Morgunblaðið - 30.01.2003, Blaðsíða 4

HM Í PORTÚGAL
4 B FIMMTUDAGUR 30. JANÚAR 2003 MORGUNBLAÐIÐ
ÓLAFUR Stefánsson rauf 100 marka
múrinn gegn Pólverjum í gærkvöldi er
hann skoraði sitt sjöunda mark í leikn-
um, 25:24. Ólafur fetaði þar með í fót-
spor Patreks, sem varð fyrstur Íslend-
inga til að skora 100 mörk í HM – í leik
gegn Portúgal í Vieseu. Patrekur hef-
ur nú skorað alls 115 HM-mörk, en
Ólafur 100 mörk.
Næstir þeim á lista eru Valdimar
Grímsson með 95 mörk, Geir Sveinsson
87, Kristján Arason 65, Júlíus Jónasson
og Sigurður Valur Sveinsson 51 og
Gunnlaugur Hjálmarsson með 49
mörk.
Morgunblaðið /RAX
Sigfús og Ólafur fallast í
faðma eftir leik.
Pólska liðið velgdi Íslendingumvel undir uggum og það þurfti
mikinn kraft og vilja hjá íslensku
leikmönnum í síðari
hálfleik til að snúa
leiknum sér í vil. Pól-
verjar börðust mjög
grimmilega og náðu
undirtökunum þegar líða tók á fyrri
hálfleikinn. Þeir náðu að brjóta niður
sóknarspil íslenska liðsins og þeir
áttu ekki í vandræðum með að
splundra sofandi vörn Íslendinga
með Tkaczyk fremstan í flokki en
hann skoraði 7 mörk í fyrri hálfleikn-
um.
Pólverjar náðu í upphafi síðari
hálfleiks fjögurra marka forskoti,
19:15, og eins og íslenska liðið var að
leika á þeim leikkafla voru engin
teikn á lofti að Íslendingar tækju yf-
irráðin í leiknum. Það var heldur ekki
til að bæta úr skák að Sigfús Sigurðs-
son fékk tvær brottvísanir í fyrri
hálfleiknum og því þurfti Guðmund-
ur að stokka upp spilin hvað varn-
arleikinn snertir.
Hann tók þá ákvörðun í upphafi
síðari hálfleiks að hvíla Sigfús bæði í
vörn og sókn og tefldi fram í hans
stað Sigurði Bjarnasyni í vörninni og
Róberti Sigurðssyni í sókninni og sú
ákvörðun landsliðsþjálfarans hitti
svo sannarlega í mark. Sigurður náði
að binda vörnina betur saman og á
skömmum tíma skoruðu Íslendingar
fjögur mörk í röð og það kom í hlut
Sigurðar að jafna metin í 19:19. Þessi
góði kafli kveikti neistann í íslenska
liðið sem sárt var saknað framan af
leik. Roland Eradze, sem leysti Guð-
mund Hrafnkelsson af hólmi undir
lok fyrri hálfleiks, hrökk í gang svo
um munaði og markvarsla hans á ör-
lagaríkum augnablikum vó þungt.
En þegar öllu er á botninn hvolft
skipti frammistaða fyrirliðans Dags
Sigurðssonar sköpum.
Dagur, sem alls ekki hafði náði sér
á strik í leikjunum á undan, sýndi
hversu hann er megnugur og það var
vel við hæfi að hann skyldi koma ís-
lenska liðinu í forystu, 23:22, með
sínu áttunda marki þegar um 17 mín-
útur voru til leiksloka. Pólverjar voru
ekki á því að gefast upp. Þeir jöfnuðu
í 25:25 og allt útlit var fyrir spenn-
andi lokamínútum. En þá kom að
þætti Patreks Jóhannessonar. Hann
skoraði 4 af næstu sjö mörkum Ís-
lendinga og markið sem hann skoraði
þegar hann breytti stöðunni í 29:25
og um tíu mínútur lifðu leiks gerði
gæfumuninn en rétt áður hafði
Eradze varið dauðafæri á línunni.
Íslensku leikmennirnir gátu þó
ekki andað rólega fyrr en síðasta
mínútan gekk í garð. Pólsku mark-
verðirnir sáu til þess en þeir vörðu
geysilega vel á lokakaflanum, meðal
annars tvö vítaköst en góður leikur
Róbert Sighvatssonar á línunni gerði
það að verkum að Íslendingar héldu
fengnum hlut.
Þrátt fyrir að sigur næðist í höfn
og mikilvægum áfanga væri náð hjá
Íslendingum var leikur liðsins lengi
vel alls ekki sannfærandi og með
svipaðri frammistöðu er hætt við að
róðurinn verði mjög þungur á móti
Spánverjum. Það læðist að manni sá
grunur að eitthvert vanmat hafi verið
í gangi hjá íslensku leikmönnunum
fyrir leikinn því liðið var lengi framan
af mjög taktlaust og spilaði ekki sem
lið. Sérstaklega var þetta áberandi í
vörninni en bæði vantaði alla færslu í
hana og baráttuleysið alls ráðandi.
Þá var eftir því tekið að íslensku
leikmennirnir virtust mjög pirraðir
hver út í annan og var leikhléð notað
til að hreinsa andrúmsloftið að þeirra
eigin sögn. Það mátti glöggt greina í
seinni hálfleik enda þjappaði liðið sér
saman og sýndi styrk sinn þegar á
þurfti að halda. Það er á engan hallað
að nefna Dag Sigurðsson sem mann
leiksins og líklega var framganga
hans það jákvæðasta í leik Íslend-
inga. Dagur átti stórleik og lék klár-
lega sinn besta landsleik í háa herr-
ans tíð. Ólafur Stefánsson var
drjúgur þó svo hann hafi oftast leikið
betur en hann virkaði töluvert
þreyttur. Patrekur átti frábæran
kafla um miðbik síðari hálfleiks og
átti stóran þátt í að skilja liðin að og
Róbert Sighvatsson kom geysiöflug-
ur til leiks í síðari hálfleiks og skoraði
mikilvæg mörk. Áður hefur verið
minnst á Roland Eradze. Guðmund-
ur Hrafnkelsson fann sig ekki en
Eradze stóð vakt sína vel og átti stór-
an þátt í að Íslendingar komust inn í
leikinn að nýju og náðu að hrista Pól-
verjana af sér. Aron Kristjánsson
stóð fyrir sínu en hornamennirnir
Guðjón Valur og Einar Örn voru mis-
tækir og Sigfús var ekki líkur sjálfum
sér en brottrekstrarnir sem hann
fékk á sig í fyrri hálfleik settu leik
hans úr skorðum.
Mikilvægt skref er að baki og
framundan er stór og erfið hindrun
sem íslenska liðið þarf að ryðja úr
vegi þegar það mætir Spánverjum í
kvöld.
Mikið er í húfi. Ekki nóg með að
sigurinn tryggir leiki um verðlauna-
sæti heldur gefur hann farseðil á Ól-
ympíuleikana í Aþenu. Einhvern tím-
ann virtist það fjarlægur draumur að
Ísland kæmist í þá stöðu að leika til
verðlauna á heimsmeistaramóti en ef
allt gengur að óskum í kvöld og ís-
lenska liðið hittir á toppleik gæti sá
draumur orðið að veruleika.
Íslendingar öruggir með eitt af átta efstu sætunum
á HM í Portúgal eftir torsóttan sigur á Pólverjum
ÍSLENDINGAR verða ekki neðar en í 8. sæti á heimsmeistaramótinu
í handknattleik. Þetta varð ljóst eftir torsóttan sigur á Pólverjum,
33:29, í fyrsta leik liðsins í milliriðli HM í Caminha í Portúgal í gær-
kvöldi. Leikurinn í gær var fyrri úrslitaleikurinn hjá íslenska liðinu í
milliriðlinum og það má með sanni segja að leikurinn á móti Spán-
verjum í kvöld flokkist undir það að verða einn af mikilvægustu
leikjum Íslendinga frá upphafi en með sigri í þeim leik tryggja þér
keppnisrétt um verðlaun á mótinu. Dagur Sigurðsson, fyrirliði ís-
lenska landsliðsins, rak loks af sér slyðruorðið og eins og góðum
fyrirliða sæmir dró hann vagninn og það á hárréttum tíma. Dagur
átti stórleik og sigurinn geta Íslendingar mikið til þakkað honum þó
svo að leikmenn eins og Patrekur Jóhannesson, Roland Eradze og
Róbert Sighvatsson hafi lagt sitt af mörkum og vel það.
Guðmundur
Hilmarsson
skrifar frá
Caminha
Dagur Sigurðsson, fyrirliði landsliðsins, lék sinn langbesta leik í langan
línusendingum sem gáfu mörk. Hér skorar hann eitt af níu mörkum
Dagur dró vagn-
inn í Caminha
sagt í hita leiksins. Við vöknum oftar
en ekki til lífsins þegar við tökum
svona rispur,“ sagði Patrekur og var
sammála því að hann hefði ekki leik-
ið vel í fyrri hálfleik. „Ég sneri mig á
ökkla í fyrstu sókn liðsins og gerði
klaufaleg mistök í kjölfarið. Í síðari
hálfleik langaði mig einfaldlega til að
sýna hvað í mér býr. Ég tók af skarið
í hraðaupphlaupunum, enda veit ég
hve erfitt það er að verjast því þegar
100 kg skrokkur kemur á fullri ferð á
móti manni. Það var því ekki um
annað að ræða en að láta vaða, enda
tel ég mig geta drifið á markið á góð-
um degi,“ sagði Patrekur og glotti.
Íslenska liðið fagnaði ekki gríðarlega
í leikslok þrátt fyrir sigurinn og taldi
Patrekur að hópurinn væri ekki enn
saddur. „Við erum ekkert saddir og
höfum náð þessum árangri fyrr. Ef
Það var ákveðin spenna fyrir leik-inn þar sem menn töldu að Pól-
verjar yrðu lítil hindrun fyrir okkur.
Það er langt frá því að vera það sem
við hugsuðum fyrir leikinn. Hlutirnir
gengu ekki upp í fyrri hálfleik og
þeir skoruðu auðveld mörk undir lok
hans. Þegar menn fóru að átta sig á
því að við þyrftum að leggja okkur
110% fram í vörn sem sókn fóru hlut-
irnir að ganga,“ sagði Patrekur.
Það vakti athygli í fyrri hálfleik
hve mikið leikmenn íslenska liðsins
tuðuðu hver í öðrum og sagði Pat-
rekur að slíkt væri gott á köflum,
sérstaklega þegar mikið væri í húfi.
„Þessi hópur er búinn að vera lengi
saman og veit til hvers er ætlast af
honum. Menn verða að þola smá-
skvettur af og til. Enginn á að taka
það persónulega þegar eitthvað er
við v
dag]
við
Patr
Patrekur vaknaði til lífsins í sein
Ég vildi sý
hvað í mér
PATREKUR Jóhannesson vaknaði heldur betur til lífsins í síðari
hálfleik er hann skoraði þrjú mörk í röð úr hraðaupphlaupum og var
í essinu sínu á þeim kafla. Essen-leikmaðurinn var ekki sammála
því að íslenska liðið hefði vanmetið það pólska í fyrri hálfleik.

Ólafur með
100 mörk
ROLAND Eradze, landsliðsmark-
vörður Íslands, varði mjög vel þeg-
ar hann kom í markið í staðinn fyrir
Guðmund Hrafnkelsson, sem náði
sér ekki á strik – varði aðeins þrjú
skot. Eradze endurtók leikinn frá
viðureigninni við Portúgala á dög-
unum og varði hvað eftir annað
mjög vel á þýðingarmiklum augna-
blikum – alls tólf skot, þar af eitt
vítakast. Það munaði um minna og
Íslendingar náðu að vinna upp fjög-
urra marka mun í byrjun seinni
hálfleiksins, 19:15, og snúa leiknum
sér í hag.
Eradze
varði vel
DAGUR Sigurðsson, fyrirliði ís-
lenska landsliðsins, er ekki sáttur
við framkvæmd heimsmeistara-
keppninnar það sem af er og telur
að margt hefði mátt betur fara.
„Þessi keppni vekur margar spurn-
ingar. Við erum staddir „uppi í
sveit“ þar sem framkvæmdin er í
molum. Það er eins og þessi keppni
eigi að vera kynningarstarf á
íþróttinni fyrir Portúgal. HM er
ekki vettvangur fyrir slíkt. Þessi
keppni er mörgum klössum fyrir
neðan það sem við kynntumst hjá
Svíum á EM. Það er ekkert hægt að
gera á keppnisstöðunum, menn
„hanga“ inni á hóteli og gera lítið
annað en að drekka kaffi, spjalla
saman og bíða eftir næsta máls-
verði, æfingu eða leik. Það er slök
umgjörð í kringum þessa keppni og
Alþjóðahandknattleikssambandið
verður að taka sig á ef þetta á ekki
að verða b-keppni á eftir EM,“ segir
Dagur Sigurðsson, sem tekur þátt í
sinni fimmtu HM.
Framkvæmd HM er í molum