Alþýðublaðið - 05.06.1996, Síða 3

MIÐVIKUDAGUR 5. JÚNÍ1996
ALÞÝÐUBLAÐK)
3
s k o ð a n
Skítlegt eðli og heiðarleiki
Nú, eftir langa bið, fá kjósendur að
velja sér forseta. Reyndar var kosið
fyrir nokkrum árum en mótframbjóð-
andinn fékk vart merkjanlegt fylgi og
engin spenna var í þeim kosningum.
Nú er hins vegar spenna í gangi.
Pallborð |
Einhverjir hafa reyndar verið að
rakka niður embættið. Davíð nokkur
Oddsson, maðurinn sem velti því
lengi fyrir sér hvort hann ætti að
sækjast eftir embættinu, hefur upp á
síðkastið ekki gefið forsetaembættinu
háa einkunn. Davíð, sem og aðrir
sjálfstæðismenn, virðist líta á emb-
ættið sem valdalaust embætti, ef ekki
valdalaust méð öllu. En það er furðu-
legt að svona ',lítið“ embætti, skuli
vera svo gífurlega vinsælt í röðum
sjálfstæðísmanna. Af hverju eru
menn að sækjast eftir embættum sem
þeir segja að skipti ekki máli? Er
ástæðan sú að þeir vita að embættið
skiptir í raun máli?
Ólafur Ragnar og svekkelsið
Eftir nokkra leit fundu sjálfstæðis-
menn loks sinn frambjóðanda. Þetta
er ágætur frambjóðandi en gallinn er
samt sá að sjálfstæðismenn eru ekki
tilbúnir að styðja hann. í það minnsta
ekki allir. Svakalegt svekkelsi það og
ekki nógu gott. Menn deyja nú ekki
ráðalausir í Valhöll og hafa gripið til
örþrifaráða. Nú er eina ráðið að rakka
niður helsta keppinautinn. Það þykir
ekki sæma sjálfstæðismönnum að
styðja annán mann en sjálfstæðis-
mann, mann sem tilbúinn er að hlíta
flokksaga. Þessi frjálshyggjuflokkur
er það frjáls í skoðunum að það er
hneisa að kjósa annan en þann sem
uppfyllir þessi skilyrði.
Nýjasta útspilið er Jón Steinar
Gunnlaugsson. Það er sárt að þessi
ágæti lögfræðingur skuli ekki sætta
sig við lýðræðið, að fagmaðurinn
sjálfur skuli ekki sætta sig við dóma
sem fallnir eru. í augum Jóns er
hneisa að dæma fyrirtæki fyrir skatt-
svik. Og í augum Jóns Steinars er
hneisa að einhverjum skuli detta í
hug að fylgja samvisku sinni.
Jón Steinar gat ekki sætt sig við að
Ólafur nokkur Raghar yrði forseti.
Það er í sjálfu sér í lagi, enda máski
hans skoðun. En öllu verra er hin
ómerkilega tímasetning (og greinar-
gerð) sem var samin í þeim tilgangi
að sverta mannorð Ólafs. Maður í
þeirri stöðu sem Jón Steinar var í
verður að gæta hag allra frambjóð-
enda. Eftir útspil sitt hlýtur hann að
teljast með öllu óhæfur að gegna
starfi sínu, því með greinargerð sinni
beindi hann spjótum sínum augljós-
lega að einum frambjóðanda. Jón
Steinar gætti ekki hlutleysis og því
hlýtur hann að vera óhæfur til að
gegna starfi sínu. Ekki aðeins nú
heldur einnig í framtíðinni. Lýðræðið
má ekki við því að hann geri önnur
svona mistök. Og maður spyr sig, er
það ekki hneisa fyrir Jón Steinar að
hafa sagt þetta? Maður á í raun ekki
til eitt einasta orð til að lýsa því hvað
þessi maður leggst lágt.
En þetta sýnir einfaldlega örvænt-
ingu sjálfstæðismanna sem vilja um-
fram allt koma sínum frambjóðanda í
sæti forseta íslands. En Jón Steinar er
ekki einn um að vera örvæntingar-
fullur. Þingmaðurinn Arni Johnsen
þurfti að bæta örlitlu við um hneisu-
manninn Ólaf Ragnar.
Málið er einfalt. Sjálfstæðisflokk-
urinn, þessi stóri flokkur sem talar
um lýðræði er ekkert annað en af-
skræmd hugmynd af kommúnista-
flokkum austantjaldsþjóðanna. Þar
„Jón Steinar gat ekki
sætt sig við að Ólaf-
ur nokkur Ragnar
yrði forseti. Það er í
sjálfu sér í lagi, enda
máski hans skoðun.
En öllu verra er hin
ómerkilega tímasetn-
ing (og greinargerð)
sem var samin í þeim
tilgangi að sverta
mannorð Ólafs."
skiptir hlýðnin máli en ekki sjálfstæð
hugsun. Sjálfstæð hugsun virðist ekki
leyfileg í Sjálfstæðisflokknum. Sjálf-
stæði er ekki fyrir sjálfstæðismenn.
Ástþór Magnússon
Ekki er Ólafur sá eini sem hefur
fengið ómerkilega gagnrýni. Annar
frambjóðandi, Astþór Magnússon,
þarf einnig að sætta sig við það hlut-
skipti. Hann hefur verið gagnrýndur
fyrir svindl og óheiðarleika. Fjöl-
miðlar, sem og aðrir, hafa verið upp-
teknir við að sverta frambjóðandann
án þess að færa nægileg rök fyrir
gagnrýni sinni. Það kann vel að vera
að Ástþór sé ómerkilegur maður en
þeir sem halda því fram verða að
sýna þá ábyrgð að rökstyðja skoðun
sína. Það eru sjálfsögð mannréttindi
að viðkomandi fái heiðarlega um-
fjöllun þar sem sannleikanum er ekki
hagrætt.
Deilt er um hvar Ástþór fái pen-
inga til að kosta baráttu sína. En það
kemur málinu ekkert við, svo framar-
lega sem peningarnir eru fengnir. á
heiðarlegan hátt. Og ef það er ekki
vitað með vissu að Ástþór hafi hagn-
ast með svikum og prettum verðum
við að láta hann njóta vafans. Aug-
lýsingastofa ein hefur ásakað Ástþór
um að borga ekki skuldir sínar. Það
má vel vera að það sé rétt. En furðu-
legt þykir mér að auglýsingar á sjón-
varpsstöðvunum lifðu vel og lengi og
lifa enn. Ef Ástþór er ekki borgunar-
maður, hvemig getur hann þá auglýst
á sjónvarpsstöðvunum?
Ég er ekki neinn sérstakur tals-
maður Ólafs Ragnars né Ástþórs. Ég
er talsmaður lýðræðis og þess að
menn komi fram með athugasemdir
sínar án þess að lítillækka náungann.
Ef menn eru ósammála einhverjum
verða þeir að færa rök fyrir máli sín-
um. Framganga sem byggir eingöngu
á því að verið sé að lúta flokksagi eða
þjóna hagsmunum fárra útvalda
flokkast ekki undir rök. ■
Nú er staðfest að al-
þýðuflokksmenn eru
mestir friðarsinnar á ís-
landi, og kemur svosem
ekki á óvart. í skoðana-
könnun Gallup sem birt var
í fyrrakvöld kom í Ijós að
Ástþór Magnússon hafði
á skömmum tíma tvöfald-
að fylgi sitt - og er nú kom-
inn uppí 4 prósent. Úrtakið
var óvenju stórt, yfir tvö
þúsund manns, og tóku
um átján hundruð afstöðu.
Fram kom að hvorki meira
né minna en helmingur af
stuðningsmönnum Ástþórs
eru jafnframt fylgismenn
Alþýðuflokksins. Þetta þýð-
ir að 8,2 prósent alþýðu-
flokksmanna ætla að kjósa
postula friðarins...
Annars getur Ólafur
Ragnar Grímsson un-
að enn betur við stuðning
alþýðuflokksmanna, en
43,6 prósent þeirra styðja
hann samkvæmt Gallup-
könnuninni. Framsóknar-
menn gera þó betur við Ól-
af: tveir af hverjum þremur
styðja hann, og 85,2 pró-
sent allaballa. Stuðningur
sjálfstæðismanna við hann
hefur dvínað sjáanlega, og
er nú kominn niður í 25
prósent. Helmingur sjálf-
stæðismanna er farinn yfir
í herbúðir Péturs Kr. Haf-
steins. Hinsvegar styðja
aðeins 12,7 prósent al-
þýðuflokksmanna Pétur og
má geta þess að Guðrún
Agnarsdóttir og Guðrún
Pétursdóttir hafa báðar
meira fylgi í Alþýðuflokkn-
um einsog staðan er
núna...
Nýlega var undirritaður
samningur milli Máls
og menningar og eigenda
Súfistans, kaffihúss við
Strandgötu í Hafnarfirði,
um rekstur svokallaðs
bókakaffis í bókabúð Máls
og menningar við Laugar-
veg, nánar tiltekið á ann-
arri hæð verslunarinnar.
Bókakaffið mun opna í ág-
úst og er ætlunin að bjóða
gestum uppá hvoru
tveggja nýmalað kaffi og
upplestur úr bókmennta-
verkum...
"FarSide" eftir Gary Larson
„Hentu, Egill!... Hennnnnntu!... Hentu hentu hentu hentu
hentu!"
fimm á förnum vegi
Hvernig finnst þér kosningabaráttan hafa farið fram?
Ólafur Borgar Hreiðarsson
hárgreiðslusveinn: Mér
finnst hún mjög málefnaleg.
Hallgrímur Einar Hannes-
son vegfarandi: Þetta er allt-
af sama, gamla rullan enda
skiptir embættið engu máli.
Hafliði Skúlason markaðs-
stjóri: Mér finnst hún heldur
subbuleg, og ég hygg að það
eigi eftir að versna.
Ágústa Sigurðardóttir
hárgreiðslumeistari: Mér
finnst hún nokkuð heiðarleg og
vonandi helst það þannig.
Magnús Stefánsson bygg-
ingameistari: Mér finnst hún
heiðarleg og málefnaleg.
Samkvæmt heimildum DV er
Jón Baldvin Hannibalsson for-
maður Alþýðuflokksins farinn
að aðstoða Guðrúnu Péturs-
dóttur, mágkonu sína, í bar-
áttunni um stólinn á Bessa-
stöðum.
Frétt í DV í gær.
Sé það rétt, sem ég veit svo
sem ekkert um, að ákvörðun
mín sé til þess fallin að spilla
fyrir framgangi Ólafs við
kosningarnar, er það alveg
ljóst, að það var Ólafi afar
hagstætt, að ákvörðunin var
ekki tekin fyrren að loknum
framboðsfresti.
Jón Steinar Gunnlaugsson er ekki hættur: í
gær birti hann langa grein í Mogganum:
„Um viðbrögö úr herbúðum
Ólafs Ragnars".
íslenskt atvinnulíf er vegna
smæðar, einangrunar og ríkis-
verndaðrarfákeppni ekki
samkeppnishæft við erlent.
Jónas Kristjánsson í forystugrein DV í gær.
Jón Steinar flutti mál skjól-
stæðinga sinna fyrir óviihöll-
um dómstóli í undirrétti og
tapaði. Hann áfrýjaði og flutti
mál skjólstæðinga sinna fyrir
Hæstarétti og tapaði.
Vilhjálmur H. Vilhjálmsson laganemi
í kjallaragrein í DV ( gær.
Jóni Ásgeirssyni og aðstand-
endum óperusýningarinnar...
óska ég hjartanlega til ham-
ingju. Sýningin á Galdra-Lofti
í íslensku óperunni er fágætur
listviðburður.
Þuríður Pálsdóttir í Morgunblaöinu í gær.
Við höfum átt Kristján og á
dögunum var Jón Rúnar Ara-
son að bætast í hópinn - nú
vantar bara einn stórtenór til
að búa til hóp sem getur tekið
við af þeim þremur stóru sem
hingað til hafa einokað topp-
inn - Pavarotti, Domingo og
Carreras. Sá er sennilega að
mjólka kýr eða gefa fé í borg-
firskum dal eða skagfirskri
sveit.
Garri Tímans.
fréttaskot úr fortíð
Náðun
Ríkisstjórinn í Kansas fékk nýlega
einkennilega náðunarbeiðni viðvíkj-
andi glæpamanni að nafni Walter
Mac Gee, sem dæmdur var í raf-
magnsstólinn vegna þess að hann
hafði rænt dættur milljónamæringsins
Mc Elroy og krafðist 30.000 dollara í
lausnargjald. En nú hefir rænda stúlk-
an beðið ríkisstjórann að náða glæpa-
manninn og dæma hann heldur í æfi-
langt fangelsi. Hún segist ekki geta
hugsað til þess, að maður sé dæmdur
til dauða vegna sín.
Sunnudagsblað Alþýðublaðsins,
4. ágúst 1935.