Morgunblaðið - 21.02.2003, Blaðsíða 8
VITAÐ er að 125 manns
fórust í eldsvoða í
Suður-Kóreu á þriðjudag.
Óttast er að fleiri hafi farist.
Margra er enn saknað.
Eldurinn blossaði upp á
neðanjarðar-lestarstöð í
borginni Daegu. Maður
kveikti í eldfimum vökva
sem hann hafði með sér.
Sagt er að hann hafi átt við
geðræn vandamál að
stríða.
Eldurinn barst fljótt um
neðanjarðar-lestina. Inni í
henni var mikið af eldfimum
efnum. Eldurinn barst síðan
í aðra lest sem kom inn á
neðanjarðar-stöðina.
Mikil reiði hefur gripið um
sig í Suður-Kóreu í kjölfarið.
Fullyrt er að eldvarnir hafi
verið lélegar og
undankomu-leiðir fáar. Þá
þykir ótrúlegt að eldurinn
skyldi ná að læsa sig í hina
járnbrautar-lestina. Hún
kom inn á stöðina fimm
mínútum eftir að eldurinn
kviknaði. Í kjölfarið hefur
verið spurt hvers vegna
lestin var ekki stöðvuð.
Flestir þeirra sem fórust
voru í síðari lestinni.
Talið er að maðurinn sem
kveikti í lestinni hafi ætlað
að fremja sjálfsmorð. Hann
hélt hins vegar lífi eftir
voða-verkið.
Íkveikja
kostar 125
manns lífið
Reuters
Íbúar Daegu virða fyrir sér blóm sem komið hefur verið fyrir í
neðanjarðarlestar-stöðinni til minningar um þá sem fórust.
KVIKMYNDIN Nói Albínói eftir
leikstjórann Dag Kára
Pétursson verður frumsýnd
hér á landi, næsta föstudag,
28. febrúar.
Upphaflega stóð til að sýna
myndina miklu seinna hér, en
ákveðið var að flýta
sýningunni. Það var gert
vegna þess að myndinni hefur
gengið mjög vel í útlöndum og
áhorfendur allir mjög hrifnir. Á
kvikmynda-hátíðum hefur Nói
Albínói fengið fjölda
verðlauna.
Myndin verður sýnd í
Háskólabíói. Nói Albínói er
fyrsta mynd Dags Kára í fullri
lengd.
Nói albínói slakar á.
Nói albínói verður
sýndur 28. febrúar
AUÐLESIÐ EFNI
8 FÖSTUDAGUR 21. FEBRÚAR 2003 MORGUNBLAÐIÐ
RÚMLEGA 30 einbýlis-hús
skemmdust í fárviðri á
Seyðisfirði í vikunni. Þar af
eru þrjú einbýlis-hús
stórskemmd. Tré rifnuðu upp
með rótum í fárviðrinu og
fjöldi bíla dældaðist. Þá fauk
maður á kerru og
höfuðkúpu-brotnaði. Tjónið er
talið nema milljónum króna.
Hjónin Katrín Reynisdóttir
og Skúli Jónsson, sem búa
við Hlíðarveg 9, vöknuðu upp
við hávaða á aðfara-nótt
þriðjudags. Í ljós kom að nær
allar þakplöturnar á húsi
þeirra voru að fjúka út í veður
og vind.
Þá fauk helmingur af þaki
einbýlis-húss við Garðarsveg
9b af í óveðrinu og er talið
líklegt að afgangurinn af
þakinu sé ónýtur líka.
Víða á Austurlandi urðu
skemmdir af völdum
veðursins en hvergi eins og á
Seyðisfirði.
Morgunblaðið/Pétur Kristjánsson
Þessi bílskúr fauk í heilu lagi af grunninum í óveðrinu. Eftir liggur innihald bílskúrsins.
Tjón á yfir 30
húsum á Seyðis-
firði eftir óveður
GRÆNMETI hefur lækkað
umtalsvert í verði frá því
ákveðið var að afnema
grænmetis-tolla á flestum
tegundum í fyrra. Þetta kom
fram í árs-uppgjöri
Samkeppnis-stofnunar á
meðal-verði grænmetis og
ávaxta.
Frá febrúar í fyrra hefur
agúrka til dæmis lækkað um
51–61% og paprika um
38–44%. Einnig hefur verð á
ávöxtum lækkað, eða um
10–30%.
Guðni Ágústsson
landbúnaðar-ráðherra fór í
Melabúðina í vikunni og
kannaði verð á grænmeti og
ávöxtum. Hann sagðist
ánægður með að verðið hefði
lækkað.
Morgunblaðið/RAX
Guðni Ágústsson landbúnað-
arráðherra kannaði verð á
grænmeti í matvöruverslun.
Verð á
grænmeti
lækkar
umtalsvert
ÍSLENSKA kvenna-landsliðið
í knattspyrnu tapaði, 1:0,
fyrir heimsmeisturum
Bandaríkjanna í
vináttu-landsleik í byrjun
vikunnar. Leikurinn fór fram í
borginni Charleston í
Bandaríkjunum.
Þóra B. Helgadóttir,
markvörður íslenska liðsins,
átti stórleik í markinu og
kom í veg fyrir að
bandarísku
heimsmeistararnir ynnu
stærri sigur.
„Þetta var skemmtilegur
leikur. Það er alltaf gaman
að spila á móti bandaríska
liðinu því maður fær nóg að
gera,“ var haft eftir Þóru á
heimasíðu bandaríska
knattspyrnu-sambandsins.
Í leiknum stýrði Jörundur
Áki Sveinsson íslenska
landsliðinu í síðasta skipti.
Hann hefur verið þjálfari
þess í rúm tvö ár og sagðist
skilja sáttur við liðið. Það
hefði náð góðum árangri á
síðustu árum og væri nú í
hópi bestu landsliða heims.
„Við höfum náð frábærum
árangri og stimplað okkur
inn sem ein af betri þjóðum
heims. Nú er málið að halda
liðinu þar um ókomna tíð.
Það er í góðum höndum og
ég verð aðdáandi þess
númer eitt í stúkunni í
sumar,“ sagði Jörundur eftir
leikinn.
Við starfi Jörundar tekur
Helena Ólafsdóttir.
Þóra með
stórleik
gegn Banda-
ríkjunum
Netfang: auefni@mbl.is