Morgunblaðið - 16.04.2003, Blaðsíða 2
2 B MIÐVIKUDAGUR 16. APRÍL 2003 MORGUNBLAÐIÐ
bílar
ÞAÐ virðist sama hversu mikið afl
bílar hafa, menn geta alltaf hugsað
sér meira. Breytingar og viðbætur á
vélar í því skyni snúast yfirleitt um
að koma meira lofti inn í vélarnar
þannig að hægt sé að láta þær
brenna meira eldsneyti. Það er því
ekki óalgengt að vélar eyði meira
eftir breytingar sem þessar. Yfirleitt
má þó rekja umframeyðsluna til
þess að ökumaðurinn finnur að
hægt er að aka hraðar og notar þá
allt það afl sem bíllinn á til. Ef bíln-
um er á hinn bóginn ekið á sama
hraða við svipaðar aðstæður og fyr-
ir breytingu vélarinnar eyðir hann í
mörgum tilfellum minna eldsneyti
eftir breytinguna. Stærri og öflugri
vél getur við ákveðnar aðstæður
eytt minna eldsneyti vegna þess að
hún vinnur léttar og nýtir aðeins fá
prósent af hámarksafli sínu.
Áður fyrr var vinsælt að breyta
vélum fjallabíla mikið. Nú eru mikið
„tjúnaðir“ jeppar fáir á fjöllum
vegna tíðra bilana í þeim sem orsak-
ast af of miklu álagi á vél og drifbún-
að. Það er heldur ekki á færi annarra
en færustu viðgerðarmanna og
dellukalla að halda slíkum tryllitækj-
um gangandi, ekki síst á fjöllum þar
sem aðstæður eru hvað erfiðastar.
Í næsta blaði verður fjallað um
túrbínur, millikæla, tölvukubba og
pústflækjur.
JEPPAHORNIÐ
Morgunblaðið/Brynjar Gauti
Jeppum með „tjúnaðar“ vélar hefur fækkað á fjöllum.
Meira
afl
HIN harðvítuga unga blómarós, hin
tvítuga Elsa Kristín Sigurðardóttir,
hefur tekið boði um að keppa sem að-
stoðarökumaður í
belgíska meistara-
mótinu í ralli 19. apríl
næstkomandi. Elsa
Kristín, sem er á fé-
lagsfræðibraut í
Borgarholtsskóla, á að
baki feril sem aðstoð-
arökumaður í 20 röll-
um hérlendis og hún
verður fyrsta íslenska
konan sem tekur þátt í
rallkeppni á erlendri
grundu. Sagt er að
hún sé til alls líkleg og
gæti saumað að keppi-
nautunum því hún á
líka að baki nám í
Húsmæðraskólanum
þar sem nemendur
læra m.a. að handleika
nál og tvinna. Dugi
það ekki til getur hún
blásið þá í svefn því
hún spilar listavel á
trompet með Lúðrasveit Grafarvogs.
Byrjaði að keppa 15 ára gömul
Elsa Kristín byrjaði að keppa sem
aðstoðarökumaður með pabba sín-
um, Sigurði Óla Gunnarssyni, þegar
hún var fimmtán ára. Hún keppti
líka með föðurbróður sínum, Jóhann-
esi Gunnarssyni, sem núna starfar
hjá Marel í Þýskalandi. Árið 2000 tók
hún sér frí frá keppni og fór í lest-
arferðalag um Evrópu. Í október
2002 tók hún þátt í haustsprettinum í
ralli með Jóhannesi og urðu þau fyrir
því áfalli að velta bílnum
á Reykjanesi. Bíllinn
endasentist á 140 km
hraða út í hraun og slas-
aðist Jóhannes lítillega.
Elsa Kristín slapp án
meiðsla. „Þarna upp-
götvaði ég hvað öll ör-
yggisatriði skipta gríð-
arlegu máli í svona
bílum. Þetta var slæm
velta en núna veit ég að
við erum örugg ef öll ör-
yggisatriði eru í lagi.
Eftir þessa reynslu er
ég eiginlega hræddari í
venjulegum bíl en rall-
bíl.“
Bíllinn léttur með nýjum
aðstoðarökumanni
Elsa Kristín er alin
upp við ralllakstur því
faðir hennar keppti í
mörg ár áður en hún
gerðist aðstoðarökumaður hans.
„Ástæðan fyrir því að ég byrjaði með
honum er sú að pabbi vildi létta bíl-
inn. Hann gat tekið út 40 kg bara
með því að skipta um aðstoðaröku-
mann.“
Í sumar ætlar hún að keppa með
föður sínum í rallkeppnum á Toyota
Celica árgerð 1991. Það er verið að
smíða og breyta bílnum þessa dag-
ana.
Hvað felst í því að vera aðstoðar-
ökumaður í ralli?
„Fyrst og fremst undirbúningur,
sem skiptir öllu máli. Við pabbi för-
um saman, keyrum leiðirnar og
skráum niður allar beygjur, steina,
blindhæðir, hve langt er á milli
beygjanna og svo framvegis. Ég
skrifa t.d. vinstri-tveir, sem þýðir
vinstri beygja í öðrum gír, eða blind-
hæð-beint eða blindhæð í vinstri-tvo.
Ég mata nóturnar í ökumanninn og
verð að passa mig á því að koma
þessu frá mér á réttum tíma. Ég get
klúðrað heilu ralli með því að segja
hægri-tveir í staðinn fyrir vinstri-
tveir og við getum endað úti í hrauni.
Ég sé líka um alla útreikninga; að við
komum inn á réttum tíma og hef því
mikið vald til þess að klúðra þessu,“
sagði Elsa Kristín.
Sofnaði á sérleið
Hún hefur keppt í sautján keppn-
um á sínum ferli. „Ég hef aldrei verið
hrædd en ég sofnaði einu sinni á sér-
leið þegar ég var fimmtán ára. Ég
hafði verið að skemmta mér kvöldið
áður og var ekki heldur með nótur.
Svona var þetta þá.“
Belgíska meistaramótið í ralli nýt-
ur mikilla vinsælda í Benelux-lönd-
unum. Um 100 lið taka þátt í rallinu.
16. apríl verður keyrð ein upphitun-
arleið og sjálf keppnin fer svo fram
19. apríl. „Ég veit ekki hvaða tíma við
höfum til þess að skoða leiðirnar og
taka niður nótur. Það er grundvall-
aratriði að fá að skoða leiðirnar vel.
Keppnin tekur einn dag, alveg frá kl.
8 um morguninn til 20 um kvöldið.“
Jóhannes er líka í fyrsta sinn að
taka þátt í rallkeppni erlendis og
hann bað sérstaklega um að fá Elsu
Kristínu sem aðstoðarökumann.
„Það er mikið hrós fyrir mig. Við
verðum á Ford Focus sem við leigj-
um. Þetta er sérsmíðaður rallbíll, 180
hestafla, og kostar um 4 milljónir
króna.“
Keyrðir verða um 300 kílómetrar
og af þeim eru um 170 km sérleiðir.
Hvaða væntingar hafið þið?
„Maður vonar sitt besta. Jói
frændi er óvanur að keyra fram-
hjóladrifinn bíl og óvanur því að
keyra á malbiki. Ég er óvön því að
lesa nótur í svona landslagi, þar sem
er mikill gróður og tré. Ég veit því
ekki hvað gerist. Þetta gæti hentað
okkur mjög vel eða mjög illa. Við
rennum alveg blint í sjóinn,“ segir
Elsa Kristín.
Fyrst íslenskra kvenna í rallkeppni erlendis
Elsa Kristín er útskrifuð úr Húsmæðraskólanum, er
núna á félagsfræðibraut í Borgarholtsskóla og leikur á
trompet í Lúðrasveit Grafarvogs. Stóra stundin er hins
vegar framundan því hún verður fyrst íslenskra kvenna
til að taka þátt í ralli á erlendri grundu þegar belgíska
meistaramótið hefst 19. apríl nk. Guðjón Guðmunds-
son ræddi við Elsu Kristínu.
Elsa keppir á þessum bíl ásamt föður sínum í sumar.
Ford Focus Jóhannesar og Elsu Kristínar er merktur Marel í bak og fyrir.
Elsa Kristín Sigurðar-
dóttir verður fyrst ís-
lenskra kvenna til að
keppa í ralli erlendis.
gugu@mbl.is
Úr Jeppabók Arctic Trucks.