Morgunblaðið - 11.06.2003, Blaðsíða 6
Sportlegar línur eru á Laguna.
NÝ KYNSLÓÐ Renault Laguna
kom á markað síðla árs 2001. Mikil
endurnýjun hefur orðið í þessum
stærðarflokki og má nefna að fram-
leiðendur eins og Opel, Nissan,
Ford, Mazda, Honda, Toyota og
Citroen hafa allir á síðustu miss-
erum sett fram mjög frambærilega
bíla í þessum flokki. Samkeppnin er
því býsna hörð og hver og einn
þessara bíla hefur sína kosti og
galla.
Öryggið í lagi
Laguna fékk strax fallega rós í
hnappagatið þegar bíllinn varð
fyrstur til að fá fimm stjörnur í
árekstrarprófun Euro NCAP. Segja
má að Renault hafi lagt mikla
áherslu á öryggismál í þessum nýja
bíl. Má þar nefna að bíllinn er með
átta öryggispúða, fimm þriggja
punkta belti með beltastrekkjurum
og fimm hnakkapúða. Pedalar falla
niður í gólfið við árekstur og far-
þegarýmið er sérstyrkt, eins og
reyndar í öllum keppinautunum.
Auk fimm dyra hlaðbaks býðst
Laguna nú einnig í Break-útfærslu
en svo nefnist langbakurinn. Fimm
dyra gerðin var prófuð á dögunum
með 2ja lítra, 135 hestafla vél og
fjögurra þrepa sjálfskiptingu með
handskiptivali. Þetta er ný vél sem
hentar þessum góða akstursbíl mun
betur en 1,8 lítra vélin sem hann
hefur verið boðinn með hingað til.
Þetta er aflmikil og skemmtileg vél
en skemmtilegra hefði verið að hafa
sjálfskiptinguna fimm þrepa því
fjögurra þrepa sjálfskiptingin er lít-
ið næm fyrir því þegar dregið er úr
inngjöfinni og svarar seint.
Kort í stað lykils
Laguna er, að mati þess sem
þetta skrifar, með laglegri hlaðbök-
um á markaðnum. Á grillinu er
hlífðar- og skrautplata með áláferð
sem setur laglegan svip á framend-
ann.
Það er svo eitt og annað við bílinn
sem vekur athygli og ánægju. Fyrir
það fyrsta er það sjálfur lykillinn
sem er kort á stærð við kreditkort
sem fer vel í vasa. Það er með fjar-
stýringu fyrir hurðalæsingar. Því er
stungið í rauf í mælaborði bílsins og
hann síðan ræstur með því að
þrýsta á þar til gerðan hnapp. Lyk-
ilkortið stjórnar fjölþættum tækni-
búnaði og í minni þess má festa
gögn um stillingar á sætum. Kortið
vistar auk þess upplýsingar um
ástand bílsins og nauðsynlegt við-
hald.
Einfaldleiki ríkir að innan en vel
er vandað til alls frágangs og efnis-
valið er gott, að því undanskildu að
setja má spurningamerki við hátal-
ara sem framkölluðu leiðindaglym
hvernig sem reynt var að stilla
hljómtækin.
Hönnun bílsins að innan er öll á
þann veg að ökumaður finnur sig
strax vel undir stýri. Stýrið er frem-
ur lítið og sportlegt og er bæði með
aðdrætti og veltu. Auk þess er sætið
með hæðarstillingu svo það er leik-
ur einn að finna kjörstellingu undir
stýri. Sætin eru einn af stóru plús-
unum í þessum bíl. Þau eru með
miklum hliðarstuðningi og skorða
ökumann vel af. Sætin eru tauklædd
en með dálítið háum leðurköntum
sem reyndar gera það að verkum að
beita þarf lagni til að setjast inn í
bílinn. Mælaborðið er fremur einfalt
og stílhreint og yfir hljómtækjum er
stórt lok sem þjónar því hlutverki
að draga úr freistingum fingra-
langra. Milli sæta er armhvíla með
geymsluplássi og í stýrinu eru rofar
fyrir skriðstilli og hraðatakmarkara,
sem er þægilegur búnaður t.d. þeg-
ar ekið er í íbúðahverfum þar sem
leyfður hámarkshraði er 30 km á
klst. Oft reynist erfitt að halda sig
við þann hraða með viljann einan að
vopni og þá kemur búnaðurinn að
góðum notum. Búnaðurinn virkar
einnig sem hefðbundin hraðastilling.
Gott rými er í bílnum að því und-
anskildu að fóta- og höfuðrými í aft-
ursætum mætti vera meira þegar
hávaxnir eiga í hlut. Aftursæti er
hægt að fella fram, 60/40, og stækka
þannig myndarlegt farangursrýmið
enn meira.
Bíllinn er vel búinn í grunninn.
Meðal öryggisbúnaðar eru eins og
fyrr segir átta loftpúðar, fimm
þriggja punkta belti ásamt hnakka-
púðum, pedalar sem falla niður í
gólf við árekstur, ESP-stöðugleika-
stýring og skynjarar sem vara við of
lágum loftþrýstingi í dekkjum. Lag-
una er öruggasti bíllinn í sínum
flokki samkvæmt Euro NCAP, en
þess verður þó að geta að nýir
keppinautar í þessum flokki hafa
ekki allir verið prófaðir. Auk þess er
hægt að bæta enn við búnaðinn og
fá sjöunda og áttunda loftpúðann
fyrir afturrýmið sem aukabúnað.
Að öðru leyti má vel við búnað
bílsins una. Hann er með aksturs-
tölvu, loftkælingu, fjarstýringu fyrir
hljómtæki í stýri, þ.e. geislaspilara
og útvarp og ýmislegt fleira.
Verðið er ásættanlegt að teknu
tilliti til búnaðar; 2.610.00 kr. Helstu
keppinautar eru Honda Accord,
Mazda 6, Opel Vectra, VW Passat,
Toyota Avensis, Ford Mondeo, Alfa
Romeo, og Nissan Primera. Hér á
síðunni má síðan sjá samanburð á
búnaði og verði á nokkrum keppi-
nautanna.
Morgunblaðið/Guðjón Guðmundsson.
Laguna, nú fáanlegur með 2ja lítra vél.
Laguna kominn
með 2ja l vél
Allt er snoturt og einfalt í innanrými.
Háir kantar á setunni skorða vel.
!!"#"" !!$%"#&
$!!"#"" !!$%"#&
!%!!$
$
!" # $ #!$
! %"
&'$$
( ' $$
)$$
* + $' ' $ ,-)
& )
- . / " 0 1 '
' 2
345
6
* 7'
'
'
'
8'
& '
'
(
94 :' '
;
'
5<
Sólhlífar eru fyrir afturgluggum.
REYNSLUAKSTUR
Renault Laguna 2,0
Guðjón Guðmundsson
gugu@mbl.is
Stór afturhleri myndar gott aðgengi
að farangursrýminu.
6 B MIÐVIKUDAGUR 11. JÚNÍ 2003 MORGUNBLAÐIÐ
bílar