Alþýðublaðið - 09.07.1996, Qupperneq 1

■ Yfirlækninum á Sogni sagt upp. Réttargeðdeildin hefur fengið
hæstu einkunn erlendra sérfræðinga en nú óttast menn að hún
verði einungis geymslustaður fyrir ósakhæfa afbrotamenn
Hef miklar áhyggjur
af ástandinu á Sogni
- segir Sighvatur Björgvinsson fyrrverandi heilbrigðis-
ráðherra. „Markmiðið með Sogni ekki að vista sjúk-
lingana til frambúðar heldur veita þeim meðferð svo
þeir geti snúið út í lífið sem nýtir þjóðfélagsþegnar."
„Ég hef miklar áhyggjur af því
sem er að gerast þarna. Einhverjir
muna kannski eftir þeim hama-
gangi sem varð þegar þessu heim-
ili var komið á fót og ég bið fólk
að hugleiða hvort það vilji sjá það
ástand aftur,“ segir Sighvatur
Björgvinsson fyrrverandi heil-
brigðisráðherra um ástandið á rétt-
argeðdeildinni að Sogni. Sighvatur
átti á sínum tíma frumkvæði að því
að deildin var sett á laggirnar, en
fram til þess voru geðsjúkir af-
brotamenn vistaðir í fangelsum.
Nú hefur Grétari Sigurbergssyni
yfirlækni verið sagt upp, og ýmsir
óttast að réttargeðdeildin, sem
fengið hefur hæstu einkunn er-
lendra sérfræðinga, verði fyrst og
fremst geymslustaður fyrir ósak-
hæfa afbrotamenn.
Sighvatur sagði um störf Grét-
ars: „Grétar Sigurbergsson hefur
unnið afreksverk. Hann féllst á að
taka þetta að sér þegar heilbrigðis-
yfirvöld voru í miklum vandræð-
um vegna andstöðu ráðandi aðila í
geðlæknastétt við að taka þess
þjónustu hingað heim. Hann hefur
aflað sér mikillar þekkingar bæði
erlendis og hérlendis til að takast á
við þetta viðfangsefni og hann fær
afar lofsamleg ummæli, bæði hjá
norrænum réttargeðlæknum, sem
hafa skoðað aðstöðuna, og eins hjá
sérstakri nefnd á vegum Evrópu-
ráðsins sem kom hér til að kynna
sér aðbúnað fanga og þeirra sem
höfðu verið settir í nauðungarvist-
un. Þessi nefnd gaf stofnuninni
hæstu einkunn, og sýnir það
hversu vel Grétar Sigurbergsson
og hans fólk hefur unnið sitt verk.“
Sighvatur leggur áherslu á, að
halda eigin áfram á sömu braut á
Sogni og segir: „Það má heldur
ekki gleyma því að markmiðið
með þessari stofnun er ekki að
vista sjúklingana þarna til fram-
búðar heldur að veita þeim með-
ferð sem getur veitt þeim færi á að
koma aftur út í lífið sem nýtir
þjóðfélagsþegnar. Eftir að þeir
hafa verið útskrifaðir þurfa þeir að
fá mjög vandað eftirlit svo ekkert
bakslag verði. Það skorti á árum
áður, en ég veit að Grétar leggur
mjög mikið upp úr því að veita
fólkinu þessa þjónustu. Það er dýrt
en er forsenda fyrir því að það sé
hægt að stefna að útskrift og því
að fólkið komist út í þjóðfélagið
aftur.“
Sigurður G. Tómasson segist ekki hafa gert það upp við sig hvort hann
muni sækja um starfið sem hann gegnir nú. Með honum á myndinni er
Anna Kristine Magnúsdóttir ritstjóri Dægurmálaútvarpsins en hún mun
hafa sagt starfi sínu lausu.
■ Dagskrárstjórastaðan á Rás 2
■ ■
Ættir frekar að spyrja Markús Orn
- segir Sigurður G. Tómasson um framtíð Rásar 2.
„Ég hef ekki gert það upp við mig
ennþá,“ sagði Sigurður G. Tómasson
dagskrársljóri í samtali vi ðAlþýðublað-
ið í gær er hann var spurður hvort hann
hygðist sækja um stöðu dagskrárstjóra
Rásar 2. Staðan hefur verið auglýst
laus til umsóknar í tvígang og rennur
umsóknarffestur út um næstu mánaðar-
mót. „Ég var ráðinn í þessa stöðu til
fjögurra ára og mér þykir að mörgu
leyti eðlilegt að menn gegni ekki of
lengi yfirmannastöðum, hvorki í út-
varpi né annars staðar. Þú ættir frekar
að spytja Magnús Öm Antonsson hvað
sé fyrirhugað á Rás 2,“ sagði Sigurður.
Honum var tilkynnt fyrir allnokkru að
staðan yrði auglýst og sagði að við-
brögð sfn við því væm svo sem engin.
Samkvæmt heimildum Alþýðublaðsins
er h'tili áhugi meðal starfsmanna Ríkis-
útvarpsins á því að sækja um starfið en
nokkur stöðnun þykir hafa ríkt í dag-
skrárstefnunni, auk þess sem fjármagn
er mjög af skomum skammti.
Queen Elizabet II lætur úr höfn. Ljósmyndari Alþýðublaðs-
ins tók þessa rómantísku mynd á Ægisgarði í gær er breska
skemmtiferðaskipið bjó sig undir að láta úr höfn. Um borð
eru 1.500 farþegar og 7.100 manna starfslið. Ástfangna par-
ið horfði dreymnum augum á eftir skipinu og hefði örugg-
lega ekki slegið hendinni á móti því að eyða hveitibrauðs-
dögum um borð.
■ Frá Pontíusi til Pílatusar
r
Friðarsteinn Astþórs
kominn í leitirnar
Frétt Alþýðublaðsins af týnda frið-
arsteininum hans Astþórs Magnússon-
ar Wium vakti mikla athygli. Steinn-
inn reyndist vera uppí Sjónvarpi en
forráðamenn RÚV hafa nú komið
honum af sér og til friðarsinnans Ást-
þórs. Alþýðublaðið komst yfir ábyrgð-
arbréf til Ástþórs frá Pétri Guðfinns-
syni framkvæmdastjóra Sjónvarpsins.
Þar segir:
.JEftir umræðuþátt í sjónvarpi hinn
28. júní sl. skilduð þér eftir stein sem í
var skúffa með verðmætum, sem þér
höfðuð óskað eftir að fréttastjóri Sjón-
varps veitti viðtöku, en hann hafði af-
þakkað.
Hjálagt sendi ég yður innihald
skúffunnar, en steinninn ásamt skúff-
unni verður boðsendur til yðar á næstu
dögum.
Innihald skúffunnar:
Öryggisbók, Sparisjóði vélstjóra
Landsbankaávísun stfluð á Ástþór
Magnússon
Umslag frá Hummer-umboðinu
2 umslög merkt framlög í friðar-
skúffu
1 umslag stflað á Ástþór Magnús-
son
5 kr. peningur."
Afrit af bréfinu var sent Boga Ág-
ústssyni fréttastjóra Sjónvarps.
SÓLSTOFU- OG SUMARBÚSTAÐAHÚSGÖGN
KYNNINGARTILBOÐ: 20 % afsláttur næstu viku, allt settið,
2ja sæta sófi + 2 stólar + sófaborð + hliðarborð + blaðagrind,
kr. 95.840 staðgreitt eða með VISA/EURO raðgreiðslum.
40ÁRAÁÁRINU
hncnrA/'-'in
(Verð eftir 12. júlí kr. 119.800)
TAKMARKAÐ MAGN
' Ármúla44,
"lusqogn Sími 553 2035.
T