Alþýðublaðið - 27.05.1997, Blaðsíða 4

4
ALÞÝÐUBLAÐIÐ
ÞRIÐJUDAGUR 27. MAI 1997
SAMKEPPNI
um útilistaverk við
SuLtartangavi rkj un
vInntaksveggur
Hánsri
uppíýsingar.
títanáakríitin
ttn
Landsvirkjun auglýsir eftir myndlistarmönnum til þess
að taka þátt í lokaðri samkeppni um gerð útilistaverks á
6x22 m vegg á inntaksmannvirki ofan stöðvarhúss
Sultartangavirkjunar í hlíðum Sandafells við vesturbakka
Þjórsár ofan Búrfells.
Öllum er heimilt að sækja um þátttöku í samkeppninni. Umsókn
ásamt upplýsingum um listferil (t.d. sýningarskrár, bækur,
ljósmyndir) sendist fyrir 17. júní nk.
Dómnefnd skipuð fúlltrúum Landsvirkjunar og Sambands íslenskra
myndlistarmanna velur fimm listamenn úr hópi umsækjenda til þess
að gera tillögur um listaverk í lokaðri verksamkeppni þar sem gert
er ráð fyrir að þátttakendur skili líkani af tillögum sínum og ítarlegri
lýsingu á þeim. Samkeppnin verður haldin samkvæmt samkeppnis-
reglum SIM.
Tilgangur samkeppninnar er að fá ffam tillögur sem til þess eru
fallnar að útfæra í fullri stærð. Að lokinni samkeppni verður tekin
ákvörðun um hvaða verk verður valið til uppsetningar ef um semst
við listamanninn.
Gert er ráð fýrir að val á þátttakendum og samkeppnislýsing liggi
fyrir 1. ágúst nk. Stefnt er að því að gerð listaverksins og
uppsetningu þess verði lokið fýrir haustið 1999.
Nánari upplýsingar gefa trúnaðarmenn dómnefndar, Ólafúr
Jónsson, sími 898 9383/555 0346 og Guðrún Helga-
dóttir, sími 562 0080/453 6289, milli 17 og 19 dag hvern.
Umsóknir sendist:
Landsvirkjun
Háaleitisbraut 68
103 RF.YKJAVIK
Umsóknir skulu merktar:
„ SAMKEPPNI: Útilistaverk við Sultartangavirkjun“
Ör alfaraleið
Drakúla
snýr aftur -
vængjaður!
Russia Today.
Rúmenar eru um það bil að
hefja framleiðslu á nýrri teg-
und herþyrlu, og hyggjast
nefna hana eftir þekktasta
landa sínum, Drakúla greifa.
Ameríska fyrirtækið sem gerir
hinar þekktu Bell þyrlur leggur
fram fjármagn og tækniþekk-
ingu, en framleiðslan er ekki
síst liður í viðleitni Rúmena til
að skapa jákvætt viðhorf með-
al aðildarlanda Nató gagnvart
umsókn þeirra. Nafnið Dra-
kúla er hinsvegar valið til að
skjóta væntanlegum óvinum
skelk í bringu, sökum þess
orðstfrs sem fór af hinum upp-
runalega Drakúla, en einsog
kunnugt er var hann blóðsuga
frá Transylvaníu.
Höfundur sögunnar um Dra-
kúla greifa var upphaflega
Bram Stoker, og fyrirmynd
hans var transylvanískur prins
frá 15. öldinni, Vlad Teres,
sem einnig var nefndur Vlad
Drakúl, sem þýðir í rauninni
Valdimar dreki. Hann varð
frægur fyrir grimmd gagnvart
þeim sem ekki greiddu honum
skatt, og píndi þá til dauða
með því að festa á staura, sem
stungið var upp í gegnum lík-
amann. Talið er að skattsvikur-
um hafi mjög fækkað við þessa
aðferð hins transylvaníska
prins.
Sömu meðferð hlutu Tyrkir,
sem réðust inn í Transylvaníu
og vildu leggja hana undir sig.
Þeir kölluðu ekki allt ömmu
sína, en svo illræmd var
grimmd greifans, að Tyrkjum
mistókst að leggja undir sig
landið. Fyrir þetta varð hann
frægur meðal landa sinna allt
fram á þessa öld. Þegar Bram
Stoker sat á British Museum
að afla efnis í sögu sína datt
hann ofan á þjóðsögur frá
bændum í afskekktum þorpum
Rúmeníu um blóðsugur í gervi
manna, og brá á það snilldar-
ráð að gera Drakúla greifa að
blóðsugu. Þarmeð varð Dra-
kúla greifi til.
Nikolai Sjáseskú, hinum
kommúníska harðstjóra Rúm-
eníu, var ekki gefið um þann
Drakúla greifa, sem Bram
Stoker bjó til, sér í lagi ekki
eftir að gagnrýnendur hans
hófu að líkja honum við
blóðsuguna frá Transylvaníu.
Rúmenski kommúnistaflokk-
urinn gaf því út þá skipun, að
Drakúla greifi var algert bann-
orð í Rúmeníu, og við það sat
um árabil. Um leið og komm-
únísminn féll og Sjáseskú
hjónin voru tekin af lífi komst
Drakúla hinsvegar aftur á
kreik, enda er hann frægasti
rúmeni allra tíma. í dag eru
haldnar árlegar ráðstefnur um
Drakúla í Rúmeníu, þar sem
meðal annars er nomaball og
grímuball, þar sem grúi Dra-
kúla greifa í ýmsum gervum
mæta.
Með nýju herþyrlunni er
hinsvegar nafn Drakúla greifa
og þjóðsagan um Vlad prins
notuð til að skjóta óvinum
skelk í bringu í fyrsta skipti um
aldir.
Landsvirkjun
STEFANSBLOM
SKIPHOLTI 50 B - SÍMI 561 0771