Morgunblaðið - 06.10.2002, Qupperneq 16
16 B SUNNUDAGUR 6. OKTÓBER 2002 MORGUNBLAÐIÐ
bílar
AUDI A6 er lúxusbíll, uppfullur af
nytsamlegum tækni- og öryggisbún-
aði og afar þægilegur í notkun. Audi
hefur verið að endurnýja vélarlínuna
í A6. Grunngerðin er með 2ja lítra,
130 hestafla vél. 1,8 T-vélin er
óbreytt, 150 hestöfl en 2,4 l V6-vélin,
sem var 165 hestöfl er komin upp í
170 hestöfl. Aflmestu vélarnar eru
2,7 T, 250 hestöfl og 4,2 l V8-vélin
300 hestöfl. Í Quattro-útfærslunni
(fjórhjóladrif Audi) er hann nú boð-
inn með 3ja lítra, 220 hestafla vél og
bíllinn var prófaður í þeirri gerð á
dögunum. Þessi vél, sem fyrst var
kynnt í A4 Quattro árið 2000, leysir
af hólmi 2,8 lítra, 193 hestafla vélina.
Létt vél smíðuð úr áli
Vélin, sem er smíðuð úr áli, er 17
kg léttari, en 2,8 l vélin. Auk þess
eru hjólaupphengjur úr áli og þetta
ásamt aflmikilli vélinni gerir að
verkum að bíllinn hefur góða milli-
hröðun þrátt fyrir ennþá talsverða
þyngd sem stafar frá margvíslegum
búnaði. Hröðunin úr kyrrstöðu í 100
km hraða er engu að síður uppgefin
8,9 sekúndur, en allt gerist þetta án
áreynslu að því er virðist; vélin er
þýðgeng og hljóðlát og hljóðeinangr-
un inni í bílnum á við það besta.
Þetta er bíll sem býður upp á þæg-
indi og afl í akstri miklu fremur en
sportlega takta.
Með Tiptronic-skiptingu
Í Quattro-gerðinni er bíllinn búinn
Tiptronic-sjálfskiptingu en án fjór-
hjóladrifsins er hann einnig fáanleg-
ur með hinni skemmtilegu Multi-
tronic-reimskiptingu, sem er alveg
þreplaus og gefur jafna vinnslu og
hröðun. Tiptronic-skiptingin býður
hins vegar upp á að bílnum sé ekið
eins og með venjulegri fimm þrepa
sjálfskiptingu en síðan hefur öku-
maður einnig val um að handskipta
bílnum án kúplingar, sem getur boð-
ið upp á sportlegri akstur. Quattro-
gerðin er með sítengdu fjórhjóla-
drifi. Undirvagnar Audi eru rómaðir
fyrir mikið veggrip og góða fjöðrun
en Quattro-gerðin slær flestu við því
auk þess að liggja sem límdur við
malbikið er hann afar rásviss á
lausri möl. Bíllinn er með Torsen-
mismunadrifi sem gerir hann afar
meðfærilegan í borgarakstri þrátt
fyrir fjórhjóladrifið og auk þess er
staðalbúnaður ESP-skrikvörn
ásamt spólvörn og hleðslujafnara.
Bíllinn heldur því ávallt sömu veg-
hæð óháð hleðslu. Sjálfstæð fjöðr-
unin étur í sig ójöfnur og er traust-
vekjandi einnig á malarvegum.
Ríflegur staðalbúnaður
Aðalsmerki góðra, þýskra hrað-
brautarbíla, eins og Audi A6 er
dæmi um, er ekki síst hemlabúnað-
urinn. Hemlarnir eru afar aflmiklir,
kældir diskar að framan og aftan, og
hemlunin er nákvæm. Nýjasta kyn-
slóð ABS-búnaðar er í bílnum og
hemlunin er tiltölulega laus við púls
upp í fótinn þótt harkalega sé stigið
á bremsur. Staðalbúnaður í Audi A6
Quattro er ríflegur. Prófunarbíllinn
var að auki með leðurinnréttingu
sem kostar aukalega 270.000 kr.
Frágangur er allur hinn vandaðasti
og auk góðrar aksturstölvu var bíll-
inn með tölvustýrðri loftkælingu,
hljómtækjum með átta hátölurum,
tvívirkri sóllúgu, skriðstilli, hita í
framsætum og rafstýringu í öku-
mannssæti svo eitthvað sé nefnt.
Aukabúnaður er svokallað „multi-
functional“ leðurstýri sem er upp-
hitað og með stýringu fyrir hljóm-
tæki.
Keppinautarnir
Audi A6 Quattro er bíll í lúxus-
flokki og keppir þar við aðra þýska,
þ.e. Mercedes-Benz E 320 og BMW
530 og Lexus GS300 frá Japan. Sá
síðastnefndi er sýnu ódýrastur án
þess að sérstakt tillit sé tekið til bún-
aðar, sem menn verða sjálfir að
leggja mat á. Lexus er með 3ja lítra
V6-vél sem skilar 219 hestöflum og
kostar í ódýrustu útfærslu en þó
sjálfskiptur 4.700.000 kr. Bensinn
kostar með 3,2 lítra, 224 hestafla vél
6.350.000 kr. með sjálfskiptingu og
BMW 530, sem er 231 hestafl, kostar
sjálfskiptur 5.600.000 kr. Enginn
þessara bíla er með fjórhjóladrifi
eins og Audi A6 Quattro en grunn-
verðið á honum er 5.350.000 kr.
Tvö útblástursrör setja sportlegan svip á afturhlutann.
Þriggja lítra vélin skilar að hámarki 220 hestöflum.
Farangursrýmið er umtalsvert minna í Quattro-gerðinni en framhjóladrifs-
gerðinni.
Gott er að lesa á mæla og aksturstölva er staðalbúnaður.
Morgunblaðið/Þorkell
Audi A6 er 4,83 m á lengd og hefur aflíðandi línur.
Fjórhjóladrifinn lúxusbíll
REYNSLUAKSTUR
Audi A6
Guðjón Guðmundsson Vél: Sex strokkar, 2.976
rúmsentimetrar, 30
ventlar, tveir yfirliggjandi
knastásar.
Afl: 220 hestöfl við
6.300 snúninga á mínútu.
Tog: 300 Nm við 3.200
snúninga á mínútu.
Drif: Sítengt fjórhjóladrif.
Gírkassi: Tiptronic-
sjálfskipting með
handskiptivali.
Lengd: 4.833 mm.
Breidd: 1.850 mm.
Hæð: 1.453 mm.
Eigin þyngd: 1.520 kg.
Farangursrými: 434 kg.
Hemlar: Diskar, kældir að
framan, ABS og EBD.
Hröðun: 8,7 sekúndur úr
kyrrstöðu í 100 km/klst.
Hámarkshraði:
237 km/klst.
Verð: 5.350.000 kr.
Umboð: Hekla hf.
Audi A6
3.0 Quattro
gugu@mbl.is
Mælaborðið er einfalt og stílhreint.