Morgunblaðið - 09.01.2001, Qupperneq 2

KNATTSPYRNA
2 B ÞRIÐJUDAGUR 9. JANÚAR 2001 MORGUNBLAÐIÐ
Hvaða ævintýri er þetta? Hver ertilgangurinn með móti hér á
Indlandi með sextán þjóðum úr öll-
um heimsálfum?
Gefum Halldóri B.
orðið: „Við þekkjum
það ekki nægilega
vel,“ sagði Halldór
og brosti. „Ég hef
lesið nokkuð um þessa keppni í ind-
versku pressunni. Indverjar ákváðu
að halda sextán þjóða mót, sem er
mjög stórt. Svo stórt mót hefur ekki
verið haldið í Asíu áður.
Fyrir nokkrum árum héldu Ind-
verjar mót með átta þjóðum. Mótið
sem haldið er nú er liður í að efla
knattspyrnuna í Indlandi. Mótið á að
vekja mikla athygli, en ég veit ekki
hvort það tekst. Mótið byggist upp á
því að leikið verður á þremur svæð-
um sem knattspyrnan er vinsælust
hér á Indlandi: Cochin, Goa og Kal-
kútta. Þetta eru einu borgirnar og
héruðin þar í kring þar sem knatt-
spyrnan er vinsælli en krikkett.
Meira veit ég ekki um þetta, en mér
finnst þessi keppni segja að Indverj-
ar séu stórhuga.
Þó svo að Indverjar séu fjölmenn
þjóð vitum við að það er mikil fátækt
hér. Þess vegna tel ég þetta mikið
hugrekki hjá indverska knatt-
spyrnusambandinu.
Undirbúningurinn fyrir keppnina
hefur verið lengi í gangi, en síðan
fóru hlutirnir smám saman að drag-
ast. Við vissum ekki hvenær við ætt-
um að koma til Indlands til að leika
okkar fyrsta leik, þar sem ekki var
dregið í riðla eins og til stóð en í þá
var ekki dregið fyrr en rétt fyrir ára-
mót. Indverjar leggja okkur til far-
miðana, þannig að við gátum ekki
bókað sjálfir far frá Íslandi til Ind-
lands í tíma. Við fórum að herða á því
að fá svör, en ekkert gerðist. Síðan
gerðist það að Nýja-Sjáland dró sig
út úr keppninni vegna þess að Nýsjá-
lendingar fengu ekki ferðaáætlun
frekar en við né aðrar þjóðir.
Ákvörðun Nýsjálendinga var tekin
eftir að Knattspyrnusamband Asíu
tilkynnti þeim að þeir ættu ekki að
bíða lengur, þar sem sambandið
hafði ekki mikla trú á að mótið færi
fram á Indlandi.
Síðan hefur mótið hangið á blá-
þræði. Besta dæmið um það er að
Írakar drógu sig út úr keppninni á
sama tíma og við vorum að halda
hingað til Indlands. Landslið Pan-
ama hljóp þá í skarðið á síðustu
stundu. Fyrir utan þetta hafa fleiri
breytingar orðið á þátttökuþjóðum,“
sagði Halldór.
„Það er ákveðinn léttir að vera
kominn hingað til Bombay, þó að við
séum ekki komnir á áfangastað.
Ferðin hingað hefur verið löng og
ströng, tekið rúman sólarhring. Þá
eigum við eftir rúma þúsund kíló-
metra í flugi til Cochin.
Þetta er lengsta ferðalag sem við
höfum farið með knattspyrnulands-
liðið. Þó að við höfum farið með
landsliðið til Brasilíu og Chile voru
ferðirnar þangað auðveldari. Við er-
um komnir til Bombay, en eigum eft-
ir fjórða áfangann. Síðan getur það
farið svo að við eigum eftir að fara til
Kalkútta, fimmta áfangann.
Við hyggjum gott til glóðarinnar
að fara til Cochin, þar sem við höfum
fengið þær upplýsingar að þar sé
best að vera – þar sé aðbúnaður mjög
góður. Þar verða leiknir tveir riðlar
og því er verið að bjóða upp á knatt-
spyrnuveislu á svæðinu.
Þessi ferð til Indlands er tvímæla-
laust mikil ævintýraferð. Þegar við
fengum boðið frá Indverjum sögðum
við já. Þessi ferð er ekki kostnaðar-
söm fyrir okkur. Við gerðum okkur
jafnframt grein fyrir því að við gæt-
um ekki teflt fram okkar sterkasta
liði. Við erum án flestra bestu at-
vinnumanna okkar, en erum með
sem margir kalla deildarlandslið – lið
skipað leikmönnum sem leika heima.
Við teljum að það sé mikilvægt að
senda landslið að heiman í keppni
sem þessa. Það brúar ákveðið bil í
uppbyggingu okkar að öflugu lands-
liði. Margir góðir leikmenn okkar
hafa fengið fá tækifæri eftir að þeir
hættu að leika með ungmennalands-
liði okkar, skipað leikmönnum undir
tuttugu og eins árs. Með þessu móti
er hægt að halda mörgum leikmönn-
um gangandi. Þeir leikmenn sjá þá
að það er eftirsóknarvert að stunda
íþrótt sína af kappi. Þessi ferð er
hreint ævintýri. Það tóku margir eft-
ir því að þegar við lentum í Bombay
og fórum síðan í langferðabifreið að
hótelinu að það könnuðust margir við
sig þó svo að þeir hafa aldrei komið
hingað áður. Hér upplifðum við atriði
sem við höfum oft séð í kvikmyndum.
Við sáum það í upphafi hvað við Ís-
lendingar erum miklur forréttinda-
menn – að lifa á okkar fagra landi.
Það gerðum við okkur grein fyrir eft-
ir að hafa verið aðeins hálftíma utan-
húss hér,“ sagði Halldór.
Halldór sagði að hann væri bjart-
sýnn á að mótið tækist vel. „Það voru
ýmsir hnökrar á fram á síðustu
stundu áður en við héldum hingað –
um tíma var tvísýnt hvort við færum.
Það hefur allt farið betur en á horfð-
ist. Í þann stutta tíma sem við höfum
verið hér hafa allir sem koma að
mótinu verið á réttum stöðum og
gert það sem á að gera. Við sjáum
ekki annað en að áframhaldið verði
þannig – hreint ævintýri,“ sagði
Halldór.
Halldór B. Jónsson hefur átt í mörg horn að líta vegna ferðar knattspyrnulandsliðsins
Léttir að
vera kominn
til Bombay
Morgunblaðið/Einar Falur
Fulltrúi Sahara knattspyrnumótsins tók á móti íslenska knattspyrnulandsliðinu þegar það kom
eftir rúmlega sólarhringsferð til Mumbai, eins og Bombay er nú kölluð. Eftir að embættismenn
höfðu yfirfarið vegabréf leikmanna, og stimplað í þau, dreifði hann þeim aftur meðal hópsins. Hér
rýnir Jón Gunnlaugsson fararstjóri í vegabréf Sævars Þórs Gíslasonar en aftar er Halldór B Jóns-
son, varaformaður KSÍ, að aðstoða Sigurvin Ólafsson.
SÁ sem hefur borið hitann og
þungann af ferð íslenska lands-
liðsins til Indlands, þar sem ís-
lenska landsliðið tekur þátt í
Aldamótamótinu í knattspyrnu,
er tvímælalaust Halldór B.
Jónsson, varaformaður Knatt-
spyrnusambands Íslands og að-
alfararstjóri liðsins hér á Ind-
landi. Það var ekki fyrr en eftir
hádegi á laugardaginn, nokkr-
um klukkustundum áður en
landsliðið hélt í ævintýraferð-
ina, að ljóst var hvernig ferð
landsliðsins til Indlands væri
háttað. Laust eftir klukkan tvö
kom staðfesting frá Indverska
knattspyrnusambandinu að
flugleiðin væri Keflavík–
Frankfurt–Dubai–Bombay–
Cochin. „Það er ákveðinn léttir
að vera kominn hingað til
Bombay, þó svo að við eigum
eftir að fara suður til Cochin, á
áfangastað,“ sagði Halldór, sem
hefur verið í stöðugu sambandi
við mótshaldara síðustu vikur.
Sigmundur Ó.
Steinarsson
skrifar frá
Indlandi
EINS og oft áður skiluðu
ekki allar töskur sér þegar
landsliðið kom á leiðarenda –
og eins og oftast áður var
það liðsstjórinn Guðmundur
R. Jónsson sem lenti í málinu.
Það var ekki taskan með bún-
ingum landsliðsins sem týnd-
ist, heldur var það ferðataska
Guðmundar, með fatnaði
hans og öðrum ferðamunum.
Panama í
stað Íraks
Panama hefur bæst í hóp
þátttökuþjóðanna í Árþús-
undabikarnum í knattspyrnu
á Indlandi. Panamamenn
koma í staðinn fyrir Íraka
sem drógu lið sitt úr keppni
fyrir helgina. Panama leikur
í A-riðli með Júgóslavíu, Bos-
níu og Bangladesh, en ef ís-
lenska liðið kemst í átta liða
úrslit keppninnar gæti það
mætt liði úr A-riðlinum.
Enn týnist
taska
ATLI Eðvaldsson, landsliðsþjálfari í knattspyrnu, sagðist í gær
ekki vera búinn að tilkynna sínum mönnum hver yrði fyrirliði á
mótinu í Indlandi. „Ég reikna fastlega með að fyrirliðarnir
verði tveir – reyndustu leikmennirnir, Tryggvi Guðmundsson
og Sverrir Sverrisson, skipti með sér hlutverkinu,“ sagði Atli.
Tryggvi er leikreyndasti leikmaður hópsins, hefur leikið 20
landsleiki og skorað þrjú mörk, og Sverrir hefur leikið 14
landsleiki. Enginn þeirra nítján leikmanna í landsliðshópnum,
sem leika á Indlandi, hefur verið fyrirliði landsliðsins. „Ég
reikna með að Tryggvi verði fyrirliðinn í fyrsta leik okkar gegn
Úragvæ á fimmtudaginn, síðan Sverrir í leiknum gegn Indlandi
á laugardaginn og Tryggvi síðan aftur er leikið verður gegn
Indónesíu á mánudaginn,“ sagði Atli við komuna til Indlands í
gærmorgun.
Þess má geta að aðeins einn leikmaður sem nú er í hópnum
fyrir utan Tryggva hefur skorað mark í landsleik. Það er Guð-
mundur Benediktsson sem hefur sett tvö mörk.
Tryggvi og Sverrir fyrirliðar