Morgunblaðið - 11.01.2001, Blaðsíða 5

KNATTSPYRNA
MORGUNBLAÐIÐ FIMMTUDAGUR 11. JANÚAR 2001 C 5

GUÐMUNDUR R. Jónsson, liðs-
stjóri íslenska landsliðsins í knatt-
spyrnu, hélt upp á 61 árs afmælisdag
sinn í Cochin í Indlandi í gær.

GUNNLAUGUR Jónsson, mið-
vörður landsliðsins, er sonur Jóns
Gunnlaugssonar, ritara Knatt-
spyrnusambands Íslands, sem er í
fararstjórn landsliðsins. Jón lék
marga leiki fyrir hönd Íslands.

KJARTAN Antonsson, nýliði í
landsliðshópnum, er sonur Antons
Bjarnasonar, fyrrverandi landsliðs-
miðvarðar úr Fram.

SIGURVIN Ólafsson er einnig son-
ur gamals landsliðsmanns. Faðir
hans Ólafur Sigurvinsson, ÍBV, var
eitt sinn fyrirliði landsliðsins, en
hann lék í stöðu bakvarðar. Ásgeir
Sigurvinsson, sem er í fararstjórn á
Indlandi, er bróðir Ólafs.

ÞÓRHALLUR Örn Hinriksson er
enn einn sonur gamalkunns knatt-
spyrnumanns. Faðir hans er Hinrik
Þórhallsson, Breiðabliki og KA, son-
ur Þórhalls Einarssonar, fyrrver-
andi landsliðsmanns úr Fram.

INDRIÐI Sigurðsson er sonur Sig-
urðar Indriðasonar, fyrrverandi
leikmanns úr KR.

ÞESS má geta til gamans að þrír
menn í fararstjórn KSÍ léku saman
með landsliðinu á árum áður. Það eru
þeir Atli Eðvaldsson landsliðsþjálf-
ari, Ásgeir og Jón.

HALLDÓR B. Jónsson, varafor-
maður Knattspyrnusambands Ís-
lands og aðalfararstjóri í Indlands-
ferðinni, segir að Tryggvi Guð-
mundsson, sem er leikreyndasti
leikmaður landsliðshópsins, fái þann
heiður að vera einn í herbergi. Leik-
mennirnir á Indlandi eru nítján,
þannig að aðrir leikmenn eru tveir
saman í herbergjum.

ÍSLENSKU landsliðsmennirnir í
knattspyrnu hafa fengið þau tilmæli
að skipta ekki á keppnistreyjum við
mótherja sína fyrr en eftir síðasta
leik liðsins í Indlandi. Ástæðan fyrir
því er að landsliðið er ekki með nægi-
lega marga búninga til að skipta á
þeim eftir hvern leik, eins og oft tíðk-
ast. „Við erum með þrjú búningasett,
tvö hvít og eitt blátt, þannig að ef
leikmenn eru að skipta á búningum
eftir hvern leik gætum við staðið uppi
búningalausir ef við komumst áfram í
átta liða úrslit,“ sagði Guðmundur R.
Jónsson, liðsstjóri landsliðsins.

MÓTIÐ á Indlandi hefur fengið
nýtt nafn. Það heitir nú Sahara Mill-
ennium Cup, en húsgagnafyrirtækið
Sahara er orðið aðalstyrktaraðili
mótsins.

JONATHAN Johansson, finnski
markaskorarinn hjá Charlton í
ensku knattspyrnunni, meiddist á
æfingu á mánudaginn. Hann gengst
undir aðgerð á hné í dag og verður
frá keppni í 4-5 vikur.

JOHN Hartson, velski sóknarmað-
urinn hjá Wimbledon, er að öllum lík-
indum á leið til Coventry fyrir 600
milljónir króna. Stefnt er að því að
hann leiki með Coventry í ensku úr-
valsdeildinni strax um næstu helgi.

BJARKI Gunnlaugsson á enn við
meiðsl í nára að stríða. Ljóst er að
hann leikur ekki með Preston í mik-
ilvægum leik gegn Blackburn í ensku
1. deildinni í knattspyrnu í kvöld.
Ástandið hjá Preston er mjög slæmt
því Bjarki er einn níu leikmanna sem
eru frá vegna meiðsla og veikinda.

GABOR Kiraly, markvörður
Herthu Berlín, hefur framlengt
samning sinn við félagið til 2004.
Kiraly hefur staðið í marki Herthu
sl. fjögur ár og þykir einn traustasti
markvörður þýsku deildarinnar.
FÓLK
Fengu
að æfa á
keppnis-
vellinum
ÍSLENSKA landsliðið í knattspyrnu
æfði á aðalleikvanginum í Cochin í
gær klukkan fjögur – Jawaharlal
Nehru Stadium, sem er sagður taka
hundrað þúsund áhorfendur. Ind-
verjar létu undan ósk fararstjórnar
íslenska liðsins.
Landsliðið fékk að æfa á vell-
inum með því skilyrði að landsliðs-
mennirnir mættu ekki á takka-
skóm.
Það var mikill léttir fyrir lands-
liðsmennina, sem höfðu æft á mjög
lélegum velli á miðvikudaginn og
enn verri velli í gærmorgun. „Að-
stæðurnar hér eru ömurlegar – það
er hreinlega ekkert hægt að æfa
nein föst leikkerfi,“ sagði Ásgeir
Sigurvinsson landsliðsnefndar-
maður, sem átti varla orð til yfir þá
velli sem landsliðinu hefur verið
boðið upp á. „Það er eins gott að
vera með æfingarnar á töflufundi.“
Atli Eðvaldsson messaði yfir sínum
mönnum og setti fram eina kröfu;
það var að leikmennirnir einbeittu
sér að því sem þeir eru að fást við
og að vera agaðir á æfingum og í
aðgerðum. „Ég trúi ekki að þið vilj-
ið láta mörg þúsund áhorfendur
hlæja að ykkur. Við verðum að
vera vakandi – gefa allt sem við
eigum í verkefnið hér,“ sagði Atli.
Yfir þrjátíu stiga hiti var þegar
æfingin fór fram, þannig að leik-
mennirnir svitnuðu mikið. „Hitinn
getur verið okkar helsti óvinur
hér,“ sagði Ásgeir.
Morgunblaðið/Einar Falur
ftir síðdegisæfinguna á Nehru leikvanginum teyguðu leikmenn íslenska landsliðsins vatnið. Hér drekkur Tryggvi Guðmundsson, fyrirliði
liðsins, en Fjalar Þorgeirsson markvörður bíður eftir flöskunni.
Þrátt fyrir þennan mikla hita erþað spennandi verkefni sem við
erum að fara að glíma við,“ sagði
Tryggvi sem er eini
leikmaðurinn í
landsliðshópnum
sem var með í síð-
asta landsleik, gegn
Pólverjum 15. nóvember sl. „Það eru
mörg ný andlit í hópnum sem hefur
ekki fengið margar æfingar til að
vera saman. Ég hef til dæmis ekki
séð nokkra leikmenn leika knatt-
spyrnu, þar sem ég hef verið í Nor-
egi síðustu ár. Það er hugur í mönn-
um og margir leikmenn ætla að sýna
sig og sanna hér í Indlandi. Það kem-
ur síðan í ljós hvort að okkur takist
vel upp en við erum ákveðnir að vera
landi okkar til sóma.
Hér hafa menn verið að kynnast
betur og andrúmsloftið er mjög gott,
eins og alltaf þegar landsliðið er
saman.“
Hvað veit Tryggvi um mótherja
Íslendinga á Indlandsmótinu? „Ég
verð að viðurkenna það, að það er
ekki mikið. Ég þekki ekkert til Ind-
lands og Úrúgvæ. Ég veit aðeins að
Úrúgvæmenn leika „sambabolta“
eins og liðin frá Suður-Ameríku og
þeir eiga stóra hópa af góðum knatt-
spyrnumönnum. Það verður erfitt að
leika gegn þeim í fyrsta leiknum en
þeir ert taldir sigurstranglegastir í
riðlinum.
Fyrsti leikurinn verður erfiður og
einnig leikurinn gegn Indverjum
sem hafa séð sér þann leik á borði að
láta okkur Íslendinga leika á þeim
tíma dags sem hitinn er hvað mestur.
Leikurinn gegn Indverjum fyrir
framan um hundrað þúsund áhorf-
endur mun taka á. Það er engin til-
viljun að Indverjar hafi valið þennan
leiktíma.
Já, þetta verður erfitt. Fyrir utan
hitann verður að hafa það hugfast að
flestir leikmenn íslenska liðsins hafa
ekki leikið knattspyrnu frá því að Ís-
landsmótinu lauk í september. Það á
því ekki að koma mönnum á óvart
hvað menn eru þreyttir hér á hörð-
um grasvöllum. Við verðum að nota
þá þrjá varamenn, sem við megum
senda inn á, til að létta á þeim sem
þola hitann illa.“
Tryggvi sagði að menn komi til
með að drekka mikið vatn þegar tími
gefst til í leikjunum. „Það má segja
að við séum með vatnsflöskur hvert
sem við förum. Við göngum um með
þær enda er vökvatap mikið í þess-
um hita. Við erum að koma af stuttri
æfingu þar sem við fengum í fyrsta
skipti tækifæri til að leika knatt-
spyrnu, það tók verulega á. Við
svitnuðum mikið og eigum eftir að
gera það á meðan við erum hér í
þessum mikla hita,“ sagði Tryggvi.
Indverjar ætla
að láta sólina
vinna með sér
„ÞAÐ er engin tilviljun að Indverjar hafi sett leikinn gegn okkur á
klukkan þrjú, eða þegar sólin er hvað hæst á lofti. Þeir ætla að nýta
sér það að við erum óvanir að leika í miklum hita og ætla að láta sól-
ina vinna með sér gegn okkur. Við komum hingað í rúmlega þrjátíu
stiga hita úr tíu stiga frosti á Íslandi. Viðbrigðin eru geysileg fyrir
okkur,“ sagði Tryggvi Guðmundsson, fyrirliði íslenska landsliðsins,
en það er greinilegt að mesti óttinn í herbúðum Íslendinga er hiti og
raki. Leikmenn íslenska liðsins voru að niðurlotum komnir eftir
stutta æfingu á aðalvellinum í Cochin í gær – vellinum sem þeir
mæta Úrúgvæmönnum á í dag kl. 17 að staðartíma, eða klukkan tólf
í hádeginu að íslenskum tíma.
Sigmundur Ó.
Steinarsson
skrifar
frá Indlandi