Morgunblaðið - 16.06.2003, Blaðsíða 2

ÍÞRÓTTIR
2 C MÁNUDAGUR 16. JÚNÍ 2003 MORGUNBLAÐIÐ
FÓLK

KNATTSPYRNUKONAN Soffía
Ámundadóttir hefur gengið til liðs
við Fjölni úr Val. Soffía hefur leikið
150 leiki í efstu deild, auk þess sem
hún hefur leikið með U-21 árs lands-
liði Íslands.

PAVEL Nedved var í gær útnefnd-
ur knattspyrnumaður ársins í heima-
landi sínu Tékklandi og er þetta
fjórða árið í röð sem Juventus-leik-
maðurinn er efstur í þessu kjöri.
Nedved er þrítugur að aldri og var
lykilmaður hjá Juventus sem og
tékkneska landsliðinu sem er í efsta
sæti 3. riðils í undankeppni Evrópu-
móts landsliða með 13 stig að loknum
fimm umferðum.

KNATTSPYRNUSTJÓRI enska
úrvalsdeildarliðsins Blackburn Rov-
ers, Graeme Souness, segir við BBC
að allar líkur séu á því að enski lands-
liðsmaðurinn David Dunn verði seld-
ur frá Blackburn til Birmingham
City fyrir um 660 milljónir ísl. kr.
Birmingham mun greiða strax 480
millj. kr. og afganginn að vissum skil-
yrðum uppfylltum. Souness ætlar að
hitta ítalska varnarmanninn Lorenzo
Amoruso, fyrirliða Glasgow Rang-
ers í Skotlandi, og vonast Souness til
að geta keypt leikmanninn fyrir um
150 millj. ísl. kr.

PETE Sampras segir við franska
íþróttadagblaðið L’Equipe að hann
muni aldrei aftur leika á opna
franska meistaramótinu í tennis en
það er eina stórmótið sem hann hefur
aldrei unnið.

SAMPRAS er 31 árs Bandaríkja-
maður og hefur unnið 14 stórmót á
ferli sínum en nú er allt útlit fyrir að
hann leggi spaðann á hilluna á þessu
ári. Opna franska meistaramótið var
fyrsta mótið sem hann spilaði á frá
því að hann vann opna bandaríska
meistaramótið í fimmta sinn í sept-
ember á sl. ári. Sampras hefur afboð-
að þátttöku sína á Wimbledon-
mótinu en segist ætla að taka þátt í
mótum síðar á þessu ári enda eru að-
eins tveir mánuðir frá því hann hóf
æfingar á ný.

STURE Svensson, formaður
sænska úrvalsdeildarliðsins Elfs-
borg í Borås, segir við norska stað-
arblaðið Budstikka að félagið muni
ganga hart eftir þeim fjármunum
sem norska úrvalsdeildarliðið Sta-
bæk á eftir að greiða Elfsborg vegna
sölu leikmannsins Tobias Linderoths
til Everton.

LINDEROTH var seldur fyrir um
400 millj. ísl. kr. og átti Elfsborg að fá
um 20 milljónir ísl. kr. af söluverðinu
í sinn hlut. Stabæk átti að láta féð af
hendi 15. febrúar á þessu ári en engin
greiðsla hefur borist til Elfsborg.
Stabæk á í miklum fjárhagserfiðleik-
um og hefur verið að semja við lán-
ardrottna sína undanfarin misseri en
Svensson segir að ekki verði samið
um þessa greiðslu – þar sem forráða-
menn Stabæk hafi ekki sýnt neinn
samningsvilja frá því í febrúar.
GENGI Stjörnumanna á knatt-
spyrnuvellinum í upphafi leiktíð-
arinnar hefur verið afleitt. Liðið
situr á botni 1. deildarinnar með
aðeins tvö stig eftir fyrstu fimm
umferðirnar og um helgina féll
Garðabæjarliðið úr leik í 32 liða
úrslitum bikarkeppninnar þegar
það lá fyrir ungmennaliði ÍA. Í
ljósi þess að tveimur þjálfurum
hefur á skömmum tíma verið
sagt upp störfum, Kristni Rúnari
Jónssyni hjá Fram og Jörundi
Áka Sveinssyni hjá Breiðabliki,
hefur vaknað sú spurning hvort
Valdimar Kristófersson, þjálfari
Stjörnunnar, og aðstoðarmaður
hans, Rúnar Páll Sigmundsson,
séu ekki orðnir valtir í sessi.
„Það stendur ekki til að víkja
þjálfurunum en það er alveg
ljóst að við verðum að þjappa
okkur saman. Liðið sem við tefl-
um fram gat ekki spilað sig sam-
an í vor og það er auðvitað
slæmt þegar hópurinn kemur
seint saman. Það þarf að verða
hugarfarsbreyting hjá leik-
mönnum og eftir fund sem við
áttum með þeim í dag vona ég að
það verði,“ sagði þingmaðurinn
Bjarni Benediktsson, formaður
knattspyrnudeildar Stjörn-
unnar, við Morgunblaðið í gær.
Engar breytingar
hjá Stjörnunni
ÞÓREY Edda Elísdóttir, stang-
arstökkvari úr FH, varð í öðru sæti
á alþjóðlegu móti sem fram fór í
Varsjá í Póllandi í gær. Þórey stökk
4,30 metra, en sigurvegari varð
Anna Rogowska frá Póllandi sem
vippaði sér yfir 4,40 metra en hún á
best 4,47 metra. Monika Pyrek frá
Póllandi varð þriðja með 4,30
metra en hún hefur hæst stokkið
4,62 metra.
Þórey Edda fór yfir 4,20 metra í
þriðju tilraun en í fyrstu yfir 4,30
metra. Hún lét hækka rána í 4,40
metra en felldi þá hæð þrívegis.
Þórey
önnur
í Varsjá
Þórey Edda Elísdóttir
NORSKA knattspyrnulandsliðið er
talsvert gagnrýnt fyrir slaka
frammistöðu gegn Rúmenum í í Evr-
ópukeppninni í sl. viku, en þar var
það heppið að ná jafntefli á heima-
velli, 1:1. Þar með eru líkurnar á að
Norðmenn standi uppi sem sig-
urvegarar í 2. riðli orðnar frekar
litlar. Danir eru með pálmann í
höndunum og Norðmenn berjast við
Rúmena um annað sætið.
Íþróttaritstjóri dagblaðsins
Fædrelandsvennen gengur einna
lengst í gagnrýninni. Hann segir að
tími sé kominn fyrir Nils Johan
Semb að segja starfi landsliðsþjálf-
ara lausu, og jafnframt sé kominn
tími á kynslóðaskipti í liðinu, sem og
að skipta um leikaðferð.
„Hvorki leikmennirnir né leik-
aðferðin hjá Nils Johan Semb duga í
umspili um EM-sæti. Það er varla
nokkur sem mótmælir því að það er
hræðilega leiðinlegt að horfa á varn-
armenn landsliðsins þruma bolt-
anum fram völlinn, og vonast til þess
að þar birtist einhver og komi sér í
marktækifæri. Látum Trond Sollied
eða Åge Hareide taka við, þeir eru
mun hugmyndaríkari þjálfarar. Lát-
um unga og hungraða leikmenn fá
tækifæri og hættum að hugsa um
langar sendingar og „annan bolta“,
segir ritstjórinn, Svein Enersen, sem
jafnframt lofar því að hjóla til Portú-
gals ef Noregur vinnur riðilinn.
Vill losna við Semb
og hálft landsliðið
Fjórði hver bæjarbúi á Húsavíkeða 600 manns mættu til að
fylgjast með leik Völsungs og bik-
armeistara Fylkis á Húsavíkurvelli
í 32-liða úrslitum bikarkeppninnar
sem lauk með öruggum sigri
Árbæinga, 5:1.
Finnur Kolbeinsson, fyrirliði
Fylkis, skoraði eftir aðeins tveggja
mínútna leik en heimamenn jöfn-
uðu átta mínútum síðar með marki
Boban Jovic. Eftir það tóku bik-
armeistararnir völdin. Hrafnkell
Helgason, Haukur Ingi Guðnason
og Ólafur Páll Snorrason skoruðu
þvívegis fyrir leikhlé og Jón B.
Hermannsson bætti við einu í síð-
ari hálfleik.
Stjarnan lá
fyrir Skagastrákum
Á Akranesi gerði ungmennalið
ÍA sér lítið fyrir og sigraði 1.
deildarlið Stjörnunnar, 2:1. Skaga-
strákarnir skoruðu tvívegis í fyrri
hálfleik, Þórður Birgisson það
fyrra á upphafsmínútum leiksins
og Jóhannes Gíslason það síðara á
35. mínútu en í millitíðinni hafði
ÍA misnotað vítaspyrnu þegar
markvörður Stjörnunnar varði
vítaspyrnu Baldurs Aðalsteinsson-
ar. Stjörnumenn minnkuðu mun-
inn á 65. mínútu þegar Guðjón
Baldvinsson skallaði í netið og
þrátt fyrir þunga sókn á köflum að
marki ÍA tókst Garðbæingum ekki
að jafna. Ungmennalið ÍA er þar
með komið í 16-liða úrslit keppn-
innar annað árið í röð.
Víðir, sem leikur í 2. deild, veitti
1. deildarliði Þórs harða keppni í
Garðinum en Akureyringar fóru
með sigur af hólmi, 2:1. Alexandro
Santos og Jóhann Þórhallsson
skoruðu fyrir Þórsara í fyrri hálf-
leik en Guðmundur Þór Brynjars-
son minnkaði muninn fyrir Víð-
ismenn stundarfjórðungi fyrir
leikslok og þar við sat.
Þrenna
Jónasar Grana
Jónas Grani Garðarsson skoraði
þrennu fyrir FH-inga sem lögðu 3.
deildarlið Hattar á Vilhjálmsvelli á
Egilstöðum, 3:0. Jónas Grani skor-
aði tvö markanna í fyrri hálfleik og
fullkomnaði svo þrennu sína á 55.
mínútu.
Grindvíkingar stilltu upp sínu
sterkasta liði gegn U-23 ára liði
Keflvíkinga. Úrvalsdeildarliðið
sigraði, 3:0. Sinisa Kekic skoraði
fyrsta markið á 15. mínútu, Ólafur
Örn Bjarnason bætti við öðru úr
vítaspyrnu stundarfjórðungi fyrir
leikslok og undir lokin skoruðu
Keflvíkingar sjálfsmark.
Haukar gerðu góða ferð til Ísa-
fjarðar þar sem þeir burstuðu BÍ,
7:0. Jón Gunnar Gunnarsson og
Gunnar Sveinsson skoruðu tvö
mörk hvor fyrir Hafnarfjarðarlið-
ið.
Á Siglufirði steinlágu heima-
menn í KS fyrir Aftureldingu úr
Mosfellsbæ, 5:1. Þorvaldur Már
Guðmundsson var maður leiksins
en hann skoraði þrjú af mörkum
Mosfellinga og þeir Birgir Þór
Birgisson og Henning Jónasson
gerðu sitt markið hvor.
Á hádegi í dag verður dregið til
16-liða úrslitanna og liðin sem
verða í hattinum eru: Fylkir, KR,
KA, Grindavík, FH, Fram, ÍBV,
Valur, ÍA, Þróttur, Afturelding,
Þór, Haukar, Víkingur, U-23 ÍA,
Keflavík.
Morgunblaðið/Árni Torfason
Haukur Ingi Guðnason hefur heldur betur verið á skotskónum í
leikjum með Fylki að undanförnu.
Fylkir hóf
bikarvörn-
ina vel
ÓVÆNT úrslit urðu í 32-liða úrslitum bikarkeppni karla í knatt-
spyrnu þegar ungmennalið ÍA, skipað leikmönnum undir 23 ára
aldri, gerði sér lítið fyrir og lagði 1. deildarlið Stjörnunnar á Akra-
nesi, 2:1. Úrvalsdeildarliðin Fylkir, FH og Grindavík áttu nokkuð
greiða í 16-liða úrslitin og þar með verða öll úrvalsdeildarliðin í
hattinum þegar dregið verður í dag til 16-liða úrslitanna, ásamt
fimm liðum úr 1. deild og ungmennaliði liði ÍA.