Morgunblaðið - 27.08.2003, Blaðsíða 2

2 B MIÐVIKUDAGUR 27. ÁGÚST 2003 MORGUNBLAÐIÐ
bílar
480 8000
SELFOSSI
Bílasala Suðurlands - Fossnesi 14 - 800 Selfossi
www.toyotaselfossi.is • toyotaselfossi@toyotaselfossi.is
Af sérstökum ástaðum er til sölu rétt nýr
Toyota Land Cruiser 90 VX, á götuna
01/03, ek. 11 þús. Silfurgrár með gráu leðri,
sjálfsk. Dráttarb. o.fl. Verð 5.120 þús.
Ford F250 XLT Lariat, Crew Cab 7,3 TDI,
árg. 03/03, ek. 20 þús. Dráttarbeisli,
tölvukubbur, leður o.fl. Verð 4.950 þús.
Chevrolet Blazer S10 4,3L SL, árg. ´99,
ek. 51 þús. Leður, rafm. o.fl. o.fl. Verð
2.450 þús.
Dodge Dakota Club Sport, árg.´98, ek. 63
þús. Verð 1.550 þús. Tilboð 1.200 þús.
480 8000
Ath! Bráðvantar á skrá og eða á staðinn
Toyota Land Cruiser 90.
N
Ý KYNSLÓÐ Mitsubishi
Lancer verður frumkynnt
hér á landi um næstu helgi.
Lancer-nafnið er 30 ára
gamalt og hefur fyrir löngu fest
rætur hér á landi. Samt eru sjö ár
síðan nýr Lancer kom á markað og
markaðshlutdeildin nánast horfið.
Þetta þótti jafnan traustur fólksbíll
og hafði líka þá sérstöðu að vera til
með sítengdu aldrifi. Mitsubishi
hefur reyndar í ljósi lítillar eftir-
spurnar í Evrópu eftir fjórhjóla-
drifsbílum í þessum stærðarflokki
ákveðið að bjóða hann eingöngu
með framdrifi. Einnig verður hann
einungis fáanlegur í tvenns konar
byggingarlagi, þ.e.a.s. sem stallbak-
ur og langbakur. Hann verður
framleiddur með þremur gerðum
bensínvéla, 1,3, 1,6 og 2,0 lítra en
einungis þær tvær síðarnefndu rata
hingað til lands og engin dísilvél er í
augsýn, sem hefði getað stuðlað að
enn frekari sölu á bílnum í Evrópu.
Loftkæling og álfelgur
Þegar best lét, í byrjun tíunda
áratugarins, var markaðshlutdeild
um 18%, þar af var langstærsti
hlutinn Lancer-bílar.
Lancer verður boðinn með mikl-
um búnaði hér á landi. Stefán Sand-
holt, sölustjóri Mitsubishi hjá Heklu
hf., segir að Hekla hafi verið braut-
ryðjandi á sínum tíma hvað varðar
ríkulegan búnað Mitsubishi og á því
verði engin breyting nú. Meðal bún-
aðar er ABS-hemlakerfi með EBD-
hemlunarátaksdreifingu, sex örygg-
isloftpúðar, þar af tvær hliðargar-
dínur sem almennt er ekki farið að
bjóða í bíla í þessum flokki, 15
tommu álfelgur, 15 tommu álfelgur
á stallbaksgerðunum ásamt vind-
kljúf að aftan og vindskeiðasetti á
hliðum. Þá er í bílnum loftkæling,
þokulugtir í framstuðurum, upphit-
uð sæti, rafmagn í rúðum og úti-
speglum, leðurklætt stýri og útvarp
með geislaspilara.
Lancer verður fáanlegur með
tvenns konar vélum fyrst um sinn,
þ.e. 1,6 lítra, 98 hestafla vél og 2,0
lítra, 135 hestafla í Sport-útfærslu
sem eingöngu er til í skutbílsgerð-
inni. Með minni vélinni verður hægt
að fá INVECS II sjálfskiptinguna
sem er fjögurra þrepa og með hand-
skiptivali og frá og með næstu ára-
mótum verður 2ja lítra vélin einnig
fáanleg með sjálfskiptingu.
Beinskiptur stallbakur með 1,6
lítra vélinni kostar 1.895.000 kr. og
stallbakurinn kostar 1.995.000 kr.
100.000 kr. bætast við fyrir sjálf-
skiptinguna. Langbakurinn með 2ja
lítra vélinni kostar 2.260.000 kr.
Stefán segir að helsti keppinautur-
inn sé Toyota Corolla en þarna eru
einnig bílar eins og Nissan Almera,
Mazda 323, Peugeot 307, Renault
Mégane, VW Golf og Skoda Oct-
avia. „Við erum ekki aðeins að
keppa við þá í verði heldur líka í
búnaði sem við teljum mjög ríflegan
í bílnum,“ segir Stefán. 1,6 lítra
stallbakurinn er t.a.m. lítið eitt dýr-
ari en Toyota Corolla sem í 5 dyra
hlaðbaksgerð kostar 1.759.000 kr.
Stefán segir að á móti sé Lancer
betur búinn og nefnir þar loftkæl-
ingu, álfelgur, vindskeiðasett og
fleiri öryggisloftpúða sem dæmi um
það.
Alveg nýr framsvipur er á Lancer. Hár og mikill afturendi skutbílsins vekur athygli.
Áherslan á búnaðinn í nýjum Lancer
ALLShefur selst 471 Hyundai bíll það sem af er árinu, sem
gerir Hyundai að þriðju söluhæstu bílategundinni hér á landi.
Þetta er mikil söluaukning frá sama tímabili í fyrra þegar
seldust 243 Hyundai bílar.
Þá er sportjeppinn Santa Fe annar söluhæsti í sínum flokki
og höfðu selst 138 slíkir bílar fyrstu sjö mánuði ársins. Stór-
aukin markaðssókn Hyundai á sér margþættar skýringar, að
mati umboðsaðilans, B&L. „Má þar m.a. nefna að þessi suð-
ur-kóreski framleiðandi hefur komið vel út úr áreið-
anleikakönnunum, nú síðast í árlegri könnun bandarísku
neytendasamtakanna með næst lægstu bilanatíðnina. Þá
eru ábyrgðarskilmálar Hyundai rúmir, en nýjum Hyundai bíl-
um fylgir 3 ára ábyrgð með ótakmörkuðum akstri. Síðast en
ekki síst eru allar níu gerðirnar af Hyundai bílum á hagstæðu
verði.“
Þegar nánar er að gáð eru það einkum þrír bílar sem
standa undir mestu sölunni á merkinu. Eins og fyrr segir er
Santa Fe annar söluhæsti bíllinn í jepplingaflokki og þá hefur
smábílnum Hyundai Getz verið af vel tekið, 124 seldir bílar,
og talsvert selst af Terracan jeppanum, eða samtals 42 bílar.
Hyundai
þriðji sölu-
hæstur
Morgunblaðið/Ásdís
Sala á notuðum Starex gengur vel enda lítið um sjö manna bíla.
MIÐAÐ við stóraukna sölu á Hyundai virðist sem
ótti við lægra endursöluverð á kóreskum bílum sé á
undanhaldi. Eða er það lægra? Bílasalar sem haft var
samband við sögðu að vel gengi að selja ákveðnar
tegundir notaðra Hyundai bíla en yfirleitt væri teng-
ing á milli sölutalna nýrra bíla og notaðra. Nýr bíll
sem mikið selst af ýtir sem sé undir söluna á not-
uðum bíl sömu tegundar. Aðrar tegundir væru
þyngri. Hyundai Starex seldist þó t.a.m. mjög vel
enda væri lítið framboð af sjö manna bílum á mark-
aðnum. Mjög vel gengi að selja Santa Fe og það litla
sem komið hefði af Terracan inn á bílasölurnar færi
fljótt. Verr gengi að selja Sonata og Elantra.
Bílgreinasambandið gefur út viðmiðunarverðskrá
á Netinu, (www.bgs.is), og segja bílasalar að sölu-
verðið fari langt undir viðmiðunarverðið þegar um
óvinsælli tegundir Hyundai sé að ræða. Santa Fe,
Terracan og Starex haldi sér betur í verði og séu í
takt við viðmiðunarverð Bílgreinasambandsins. Þess
vegna þurfi að slá talsvert af verði bíla eins og Sonata
og Elantra, eða alveg frá 15-20%. Líklegt þykir að
endursöluverð haldist gott á nýjasta bílnum, Getz,
enda seljist hann afar vel og virðist traustur bíll.
Þarna sé þó hörð samkeppni frá Toyota Yaris, sem
mikið er til af, Opel Corsa og fleiri bílum.
En hvernig er
endursalan?
LENGI hefur verið óger-
legt að fá lán til kaupa
á mótorhjólum á Íslandi
en bílalán hafa verið
vinsæl við kaup á nýj-
um bifreiðum. Nú hefur
verið brotið blað í þeim
málum því frá og með
fimmtudeginum 28.
ágúst verða slík lán fá-
anleg hjá Arctic Trucks,
umboðsaðila Yamaha á
Íslandi. Um er að ræða
lán til kaupa á götuhjól-
um, fjórhjólum og tor-
færutækjum.
Lánshlutfall er allt að 70% af
kaupverði og er lánað til mest 5
ára. Almennt verður lántaki að
vera orðinn 30 eða 35 ára og
hjólin ábyrgðar- og kaskótryggð
allan lánstímann. Vextir og lán-
tökugjöld eru þau sömu og á sam-
bærilegum bílalánum. Lánin eru
mismunandi eftir því hvort um er
að ræða kaup á götuhjóli, torfæru-
hjóli eða fjórhjóli. Þannig er t.d.
lánshlutfallið mest við kaup á
götuhjóli en minnst við kaup á
torfæruhjóli.
Morgunblaðið/Jim Smart
Nú bjóðast lán til kaupa á mótorhjólum.
Arctic Trucks fyrstir til að
bjóða lán til mótorhjólakaupa