Morgunblaðið - 17.04.2003, Blaðsíða 11

MORGUNBLAÐIÐ FIMMTUDAGUR 17. APRÍL 2003 B 11














































































































NFRÉTTIR Á. GUÐMUNDSSON ehf. hefur
að undanförnu kynnt nýja hús-
gagnahönnun sem fjórir íslenskir
húsgagnahönnuðir hafa unnið í
samstarfi við fyrirtækið. Um er að
ræða heildarlínur í skrifstofu-
húsgögnum, skóla- og leikskóla-
húsgögnum og fundar- og skrif-
stofustólum.
Húsgögnin sem Á. Guðmundsson
kynnir er fjórar mismunandi vöru-
línur. Heildarlína í skrifstofu-
húsgögnum er nefnist Flex sam-
anstendur af skrifborðum, skápum,
hillum, skilveggjum og fund-
arborðum. Hönnuðir eru Guðrún
Margrét Ólafsdóttir og Oddgeir
Þórðarson. Guðmundur Ásgeirs-
son, framkvæmdastjóri Á. Guð-
mundssonar ehf. segir að þetta sé í
fyrsta skipti sem fyrirtækið vinni
með þeim Guðrúnu og Oddgeiri.
Hann segir að skrifborðin séu
hækkanleg um 18 sentimetra sam-
kvæmt Evrópustaðli og auk þess
séu skrifborð með rafdrifinni
hækkun, þ.e. að notandi geti staðið
eða setið við vinnu sína. Auk þess
séu ýmsir aukahlutir svo sem sóf-
ar, sófaborð, bekkir og hringlaga
fundarborð sem séu með pumpu og
hægt að sitja eða standa við.
Faxi er ný lína af stólum fyrir
skrifstofur og stofnanir hönnuð af
Pétri B. Lútherssyni. Línan sam-
anstendur af skrifborðsstólum,
fundarstólum með og án arma og
stólum fyrir setustofur og bið-
stofur. Guðmundur segir að stól-
arnir hafi mjög nútímalegt útlit og
séu með netáklæði á baki. Þetta
séu fyrstu íslensku skrifborðsstól-
arnir sem boðið sé upp á, bæði í
hönnun og framleiðslu, á Íslandi í
um 15 ár.
Sturla Már Jónsson hannar tvær
línur, annars vegar Skólasyrpu og
hins vegar Seríu Mennt. Skólasyrp-
an eru skólahúsgögn fyrir kennslu-
stofur með hækkanlegum stólum
og stillanlegum borðum fyrir nem-
endur og kennara. Sería Mennt eru
leikskólahúsgögn sem eru hönnuð
með þarfir leikskólabarna og leik-
skólakennara í huga, bæði borð og
stólar. Að sögn Guðmundar hófst
sala á Skólasyrpunni á síðasta ári
og eru þau húsgögn komin í á ann-
an tug skóla. Hann segir að það
sérstaka við þessi húsgögn sé að
þau séu há en stóla nemenda sé
hægt að hækka upp eftir þörfum.
Þannig sé auðveldara fyrir kenn-
ara að athafna sig í kennslustof-
unni. Þá sé sérstaklega hentugt við
þessi borð að öll horn séu rúnuð.
Guðmundur segir að bæði borð
og stólar í leiksókahúsgögnunum
Seríu Mennt séu hæðarstillanleg og
eins og í Skólasyrpunni séu öll
horn rúnuð. Þessi húsgögn segir
hann að séu nú þegar komin í á
annan tug leikskóla.
Á. Guðmundsson ehf. var stofnað
árið 1956 og hefur frá árinu 1973
sérhæft sig í framleiðslu á skrif-
stofuhúsgögnum ásamt hús-
gögnum fyrir skóla og öldr-
unarstofnanir. Um 30 manns starfa
hjá fyrirtæki, þar af 23 í fram-
leiðslu og 7 á skrifstofu. Fyr-
irtækið er til húsa í 3.240 fermetra
húsnæði í Bæjarlind 8–10 í Kópa-
vogi.
Morgunblaðið/Sverrir
Guðmundur Ásgeirsson, framkvæmdastjóri Á. Guðmundssonar ehf., við Flex-skrifstofuhúsgögn sem Guðrún Margrét Ólafsdóttir
og Oddgeir Þórðarson hafa hannað.
Skólasyrpa og Sería Mennt sem Sturla Már Jónsson hefur hannað.
Faxi er ný lína af stólum fyrir
skrifstofur og stofnanir hönnuð af
Pétri B. Lútherssyni.
Á. Guðmundsson ehf.
kynnir ný íslensk húsgögn
HELMSBRISCOE er alþjóðlegt
fyrirtæki sem sérhæfir sig í skipu-
lagningu funda og ráðstefna um
heim allan. Harpa Einarsdóttir
gerðist nýverið umboðsaðili fyrir
HB á Íslandi og í Danmörku en hún
var áður deildarstjóri markaðs- og
sölumála hjá Radisson SAS hótel-
um á Íslandi. HB er stærsta fyr-
irtæki sinnar tegundar í heiminum.
Harpa, sem hefur starfað við
ferðaþjónustu í níu ár, segir við-
skiptavini HB ekkert þurfa að
greiða fyrir þjónustuna heldur fái
fulltrúar HB þóknun frá hótelum
og öðrum þjónustuaðilum.
„Við sjáum um fundi og aðrar
ferðir fyrir hópa frá 10 manns upp í
stórar ráðstefnur hvar sem er í
heiminum,“ segir Harpa og bætir
við að HB taki einnig að sér að að-
stoða fyrirtæki við að finna flug og
afþreyingu, t.d. fyrir árshátíðir er-
lendis.
450 fulltrúar í 23 löndum
„Við erum 450 manns sem störfum
hjá þessu fyrirtæki og það starfa
allir sjálfstætt. Þetta er eins konar
„franschise“-fyrirtæki. Þú borgar
þó ekkert í upphafi til að vera með
en greiðir ákveðinn hluta af tekjum
til fyrirtækisins.“
Harpa segir höfuð-
stöðvar HB vera í
Bandaríkjunum en
alls starfar fyrirtækið
í 23 löndum. Í hverju
landi er einn umboðs-
aðili (e. director) og í
hans hlut kemur að
útvíkka starfsemina
og fá fulltrúa til að
starfa fyrir HB í við-
komandi landi.
Harpa er búsett í
Kaupmannahöfn. Hún
er með BS gráðu í við-
skiptafræði frá Há-
skóla Íslands og tók
mastersgráðu frá Viðskiptaháskól-
anum í Kaupmannahöfn.
Harpa segist nú þegar hafa feng-
ið einn fulltrúa til að starfa fyrir
HB í Danmörku.
„Ég byrjaði á þessu hér á Íslandi
núna í október og færði mig síðan
yfir til Danmerkur. Á Íslandi hef ég
fyrst og fremst markaðssett HB til
fyrirtækja sem þurfa þessa þjón-
ustu erlendis. Okkar þjónusta felst
fyrst og fremst í að finna aðstöðu
og íslensk fyrirtæki þurfa almennt
ekki þá þjónustu hérlendis. Þessi
markaður á Íslandi er
þó frekar lítill svo ég
hef helst verið að vinna
að því að útvíkka starf-
semina í Danmörku.“
Að sögn Hörpu geta
fyrirtæki sparað með
því að skipta við HB.
„Sparnaðurinn fyrir
fyrirtækin felst fyrst
og fremst í tímasparn-
aði. Ef þú ætlar að
halda fund t.d. í Lond-
on þá þarftu að finna
hótel sem hentar,
fundarsal af réttri
stærð og huga að stað-
setningu. Síðan þarf að
athuga hvort eitthvað er laust á
þeim tíma sem um ræðir. Þetta tek-
ur allt saman tíma.
Að auki er HB það stórt og vel
þekkt fyrirtæki, sérstaklega í
Bandaríkjunum, að í sumum tilfell-
um getum við fengið lægra verð hjá
hótelum en fyrirtækin geta fengið
beint.“
HB er einn af stærstu viðskipta-
vinum hjá öllum helstu hótelkeðjum
í heimi og velta viðskipta HB nem-
ur yfir 130 milljónum króna dag
hvern.
Skipuleggur fundi
um allan heim
Harpa Einarsdóttir, um-
boðsaðila HelmsBriscoe á
Íslandi og í Danmörku.
Harpa Einarsdóttir stýrir útibúum HelmsBriscoe í Danmörku og á Íslandi
SALA hjá bresku verslunarkeðjunni
Iceland á fyrsta fjórðungi þessa árs
var um 3,4% minni en á sama tímabili
á síðasta ári. Salan var hins vegar
nokkuð betri en á síðasta fjórðungi
ársins 2002 og segir framkvæmda-
stjóri fyrirtækisins að í raun sé um
bata að ræða þegar tillit sé tekið til
aðstæðna á þessum markaði. Iceland
er í eigu fyrirtækisins Big Food
Group, sem Baugur á um 22% hlut í.
Í tilkynningu frá Big Food Group
er haft eftir Bill Grimsby, fram-
kvæmdastjóra Iceland, að salan á
fyrsta fjórðungi þessa árs gefi til
kynna góðan bata hjá fyrirtækinu,
þegar tillit sé tekið til þess samdrátt-
ar sem verið hefur í matvörugeiran-
um. Hann segir að endurbætur á 33
verslunum fyrirtækisins hafi skilað
sér í aukinni sölu hjá þeim. Þá miði
áætlanir að því að um 100 verslanir
til viðbótar verði endurbættar á
þessu ári.
Bati hjá Iceland þrátt
fyrir minni sölu
Vandaður kvöldklæðnaður
Bendum frímúrurum sérstaklega á síðuna okkar
Harvey Malcolm Clothing Co - Liverpool England
www.harvey-malcolm.co.uk

Sími 0044 151 236 0043
Fax 0044 151 236 0582