Morgunblaðið - 10.04.2001, Blaðsíða 3

ÍÞRÓTTIR
MORGUNBLAÐIÐ ÞRIÐJUDAGUR 10. APRÍL 2001 B 3

LITHÁÍSKI handknattleiksmað-
urinn Mindaugas Andriuska leikur
áfram með ÍBV á næsta tímabili en
hann skrifaði um helgina undir nýjan
samning við Eyjamenn.

JEAN-PIERRE Papin, fyrrver-
andi leikmaður Marseille og einn
ástsælasti knattspyrnumaður
Frakklands, hefur samþykkt að taka
við starfi sérlegs knattspyrnuráð-
gjafa hjá Marseille. Félagið hefur
ekki náð sér á strik síðustu misseri.

FRAMARAR biðu lægri hlut
fyrir spænska 3. deildarliðinu Cadiz,
4:3, en þeir dvelja á Suður-Spáni
þessa dagana ásamt mörgum öðrum
íslenskum liðum. Þorbjörn Atli
Sveinsson, Edilon Hreinsson og
Freyr Karlsson skoruðu mörkin fyr-
ir Fram gegn Cadiz.

SKAGAMENN sigruðu þýska 4.
deildarliðið Strahlen, 3:0, um
helgina en þeir dvelja í Uerdingen
þessa dagana. Hálfdán Gíslason
skoraði 2 markanna og Garðar
Bergmann Gunnlaugsson, bróðir
Arnars og Bjarka, gerði eitt.

SKAGAMENN mæta Uerdin-
gen í dag en með því liði leikur einn
þeirra manna, Gunnlaugur Jónsson,
til vorsins. Gunnlaugur fær líklega
að spila með ÍA í þeim leik.

BRAGI Jónsson, fyrrum leik-
maður með Breiðabliki, hefur varið
ráðinn þjálfari danska handknatt-
leiksliðsins Viben HK, sem leikur í 3.
deild.

JÓHANN Birnir Guðmundsson
tryggði norska liðinu Lyn sigur á
belgíska liðinu Aalst í æfingaleik í
gær en Jóhann skoraði eina mark
leikins á 30. mínútu. Jóhann hefur
fallið vel inn í lið Lyn og hefur átt
mjög góða leiki með liðinu á undir-
búningstímabilinu. Norska úrvals-
deildin hefst annan dag páska og
mætir Lyn liði Strömsgodset.
FÓLK
Molde vill þrjá Íslendinga
ÞRÍR piltar á 17. aldursári dvöldu um helgina hjá norska knatt-
spyrnufélaginu Molde, sem hefur mikinn áhuga á að fá þá alla í sín-
ar raðir. Þetta eru Óskar Örn Hauksson frá Njarðvík, Sverrir
Garðarsson úr FH og Magnús Már Þorvarðarson úr Leikni í
Reykjavík. „Ég er mjög hrifinn af þremenningunum sem eru allir
bráðefnilegir og standa okkar piltum, sem eru árinu eldri, ekkert
að baki. Það yrði gífurlega sterkt fyrir okkur að fá þá í okkar rað-
ir,“ segir Odd Berg, unglingaþjálfari Molde, við staðarblaðið Roms-
dals Budstikke. Í blaðinu kemur fram að Óskar og Magnús hafi
þegar sótt um skólavist í Molde og Sverrir sé einnig að íhuga þau
mál. Þremenningarnir léku með varaliði Molde um helgina. Þá er
sagt að piltarnir hafi vakið eftirtekt þegar þeir léku með drengja-
landsliði Íslands á NM í Færeyjum í fyrra og áhugi Molde vaknað.
ÞÓREY Edda Elísdóttir,
stangarstökkvari úr FH,
bætti sig enn um helgina er
hún keppti á móti á há-
skólavellinum í Athens í
Georgíu. Nú stökk Þórey 4,36
metra, einum sentímetra
hærra en hún hefur áður
gert utanhúss. Um leið er
þetta besti árangur sem
náðst hefur í stangarstökki
kvenna á háskólamótum í
Bandaríkjunum á yfirstand-
andi keppnistímabili. Hún
sigraði örugglega í keppn-
inni því sú sem varð önnur
stökk yfir 3,52.
Þórey var ekki eini Íslend-
ingurinn sem keppti á
mótinu. Guðleif Harð-
ardóttir, sem stundar nám í
Athens eins og Þórey, kastaði
sleggju 46,16 metra. Hafnaði
hún í 7. sæti. Þá kastaði Hall-
dóra Jónasdóttir spjóti 44,94
metra og varð önnur. Hall-
dóra er við nám í háskóla í
Alabama.
Sigurbjörn Árni Arn-
grímsson hljóp 3.000 m
hindrunarhlaup á 9.20,69
mínútum og varð þriðji.
Þá má geta þess að Jay
Harvard kastaði sleggju
70,82 metra og hreppti annað
sætið. Harvard er eig-
inmaður Guðrúnar Arn-
ardóttur, grindahlaupara úr
Ármanni.
Þórey
stökk
4,36 m
Þjálfarar beggja liða tóku í svip-aðan streng þegar blaðamaður
Morgunblaðsins innti eftir skýring-
um á gengi liðana.
„Það sem vantaði í
okkar lið var trúin
að við gætum sigrað
feikisterkt lið ÍS. En
það er ekki hægt að skjóta sér undan
því að leikmenn ÍS léku mjög vel,“
sagði Jón Árnason þjálfari Þróttar.
„Leiktíminn var óvenjulegur en
hentaði okkur ágætlega þar sem
margir okkar voru við vinnu í dag,“
sagði Zdravko Demirev þjálfari og
leikmaður ÍS í gamansömum tón, en
leikurinn fór fram um kvöldmatar-
leytið á laugardag. „Ég held að leik-
menn Þróttar hafi verið annars hug-
ar megnið af leiknum og við vorum
mun betri aðilinn,“ bætti Demirev
við.
Rúmlega hundrað áhorfendur
urðu vitni að fjölda mistaka leik-
manna beggja liða í fyrstu hrinu og
jafnt var á flestum tölum þar til í
stöðunni 18:18. Móttaka Þróttara
var slök það sem eftir lifði hrinunnar
og gerði uppspilara þeirra, Val Guð-
jóni Valssyni, erfiðara um vik. Há-
vörn ÍS sá um að stöðva máttlausar
sóknaraðgerðir leikmanna Þróttar
og lokastaðan í 1. hrinu varð 25:21.
Í annarri hrinu gekk samvinna
Vals Guðjóns og Jounes Hmine bet-
ur. Skemmtilegar fléttur frá þeim
félögum enduðu með góðum og
kraftmiklum skellum og héldu leik-
mönnum ÍS við efnið. Búlgörsku
bræðurnir í liði ÍS, uppspilarinn
Martin Antonon Raditchkov og Gal-
in Antonon Raditchkov, náðu vel
saman og virtust hafa hreyfingar og
hugsanir hvors annars á hreinu. Gal-
in var iðinn við að ljúka sóknum ÍS af
krafti og áttu Þróttarar ekkert svar
við stórleik þeirra bræðra í 2. hrinu
sem lauk líkt og þeirri fyrstu, 25:21.
Í þriðju hrinu var staðan jöfn
23:23 og var einbeitingarleysi ÍS um
að kenna, því leikmenn liðsins gerðu
ekki meira en til þurfti en tóku sig til
og skoruðu stigin tvö sem vantaði
uppá.
ÍS er með líkamlega yfirburði í
styrk og hæð yfir liði Þróttar. Galin
og Izmir Hadziredzepovic eru lítt
árennilegir í sókn og vörn og allar
aðgerðir liðsins voru vel skipulagðar.
Hið unga lið Þróttar á samt fram-
tíðina fyrir sér og með aukinni
reynslu á liðið að geta gert góða
hluti.
Morgunblaðið/Jim Smart
Íslandsmeistarar ÍS í blaki, sem fögnuðu einnig bikarmeistaratitlinum á dögunum. Aftari röð frá
vinstri: Guðmundur Helgi Þorsteinsson, Galin Antonov Raditchkov, Izmar Hadziredzepovic,
Martin Antonov Raditchkov og Hreggviður Norðdal liðsstjóri. Fremri röð: Zdravko Demirev þjálf-
ari, Ólafur Viggósson, Óskar Hauksson, Davíð Búi Halldórsson og Amid Dereyat.
Bræðurnir
afgreiddu
Þróttara
ÞAÐ tók Íþróttafélag stúdenta
aðeins eina klukkustund að
leggja lið Þróttar frá Reykjavík í
úrslitaleik um Íslandsmeist-
aratitilinn í blaki karla sem fram
fór í Hagaskóla á laugardag.
ÍS sigraði sannfærandi 3:0
(25:51, 25:21:25:23) og gerði
þar með út um vonir Þróttara
um að brjóta á bak aftur yf-
irburði ÍS-liðsins í vetur, sem
tekið hefur til sín öll verðlaun
sem í boði voru í vetur.
Lars
Sprenger
skrifar
FÓLK

MICHAEL Carter, einn nýju
Englendinganna í röðum Leifturs-
manna, skoraði þrennu á laugar-
daginn þegar Ólafsfirðingar unnu
góðan sigur á FH, 5:2, í æfingaleik
í Portúgal. Hörður Már Magnús-
son skoraði tvö mörk fyrir Leiftur
í 4:2 sigri á Fjölni á sama stað.

ÁSMUNDUR Haraldsson er
genginn til liðs við 1. deildarlið ÍR í
knattspyrnu en hann lék síðast
með Þrótti í Reykjavík 1999. Ás-
mundur lék áður með FH og KR.

ARON Kristjánsson skoraði 2
mörk fyrir Skjern sem tapaði fyrir
FIF, 20:19, í dönsku úrvalsdeildinni
í handknattleik á laugardaginn.

JÓHANN Samúelsson skoraði
eitt mark fyrir Bjerringbro sem
tapaði heima fyrir Kolding, 31:26.
Þar með eiga Skjern og Bjerr-
ingbro litla möguleika á að komast
í fjögurra liða úrslitin um danska
meistaratitilinn en liðin eru í 5.–6.
sæti þegar tveimur umferðum er
ólokið.

RAGNAR Óskarsson náði sér
ekki á strik og skoraði 3 mörk, 2
þeirra úr vítaköstum, þegar Dunk-
erque tapaði heima fyrir Créteil,
20:19, í frönsku 1. deildinni í hand-
knattleik á sunnudaginn. Dunkerq-
ue er þar með áfram í sjöunda sæti
deildarinnar.

HÁLFDÁN Þórðarson lék sinn
600. leik fyrir meistaraflokk FH
gegn Haukum á sunnudagskvöldið.

MAGNÚS Már Þórðarson, línu-
maðurinn sterki hjá Aftureldingu,
lék með í síðari hálfleik þegar hans
menn töpuðu fyrir Gróttu/KR á
Nesinu. Þetta var fyrsti leikur
Magnúsar í einn mánuð en hann
meiddist í leik á móti KA 7. mars
síðastliðin.

HELGI Jónas Guðfinnsson lék í
20 mínútur og skoraði 11 stig þeg-
ar lið hans, Ieper, vann auðveldan
sigur á Gent, 100:69, í belgísku úr-
valsdeildinni í körfuknattleik um
helgina. Ieper er í fjórða sæti þeg-
ar tveimur umferðum er ólokið af
deildakeppninni.

RAKEL Ögmundsdóttir lék all-
an leikinn með Philadelphia
Charge og lagði upp eitt mark
þegar lið hennar vann Virginíu-
háskóla, 7:1, í æfingaleik á sunnu-
daginn.