Morgunblaðið - 09.08.2001, Blaðsíða 1

2001
FIMMTUDAGUR 9. ÁGÚST BLAÐ B
B L A Ð A L L R A L A N D S M A N N A
VIÐTAL VIÐ JÓN ARNAR MAGNÚSSON Í EDMONTON / B4,B5
BANDARÍKJAMAÐURINN Damon Johnson mun
leika með úrvalsdeildarliði Keflvíkinga á næsta
keppnistímabili. Damon lék með Keflvíkingum
keppnistímabilin 1996–1997 og 1998–1999 en liðið
fagnaði Íslandsmeistaratitlinum bæði árin og varð
að auki bikarmeistari árið 1997. Í millitíðinni lék
kappinn með ÍA. Að sögn Hrannars Hólm, for-
manns körfuknattleiksdeildar Keflavíkur, ætla
menn sér stóra hluti á næsta keppnistímabili.
„Damon er einn besti leikmaður sem leikið hefur
hér á landinu og við vitum að hann hlakkar til að
koma til Keflavíkur á ný,“ sagði Hrannar í gær
þegar ljóst var að samningar voru í höfn á milli að-
ila en leikmaðurinn kemur til landsins í byrjun
september. Ein þekktasta körfuknattleikskona
landsins, Anna María Sveinsdóttir, mun þjálfa
kvennalið félagsins en nokkur óvissa hefur verið
um hver myndi þjálfa liðið.
Damon Johnson
á ný með Keflavík
FERÐALAG knattspyrnuliðs Akur-
nesinga til Belgíu, þar sem liðið leik-
ur gegn Club Brugge í forkeppni
Evrópukeppni félagsliða, hófst árla
morguns í gær þar sem hópurinn
lagði af stað frá Keflavík til Parísar í
Frakklandi. Liðið náði síðan aðeins
að æfa einu sinni á keppnisvellinum í
Brugge í gærkvöld. Það vekur at-
hygli að liðið heldur af stað aðeins
einum degi áður en leikurinn fer
fram í Brugge en oftast hafa fleiri
dagar verið notaðir í undirbúning
fyrir Evrópuleiki félagsins. Gunnar
Sigurðsson, formaður rekstrarfélags
meistaraflokks karla, sagði í samtali
við Morgunblaðið í gær að reynt
hefði verið að draga úr kostnaði við
ferðina til Belgíu. „Við ætluðum okk-
ur að halda kostnaði við ferðalagið í
lágmarki en hver sólarhringur kost-
ar félagið allt að hálfri milljón króna.
Það er ekki venjan að fara frá Íslandi
aðeins deginum áður en leikið er í
Evrópukeppni en við völdum að fara
þessa leið,“ sagði Gunnar.
Aðeins
ein æfing
í Belgíu
KNATTSPYRNUMAÐURINN
Ólafur Þórðarson, sem er leik-
maður og jafnframt þjálfari ÍA,
mun ekki leika meira með liðinu á
þessu keppnistímabili. Ólafur hefur
verið meiddur í nára á und-
anförnum vikum og í ljós kom að
vöðvafesting hafði rifnað. „Ég er úr
leik og verð ekki meira með á þessu
ári sem leikmaður. Það er ekki ljóst
hvort ég fari í aðgerð á næstunni
enda er maður kominn á þann aldur
að það er spurning hvort það borgi
sig að láta laga þetta,“ sagði Ólafur
í gær þar sem hann var staddur í
París á leið sinni með ÍA til Brugge
í Belgíu. „Ég get ekki sagt á þessari
stundu hvort ég sé hættur að leika
knattspyrnu, við verðum að sjá til
hvernig málin þróast og það er
ómögulegt að segja hvað framtíðin
ber í skauti sér. Leikmannahópur
okkar er ekki það stór að við þolum
að fleiri leikmenn liðsins verði frá
vegna meiðsla ef við ætlum okkur
að vera í meistarabaráttunni í
haust,“ bætti Ólafur við en auk
hans eru þeir Hálfdán Gíslason og
Sturlaugur Haraldsson meiddir.
Ólafur
úr leik
Bretinn Dean Macey, silfurhafiþrautarinnar á HM fyrir tveim-
ur árum, varð að gera sér bronsið að
góðu nú, fékk 8.603
stig. Þetta var þriðji
sigur Dvoráks í röð í
tugþraut á HM og
jafnaði hann þar með
met Bandaríkjamannsins Dans
O’Briens, sem vann greinina á HM
1991, 1993 og 1995.
„Eigum við ekki að segja að ég sé
kominn til leiks á ný með þessum
sigri,“ sagði Dvorák, sem var þjak-
aður af meiðslum allt síðasta ár og
tókst fyrir vikið ekki að láta draum
sinn um ólympíugull verða að veru-
leika. „Á þessari stundu er mér eig-
inlega orða vant,“ sagði Dvorák, sem
er nú handhafi sigurvegaranafnbót-
ar í þremur af fjórum bestu tug-
þrautum frá upphafi. Landi hans,
heimsmethafinn Roman Sebrle, virt-
ist vera annars hugar í keppninni og
náði aldrei að sýna sínar bestu hlið-
ar. Hann var tíundi af sautján kepp-
endum sem komust klakklaust í
gegnum greinarnar tíu, með 8.174
stig. Heimsmet hans frá í vor er
9.026 stig.
Ólympíumeistarinn Nool bætti
eigið landsmet Eistlands allnokkuð,
fékk 8.815 stig, en gamla metið var
8.742, sett í Talence í Frakklandi í
júlí í fyrra. „Ég er afar sáttur við að
bæta mig og vinna silfrið. Átta grein-
ar af tíu gengu vel hjá mér en ég tel
mig eiga meira inni og möguleikinn á
að bæta heimsmetið er ekkert fjar-
lægur. Kannski næ ég því á Frið-
arleikunum eftir mánuð ef aðstæður
verða góðar, hver veit?“ sagði Nool,
sem sagðist hafa misst möguleikann
á gullinu strax í annarri grein, þar
sem ekki gekk sem skyldi. „Það þarf
að stökkva lengra en 7,63 metra til
þess að vinna gull og bæta heims-
metið, það er á hreinu.“
Macey fékk 8.607 stig og bætti
fyrri árangur. Hann sagðist ótrauð-
ur stefna að því að fara yfir 8.800 stig
og bæta met landa síns, einnar af
goðsögnum tugþrautarinnar, Daleys
Thompsons. „Ef stangarstökkið og
spjótkastið hefðu ekki gengið á aft-
urfótunum hefði ég bætt metið, það
styttist í það,“ sagði þessi tæplega 24
ára Breti.
Dvorák hljóp 100 metrana á 10,62
sek., stökk 8,07 m í langstökki, varp-
aði kúlu 16,57, stökk 2 m í hástökki,
hljóp 400 m á 47,74 og 110 m grinda-
hlaup á 13,80. Þá kastaði hann
kringlu 45,51 m, stökk 5 m í stang-
arstökki, kastaði spjóti 68,52 m og
hljóp 1.500 m á 4.35,13 mín.
Morgunblaðið/Ásdís
Dean Macey hafnaði í þriðja sæti í tugþrautarkeppninni, Tékkinn Tomás Dvorák sigraði og Eistlendingurinn Erki Nool varð þriðji.
Enginn stóðst Tomás
Dvorák snúning
„MIG langaði svo sannarlega til að slá heimsmetið, en sigurinn var
jú aðalatriðið. Ég verð því að bíða betri tíma til að endurheimta
heimsmetið,“ sagði Tékkinn Tomás Dvorák eftir að hafa sigrað í
tugþrautarkeppni heimsmeistaramótsins. Dvorák náði þriðja besta
árangri í greininni frá upphafi og setti mótsmet, 8.902 stig, 87 stig-
um fleiri en ólympíumeistarinn Erki Nool, sem hafnaði í öðru sæti.
Ívar
Benediktsson
skrifar frá
Edmonton