Morgunblaðið - 30.06.2003, Blaðsíða 3
ÍÞRÓTTIR
MORGUNBLAÐIÐ MÁNUDAGUR 30. JÚNÍ 2003 B 3
Björgólfur opnaði markareikningsinn í sumar á Laugardalsvelli
gegn KA-mönnum 19. maí, en hann
skoraði þá tvö mörk í
3:1-sigri Þróttara í 1.
umferð mótsins.
Hann bætti við þriðja
markinu í 2:1-sigri á
Fylki á Laugardalsvellinum og skor-
aði tvö mörk á móti Eyjamönnum í
síðustu viku, enn og aftur á þjóðar-
leikvanginum. Mörkin hafa verið í öll-
um regnbogans litum en mesta at-
hygli hafa þó vakið aukaspyrnur
Björgólfs. Pilturinn er sparkviss með
afbrigðum og skotharka hans hefur
komið mörgum varnarmanninum og
markverðinum til að skjálfa á bein-
unum.
Björgólfur er fæddur 11. maí 1980
og hefur leikið allan sinn feril með
Þrótti. Hann lék sína fyrstu leiki með
Þrótti í efstu deild sumarið 1998, fékk
þá að spreyta sig í tveimur leikjum.
Þróttarar féllu um haustið í 1. deild
en komust á ný í hóp þeirra bestu eft-
ir tímabilið í fyrra.
Takefusa-nafnið er japanskt en
faðir Björgólfs er japanskur. Björg-
ólfur var fimm ára þegar faðir hans
og móðir skildu. Faðir hans fluttist til
Japans og Björgólfur segist ekki hafa
hitt hann síðan eða í um 17 ár.
Hvenær byrjaðir þú að sparka
bolta fyrir alvöru?
„Ég hef líklega verið sjö til átta ára
þegar ég byrjaði að æfa. Ég var eins
og margir krakkar að prófa mig
áfram í mörgum íþróttum eins og fót-
bolta, badminton, blaki og handbolta
en ég var fljótur að sjá að fótboltinn
hentaði mér best og því valdi ég
hann. Ég hafði ekki hæðina í hand-
boltann og blakið og mér fannst eins
og núna alltaf langskemmtilegast í
fótboltanum,“ segir Björgólfur.
Björgólfur leggur stund á nám í
fjármálafræði í Boston í Bandaríkj-
unum og á tvö ár eftir af náminu.
Samhliða náminu hefur hann spilað
með skólaliðinu. Hann yfirgefur því
herbúðir Þróttar seinnihlutann í
ágúst og missir af lokaspretti Ís-
landsmótsins. En finnst honum ekki
leiðinlegt að þurfa að fara áður en
mótinu lýkur?
„Það þýðir ekkert að væla út af
þessu. Það er viss fórn sem maður
verður að leggja á sig og þetta er
ákvörðun sem ég tók á sínum tíma.“
Björgólfur er mjög ánægður með
gengi síns liðs það sem af er en hann
segir að menn megi ekki ofmetnast
þó svo að vel hafi gengið í síðustu
leikjum.
Markmiðið að
ná 20 stigum
„Það er búið að vera ótrúlega gam-
an í sumar en það eru ekki nema sjö
leikir búnir svo það er heilmikið eftir
af tímabilinu. Við erum rúmlega
hálfnaðir í átt að takmarkinu sem við
settum okkur í upphafi móts. Það var
að ná 20 stigum og halda okkur í
deildinni. Númer eitt, tvö og þrjú er
að verða áfram á meðal þeirra bestu
og til að það takist verðum við að
halda áfram á sömu braut. Andinn er
sérlega góður í hópnum og sjálfs-
traustið í liðinu hefur farið stigvax-
andi. Menn hafa gaman af því sem
þeir eru að gera og meðan svo er
gengur mönnum miklu betur inni á
vellinum.“
Björgólfur steig sín fyrstu skref í
meistaraflokki Þróttar undir stjórn
Willums Þórs Þórssonar, núverandi
þjálfara KR, og hann segir það hafa
verið góðan skóla.
„Ég held að ég þoli hvað sem er
eftir þann skóla. Willum er frábær
þjálfari og það var gott að vera undir
hans stjórn. Ég hef hins vegar lengst
verið undir stjórn Ásgeirs Elíassonar
og hann er búinn að kenna okkur
strákunum geysilega mikið og er enn
að því.“
Þú hlýtur að vera mjög sáttur við
eigin frammistöðu. Settirðu þér ein-
hver markmið fyrir sumarið?
„Eins og er gengur mér vel og ég
vona að það haldi áfram. Ég setti mér
það markmið að skora eitt mark en
ég hef verið svo heppinn að þau eru
orðin fimm og ég vona að ég nái að
skora að minnsta kosti eitt til viðbót-
ar. Ef ég næ því verð ég sáttur og ef
það tekst þá set ég mér það markmið
að skora eitt í viðbót.“
Fjarlægur draumur
Atvinnumennskan heillar marga
unga knattspyrnumenn. Gerir hún
það líka hjá þér?
„Draumur flestra fótboltamanna
ef ekki allra er að fara út í atvinnu-
mennsku. Hvað mig snertir er það
nokkuð fjarlægur draumur og ég hef
í raun ekkert spáð í það. Það hafa að
minnsta kosti engin félög sett sig í
samband og meðan svo er einbeiti ég
mér bara að því að spila fyrir Þrótt og
síðan tekur námið í Bandaríkjunum
við.“
Björgólfur á eins og fleiri knatt-
spyrnumenn sér annan draum en það
er að spila fyrir þjóð sína. Sér hann
það gerast í framtíðinni?
„Það er engin spurning að allir
vilja spila fyrir þjóð sína og ég er þar
engin undantekning. En eins og með
atvinnumennskuna er það fjarlægur
draumur í mínum augum að ég fái
tækifæri með landsliðinu. Ég ætti
kannski að reyna að komast í jap-
anska landsliðið,“ segir Björgólfur og
rekur upp hlátur.
En víkjum að Íslandsmótinu.
Spennan þar er geysilega mikil en
sérð þú fyrir þér að liðin haldi áfram
að reyta stig hvert af öðru?
„Deildin í sumar hefur verið alveg
ótrúleg og ég man hreinlega ekki eft-
ir svo jöfnu móti. Við Þróttarar vær-
um samt alveg sáttir við það ef ein-
hver tvö lið hefðu skorið sig úr hvað
varðar botninn. En þetta er skemmti-
leg staða fyrir alla og ef fram heldur
sem horfir ræðst það ekki fyrr en í
lokaumferðunum hverjir hampa titl-
inum og hvaða lið fara niður. Það sem
hefur komið mér einna mest á óvart
er að KR-ingarnir hafa ekki náð sér á
strik – ég bjóst við þeim mun sterkari
– og eins hafa Grindvíkingar leikið
verr en ég bjóst við.“
Held að Fylkir verði meistari
Björgólfur segir nánast ómögulegt
að segja fyrir um hvaða lið muni
hampa titlinum í haust. „Ef KR-ing-
arnir komast í gang og ná að rífa upp
móralinn í liðinu spái ég þeim titl-
inum, en eins og staðan lítur út í dag
held ég að Fylkir geti unnið mótið.
Fylkisliðið hefur sýnt mestan stöðug-
leika það sem af er og það er greini-
legt að andinn í Árbænum er mun
betri en í vesturbænum. Ég vona að
mótið haldi áfram að vera spennandi
og skemmtilegt en einhvern veginn
held ég nú samt að Fylkir og KR eigi
eftir að slíta sig frá öðrum liðum.“
Hvernig sérðu framtíðina fyrir
þér?
„Það liggur mest á mér og hefur
forgang að klára námið. Ég setti mér
það markmið að komast í gegnum
þetta nám og ég er hálfnaður með
það. Ég ætla að halda áfram í fótbolt-
anum eins lengi og ég hef heilsu til og
hef gaman af honum. Ég gæti ekki
lifað einn dag án þess að spila fót-
bolta. Þegar ég hef lokið náminu get
ég einbeitt mér betur að boltanum og
klárað heilt tímabil hér heima.“
Björgólfur starfar í Landsbankan-
um, „langbesta og traustasta bank-
anum á Íslandi“ eins og hann orðar
það. Hann er ólofaður og býr hjá
móður sinni í Kringlunni í Reykjavík.
„Ég bý á Hótel mömmu og það er
langbest – eiginlega of gott,“ segir
Björgólfur, sem verður næst í eldlín-
unni með Þrótti í Kaplakrika annað
kvöld þegar Þróttarar heimsækja
FH-inga í 16 liða úrslitum bikar-
keppninnar og liðin eigast svo aftur
við á sama stað í deildinni á laugar-
daginn.
Björgólfur Takefusa hefur slegið í gegn með Þrótti á Íslandsmótinu í knattspyrnu
Gæti ekki lifað einn dag
án þess að spila fótbolta
Morgunblaðið/Jim Smart
Björólfur Takefusa hefur skorað fimm mörk fyrir Þrótt á Ís-
landsmótinu og átt sinn þátt í góðum árangri liðsins til þessa.
BJÖRGÓLFUR Takefusa, hinn 23 ára gamli framherji Þróttar, hefur
vakið mikla athygli fyrir vasklega framgöngu á knattspyrnuvöllum
landsins nú í upphafi sumars. Þessi knái leikmaður hefur skorað
fimm mörk í sjö leikjum Þróttara í Landsbankadeildinni og það er
ekki síst fyrir frammistöðu hans sem Þróttarar hafa komið allra liða
mest á óvart í upphafi leiktíðarinnar, en lærisveinar Ásgeirs Elías-
sonar eru sem stendur í öðru sæti deildarinnar, stigi á eftir Fylkis-
mönnum.
Eftir
Guðmund
Hilmarsson
BRYNJAR Björn Gunnarsson landsliðsmaður
í knattspyrnu sagði í samtali við Morgun-
blaðið í gær að yfirgnæfandi líkur væru á að
hann myndi skrifa undir nýjan samning við
Stoke City einhvern næstu daga.
Samningur Brynjars við Stoke rann út um
síðustu mánaðarmót og undanfarna daga
hefur hann verið í viðræðum við forráða-
menn Íslendingaliðsins um nýjan samning.
„Það má eiginlega segja að boltinn sé hjá
Stoke og ég bíð eftir að heyra frá þeim. Ég
fékk tilboð frá félaginu fyrir nokkru og það
sem hefur síðan gerst er að ég gerði gagn-
tilboð og ég bíð eftir viðbrögðum félagsins
við því. Ég reikna með að málin skýrist í vik-
unni og ég met stöðuna þannig að yfirgnæf-
andi líkur séu á að ég verði um kyrrt hjá
Stoke,“ sagði Brynjar Björn við Morgun-
blaðið.
Brynjar var einn sex leikmanna Stoke sem
voru með lausa samninga en á undanförnum
dögum hafa borist fréttir frá félaginu þess
efnis að fjórir þeirra hafa skrifað undir nýja
samninga, Marcus Hall, Peter Hoekstra,
Clive Clark og Brian Wilson. Brynjar Björn
er í samningaviðræðum eins og fram kemur
hér að framan en James O’Connor hefur
hafnað nýjum samningi og ætlar að róa á
önnur mið.
Brynjar áfram í samninga-
viðræðum við Stoke City
Brynjar Björn
LÁRA Hrund Bjargardóttir, sundkona úr
Sundfélagi Hafnarfjarðar, náði á laugardag
lágmarki til þátttöku á heimsmeistara-
mótinu í 50 m laug sem fram fer í Barcelona
síðari hluta næsta mánaðar. Lágmarkinu
náði hún í 200 metra fjórsundi. Lára Hrund
synti á tímanum 2.17,33 mínútu sem er að-
eins 2⁄100 úr sekúndu frá Íslandsmeti hennar í
greininni. Sundið fór fram á Akranesi og
var synt á meðan keppendur á aldurs-
flokkameistaramóti Íslands tóku sér hlé frá
keppni.
Louisa Isaksen og Ragnheiður Ragnars-
dóttir reyndu einnig að ná HM-lágmarki á
mótinu en lánaðist það ekki.
Auk Láru Hrundar hafa Anja Ríkey Jak-
obsdóttir, Íris Edda Heimisdóttir, Kolbrún
Ýr Kristjánsdóttir, Heiðar Ingi Marinósson,
Jakob Jóhann Sveinsson, Jón Oddur Sig-
urðsson og Örn Arnarson tryggt sér farseð-
ilinn á HM. Ljóst er að hópurinn verður
ekki stærri því síðasta tækifærið til að ná
lágmarksárangri var í gær.
Lára Hrund
kemst á HM
Lára Hrund Bjargardóttir