Alþýðublaðið - 02.04.1996, Qupperneq 7

ÞRIÐJUDAGUR 2. APRÍL 1996
ALÞÝÐUBLAÐIÐ
7
+ Minning
Guðlaugur
Þorvaldsson
„Ertu virkilega að vinna með honum
Guðlaugi," sagði systir mín, þegar ég
hóf sumarstörf á Hagstofunni, fyrir yfir
þrjátíu árum síðan. Hann hafði kennt
henni í Verslunarskólanum, en var nú
skrifstofustjóri Hagstofunnar. Hafði
meðal annars umsjón með launakönnun
fyrir Kjaradóm, sem ég hafði fengið
vinnu við og ljómi stóð af honum í fjöl-
skyldunni.
Guðlaugur var jafn yndislegur yfir-
maður á Hagstofunni eins og hann hafði
verið kennari. Fyrir mig var Hagstofan
reyndar merkilegur virmustaður. Ég var
í hagfræði úti í Englandi og fékk nú
fyrsta aðgang að öllum hagstærðum,
sem mest vom ræddar úti og sem grund-
völluðu ákvarðanatöku í hagstjórn
landsins og stefhumótun í efnahagsmál-
um. Klemens Tryggvason, Hagstofu-
stjóri, var líka einstakur yfirmaður. í
allri framkomu eins og ég hafði helst
gert mér hugmyndir um notrænan kon-
ung. Glæsilegur, hreinskiptinn og alþýð-
legur. Þetta var skemmtilegur vinnu-
staður og mjög eftirminnilegur.
Við kynnin af Guðlaugi fann ég strax
hversu reynsluheirhur hans var víðfem-
ur og hann kunni að meta það sem ég
hafði áður fengist við í sumarvinnu.
Sveita- og blaðastörf, fiskvinna, sjó-
mennska og vegamál vom líka hans líf.
Hann kynnti mig persónulega fyrir því
stórkostlega fólki, sem þá fyllti hvert
rúm á Hagstofunni. Áka, Ingimari,
Hrólfi, Högna, Hjalta, Stefáni, Maddý,
Hildi og Ásthildi. Hann var einstaklega
félagslyndur og hrókur alls fagnaðar
hvarvetna, þar sem hann fór. Ósérhlífinn
dugnaðarforkur og einn glæsilegasti
dansherra, sem ég hef séð til á gólfinu.
Kaffistofa Amarhvols á þessum tíma
var jafnan vettvangur mikilla atburða,
ekki síst á skákborðinu. Opinmynntur
fylgdist ég með öllum snillingunum, en
engum tjáði að tefla til sigurs við stjóm-
arráðið á þessum tíma. Guðlaugur hafði
verið formaður starfsmannafélagsins og
átti sinn þátt í aðstöðunni. í síðdegisk-
affið komu svo Klemens og Torfi Hjart-
arson tollstjóri, spjölluðu saman, - alltaf
við sama borðið, og þá vissi ég að ís-
lenska lýðveldinu væri vel borgið.
Nokkmm árum seinna lágu leiðir
okkar Guðlaugs aftur saman upp í Há-
skóla. Ég var deildarfulltrúi Heimspeki-
deildar þegar Guðlaugur var kosinn
rektor, en vegna vináttu við hann og
Stefán Sörenson háskólaritara, sinnti ég
strax nokkram verkefnum á aðalskrif-
stofunni og fór alfarið þangað, þegar
Guðlaugur var endurkosinn rektor eftir
þrjúár.
Um þetta leyti var ég einnig í stjóm
Félags háskólakennara og knúðum við
mjög á við háskólayfirvöld um lausn or-
lofsmála félagsins. Guðlaugur hóf þá
hið mikla starf við endurappbyggingu
Herdísarvíkur og afhenti félaginu stað-
inn til ráðstöfunar. Einnig fengum við
helming Háskólans í Halldórsstöðum í
Laxárdal og undir forystu Gunnars
Schram prófessors byggðum við í
Brekku í Biskupstungum. An skilnings
og áhuga Guðlaugs á öllu þessu, er mér
til efs að þetta allt hefði tekist.
Guðlaugur hafði mikið yndi af ferða-
lögum og stundum skelltum við okkur
saman í bíltúr út úr bænum, til dæmis til
Herdísarvíkur eða upp í Borgarfjörð.
Við fórum jafnan Krísuvíkurleiðina til
Herdísarvíkur og þá minntist Guðlaugur
æskuáranna. Hann þekkti hvert fjall,
holt og mýri. Hafði smalað þetta allt
sem unglingur. Hann átti yndislegan
sumarbústað upp í Skorradal og stoltur
sagðist hann hafa borið með strákunum
sínum megnið af efninu í bústaðinn upp
gönguslóðann til þess að hlífa birkinu
kringum bústaðinn.
Mikið annríki var hjá Guðlaugi sem
háskólarektor og reyndi á hann í stjóm-
sýslunni og byggingarmálum. Auka-
störfin hlóðust líka á hann. Hann vann
til dæmis að sameiningu flugfélaganna
íslensku, var skipaður í sáttanefndir og
var fylgdarmaður erlendra þjóðhöfð-
ingja á Islandi. Eitt sinn í boði á Bessa-
stöðum, þegar mikið gekk á i þinginu,
vildi þáverandi forsætisráðherra, Ólafur
heitinn Jóhannesson, skála sérstaklega
við hinn „áhyggjulausa" rektor og kink-
aði Kristján heitinn Eldjám forseti kolli
brosandi. Stuðningur við forsetafram-
boð Guðlaugs, kom víða að og ótvírætt
tel ég að ríkisráðið hafi treyst honum til
starfans.
Sem sáttasemjari hafði Guðlaugur
upphaflega aðstöðu í Tollstjórahúsinu
og við vorum saman í bíl í Tryggvagöt-
unni þegar útvarpið bar fyrst fréttina um
framboð Vigdísar Finnbogadóttur til
embættis forseta íslands. ,JNú er ég fall-
inn,“ sagði Guðlaugur. Mér fannst hann
skilja þetta þannig, að sérstaða hans hjá
félagshyggjufólki og launþegum, varð-
andi hina frambjóðenduma, væri nú
breytt. Einnig að hinn gífurlegi kraftur í
kvennahreyfingunni á þessum árum,
myndi skipta sköpum.
Um þetta leyti misstu þau Kristín
einn sona sinna í hræðilegu slysi og
hvernig þau bókstaflega héldu höfði
þessa erfiðu mánuði er mér ennþá
óskiljanlegt.
Mannkostir Guðlaugs sem sáttasemj-
ara dugðu þjóðinni vel. Þjóðarsáttar-
samningamir, sem tókust, þótt 200 þús-
und tonn af þorski hyrfu úr sjónum og
skuldimar væru að kaffæra okkur, vom
forsenda fýrir því að hægt var að vinna
sig verðbólgulaust út úr vandanum og
björt framtíð blasir nú við.
Að Guðlaugi stóð einstakt mann-
kostafólk. Fjölskylda hans er forystufólk
í útvegi og sölumálum afurða okkar,
slysavömum og félagsmálum. Þetta er í
hnotskum þjóðin við ysta haf, þiggur,
gleðst og þakkar og stendur saman í
mótlæti. I fimmtugsafmæli Guðlaugs
voru margar ræður haldnar. Meðal ann-
ars minntist ein æskuvinkona úr Grinda-
vík þess þegar þau bömin í plássinu
stóðu saman hönd í hönd og horfðu á
bátana koma inn úr brimsköflunum,
fram hjá boðum og klettum í friðarhöfh.
Pabba var borgið í það skipti.
í lífinu óskum við okkur öll vel-
gengni og hamingju. Þótt mótlætið
styrki stundum þá hjálpar ástúðin fyrst
og fremst fram veginn. Guðlaugur eign-
aðist yndislega konu, falleg og mann-
vænieg böm sem hann þakkaði sífellt
fyrir. Þau hafa nú mikið misst.
Ég sakna stundanna með Guðlaugi.
Gruflað um fegurð veraldarinnar, landið
og ferðalög, ástir og mannlíf, póhtík og
íþróttir. Ég þakka vini og velgjörðar-
manni stuðninginn, ráðin og samfylgd-
ina.
Algóður Guð styrki Kristínu, dreng-
ina, fjölskyldur þeirra, ástvini alla, vini
og vandamenn og veiti Guðlaugi mín-
um sinn frið.
GuðlaugurTryggvi Karlsson
Menntamálaráðuneytið
Laus staða
Laus ertil umsóknar staða rektors við Menntaskólann
við Sund. Staðan veitistfrá 1. ágúst 1996.
Umsóknir ásamt upplýsingum um menntun og
starfsferil sendist menntamálaráðuneytinu, Sölvhóls-
götu 4,150 Reykjavíkfyrir 27 apríl.
Menntamálaráðuneytið
29. mars 1996
Óskum Alþýðuflokknum til hamingju með 80 ára afmœlið
PITAN
Skipholti 50c
S.HELGASON HF
, SKÉMMUVEC3I 48 « SlMI BB7 BG7T
mEFAX SS7 8410
ora
STÉTT HF.tJ
HELLUSTEYPA ^
HYRJARHÖFÐI 8 - 11 2 REYKJAVÍK
Ctf-') 577 1 ^OO
. Fax: 5771701
Félag starfsfólks
í veitingahúsum
BIFREIÐASKOÐUN
ÍSLANDS HF.
©ATHUCUN hf
SKOÐUNARSTOFA
, KLETTAGÖRÐUM 11 • 104 R. SUNDAHÖFN
Smurstöðin Stórahjalla Kópavogi
Skeljungur hf.
Mosfellsbær
Fiskkaup hf.
HEKLA
LYF|AVERSLUN ISLANDS H F.
Borgartúni 7, 105 Reykjavík
iýKRISTALL
Hraðfrystihús Eskifjarðar

'málningh/f
- það segir sig sjálft -
Gjögur hf.