Alþýðublaðið - 04.04.1997, Blaðsíða 1

Alþýðublaðið - 04.04.1997, Blaðsíða 1
MMÐUBLMD Föstudagur 4. apríl 1997 Stofnað1919 42. tölublaö - 78. árgangur ¦ Umhverfisráðherra harðlega gagnrýndur vegna starfsleyfis til álversins Vinnubrögðin eru til vansa - sagði Rannveig Guðmundsdóttir í umræöu um aöferðir umhverfisráðherra við útgáfu starfsleyfisins. "Við styðjum ekki þessi vinnu- brögð og teljum þau vera ráðherran- um til vansa," sagði Rannveig Guð- mundsdóttir, formaður þingflokks jafnaðarmanna, í umræðum um starfsleyfi til álversins í Hvalfirði á Alþingi í gær. Mjög hart var deilt á umhverfisráðherrann fyrir að hafa veitt starfsleyfið, „nánast í skjóli nætur", einsog einn þingmaður orð- aði það, en sem kunnugt er veitti hann leyfið rétt fyrir kvöldmat á skír- dag. Þegar Hjörleifur Guttormsson spurði ráðherrann hvort hann hefði leitað eftir áliti stjórnar Hollustu- verndar, kvaðst Guðmundur Bjarna- son ekki hafa gert það. Hjörleifur Guttormsson hóf um- ræðuna og sagði þróun umhverfis- ráðuneytisins orðna sorglega í tíð nú- verandi umhverfisráðherra. „Ráðu- neytið er orðið að afgreiðslustofnun fyrir erlenda fjárfesta," sagði Hjör- leifur. Hann ásakaði ráðherra um að hafa gengið á bak orða sinna. „Ráð- herra sagði í útvarpsviðtali að tafir gætu orðið á útgáfu starfsleyfisins ef einhver atriði þess yrðu kærð," sagði Hjörleifur og rakti síðan að það hefði einmitt gerst með tiltekin atriði þess. Þingmaðurinn sagði síðan að sjaldan hefði sér brugðið jafn heiftarlega og þegar hann hlustaði á það í útvarpi að starfsleyfið hefði eigi að síður verið gefið út. „Mér fannst ég ekki lengur staddur í réttarríki," sagði hann. Ólafur Örn Haraldsson, formaður umhverfisnefndar og samflokksmað- ur ráðherrans, ásakaði Hjörleif um að nota falsrók til að bregða fæti fyrir álver á Grundartanga. Af því tilefni lét Rannveig Guðmundsdóttir þau orð falla að hún ætti yfirleitt ekki samleið með Hjörleifi og þingflokk- ur jafnaðarmanna hefði haft allt aðra skoðun á framkvæmdinni en hann. „En þarna á ég samleið með Hjörleifi Guttormssyni." Hún sagði að hvað sem liði afstöðu manna til álversins sjálfs þá væri það fráleitt að hennar dómi að afgreiða starfsleyfið áður en niðurstaða úrskurðarnefndarinnar um kæruna lægi fyrir. Guðmundur Arni Stefánsson lýsti því yfir að hann væri fylgjandi álver- inu en mótfallinn vinnubrögðum ráðuneytisins. „Ég dreg tímasetning- una í efa, og sómuleiðis að formlega hafi ráðherrann staðið rétt að mál- inu," sagði Guðmundur Arni. ¦ Skuldir heimilanna aukast með vaxandi hraða Bankarnir í hættu "Eg skal ekki segja að það gæti leitt af sér hrun bankanna en ef það vex á sama hraða getur það valdið bönkunum vaxandi erfiðleikum og leitt til þess að þeir verði að taka til sín fleiri eignir og tapa fleri útlánum en æskilegt er," sagði Steingrímur Hermannsson seðlabankastjóri í sam- tali við Alþýðublaðið en háttsettur maður í bankakerfinu sagði í samtali við blaðið að með áframhaldandi vexti gætu þetta þýtt hrun bankanna. „Heildarskuldir hafa vissulega vaxið og ég get ekki stjórnað því hvernig menn leggja út frá þessu í fjölmiðlum," sagði Már Guðmunds- son aðalhagfræðingur Seðlabankans en skuldir heimilana voru áætlaðar við árslok 1994 um 276 milljarðar við þær lánastofnanir sem teknar voru til skoðunar í skýrslunni, og kemur það fram í skýrslu sem Páll Pétursson kynnti á fréttamannafundi og lagt hefur verið út af síðustu daga í fjölmiðlum. A þeim tíma voru sett á stofn greiðsluerfiðleikalán. skuld- breytingar og ráðgjóf sem breyttu þessu ástandi tímabundið en eftir það fóru greiðsluerfiðleikalánin að koma í vanskil lflca og núna eftir 1994 hafa skuldirnar stóraukist og samkvæmt upplýsingum frá Seðlabankanum í dag voru þær í árslok 352 milljarðar. "Heildarskuldirnar voru í árslok 1996, 352 milljarðar en samsvarandi tala við árslok 1994 væri 291 millj- arður," segir Már Guðmundsson að- alhagfræðingur hjá Seðlabankanum sem vann skýrsluna ásamt Markúsi Möller. „Þessi skýrsla er fyrst og fremst gerð til að sýna dreifingu skulda og vanskila heimilana eftir kynjum, aldurshópum og byggðar- lögum, þó að menn hafi kosið að leggja út frá henni með öðrum hætti. Skuldir sem hlutfall af eignum, hafa vaxið núna, voru 39 prósent árið 1994 en voru 40,5 prósent í árslok 1996, en sem hlutfall af ráðstöfunar- tekjum hafa þær aukist úr 125 pró- senti í 130 prósent á sama tíma. í fjórða kafla skýrslunnar kemur svo fram að líklegt er að vanskilin séu mirmi en þau voru í árslok 1994." Aðspurður hvort fólk væri ekki að taka á sig auknar skuldabyrðar sem gætu leitt af sér mikil vanskil ef yrði tekjubrestur svaraði Már: „Vissulega gætu þær þá orðið illviðráðanlegar. Fólkið og bankarnir verða að fara varlega." En gæti þessi sami hraði leitt af sér hrun bankanna ef það verður sam- dráttur í þjóðfélaginu? "Bankakerfið hlýtur að stoppa sig af. Eg hef heyrt slíka framtíðaspá- dóma áður en auðvitað er það mögu- leiki í stöðunni. Það gætu orðið mikl- ir erfiðleikar ef tekjubrestur verður á heimilunum en það eru ekki horfur á því á allra næstu árum." ¦ Rektorskjör Háskólinn verður para- dís kvenna Þorsteinn Vilhjálmsson dregur sig til baka og styður Véstein Háskólinn verður gósenland jafn- réttis ef marka má ummæli fjögurra frambjóðenda til rektors á fundi sem konur innan Háskólans efndu til með frambjóðendum í Odda í gær, þar sem mest áhersla var lógð á afstöðu þeirra til jafnréttis kynjanna. Enginn efnislegur munur var þó á afstöðu fj órmenninganna. I svari við spurningu um hvernig ætti að bregðast við kynferðislegri áreitni sagði Páll Skúlason að hann teldi rétt að setja niður skriflega þær óskráðu samskiptareglur sem menn hafa talið gilda um samskipti kynj- anna. Hann sagðist jafnframt myndu beita sér fyrir því að sérstakur jafn- réttisfulltrúi yrði ráðinn, yrði hann valinn til að gegna stöðu rektors. í svipaðan streng tóku hinir þrír fram- bjóðendurnir, þeir Vésteinn Ólason, Þórólfur Þórlindsson og Jón Torfi Jónasson. Allir vildu fjórmenningarnir að sérstök jafnréttisnefnd yrði ein af fastanefndum háskólaráðs, en tillaga er gerð um það í skýrslu um jafnrétt- ismál innan Háskólans, sem von er á innan skamms. Þorsteinn Vilhjálmsson, prófessor í eðlisfræði, var einn þeirra sem upp- haflega sóttist eftir kjöri til rektors, en hann hefur nú dregið sig til baka og í skilaboðum, sem hann hefur sent starfsmönnum háskólans, þakkar hann veittan stuðning og kveðst munu styðja Véstein Olason. En Þor- steinn, sem nýtur vinsælda meðal há- skólamanna, galt þess bersýnilega í skoðanakönnun á dögunum að tveir síðustu rektorar hafa komið úr röðum raunvísindamanna, og augljós vilji er meðal starfsmanna háskólans að fá nú rektor úr annarri átt.

x

Alþýðublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Alþýðublaðið
https://timarit.is/publication/2

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.