Morgunblaðið - 30.06.2003, Blaðsíða 4
ÍÞRÓTTIR
4 B MÁNUDAGUR 30. JÚNÍ 2003 MORGUNBLAÐIÐ
WINFRIED Schäfer, landsliðs-
þjálfari Kamerún í knattspyrnu,
sagði í viðtali við breska blaðið
The Guardian um helgina að hann
hafi ætlað að taka Marc Vivien
Foe af leikvelli fáeinum mínútum
áður en leikmaðurinn hné niður í
leik Kamerúna og Kólumbíu-
manna í Álfukeppninni í knatt-
spyrnu í síðustu viku og lést
skömmu síðar.
,,Mér fannst hann vera orðinn
orkulítill og farinn að hægja á sér
inni á vellinum en hann vildi
ómögulega koma út af og skömmu
síðar féll hann í yfirlið. Ég kom
skilaboðum áleiðis til hans hvort
hann vildi ekki koma út af og fá
skiptingu en hann þvertók fyrir
það,“ segir Schäfer þjálfari.
Eiginkona leikmannsins, Marie-
Lousie Foe, sagði í viðtali við The
Sun að læknar hefðu átt að koma
veg fyrir að eiginmaður sinn spil-
aði leikinn þar sem hann hafði
fyrir leikinn kvartað undan slapp-
leika.
,,Hann hefði ekki átt að spila
því bæði var hann slappur fyrir
leikinn og þremur dögum áður
hafði hann fengið blóðsótt. Hann
hefði því með réttu ekki átt að
taka þátt í leiknum en hann vildi
ólmur spila fyrir sína þjóð og það
á gamla heimavellinum í Lyon,“
segir Marie-Louise.
Marie-Louise var á meðal áhorf-
enda á leiknum í Lyon og sá eig-
inmann sinn hníga meðvitundar-
lausan niður í grasið. ,,Þegar ég
sá Marc falla niður óraði mig ekki
fyrir því að hann myndi deyja. Ég
var eiginlega alveg viss um að
hann myndi jafna sig við hliðarlín-
una og koma aftur inn á völlinn.“
Marc Vivien Foe er minnst með-
al knattspyrnumanna sem glað-
beitts ungs manns. Foe varð 28
ára gamall og lék 62 leiki fyrir
þjóð sína. Hann skilur eftir sig
eiginkonu og þrjú börn. Hann lék
með Manchester City á síðustu
leiktíð og skoraði síðasta markið
sem skorað var á Maine Road.
Þjálfari Kamerúna ætlaði að
taka Marc Vivien Foe af leikvelli
KA tók síðast þátt í Evrópukeppn-
inni 1990 er liðið mætti CSKA Sofia
frá Búlgaríu. Liðið sigraði í heima-
leiknum 1:0. Hafsteinn Jakobsson
frá Ólafsfirði skoraði sigurmarkið.
Búlgararnir sigruðu síðan 3:0 úti.
KA-mennirnir Steinn Viðar
Gunnarsson, Þorvaldur Sveinn
Guðbjörnsson og Örlygur Þór
Helgason voru allir í leikmannahópi
Leifturs frá Ólafsfirði er liðið gerði
jafntefli við Luzern frá Sviss í Int-
ertoto-keppninni 2000. Steinn og
Þorvaldur eru Ólafsfirðingar.
ÖRLYGUR Þór skoraði jöfnunar-
markið mikilvæga gegn Luzern en
hann sat á varamannabekk KA gegn
Sloboda Tusla.
Í Bosníu þurftu KA-menn að glíma
við 8.000 æsta stuðningsmenn Slob-
oda Tusla en áhorfendur á Akureyr-
arvelli voru aðeins um 800 og létu lít-
ið í sér heyra. Sloboda Tusla mætir
Lierse frá Belgíu í 2. umferð Int-
ertoto-keppninnar en KA situr eftir
með sárt ennið.
FORRÁÐAMENN spænska liðs-
ins Atletico Madrid sögðu í gær að
félagið hefði gert formlegt kauptil-
boð í norska framherjann Tore
Andre Flo sem lék með Sunderland
á sl. leiktíð. Sunderland þarf að
greiða Flo rúmlega 220 millj. ísl. kr. í
laun á ári en hann skoraði aðeins
fimm mörk á síðustu leiktíð.
Flo var áður í herbúðum Glasgow
Rangers og Chelsea, en Sunderland
keypti hann fyrir rúmar 800 millj. kr.
frá Rangers.
BARCELONA ætlar að kaupa
ástralska framherjann Mark Viduka
frá Leeds United takist liðinu að
selja Kluivert. Leeds á við mikla
fjárhagserfiðleika að stríða og ljóst
að félagið hefur ekki efni á að neita
góðu tilboði í framherjann.
FORRÁÐAMÖNNUM ítalska
knatttspyrnuliðsins Florentia Viola
tóks loks að fá beiðni sína um að
breyta nafni félagsins aftur í Fior-
entina samþykkta eins og það hét í
tæp hundrað ár. Því mun Fiorentina
snúa aftur á næsta leiktímabili. Liðið
leikur í C-deild eða þriðju efstu
deild.
TIM Henman er kominn í fjórðu
umferð Wimbledon-mótsins í tennis.
Í þriðju umferð sigraði hann Svíann
Robin Soderling. Henman er eini
Bretinn eftir í keppninni og binda
landar hans miklar vonir við að
kappinn nái lengra í keppninni í ár
en hann gerði í fyrra. Þá tapaði hann
í undanúrslitum.
JELENA Dokic frá Serbíu og
Svartfjallalandi er dottin úr keppni
á Wimbledon-mótinu. Hún tapaði
fyrir rússneska táningnum Mariu
Sharapovu á laugardag. Maria hafði
mikla yfirburði og stóð leikurinn að-
eins yfir í 77 mínútur.
FÓLK
Indriði, sá eini af 12 Íslendingum íúrvalsdeildinni sem hefur verið í
byrjunarliði síns félags í öllum 11
deildaleikjunum á tímabilinu, er í
53.–55. sæti í einkunnagjöf VG með
4,82 í meðaleinkunn. Hann er fjórði
efsti leikmaður Lillestrøm á listan-
um, á eftir Emile Baron, Frode
Kippe og Kasey Wehrman.
Tryggvi Guðmundsson hjá Stabæk
er næstur Íslendinganna en hann er í
69.–71. sæti með 4,7 í einkunn, í 10
leikjum.
Jóhann B. Guðmundsson hjá Lyn
er í 127.–130. sæti með 4,11, Bjarni
Þorsteinsson hjá Molde er í 131.–134.
sæti með 4,1 og Helgi Sigurðsson er í
142. sæti með 3,9 í meðaleinkunn.
Alls komast 150 leikmenn úr liðunum
14 á lista VG en til að ná inn á hann
þurfa þeir að hafa fengið einkunn í að
minnsta kosti 60 prósentum leikj-
anna, byrjað inn á eða leikið nógu
lengi sem varamenn til að fá einkunn.
Sjö af íslensku leikmönnunum tólf í
deildinni komast ekki á listann þar
sem þeir hafa ekki spilað nægilega
mikið. Þeir eru Hannes Þ. Sigurðs-
son hjá Viking, sem hefur komið inn á
sem varamaður í öllum 11 leikjunum,
Ólafur Stígsson hjá Molde sem hefur
verið 5 sinnum í byrjunarliði og
þrisvar verið skipt inn á, Gylfi Ein-
arsson, Ríkharður Daðason og Davíð
Þór Viðarsson hjá Lillestrøm sem
hafa leikið 4 leiki hver, Andri Sig-
þórsson hjá Molde, sem hefur leikið
einn leik, og svo Árni Gautur Arason,
landsliðsmarkvörður hjá Rosenborg,
sem ekki hefur fengið tækifæri
ennþá á tímabilinu. Árni Gautur hef-
ur undanfarin ár verið meðal efstu
manna í einkunnagjöfum norsku fjöl-
miðlanna.
Tryggvi og Bjarni fyrir ofan
Indriða hjá Nettavisen
Hjá Nettavisen lítur dæmið öðru-
vísi út. Þar er Tryggvi efstur á lista af
Íslendingunum, í 61.-64. sæti með 4,7
í meðaleinkunn. Bjarni er næstur, í
98.-99. sæti með 4,3 í einkunn og síð-
an kemur Indriði í 100.-102. sæti með
4,27 í meðaleinkunn. Fyrir neðan eru
síðan Jóhann, í 114.-115. sæti með
4,11, og Helgi, í 128.-131. sæti með 3,9
í meðaleinkunn.
Þá hafa Íslendingarnir ekki verið
eins áberandi í markaskorun í deild-
inni og oftast áður. Helgi Sigurðsson
er efstur þeirra með 3 mörk, Tryggvi
hefur skorað tvö og Jóhann eitt. Það
er hins vegar Haraldur Ingólfsson
hjá Raufoss í 1. deild sem heldur uppi
heiðri Íslendinganna á þeim vett-
vangi því að hann er markahæstur í
1. deild ásamt tveimur öðrum leik-
mönnum með sjö mörk.
Indriði og
Tryggvi
efstir Ís-
lendinga
INDRIÐI Sigurðsson hjá Lillestrøm er besti íslenski leikmaðurinn í
norsku knattspyrnunni það sem af er keppnistímabilinu, sam-
kvæmt einkunnagjöf Verdens Gang. Ef einkunnagjöf Nettavisen er
hinsvegar skoðuð ber talsvert á milli og þar er Tryggvi Guðmunds-
son fremstur íslensku leikmannanna. Mat miðlanna tveggja á
frammistöðu Indriða er reyndar ótrúlega ólíkt, því hann er um 50
sætum neðar á listanum hjá Nettavisen en hjá Verdens Gang.
SIGBJÖRN Gunnarsson, hinn gam-
alkunni KA-maður, fylgdist með
sínum mönnum á Akureyrarvelli en
hann sá einnig leikinn úti í Bosníu.
„KA-menn eru mun betri núna en
úti,“ sagði hann eftir venjulegan
leiktíma. „Ég held að þetta sé besti
leikurinn þeirra í sumar. Þeir eru
loks með alla leikmenn heila og þeir
eru bara óheppnir að hafa ekki
skorað fleiri mörk,“ sagði Sigbjörn
og var að vonum ánægður með
markið sem Þorvaldur Makan, son-
ur hans, skoraði.
Stoltur af strákunum
„Ég er virkilega stoltur af strák-
unum. Þeir lögðu sig alla fram,
spiluðu mjög vel og voru betra liðið
á vellinum. Þeir áttu meira skilið en
þetta. Auðvitað er ægilega sárt að
tapa, sérstaklega af því að við vor-
um betri,“ sagði Vignir Þormóðs-
son, formaður knattspyrnudeildar
KA.
„Já, við áttum að vinna þetta mið-
að við gang leiksins en lukkudís-
irnar voru ekki með okkur. Nú er
bara að einbeita sér að næsta verk-
efni sem er bikarleikurinn á móti
Fylki. Þetta er fjórða árið í röð sem
við mætum Fylki en hinir þrír leik-
irnir hafa tapast. Það er kominn
tími til að snúa þessu við og ég hef
fulla trú á að mínir menn komist
alla leið í bikarnum,“ sagði Vignir.
Besti leikur
KA í sumar
Þorvaldur Makan Sigbjörnsson fagnar marki sínu í seinni hálf-
leik, er hann jafnaði með glæsilegu skoti yst úr vítateignum.
ÞEIR knattspyrnumenn sem hafa á
undanförnum misserum fagnað
mörkum sínum með því að draga
keppnistreyju sína aftur fyrir höfuð
til þess að sýna áhorfendum slagorð
eða auglýsingar á bolum sem þeir
klæðast undir keppnistreyjunum
verða nú að beita öðrum aðferðum til
að koma boðskap sínum á framfæri.
Alþjóðaknattspyrnusambandið,
FIFA, hefur ákveðið að banna leik-
mönnum að draga keppnistreyjuna
yfir höfuðið til þess að vekja athygli
á slagorðum og öðrum viðburðum en
reglurnar taka gildi um mánaðamót-
in en reglurnar hafa verið í gildi hér
á landi frá upphafi Íslandsmótsins.
Með þessum aðgerðum vill UEFA
koma í veg fyrir að leikmenn geti
vakið athygli á málefnum eða komið
slagorðum á framfæri með þessum
hætti.
UEFA bannar slagorð