Morgunblaðið - 29.11.2002, Qupperneq 1

F Ö S T U D A G U R 2 9 . N Ó V E M B E R 2 0 0 2 B L A Ð B

LÍÐANIN BAK VIÐ BROSIÐ/2
ATHYGLISBRESTUR MEÐ
OFVIRKNI/3
BÓKASÖFN FÓLKSINS/4
UNDIR NÝJU NAFNI/6

KVEIKT Á GÁFNALJÓSUM/6
AUÐLESIÐ EFNI/8

S
ILKIBLÓM eru ekki framleidd nema að eiga sér
fyrirmynd í raunverulegu blómi, að sögn Örnu
S. Sæmundsdóttur, blómaskreytingakonu hjá
silkiblómaversluninni Soldis. Hún segir að mikil
breidd sé í úrvali af silkiblómum eins og ekta
blómum og mikill gæðamunur. „Það er að verða hugarfars-
breyting og fólk þarf ekki að vera svona fordómafullt.
Silkiblómin eru komin til að vera og það er líka allt í lagi að
blanda þessu saman,“ segir Arna.
Hún hefur starfað við blómaskreytingar á annan áratug.
Eftir að hafa rekið sína eigin blómabúð í mörg ár ákvað
hún að nóg væri komið. Hún vildi hætta kvöld-
og helgarvinnu en samt ekki slíta sig frá blóm-
unum. Eigendur Soldis eru þær Sóley Jó-
hannsdóttir og Bryndís M. Tómasdóttir. Þær
stofnuðu fyrirtækið fyrir fimm árum.
Ilmandi silkiblóm?
Spurð hvort ekki hafi verið erfitt að hverfa
frá því að setja saman skreytingar úr lifandi
blómum yfir í að setja saman silkiblóm, svarar
Arna því játandi. „En ég er nú reyndar farin
að gleyma því að ég er að vinna með silki og
beygi mig meira að segja stundum niður til að
finna ilminn af blómunum!“ Arna segir að
mun erfiðara sé að vinna með silkiblómin, það
sé meiri kúnst þar sem efnin eru harðari og
mikið um víra. „En þetta er algjör lúxus. Ég er
alltaf með fallegustu blómin og engin fölna.
Og losna við allt umstangið í kringum lifandi
blóm eins og að byrja hvern dag á að verka blómin, úða og
þar fram eftir götunum.“
Allt frá silkilaufum upp í pálmatré
Sóley og Bryndís segja mikinn feng í Örnu en hún sér
um allar skreytingar fyrir verslunina og útstillingar í
glugga. „Aðra vikuna í nóvember rýmum við verslunina
fyrir alls konar jólavöru en verðum svo aftur silkiblóma-
búð í janúar. Soldis er fyrst og fremst silkiblómabúð,“
segja eigendurnir einum rómi.
Soldis flytur inn allt frá silkilaufblöðum upp í átta metra
fíkustré og að mati Sóleyjar og Bryndísar höfða silkiblóm
til Íslendinga. „Við viljum öll hafa fallegt í kringum okkur
en erum í mikilli vinnu þannig að oft gefst ekki tími til að
vökva blómin. Eins hafa margir leitað í silkiblómin vegna
ofnæmis,“ segir Bryndís.
Þær sækja sýningar erlendis oft á ári og Sóley segir að
silkiblómamarkaðurinn í Hollandi sé orðinn næstum eins
stór og hinn þekkti blómamarkaður þar í landi. „Það er
mikill gæðamunur á mismunandi silkiblómum. Efnisnotk-
unin þróast mjög hratt og við fylgjumst vel með straumum
og stefnum á þessum markaði,“ segir Sóley.
Fyrir jólin segja þær að silkifurugreinar séu mikið not-
aðar í skreytingum og sífellt færist í vöxt að fólk komi með
blómavasana og biðji um jólavönd sem stendur þá óhagg-
aður alla hátíðina.
Efnislega önnur
Morgunblaðið/Jim Smart
Silkiblóm – Arna setur saman jólavönd sem stend-
ur yfir allar hátíðirnar en ólívutréð virkar allt árið.
blóm