Morgunblaðið - 10.01.2003, Blaðsíða 4

DAGLEGT LÍF
4 B FÖSTUDAGUR 10. JANÚAR 2003 MORGUNBLAÐIÐ
Í hnotskurn
Á
MÁNUDAGSMORGNI
kl. 11 eru ekki margir
að æfa hjá Nautilus í
kjallara Sundlaugar
Kópavogs. Æfingasalur-
inn er stútfullur af alls kyns æf-
ingatækjum til að þjálfa líkamann.
Janúar er nýhafinn og eftir því sem
líður á mánuðinn á fólki eftir að
fjölga og fylla tækin til að hlaupa af
sér jólakílóin eða standa við ára-
mótaheit.
Það er a.m.k. árviss viðburður, að
sögn Kjartans Más Hallkelssonar.
Hann er íþróttakennari að mennt og
yfirþjálfari hjá Nautilus í Kópavogi.
Kjartan hefur starfað hjá stöðinni í
tæp fimm ár og sjálfur æft sam-
kvæmt æfingakerfi Nautilus á
þeim tíma.
Jón G. Bergsson, fertugur yf-
irþjónn á Kaffi París, er einn af
þeim sem eru að æfa kl. 11 á mánu-
dagsmorgni. Hann vinnur vakta-
vinnu og þetta er ekki óalgengur
æfingatími hjá honum.
Jón hefur æft í Nau-
tilus síðustu fjögur ár,
er kominn í gott form
og orðinn vanur.
Hann kemur þrisvar
til fjórum sinnum í
viku í stöðina og æfir
í um eina og hálfa
klukkustund í senn.
Hann byrjar á að
hjóla í u.þ.b. stund-
arfjórðung og sest
svo í fyrsta tækið
sem á að styrkja
vöðva á framan-
verðum lærum.
Jón kann vel við að
stunda líkamsrækt
í tækjum en hann
hefur prófað margt
í gegnum árin eins
og fótbolta og bad-
minton. „Þegar ég
er búinn að koma
mér á staðinn er
svo gott að taka
vel á því og mér
líður svo miklu
betur þegar ég er
búinn.“
Jón gengur fum-
laust til verks, þetta er orðinn lífs-
stíll. Kjartan segir líka að það sé
það sem þjálfararnir vilji, að fólk
geri líkamsræktina að lífsstíl, þ.e. að
hún sé hluti af lífinu, eins og að
vinna, borða, sofa og eiga samskipti.
Púlsinn segir
mikla sögu
Kjartan hefur sjálfur stundað
íþróttir frá unga aldri og var lengi í
fótbolta hjá Fram. Hann lauk svo
íþróttakennaraprófi frá Laugarvatni
árið 1998. Kjartan segist hafa bætt
á sig um 15 kg af vöðvum á þeim
fimm árum sem hann hefur æft hjá
Nautilus en hann er 189 cm á hæð
og 85 kg. „Með því að æfa rétt og
borða rétt, nær maður árangri,“
segir Kjartan. Aðspurður segir
hann að mataræði sé ásamt þjálfun,
lykillinn að árangri. „En við bend-
um frekar á næringarfræðinga til að
veita nákvæmari upplýsingar um
það. Við vitum hvað á að gera í
tækjunum og í sambandi við þjálf-
unina en næringarfræðingar eru
sérfræðingar varðandi mataræðið.“
Það er árviss viðburður
að fólk flykkist á líkams-
ræktarstöðvarnar eftir
að jólahátíðin og öll
veisluhöldin henni tengd
eru yfirstaðin.
Steingerður Ólafsdóttir
fékk ráðgjöf við þjálf-
unartæki í líkamsrækt-
arstöð í Kópavogi. Kjartan Már Hallkelsson, yfirþjálfari hjá Nautilus, leið-
beinir mörgum á hverjum degi. „Það er gefandi að
miðla af eigin reynslu.“
1 2 3
6
7Á flugi
í fótapressu
Fatnaður frá Intersport sem hentar vel við líkamsrækt í tækjum. Ljósblár Nike-stutt-
ermabolur og dökkbláar síðar og víðar buxur frá Röhnisch með ljósblárri rönd á hliðinni.
Skórnir eru svartir og eru slíkir skór algengir á fótum kvenna í líkamsræktarstöðvunum.
L
KA
M
SR
Æ
KT
L
KA
M
SR
Æ
KT SAGAN: Um miðja síðustu öld voru kominfram líkamsræktartæki, vísir að tækjunumeins og þekkt eru á öllum líkamsrækt-arstöðvunum í dag. Á þeim tíma hóf Banda-ríkjamaðurinn Arthur Jones að þróa tækiundir heitinu Nautilus sem voru þeim eig-inleikum búin að átakið hélst jafnt við allahreyfinguna, fram og til baka eða upp og
niður. Árið 1970 komu þessi tæki á markað
í sinni upphaflegu mynd en hafa þróast síð-
an. Á Íslandi byrjuðu líkamsræktarstöðvar
með tækjasölum að spretta upp á níunda
áratugnum. Kraftlyftingamenn höfðu fram
að því verið nær þeir einu sem lyftu lóðum
hér á landi. En lyftingar hafa einnig verið
hluti af þjálfun þeirra sem æfa aðrar íþrótt-
ir, s.s. frjálsar íþróttir.
ÚTBÚNAÐUR: Þeir sem stunda líkamsrækt
í tækjum þurfa fyrst og fremst góða
íþróttaskó. Af einhverjum orsökum er al-
gengara að konur séu í síðbuxum og karlar
í stuttbuxum en ekkert er algilt í þeim efn-
um. Stuttermabolir eru algengastir en
einnig eru síðerma bolir eða hlýrabolir oft
notaðir. Til eru ýmsar gerðir íþrótta-
brjóstahaldara og toppa með þröngri
teygju til að nota innan undir boli. Æf-
ingafötin eru yfirleitt úr léttu teygjuefni,
t.d. blöndu af polyester og lycra.
KOSTNAÐUR: Verð fyrir líkamsrækt-
arkort eru mismunandi eftir stöðvum. Víð-
ast hvar er boðið upp á fría reynslutíma og
lægra verð því lengur sem fólk skuldbindur
sig. Stakir tímar kosta um 1.000 kr. og
mánaðarkort kosta í kringum 7.000 kr.
Líkamsræktarstöðvar bjóða líka upp á alls
kyns leikfimitíma og aðrar eru tengdar
sundlaugum, þetta er þá innifalið í kort-
unum. Algengt verð á árskortum er í
kringum 40 þúsund krónur en ýmis tilboð
eru í gangi á þessum árstíma. Hjá Nautilus
í Kópavogi kostar árskort í líkamsrækt og
sund 21.990 kr. Hálfsárskort kostar 17.990
kr. en styttri kort eru ekki í boði þar sem
reynslutíminn er ókeypis og á að gefa nasa-
sjón af þeim lífsstíl sem líkamsræktin á að
vera.
BYRJENDUR: Í öllum líkamsrækt-
arstöðvum er boðið upp á kennslu í tækjum
og þjálfarar útbúa æfingaáætlun miðað við
getu hvers og eins. Það getur tekið nokkur
skipti að komast upp á lag með aðferð-
irnar.
AÐFERÐIR: Aðferðir í tækjunum eru mis-
munandi eftir framleiðendum. Algengt er
að fara í 10–14 tæki, jafnvel tvisvar í hvert,
og lyfta 10–15 sinnum. Hjá Nautilus er
átakið mikið og jafnt og æfingin endurtekin
10–15 sinnum en aðeins er farið einu sinni í
hvert tæki í hverjum tíma, alls 10–
14 tæki.
GÓÐ RÁÐ: Setjið ekki of háleit
markmið t.d. um þyngdartap.
Hlustið á þjálfarann á ykkar
stöð og fylgið hans ráðum. Þeim
raunsæjustu gengur best. Raun-
hæf markmið um þyngdartap eru
2–4 kg á mánuði en um aukinn vöðvamassa
2–6 kg á ári en fer eftir líkamsbyggingu
einstaklinga. Drekkið mikið vatn við æfing-
ar. Dagsþörfin er 2–3 lítrar. Vatnið gegnir
mikilvægu hlutverki í líkamanum, stuðlar
að vökvajafnvægi og temprar líkamshita.
Hjartsláttartíðnin eykst ef maður drekkur
ekki nóg vatn, líkamshiti getur
hækkað og þreytutilfinning aukist.
Þjálfarar mæla með að fólk drekki
vatn fyrir æfingu, á æfingu og eftir
hana.
HEIMASÍÐUR:
www.nautilusgym.com
www.doktor.is: Íþróttir og þjálfun:
Styrktarþjálfun.
www.hreyfing.is
www.sporthusid.is
www.worldclass.is
Sjúkra-, aðhalds-,
flug- og nudd-
sokkar.
Græðandi,
losar þig við fótrakann
Fríhöfnin
Meyjarnar, Háaleitisbraut
SOLIDEA
BAS ET COLLANTS