Morgunblaðið - 02.03.2001, Blaðsíða 3

atriðum ofan í saumana á öllu því
sem bar á góma. En eitt var það að
öll pörin á námskeiðinu settu sér
ákveðið markmið í sambúðinni, sem
þau lýstu yfir í heyranda hljóði, og
síðan voru gerðar ráðstafanir til
þess að eftirlit yrði haft með því að
þau fyrirheit yrðu haldin með því að
þátttakendur hringja hverjir í aðra
til að minna á og ýta á eftir.
Tjáning tilfinninga
Í nánum samböndum er tjáning
tilfinninga mikilvæg. Það er hins
vegar ekki alltaf auðvelt að tjá til-
finningar sínar enda hafa fæstir
þjálfun í því. Við erum fær um að
lýsa því sem við gerum, fremur en
því hvernig okkur líður. Í sambúð
hlýtur að vera mikils virði að fólk
geti tjáð hvort öðru tilfinningar sín-
ar. Sama gildir raunar um kynlífið.
Fólk er misjafnlega í stakk búið til
að ræða opinskátt um það, jafnvel
fólk sem búið hefur lengi saman. En
þar sem kynlífið er stór þáttur í
samskiptum maka verður fólk, sem
er í sambúð, auðvitað að geta talað
saman um þau mál.
Pörin fara nú aftur inn í herberg-
in með kertaljós. Það er ýmislegt
sem þarf að ræða. Sigríður Anna
deilir út spurningalistum um hina
ýmsu þætti sem æskilegt er að tala
saman um. Umhyggja skiptir til
dæmis miklu máli í samskiptum
maka, það er að gefa makanum færi
á að tjá sig og að hlusta á hann.
Væntumþykja, blíða og hlýja er af
sama toga. Það vermir sambandið
að sýna væntumþykju. Blíðu og
hlýju er hægt að sýna með ýmsum
hætti án þess að mikið fari fyrir því.
Það er til dæmis nóg að snertast
með tánum á meðan maður er að
lesa Sunnudags-Moggann uppi í
rúmi.
Þakklæti er annað sem skiptir
máli. Það eykur á hamingjuna í
sambandinu að kunna að meta það
góða, og hugsa um og muna eftir já-
kvæðum atvikum úr fotíðinni. Að
hugsa fallega um maka sinn og
hrósa honum. Slíkur hugsanagangur
dregur úr áhrifum neikvæðra við-
horfa sem geta skotið upp kollinum.
Maki sem sýnir samúð eykur á
hlýjuna í sambandinu. Samúðin
myndar eins konar samhljóm.
Ekki má heldur gleyma gleðinni,
og því að geta deilt henni með maka
sínum. Einnig var komið inn á fífla-
ganginn í sambandinu og ítrekað að
það væri nærandi fyrir sambandið
að „fíflast“ saman. „Það er hollt og
gott að taka lífið ekki alltof alvar-
lega“, segir í minnisblöðunum frá
leiðbeinandanum.
Spurningarnar og umræður um
þær við makann laða fram dýpri
skilning á sambandinu. Mörgu var
ósvarað en spurningalistana á að
nota
sem
áfram-
haldandi
vegvísi í
framtíðinni, til styrktar
ástinni og jákvæðum samskiptum.
Næsta atriði var að læra að nudda
hvort annað. Katrín Óskarsdóttir,
jógakennari og nuddari frá Hvols-
velli, var mætt á staðinn og kenndi
þátttakendum undurstöðuatriðin
í ástar- og kærleiksstyrkjandi
paranuddi. Þarf ekki að fara
mörgum orðum um gagnsemi
slíkrar kunnáttu.
Áhrifamikil hugvekja
Að loknu nuddinu fóru sum-
ir í gönguferðir um nágrennið
en aðrir slöppuðu af í sánunni og
heita pottinum eða lögðu sig uppi á
herbergi. Fjórréttaður kvöldverður
beið svo þátttakenda í matsaln-
um og þótti hann ljúffengur og
vel heppnaður að allra mati.
Áhrifamesti þáttur námskeiðs-
ins var þó lokaathöfnin í kirkj-
unni á Skógum á sunnudeginum.
Þórður Tómasson flutti fróðlegan
fyrirlestur um kirkjuna, sem byggð
er úr hlutum og pörtum úr ýmsum
áttum og frá ólíkum tímum og má
rekja uppruna nokkurra kirkjumun-
anna aftur í aldir. Altaristaflan er sú
sama og Þórður á Skógum hafði fyr-
ir augunum sem barn, en hann hef-
ur unnið ómetanlegt starf varðandi
endurbyggingu kirkjunnar og upp-
byggingu byggðasafnsins á Skóg-
um.
Séra Halldór Gunnarsson í Holti
flutti síðan hugvekju um hjónaband-
ið og mæltist honum vel og viðbúið
að falleg orð hans um hjónabandið
og gildi þess hafi skilið mikið eftir í
hjarta þeirra er á hlýddu. Prest-
urinn tók síðan pörin, hvert fyrir
sig, upp að altarinu og blessaði
samband þeirra. Athöfnin var tákn-
ræn og hefur eflaust blásið mönnum
í brjóst aukna bjartsýni á lífið og til-
veruna.
Kertaljós
og hjartað
rautt.
DAGLEGT LÍF
MORGUNBLAÐIÐ FÖSTUDAGUR 2. MARS 2001 D 3
Mjög
got
t
verð
!
FYRIR HANDÞVOTT
A L D R E I L É T T A R A
LÉTTA fæst nú í 100 grömmum léttari öskjum og því
meðfærilegra en áður. Í LÉTTA er hlutfall ómettaðrar
fitu með því hagstæðasta sem býðst í viðbiti
á markaðnum. Þess vegna er
LÉTTA kjörið handa þeim
sem vilja forðast óholla
fitu en jafnframt njóta
góða bragðsins og létta með
því tilveruna. Létta er hollur og
góður kostur alla daga.
f
í
t
o
n
/
s
í
a

F
I
0
0
1
8
4
9
sagði að svo mikil neikvæðni væri
komin upp í sambúðinni að hún
fyndi engar tilfinningar í garð mak-
ans og þau væru að hugsa um að
skilja. Þessum hjónum ráðlagði ég
að fara frekar í einkameðferð.
En þó eru dæmi um að nám-
skeiðið hefur gagnast fólki með
sambúðarvandamál. Ég man til
dæmis eftir einni konu sem sagði við
mig: „Nú hef ég upplifað aftur ást-
artilfinningu, sem ég bar í brjósti til
maka míns fyrir mörgum árum, en
var horfin. Ég er búin að ýta burtu
neikvæðninni og finna ástina aftur.“
Sigríður Anna sagði að mark-
miðið með námskeiðinu væri enn-
fremur að gefa fólki kost á að hvíl-
ast saman og slappa af í fallegu
umhverfi. „Fólk vinnur mikið og
margir hafa sagt mér að það hafi lít-
inn tíma til að sinna einkalífinu.
Þegar fólk er þreytt og stressað get-
ur oft verið stutt í misskilning og
leiðindi. Hluti af námskeiðinu mið-
ast að því að láta fólk slappa af og
njóta þess góða sem það á saman.
Ég hugsaði líka með mér að dag-
skráin mætti ekki vera of stíf. Það
þyrfti líka að stjana dálítið við fólkið
og gefa því gott að borða. Ég held
að það hafi tekist ágætlega að
blanda þessu saman, ákveðnum
skammti af jákvæðri fræðslu, upp-
lyftingu og hvíld.“