Morgunblaðið - 27.03.2003, Page 4

4 B FIMMTUDAGUR 27. MARS 2003 MORGUNBLAÐIÐ

































































































NCEBIT-SÝNINGIN
C
EBIT upplýsingatækni-
sýningunni miklu lauk í
Hannover í Þýskalandi
sl. miðvikudag. Þátttaka
var nokkru minni en hef-
ur verið síðustu ár, en þó talsverð;
alls sóttu um 560.000 gestir sýn-
inguna heim og sýnendur voru 6.500
og enn er CeBIT því stærsta sýning
sinnar tegundar í heimi.
Undanfarin níu ár hefur Útflutn-
ingsráð verið með sérstakan bás á
sínum snærum þar sem íslenskum
tæknifyrirtækjum hefur gefist kost-
ur á að sýna framleiðslu sína. Básinn
hefur jafnan verið í sýningarhöll
fimm, en hallirnar, sem eru allar
gríðarlega stórrar, eru á þriðja tug-
inn.
Á bás Útflutningsráðs að þessu
sinni voru fyrirtækin HB Internat-
ional / Hugbúnaður, Kögun, Snerpa
og Design Europea, en einnig hafði
fyrirtækið Vagnsson, sem rekur vef-
hýsingarfyrirtækið VefHotel.com í
Karlsruhe í Þýskalandi, þar aðstöðu.
Hugbúnaður var að sýna í níunda
sinn á CeBIT, Snerpa hefur áður
sýnt, en Kögun var að taka þátt í
fyrsta sinn og Design Europa var
einnig með í fyrsta sinn. Starfsmað-
ur frá síðastnefnda fyrirtækinu var
þó ekki á sýningunni nema fyrstu tvo
dagana og tók Útflutningsráð að sér
kynningu fyrir það að öðru leyti.
HB International
/ Hugbúnaður
Eins og fram hefur komið hefur HB
International eða Hugbúnaður tekið
þátt í CeBIT sýningunni frá því Út-
flutningsráð hafði forgöngu um að
koma upp íslenskum bás 1996. Stef-
án K. Magnússon segir að fyrirtækið
sé að sýna Centara kassahugbúnað
fyrir Windows og kynna CenTux,
sem er Linux-útgáfa af Centara.
„Við erum að sýna nýja útgáfu af
Centara sem hefur verið í þróun hjá
okkur undanfarin ár og er svo end-
urbætt að það er eins og ný vara. Svo
erum við að kynna Linux-útgáfuna
af Centara sem vakið hefur talsverða
athygli,“ segir Stefán. „Menn eru
mjög spenntir fyrir CenTux enda
spá menn mikið í kostnaðinn nú um
stundir; með Windows útgáfu þarf
að borga hugbúnaðarleyfi fyrir
hvern kassa og ég held að XP-leyfið
sé ekki undir 15.000 kr. á hvern
kassa svo Linux-útgáfa sparar mikla
peninga ef menn eru með mörg
hundruð kassa eða kannski þúsundir
kassa.“
Stefán segir að það skipti mjög
miklu máli að vera með á CeBIT og
þá að mæta alltaf. „Við verðum varir
við það að stóru fyrirtækin taka ekki
mark á mönnum nema þeir séu á
staðnum reglulega. Ég varð fyrir því
núna áðan að talsmaður eins stórfyr-
irtækis sagði við mig að menn þar á
bæ hefðu verið að fylgjast með okkur
og það að við mættum svo vel sýndi
að það væri eitthvað spunnið í það
sem við værum að kynna – nú væri
kominn tími til að setjast niður og
ræða um viðskipti.“
Snerpa
Að sögn Björns Davíðssonar, þróun-
arstjóra Snerpu, sýndi Snerpa líka á
síðasta ári á CeBIT, á bás Útflutn-
ingsráðs, og reynslan af því var svo
góð að ákveðið var að vera aftur með.
Hann segir að Snerpa hafi kynnt
tvennt á CeBIT, annars vegar
INmobil hugbúnað, sem veitir net-
samskipti í gegnum gervihnatta-
síma, og hins vegar INfilter vef-
gæslu, sem er sía á efni sem berst
um Netið og gjarnan notuð til að
tryggja að ólöglegt eða vafasamt efni
berist ekki inn í fyrirtæki eða skóla.
Snerpa rekur INmobil sem þjón-
ustu í samvinnu við Radíómiðun og
veitir þannig þjónustu til skipa um
allan heim. Sem stendur nota 35 skip
búnaðinn en þjónustan nær einnig til
fleiri kerfa, til að mynda til skipa á
grunnslóð sem notað geta NMT-sím-
kerfið þannig að þegar allt er talið
nýta um 70–80 skip þjónustuna.
Björn segir að vel hafi gengið að
kynna þessa tækni á sýningunni
enda sé samkeppni á þessu sviði
mjög lítil. Hann segir að Snerpa hafi
áður kynnt þessa þjónustu á sjáv-
arútvegssýningum og gengið mjög
vel, en hann hafi í sjálfu sér ekki átt
von á að fá mikil viðskipti út úr því að
sýna hana á CeBIT. „Við erum að-
allega hér til að kynna það sem við
köllum INfilter vefgæslu, vefsíu sem
kemur í veg fyrir að óæskilegt efni
berist inn í tölvunet fyrirtækja, skóla
eða stofnana. INfilter lokar fyrir að-
gang eftir IP-vistföngum vefþjóns
þess sem efnið sem hindra á er hýst
á. Þetta þýðir að allt efni vefþjónsins
er stöðvað með einni skráningu, en
við erum nú með 39.540 IP-vistföng
skráð,“ segir Björn. Hann segir að
þeir hafi sýnt þessa lausn á síðasta
ári og þá hafi menn sýnt því nokkurn
áhuga og þeir fengið út úr því góð
sambönd en að nú sé áhuginn enn
meiri og þeir hafi gert mun betur.
„Við komum ekkert hér með glampa
í augum, vitum hvað við erum lítill
partur af þessari sýningu, en sýn-
ingin kemur mjög vel út fyrir okkur
að þessu sinni. Sérstaklega verðum
við varir við mikinn áhuga frá músl-
imalöndum sem eru mörg að komast
í samband um þessar mundir.“
Kögun
Kögun tók nú þátt í CeBIT í fyrsta
sinn og segir Örn Arason sölufulltrúi
hjá Kögun að fyrirtækið sé að kynna
hugbúnað og þjónustu á sviði sam-
þættingar upplýsingakerfa en Kög-
un hefur gert búnað sem auðveldar
að samþætta Microsoft Navision við-
skiptakerfið við önnur upplýsinga-
kerfi. Örn segir að um þrennskonar
lausnir sé að ræða. „Við kynnum
búnað fyrir Navision-kerfi sem lýsa
má sem verkfærum sem hjálpa
mönnum að samþætta ólík upplýs-
ingakerfi.“
Örn segist ekki verða var við
marga aðra sem séu að fást við sömu
hluti og því ekki mikil samkeppni á
þessu sviði, „við völdum okkur nægi-
lega litla syllu til að vinna á. Þeir sem
eru að fást við samþættingu upplýs-
ingakerfa eru yfirleitt mjög stór fyr-
irtæki en við erum að kynna lausnir
fyrir meðalstór fyrirtæki sem notast
við Navision og það virðast ekki svo
margir sem eru á þeim markaði,“
segir Örn en Navision hefur góða
markaðsstöðu í Þýskalandi meðal lít-
illa og meðalstórra fyrirtækja og
mjög góða markaðsstöðu á Norður-
löndum.
Þátttaka Kögunar í CeBIT er þrí-
þætt að mati Arnar; að komast í
gagnagrunn sýningarinnar með lyk-
ilorð sem tengjast fyrirtækinu og
lausnum þess, ná til þeirra sem koma
á sýninguna beinlínis í leit að slíkum
lausnum og ná líka til fyrirtækja
meðal sýnenda sem þurfa á lausnum
Kögunar að halda til að geta aukið
sína þjónustu. Örn segir að Kögun
hafi og komist í samband við talsvert
af líklegum eða hugsanlegum við-
skiptavinum og samstarfsaðilum á
sýningunni og þó vitanlega eigi eftir
að koma í ljós hvað komi út úr þeim
samböndum hafi þátttakan í sýning-
unni gefið góða raun að sínu mati.
„Það hefur í sjálfu sér ekkert upp á
sig að vera íslenskum bás frekar en
að vera einir, þ.e. við erum ekkert að
ná frekari árangri fyrir það að vera
íslenskt fyrirtæki. Það gaf hins veg-
ar augaleið að við hefðum ekki verið
með á sýningunni ef við hefðum
þurft að gera þetta sjálfir. Við kom-
um einfaldlega hingað, stungum
tölvunum í samband og vorum þar
með byrjaðir að sýna og byggjum
þar á reynslu og þekkingu Útflutn-
ingsráðs,“ segir Örn.
Fimm fyrirtæki á
íslenskum sýningarbás
Útflutningsráð Íslands var með bás á CeBIT-upplýsingatæknisýningunni í Hannover í Þýskalandi.
CeBIT-upplýsinga-
tæknisýningin er með-
al helstu viðburða í
upplýsingatæknigeir-
anum. Árni Matthíasson
fór á sýninguna og
ræddi við íslenska
þátttakendur á henni.
Á CEBIT sýndu fjögur íslensk fyrirtæki á
bás Útflutningsráðs, en eitt íslenskt fyrirtæki
var á sænskum bás, Icepage, sem hefur verið
rekið í Svíþjóð alla tíð og var boðið sér-
staklega að vera með. Sem stendur starfa þrír
Íslendingar hjá Icepage, Rúnar Hreinsson,
sem stofnaði fyrirtækið, Hugrún Guðmunds-
dóttir og Ásgeir Guðjónsson, en að auki er
einn sænskur starfsmaður og að sögn Rúnars
stendur til að bæta öðrum við fljótlega.
Rúnar og Hugrún eru búin að búa ytra í tólf
ár, en Ásgeir tíu. Sjálft fyrirtækið er á sjö-
unda ári, sem er allhár aldur á netfyrirtæki,
en að sögn Rúnars hefur fyrirtækið aldrei
fengið inn fjárfesta eða tekið bankalán; það
byrjaði sem tómstundagaman hans og hefur
síðan undið upp á sig. Rúnar segist hafa byrj-
að með BBS, korktöflukerfi með innhring-
isambandi, og síðan hafi hann færst inn á Net-
ið eftir því sem það opnaðist. „Ég byrjaði í
heimasíðugerð og það má segja að hýsingin
hafi komið meira og minna af sjálfu sér, enda
vildu menn fá hýsingu fyrir síðurnar þegar
þær voru tilbúnar og þar sem það var rándýrt
að hýsa síður í Svíþjóð á þeim tíma fann ég
fyrirtæki í Bandaríkjunum sem ég keypti fullt
af plássi hjá og seldi síðan á sænskum mark-
aði,“ segir Rúnar.
1998 var svo komið að tengingin milli
Bandaríkjanna og Evrópu var ekki nógu góð
lengur og þá þótti Rúnari lag að setja upp eig-
in tölvur, byrjaði með fimm ódýrar vélar í
litlu herbergi. Í dag eru vélarnar síðan orðn-
ar 58. Viðskiptavinir Rúnars og félaga eru
eðlilega aðallega sænskir, en hann segir að
fyrirtækið hafi líka lagt íslenskum fyr-
irtækjum lið við að skrá sænsk, dönsk og
norsk lén. Til viðbótar skráningu léna vistar
fyrirtækið um 1.500 vefi en með um 5.000
lénsheiti. Hann segir að einnig séu nokkur
fyrirtæki með eigin vélar í vélasal fyrirtæk-
isins, þ.e. þau leigi vélar en láti Icepage sjá
um öll tækniatriði. „Það á örugglega eftir að
vera enn meira að gera á því sviði á næstu
misserum, enda er mjög erfitt fyrir fyrirtæki
að reka mjög litlar einingar, koma upp afrit-
unarbúnaði, kælikerfi, aflstöð og svo má
telja.“
Annað sem Rúnar segir að Icepage hyggist
leggja aukna áherslu á sé það sem hann kall-
ar speglun vefja, en þá er afrit af vef vistað á
annarri tölvu af upprunalegum vefþjóni og
getur ýmist annað beiðnum eða tekið við ef
eitthvað kemur uppá.
Icepage á sér samstarfsfyrirtæki í Noregi
sem Rúnar segir að sé að skila góðum árangri
og næst á dagskrá sé að efna til samstarfs við
danskt fyrirtæki og svo sé Íslandsmarkaður
líka mjög spennandi að sínu mati. Ekki lítur
Icepage þó bara til Norðurlandanna því Rún-
ar segir að Jórdani hafi leitað fyrirtækið uppi
á CeBIT og óskað eftir því að fá speglun á vef,
enda séu arabískir vefir oft mjög hægvirkir
vegna ófullburða netkerfa viðkomandi landa.
Rúnar Hreinsson og Ásgeir Guðjónsson, starfsmenn Icepage.
Sænsk-
íslenskt
fyrirtæki