Morgunblaðið - 12.03.2003, Blaðsíða 7
MORGUNBLAÐIÐ MIÐVIKUDAGUR 12. MARS 2003 B 7
bílar
„FYRST leggjum við niður fyrir
okkur forgangsatriðin sem byggð
eru á greiningu á kaupendahópnum.
Þarna skipta miklu máli þættir eins
og kostnaður þess að eiga og reka
bílinn, öryggi og einnig ánægja
kaupandans. Þar koma inn í þættir
eins og útlit og akstursþægindi. Við
ákváðum, í því skyni að hámarka
ánægju kaupandans, að gera nýjan
Avensis að evrópskum bíl,“ segir
Suguya Fukusato, yfirhönnuður
Avensis, í samtali við
Morgunblaðið. Fukusato hefur
starfað sem hönnuður hjá Toyota í
30 ár.
„Fyrir tveimur og hálfu ári
leituðum við í smiðju evrópskra,
bandarískra og japanskra hönnuða
og báðum þá um að teikna drög að
hinum nýja bíl. Við völdum nokkrar
þeirra úr og í kjölfarið hófst hönnun
bílsins í Frakklandi. Avensis er
eingöngu hannaður fyrir Evrópu.
Þetta þýðir það að þessi bíll er
einvörðungu til sölu í Evrópu. Þetta
er í fyrsta sinn sem við hönnum bíl
einvörðungu fyrir evrópskan
markað.“
Hvað er það sem er svo
breytilegt í smekk Evrópumanna
og Japana?
„Í Japan búum við við ýmsar
reglugerðir sem lúta að stærð bíla.
4,7 m langir bílar og 1,7 m breiðir
eru hefðbundnir í Evrópu og af
þessum málum ræðst útlitið.
Bílastæði eru t.a.m. gerð í þessari
stærð. Evrópskir bílar eru almennt
stærri en japanskir bílar og auk
þess er smekkur Japana og
Evrópubúa gerólíkur. Af þeim
sökum ákváðum við að hanna
Avensis eingöngu fyrir Evrópu.“
Hvernig getur þú sem Japani
þekkt og skynjað tískusmekk
Evrópumanna?
„Ég var svo lánsamur að flytja
til Þýskalands fyrir tíu árum og þar
bjó ég í fjögur ár. Þar vorum við í
samstarfi við Volkswagen um smíði
Taro-bílanna. Þar átti ég í miklum
samskiptum við Þjóðverja og einnig
birgja fyrirtækjanna. Í framhaldi af
því fór ég í mikið ferðalag um
Evrópu og hef komið til flestra
Evrópulanda og sogið í mig áhrif
þar.“
Til hvaða bíla var einkum litið
sem fyrirmynda að nýjum Avensis?
„Við ákváðum að hafa sterk
útlitseinkenni á Avensis og þess
vegna höfum við ekki beinar
fyrirmyndir. Engu að síður höfðum
við nokkra bíla sem viðmið. Viðmið
fyrir aksturseiginleikana voru t.a.m.
Ford Mondeo og Peugeot 406.
Hvað ytra útlit varðar var viðmiðið
Audi A4. Að innan var viðmiðið
VW Passat og frágangur og
efnisval var Mercedes-Benz.“
Gerðum
Avensis að
evrópsk-
um bíl
gugu@mbl.is
Morgunblaðið/Guðjón Guðmundsson
Suguaya Fukusota, yfirhönnuður Avensis, við sköpunarverk sitt. alltaf á föstudögum