Morgunblaðið - 13.08.2003, Blaðsíða 2

2 B MIÐVIKUDAGUR 13. ÁGÚST 2003 MORGUNBLAÐIÐ
bílar
ÞAÐ verður Íslandskynning sem um
munar á alþjóðlegu bílasýningunni í
Frankfurt sem hefst í næsta mánuði.
Sýningin, sem jafnan dregur til sín
um 1,2 milljónir gesta, verður sér-
stök að því leyti að þar verða kynnt-
ir margir nýir bílar sem seljast að
jafnaði í miklu magni. Þar má nefna
nýja kynslóð VW Golf og Peugeot
407, en svo verða þarna líka sýndir
vel heppnaðir jepplingar eins og Land
Rover Freelander og splunkunýr
BMW X3, og svo ofursportbíllinn
Mercedes-Benz SLR. Líklega sýnir
GM einnig nýja Cadillacinn sinn,
SRX. Eitt eiga allir þessir sameig-
inlegt – þeir hafa allir komið til Ís-
lands. Hér hafa verið gerðar auglýs-
ingamyndir af öllum þessum bílum
eins og lesendur hafa getað fylgst
grannt með í bílablaði Morgunblaðs-
ins.
Nú síðast var splunkunýr VW Golf,
fimmta kynslóð þessa mikla sölubíls,
myndaður í bak og fyrir við Sand-
skeiðið. Árvökull vegfarandi með
góða myndavél náði þar þessari
mynd af bílnum en hans var gætt
eins og um mikið leyndarmál væri að
ræða. Sú er þó ekki raunin því
Volkswagen hefur þegar sent út
nokkrar myndir af bílnum en eins og
aðrir bílaframleiðendur vilja þeir ráða
sjálfir hvaða myndir koma fyrir augu
almennings þar til bíllinn verður
frumsýndur. Mikill viðbúnaður var í
kringum bílinn á Sandskeiðinu og
þegar Þjóðverjarnir urðu varir við
óviðkomandi mannaferðir var bíllinn
hið snarasta sveipaður dúk.
Það má því búast við að fjölda
nýrra bíla í íslensku landslagi beri
fyrir augu mikils fjölda í Messe-
höllinn í miðborg Frankfurt í sept-
embermánuði.
Gæslumenn VW opnuðu strax vélarhlífina þegar þeir urðu varir mannaferða á Sandskeiði í síðustu viku.
Íslandskynning í Frankfurt
Nýr Golf verður 5,7 cm lengri, 2,4 cm breiðari og 3,9 cm hærri en núverandi
gerð. Hann kemur á markað hérlendis á næsta ári.
Morgunblaðið/Árni Sæberg
Sævar Pétursson nýtur aðstoðar sonar síns Jóhanns við að ýta forsetabílnum
inn á verkstæði sitt árið 1998.
Morgunblaðið/Sigurður Jónsson
Nú er 5 kr. afsláttur hjá Esso á Selfossi er þar fór afslátturinn allt upp í 7 kr.
fyrr í sumar.
ÓVENJUMIKILL afsláttur hefur
verið gefinn fyrir sjálfsafgreiðslu á
bensíni sums staðar á landsbyggð-
inni að undanförnu. Um daginn var
afslátturinn allt að sjö krónum á
lítrann á Selfossi og á Akureyri er
nú boðinn allt að sex króna afslátt-
ur. Í Reykjavík hefur afslátturinn
oftast verið fjórar krónur að há-
marki.
Ólafur Bjarki Ragnarsson,
fulltrúi Olís í stjórn flutningsjöfn-
unarsjóðs olíufélaganna, segir að
þessi aukni afsláttur sé ekki til
kominn vegna jöfnunargjaldsins.
„Jöfnunargjaldið er hugsað til þess
að endurgreiða flutningskostnað
vegna bensíns, svo hægt sé að bjóða
það á sama verði alls staðar, en í
raun dugar það alls ekki alltaf fyrir
flutningskostnaðinum. Þessi afslátt-
ur er því á kostnað olíufélaganna
sjálfra og má því skýra með lög-
málum samkeppninnar,“ segir hann.
Það er því ljóst að Akureyringar
og nærsveitamenn njóta í bili lægra
eldsneytisverðs en bifreiðaeigendur
sunnan heiða. Afslátturinn er að
sjálfsögðu ekki nægur til þess að
það borgi sig að bruna til Akureyrar
til að taka bensín. Miðað við 8 lítra
eyðslu á hundraðið, 93,60 kr. verð á
bensínlítra í Reykjavík og 91,60
kr./l. á Akureyri kostar ferðin norð-
ur u.þ.b. 5.500 krónur. Því þarf að
kaupa yfir 2.750 lítra af 95 oktana
bensíni til þess að ferðin borgi sig.
Það eru nokkrir brúsar.
Ódýrara bensín úti á landi
Morgunblaðið/Skapti Hallgrímsson
Ennþá stendur yfir verðstríð á Akureyri. Hjá Olís fékkst lítrinn með 5,30 kr. af-
slætti.
UNNIÐ hefur verið að endursmíði
fyrsta forsetabílsins hér á landi,
1942-árgerðar af Packard, og sér nú
loks fyrir endann á þeirri fram-
kvæmd. Veg og vanda af vinnunni
hefur Sævar Pétursson og er bíllinn
núna því sem næst endurgerður.
Mikil vinna hefur farið í að útvega
varahluti í bílinn enda fágætur grip-
ur sem lítið er til í. Sævari hefur hins
vegar tekist að sanka að sér ýmsum
hlutum í gegnum tíðina og auk þess
hefur stór hluti verið smíðaður upp á
nýtt í bílinn.
„Við byrjuðum á þessu árið 1999
að frumkvæði Bílgreinasambandsins
og forsetaembættisins. Þessir aðilar
vildu að endursmíðinni yrði lokið ár-
ið 2000 sem var alla tíð óraunhæft
miðað við ástand bílsins. Það hafði
ekki verið athugað hvað væri hægt
að fá af varahlutum í bílinn eða hvað
það kostaði. Ég hef leitað mikið að
varahlutum í hann og fengið eitt og
eitt stykki. Að öðru leyti hefur yf-
irbyggingin að mestu leyti verið
smíðuð upp á nýtt því hún var nánast
alveg ónýt,“ segir Sævar.
Fleiri aðilar hafa komið að þessu
máli. Höskuldur Stefánsson smíðaði
hurðarbyrðið og sílsana. Blikksmiðj-
an Grettir kom einnig að smíði yfir-
byggingarinnar. Vélin var tekin upp
hjá Þ. Jónssyni Vélaland. Klæðning-
in var saumuð af Þórði Sveinssyni
fornbílamanni en annað hefur verið
unnið á verkstæði Sævars.
„Við höfum unnið gríðarlega mikið
við bílinn og mikill tími hefur farið í
að finna varahluti en það er nánast
eins og að leita að saumnál í hey-
stakk. Ég fer væntanlega á næstunni
til Bandaríkjanna til að finna það
sem vantar upp á og í framhaldi af
því væri hægt að ljúka endursmíði
bílsins endanlega.“
Sævar segir að hægt sé að klára
bílinn á mjög stuttum tíma.
Hann kveðst ekki vilja svara því
hve miklir peningar liggi nú þegar í
endursmíði bílsins en hann nefnir
sem dæmi að einn starfsmaður hans
hafi ekki haft annan starfa í eitt ár en
að vinna við forsetabílinn og auk
þess unnu tveir aðrir starfsmenn við
hann í samtals fimm til sex mánuði.
Forsetabíllinn verð-
ur einn sá glæsileg-
asti hérlendis