Morgunblaðið - 02.03.2001, Blaðsíða 8

Hér er ein flugbraut í Vatnsmýri og önnur í uppfyllingu
í Skerjafirði. Nær er Kópavogur.
Hér er flugvöllurinn í hrauninu við Hafnarfjörð.
Hér er flugvöllurinn á uppfyllingu á Lönguskerjum í
Skerjafirði. Mikið land losnar á svæðinu ef flugvöllurinn
fer annað. Það er sýnt innan gulu línunnar.
Hér eru tvær flugbrautir í Vatnsmýri í stað þriggja nú.
Ný byggð er merkt með grænu.
Hvar er hægt að kjósa?
KOSIÐ verður um framtíð flugvallar í Vatnsmýri 17. mars. Íbúar
Reykjavíkur 18 ára og eldri geta kosið. Þeir sem vilja kjósa
skriflega geta gert það í Ráðhúsinu dagana 10.–16. mars.
Á sjálfan kjördaginn verður kosið á tölvu. Kjósendur eru ekki
bundnir við ákveðna kjördeild. Þeir geta kosið í Ráðhúsinu,
Kringlunni, Laugarnesskóla, Seljaskóla og Engjaskóla.
Hvernig verður spurt?
VALIÐ verður á milli tveggja kosta. Spurt
verður: „Vilt þú að flugvöllur verði í Vatnsmýri
eftir árið 2016?“ eða „Vilt þú að
flugvöllurinn fari úr Vatnsmýri eftir 2016?“
Viltu að flugvöllur verði
í Vatnsmýri eftir árið 2016?
VERÐI þessi kostur valinn þýðir það að flugvöllurinn
verður þar áfram en í breyttri mynd: Annaðhvort með
tveimur flugbrautum í stað þriggja nú eða með eina braut
á landi og aðra braut í uppfyllingu í Skerjafirði.
Viltu að flugvöllurinn fari
úr Vatnsmýri eftir 2016?
VERÐI þessi kostur valinn kemur líklega þrennt til greina:
að flugvöllurinn verði á uppfyllingu á Lönguskerjum, að
hann verði í hrauninu sunnan við Hafnarfjörð eða hann
flytjist til Keflavíkur.
Framtíð flugvallar
AUÐLESIÐ EFNI
8 D FÖSTUDAGUR 2. MARS 2001 MORGUNBLAÐIÐ
FRÆÐSLA verður um
húsnæðismál í Miðstöð
nýbúa við Skeljanes
þriðjudaginn 13. mars,
klukkan átta til tíu um
kvöldið. Fjallað verður um
íbúðaleit,
húsaleigu-samninga og
fleira. Þýtt verður á ensku og
taílensku.
Á döfinni
Fræðsla um
húsnæði
Netfang: auefni@mbl.is
„ÞETTA var það sem breskur
landbúnaður mátti síst við,“
sagði Tony Blair
forsætis-ráðherra þegar
hann heyrði um gin- og
klaufa-veikina. Veikin er mjög
smitandi og leggst á húsdýr;
kýr, kindur og svín. Einkennin
eru lömun, lystarleysi og sár
við kjaft og klaufir. Sett hefur
verið bann á allan flutning á
lifandi skepnum. Mörg
þúsund dýrum hefur verið
slátrað og hræin brennd á
báli.
Fólk er beðið um að vera
ekki á ferð um sveitir
Bretlands. Veikin kann að
leiða til þess að fresta verði
þing-kosningum sem eiga að
vera í vor. Samtök bænda
segja að það sé ekki
sanngjarnt að efna til þeirra
ef banna þurfi
kosninga-fundi.
Nútíma landbúnaður ýtir
mjög undir smithættu, þegar
lifandi skepnur eru seldar
milli landa og sláturhúsum
hefur fækkað.
Veikin hefur aldrei greinst
á Íslandi. Halldór Runólfsson
yfir-dýralæknir ræður
Íslendingum í Bretlandi frá að
fara heim á bóndabæi. Við
komuna til Íslands eigi þeir
að hreinsa allan fatnað og
forðast snertingu við dýr í
fimm daga.
Renata Künast, nýr
landbúnaðar-ráðherra í
Þýskalandi, vill leggja áherslu
á lífrænan landbúnað. Hann
felur í sér afturhvarf til
hefðbundins landbúnaðar.
Þessi krafa verður sterk í
kjölfar kúariðu. Hér á Íslandi
er fénaður á beit úti í óspilltri
náttúru. Í leiðara
Morgunblaðsins er fjallað um
þann möguleika að auka sölu
á lambakjöti til útlanda með
því að höfða til neytenda sem
vilja lífrænt ræktað kjöt.
Hér á landi jókst sala á
kindakjöti á síðasta ári. Um
helmingur af öllu kjöti sem
við neytum er kindakjöt.
Mikið áfall fyrir breskan landbúnað
Sveitirnar í sóttkví
Reuters
Skepnum hefur verið slátrað í Bretlandi. Eru hræin brennd
á báli.
Í DANMÖRKU er sérstakt
ráð sem ákveður hvaða
flóttamenn fá hæli í
landinu. Ráðið heldur þrjá
fundi í mánuði. Fyrir þessa
fundasetu fá nefndar-menn
góð árslaun. Þeim gengur
hins vegar illa að halda sér
vakandi á fundum. Nokkrir
þeirra hafa nú verið dregnir
fyrir dóm vegna ákveðins
máls. Lögmaðurinn segir að
svefninn hafi orðið til þess
að maður frá Kosovo hafi
ekki fengið hæli. Formaður
ráðsins mótmælir og
kveðst hafa lokað augunum
til að einbeita sér betur.
Lögmaðurinn segir það
rangt, hann og tveir aðrir
hafi verið í fastasvefni!
Vel launað-
ur svefn
NÝLEGA var tekið í notkun
nýtt hús á Sléttuvegi 9 í
Reykjavík. Í húsinu eru 27
íbúðir hannaðar fyrir öryrkja.
Húsið var reist samkvæmt
samningi milli
félagsmála-ráðuneytis og
Öryrkja-bandalagsins.
Nýjar íbúðir