Morgunblaðið - 25.07.2002, Qupperneq 1
2002 FIMMTUDAGUR 25. JÚLÍ BLAÐ C
B L A Ð A L L R A L A N D S M A N N A
ÍSLAND MÆTIR ÁSTRALÍU Í FYRSTA LEIK Á HM Í PORTÚGAL / C3
UMBOÐSMAÐUR Hermanns Hreiðarssonar,
knattspyrnumanns hjá Ipswich Town, segir á
helstu stuðningsmannasíðu félagsins að Her-
mann sé að öllum líkindum á förum frá félag-
inu. Umboðsmaðurinn, Peter Harrison, er sá
sami og fer með mál Eiðs Smára Guðjohnsens.
Hann vakti athygli í vikunni er hann úttalaði
sig um mál Eiðs í fjölmiðlum þar ytra. Haft er
eftir Harrison að nokkur úrvalsdeildarlið í
Englandi hafi áhuga á Hermanni enda hafi
hann sannað sig í úrvalsdeildinni. Hann telur
það Hermanni sérstaklega til tekna að geta
leikið bæði sem vinstri bakvörður og sem mið-
vörður því skortur sé á örvfættum leikmönnum.
Harrisson segir að rólegt hafi verið yfir leik-
mannamarkaðnum að undanförnu en meira
fjör sé í vændum í ágúst þar sem frestur til þess
að ganga til liðs við ensk félög renni út 1. sept.
Hermann sagður
vera á förum
Molde er með flesta erlenda leik-menn innan sinna raða, átta
talsins, og þar eru þrír Íslendingar,
Andri Sigþórsson, Bjarni Þorsteins-
son og Ólafur Stígsson. Lilleström,
Lyn og Start koma þar á eftir með
sjö erlenda leikmenn hvert félag.
Fjórir Íslendingar leika með Lille-
ström auk þess sem Logi Ólafsson er
aðstoðarþjálfari þar. Davíð Þór Við-
arsson, Gylfi Einarsson, Indriði Sig-
urðsson og Ríkharður Daðason leika
með Lillestöm.
Tveir íslenskir leikmenn eru í röð-
um Lyn, Helgi Sigurðsson og Jóhann
Birnir Guðmundsson.
Sex erlendir leikmenn eru á mála
hjá Bryne og fimm hjá Stabæk og
Viking, en Marel Baldvinsson og
Tryggvi Guðmundsson eru með Sta-
bæk og Hannes Þ. Sigurðsson hjá
Viking.
Moss og Odd Grenland hafa fjóra
erlenda leikmenn hvort félag og
Vålerenga þrjá. Brann, sem Teitur
Þórðarson þjálfar, var með tvo er-
lenda leikmenn í upphafi tímabils en
hefur bætt tveimur við síðan.
Árni Gautur Arason er annar
tveggja erlendra leikmanna hjá Ros-
enborg og Bodö/Glimt og Sogndal
hafa aðeins einn erlendan leikmann á
sínum snærum.
Erlendu leikmönnunum hefur
fjölgað um tvo frá því í upphafi tíma-
bilsins og eru því 64 nú um stundir.
Fjórtán lið leika í efstu deild og þró-
unin virðist vera sú að erlendum leik-
mönnum fjölgar stöðugt. Fyrir síð-
asta leiktímabil voru 55 erlendir
leikmenn, 1997 voru þeir 20 og fimm
árum þar á undan tólf.
Helsta ástæða þessa er að félögin
telja sig kaupa gæði fyrir tiltölulega
lítið fé. Þeir sem eru á móti þessari
þróun, eins og til dæmis Björn Han-
sen, landsliðsþjálfari 19 ára liðs
Norðmanna, segja að ungu strák-
arnir fái ekki nægilega góð tækifæri
til að þróast og þroskast ef erlendir
leikmenn taki alltaf stöður þeirra.
Teitur Þórðarson, þjálfari Brann,
keypti nýverið Alonso Solis frá Kosta
Ríku og Nkosinathi Nhleko frá S-
Afríku, en hann telur að séu of marg-
ir erlendir leikmenn í liðunum skapi
það vandamál, áhorfendur samsami
sig ekki liðinu og snúi baki við liðinu
sínu.
„Ég held að 70–30% skipting sé
ágæt, 70% norskir og 30% erlendir,
en því miður er slíkt ekki alltaf
mögulegt þegar barist er í efstu
deild,“ segir Teitur. „Þegar við urð-
um að fá arftaka Thorstein Helstad
höfðum við hreinlega ekki efni á að
kaupa leikmann hér í Noregi. Það
var alveg út úr myndinni að greiða 10
milljónir fyrir Bent Sæternes,“ segir
Teitur.
Hann er sammála þjálfara U-19
ára liðsins varðandi tækifæri ungra
leikmanna. „En þetta er ekki erlendu
leikmönnunum að kenna. Félögin
hafa ekki verið nægilega dugleg að
gefa ungum leikmönnum tækifæri til
að þroskast,“ bendir Teitur á.
Arne Erlandsen, þjálfari Lille-
ström, hefur verið iðinn við að fá er-
lenda leikmenn til félagsins. „Sjálf-
sagt ættum við að óska þess að við
værum með fleiri leikmenn héðan úr
nágrenninu eða frá Noregi, en norsk
félög verðleggja leikmenn allt of
hátt. Það er slæmt að þetta skuli vera
svona en við getum ekki greitt millj-
ónir króna fyrir norska leikmenn,“
segir þjálfarinn.
Lilleström hefur lengi haft er-
lenda leikmenn í þjónustu sinni og
má þar nefna Dennis Schiller, Heiðar
Helguson, Mamadou Diallo og Clay-
ton Zane, sem allir voru miklir
markaskorar í norsku deildinni.
Erlandsen er ekki samþykkur því
að fjöldi erlendra leikmanna komi í
veg fyrir að ungir norskir leikmenn
fái tækifæri með liðunum og hann
telur að erlendu leikmennirnir dragi
ekki úr áhuga stuðningsmanna félag-
anna. „Áhorfendum fjölgar á leikina.
Til langs tíma litið getur þetta kanski
verið hættulegt, en í augnablikinu
stenst það ekki að áhugi stuðnings-
manna minnki,“ segir Erlandsen.
Útlendingar fjölmennir í Noregi
■ Þrýst á um … / C2
ERLENDIR leikmenn í efstu deildinni í norsku knattspyrnunni hafa
aldrei verið fleiri en í ár. Þegar deildin hófst voru þeir 62 talsins,
fimm sinnum fleiri en fyrir áratug þegar þeir voru tólf. Þessir leik-
menn koma frá 16 löndum, flestir, 18 talsins, frá Svíþjóð en þar á
eftir koma Íslendingar en þeir eru 13 í efstu deildinni.
Morgunblaðið/Arnaldur
Kári Steinn Reynisson í baráttu við Sead Seferovic. Skagamenn töpuðu fyrir Zeljeznicar frá
Bosníu og eru úr leik í Evrópukeppninni. Allt um leikinn á síðu C2.
ALEX Smith, knatt-
spyrnustjóri skoska
úrvalsdeildarfélags-
ins Dundee United,
er mjög spenntur
fyrir því að fá Arnar
Gunnlaugsson í sínar
raðir. Smith sagði í
viðtali við dagblaðið
Dundee Courier,
sem birtist í dag, að
hann hefði trú á að
Arnar gæti styrkt lið
sitt verulega.
„Þegar mér var
bent á Arnar mundi
ég strax eftir honum
úr leikjum Raith Ro-
vers við Akranes í Evrópukeppn-
inni fyrir nokkrum árum. Ef Arn-
ar er sami leikmaður í dag og
hann var fyrir tveimur árum er
engin spurning að hann getur nýst
okkur mjög vel. Arnar er afar
skapandi leikmaður og hann getur
bæði spilað á vinstri kantinum og
fyrir aftan sóknarmennina, en það
myndi henta okkur mjög vel á
næsta tímabili,“ sagði Smith.
Hann staðfesti ennfremur að
hann hefði fylgst mjög náið með
Arnari Grétarssyni
hjá Lokeren und-
anfarna mánuði.
Áður hafði komið
fram að hann væri
með leikmann í
Belgíu í sigtinu um
nokkurt skeið.
Smith sagði að
fyrst Arnar Gunn-
laugsson væri kom-
inn inn í myndina
væri ólíklegt að
reynt yrði að fá
Arnar Grétarsson
til félagsins að svo
stöddu. Hann væri
samningsbundinn
Lokeren og því þyrfti að kaupa
hann þaðan og félagið hefði ekki
ráð á því eins og staðan væri í
dag.
Arnar Gunnlaugsson er vænt-
anlegur til Skotlands í dag og
hann mun leika æfingaleik með
Dundee United gegn Alloa Athle-
tic í kvöld. Á laugardaginn fer
hann síðan með liðinu til Englands
þar sem það mætir enska 1. deild-
arfélaginu Coventry á Highfield
Road.
Arnar Gunnlaugsson æfir og leikur
með Dundee United í Skotlandi
Smith spenntur
fyrir Arnari
Arnar
Gunnlaugsson