur er fulltrúi di-
plómatíunnar og að rnörgu leyti
hliðstæðan við Pétur Thorsteinsson
í síðustu forsetakosningum. Ég
held að hann eigi ekki neina
möguleika á að afla sér vinsælda
vegna þess að þjóðin ber enga
virðingu fyrir embættismannastétt-
inni lengur, né sendiherrum sér-
staklega“
„Hann hefur unnið störf sín í
kyrrþey og það veit enginn hver
hann er. Eg held að eins og staðan
er í dag þyrfti hann að lyfta grett-
istaki til að ná einhverjum ár-
angri."
„Eftir að Pétur Thorsteinsson
féll í kosningum finnst diplómöt-
um án efa að störf þeirra á erlendri
grund séu ekki metin að verðleik-
um. An efa er það satt, enda álíta
íslendingar að diplómatar séu
menn sem hafa það náðugt í út-
löndum, alveg burtséð frá því hvað
þeir eru gáfaðir, vel lesnir og tala
mörg tungumál."
Bakland: „Hann hefur verið það
mikið erlendis að það er ekki hægt
að ímynda sér annað en að bak-
landið hans sé mjög fámennt og
mjög reynslulítið í öllum kosn-
ingahasar."
Næstu skref: „Ég gef mér að
Ólafur sé það lítið þekktur að hann
þurfi langmestu peningana í kosn-
ingabaráttu. Það hefur verið talað
um að þurfi á bilinu 10 til 20 millj-
ónir króna og ég held að Ólafur
kæmist ekki af með minna en 20
milljónir. Ég efast um að hann
myndi leggja í slíkan kostnað."