Morgunblaðið - 09.08.2001, Blaðsíða 8

Þrefalt hjá
Eþíópíu
EÞÍÓPÍUMENN unnu þre-
faldan sigur í 10.000 m hlaupi
kvenna á HM í Edmonton.
Tulu kom fyrst í mark á
31.48,81 mín. Breska stúlkan
Paula Radcliffe varð að sætta
sig við fjórða sætið.

KANADÍSKA spretthlaupskonan
Venolyn Clarke féll á lyfjaprófi sem
tekið var af henni 30. júlí sl., en nið-
urstaða prófsins lá fyrir í gær. Í sýni
Clarke fannst efnið Stanozolol Me-
tabolite sem er á bannlista Alþjóða
Ólympíunefndarinnar og Alþjóða
frjálsíþróttasambandsins. Verði
niðurstaða B-prófsins eins, verður
að teljast sennilegt að Clarke eigi
yfir höfði sér keppnisbann. Hún
keppti á HM en féll úr leik að lokn-
um milliriðlum.

AMY Mbacke Thiam frá Senegal
vann nauman sigur í 400 m hlaupi
kvenna, kom í mark á 49,86 sekúnd-
um eftir æsilegan endasprett. Hún
var 2/100 úr sekúndu á undan Lorr-
aine Fenton, Jamaíku. Þriðja sæti
kom í hlut Ana Guevara frá Mexíkó.
Guevara fór hringinn á vellinum á
49,97. Gamla brýnið Grit Breuer,
frá Þýskalandi varð fjórða á 50,49
og má sennilegt telja að hún rifi
seglin að loknu þessu móti.

FIONA May vann fyrstu gullverð-
laun sín í langstökki á HM utanhúss
í sex ár þegar hún stökk 7,02 metra í
annari umferð langstökkskeppni
kvenna. Rússinn Tatyana Kotova
varð önnur, stökk einum sentímetra
skemur í þriðju umferð. Níurka
Montalvo, Spáni, heimsmeistari frá
Sevilla 1999, varð þriðja með 6,88.
Meðvindur var yfir leyfilegum
mörkum í öllum stökkum verðlauna-
hafanna.

MAY fagnaði sigri sínum ákaflega
enda hefur það oftar en ekki verið
hlutskipti hennar á síðustu stórmót-
um að vera hársbreidd frá gullinu.
May segist ætla að taka sér frí frá
keppni á næsta ári en koma galvösk
til baka árið 2003 og keppa á Ólymp-
íuleikunum í Aþenu árið eftir.

YIPSI Morenu hampaði gullverð-
launum fyrir sleggjukast kvenna.
Hún þeytti sleggjunni 70,65 metra
og setti Ameríkumet. Olga Kuzen-
kova, silfurverðlaunahafi síðustu
Ólympíuleika, vann silfrið með
70,61. Ástralinn Bronwyn Eagles
varð þriðja, kastaði 68,86. Ólymp-
íumeistarinn, Kamilla Skoli-
mowska, þurfti að sætta sig við
fjórða sætið.
FÓLK
Sigurtími Buchers var 1.43,70,annar var 21 árs Kenýamaður,
Wilfred Bungei á 1.44,55, og Pólverj-
inn Pawel Cza-
piewski sýndi gríðar-
lega keppnishörku á
síðustu metrunum
þegar hann skaust
fram úr landa Bungei, William Yi-
ampoy, á síðustu metrunum og
tryggði sér bronsverðlaun á 1.44,63
og hefur ekki hlaupið vegalengdina á
skemmri tíma á ferlinum.
Bucher hélt sig í humátt á eftir
Kenýamönnunum tveimur fyrstu 400
metra hlaupsins sem Bungei hljóp á
50,41. Strax þá var ljóst að ekki yrði
um heimsmet að ræða en hraðinn var
nægur til þess að Bucher líkaði lífið.
Þegar tæplega 600 metrar voru
eftir rauk Bucher fram úr Bungei og
Yiampoy.
Þeir áttu ekkert svar á reiðum
höndum og tilraun þeirra til að fylgja
Svisslendingnum eftir voru mátt-
lausar. Bucher hélt sínu striki allt til
enda. Ólympíumeistarinn Nils Schu-
mann náði sér aldrei á strik og kom í
mark fjórði.
„Bungei hljóp hratt og þannig vil
ég hafa það, tæknileg hæg hlaup eru
ekki að mínu skapi,“ sagði Bucher
glaðbeittur yfir sigrinum og hélt
áfram: „Ég var öruggur með mig fyr-
ir hlaupið þótt vissulega fyndi ég að
gerðar væru miklar kröfur til mín.
Þetta eru mín fyrstu gullverðlaun á
stórmóti og yfir þeim gleðst ég um
leið og ég er þakklátur fyrir þann
mikla stuðning sem ég fékk í hlaup-
inu.“
„Ég reiknaði ekki með að vinna
verðlaun að þessu sinni,“ sagði silf-
urverðlaunahafinn Bungei. „Ég ætl-
aði vissulega að gera mitt besta en
taldi að það myndi ekki nægja til
þess að hljóta verðlaun. Hraðinn í
fyrri hringnum var það mikill að ég
vissi að það yrði ákaflega erfitt að
halda í við Bucher á síðari hringnum
og það var einnig raunin. En ég er
fullkomlega sáttur,“ sagði Bungei.
Zapiewski trúði því vart að hann
hefði náð bronsverðlaununum enda
skammt síðan að hann fór að vekja
athygli. Hvað sem leið þá tileinkaði
Zapiewski fyrrverandi þjálfara verð-
launin en sá lést fyrir tveimur árum.
„Það var óvænt og mikið áfall fyrir
mig. Burtséð frá þessu hefur
frammistaða mín og framfarir vakið
athygli, nú stendur mér víst skyndi-
lega til boða að taka þátt í Gull-
mótinu í Sviss og Friðarleikunum í
Brisbane eftir einn mánuð.
Frami minn hefur verið skjótur,
næstum því ótrúlegur,“ sagði Za-
piewski.
Enginn
stóðst
Bucher
snúning
SVISSLENDINGURINN André Bucher undirstrikaði þá staðreynd að
hann er besti 800 m hlaupari í heiminum um þessar mundir með því
að vinna öruggan sigur á HM. Bucher hefur verið ósigrandi í sumar
og á m.a. besta tíma ársins, 1.42,90 mínútur. Ekki bætti hann tíma
sinn að þessu sinni en eigi að síður stóðst enginn honum snúning.
Morgunblaðið/Ásdís
Svisslendingurinn André Bucher varð sigurvegari í 800 m
hlaupi. Á hælum hans er Kenýamaðurinn Wilfred Bungei.
Ívar
Benediktsson
skrifar frá
Edmonton
RÚMENAR unnu tvöfaldan sigur í
1.500 m hlaupi kvenna og það kom
e.t.v. fáum á óvart að Gabriela Zsabó
tryggði sér gullverð-
launin. Hún tók af
skarið þegar 150 m
voru eftir í mark og
aðrir keppendur áttu
ekkert svar við spretti hennar, frekar
en oft áður. Sigurtími hennar var
4.00,57 mínútur. Landa hennar Vio-
leta Szekely skaut sér fram úr Natal-
iu Gorelovu á síðustu metrunum og
tryggði sér silfrið á 4.01,70. Gorelova
mældist á 4.02,40.
„Ég er í sjöunda himni enda er
þetta í fyrsta sinn sem ég vinn 1.500
metrana á heimsmeistaramóti,“ sagði
Szabó og gaf sér lítinn tíma til að tala
við blaðamenn eftir hlaupið. Szekely
og Zsabó hafa lengi eldað grátt silfur
og eru satt að segja engir félagar,
hvorki innan vallar né utan. Szekely
sagði að þrátt fyrir allt samgleddist
hún Szabó með sigurinn. „Það þýðir
ekki að ég hafi fyrirgefið henni fortíð-
ina, það er annað mál og óskylt þessu
hlaupi,“ sagði Szekely og kvaðst vera
sátt við silfrið þar sem hún hefði
aldrei náð sér á strik.
Szabó tekur áskoruninni
„Það hafa margir skorað á mig
undanfarna daga að taka slaginn,
ekki sniðganga 5.000 metra hlaupið.
Eftir að hafa ráðfært mig við umboðs-
mann minn og þjálfara hef ég ákveðið
að taka áskoruninni og keppa,“ sagði
Szabó um hvort hún hygðist taka þátt
í undankeppni 5.000 m hlaupsins í
dag. Hún hafði áður hótað að hætta
við ef Rússinn Olga Jegerova fengi að
taka þátt í hlaupinu. Jegerova var
grunuð um að hafa neytt blóðrauða-
efnisins EPO. Hins vegar stóðu grun-
semdir eða vitneskja Alþjóðafrjáls-
íþróttasambandsins um það á veikum
grunni og það hvarf frá því fyrr í vik-
unni að dæma Jegerovu í keppnis-
bann. Szabó sætti sig illa við mála-
lyktir, en hefur ákveðið að sætta sig
við orðinn hlut og láta verkin tala á
hlaupabrautinni. Jegerova hefur unn-
ið Szabó í hlaupum í sumar, ein fárra
sem hefur tekist það undanfarin ár,
a.m.k. í 3.000 metrunum.
Tvöfalt hjá
Rúmenum
Morgunblaðið/Ásdís
Gabriela Szabo, Rúmeníu, kemur í mark sem sigurvegari í
1.500 m hlaupi kvenna á HM í Edmonton.
Ívar
Benediktsson
skrifar frá
Edmonton