Morgunblaðið - 27.08.2003, Blaðsíða 12
12 B MIÐVIKUDAGUR 27. ÁGÚST 2003 MORGUNBLAÐIÐ
bílar
S
Á SEM þetta skrifar hefur
oft velt því fyrir sér hvort
þeir hæfileikar og áhugi
sem akstursíþróttamenn
hafa, séu í genunum. Í því sambandi
má nefna bræður, systur, feðga,
mæðgin og feðgin. Sennilega eru
þekktastir bræðra hér á landi þeir
Jón og Ómar Ragnarssynir, sem
óku í rallkeppnum um árabil og oft-
ast til sigurs. Nú hafa bræðurnir og
synir áðurnefnds Jóns, þeir Rúnar
og Baldur, verið mjög áberandi í
akstursíþróttaheiminum hér á landi
síðustu ár og auðvitað þeir feðgar
saman og oftast þá Rúnar og Jón.
Einnig hafa börn Ómars sýnt
hæfni sína fyrr á árum í akstur-
keppnum og ekki má gleyma henni
frú Helgu Jóhannsdóttur eiginkonu
Ómars, sem sýndi það og sannaði að
kvenkyns ökumenn eru ekki síðri en
karlarnir. Úlfar Eysteinsson stór-
kokkur er búinn að vera lengi við-
loðandi rallkeppnir og er enn að.
Finnast seint þeir menn sem virð-
ast hafa jafngaman af íþróttinni.
Guðný dóttir hans hélt um nokkurt
skeið uppi heiðri kvenna undir stýri
keppnisbíla. Sigurður Óli Gunnars-
son, (stundum kallaður Siggi Síðasti
meðal vina sinna), ekur þetta árið á
nokkuð öflugri Toyotu og vonandi
fær hann annað viðurnefni sem
fyrst. Hefur Elsa dóttir hans verið
með sem aðstoðarökumaður í nokk-
ur ár. Þorsteinn McKinstry er göm-
ul rallkempa sem hefur nú á þessu
ári komið aftur til leiks eftir að hafa
verið burt frá sportinu í allnokkur
ár. Bróðir hans Þórður og sonurinn
Guðmundur hafa verið að reyna fyr-
ir sér í sumar sem aðstoðaröku-
menn. Allir ralláhugamenn muna
eftir dalabóndanum Erni sem
keppti mörg ár á Trabant með ótrú-
legum árangri.
Ægir sonur hans hefur haft
óþrjótandi áhuga á sportinu og
mætt með marga óvenjulega bíla til
leiks.
Út í hinum stóra heimi þar sem
keppt er til heimsmeistara þekkjum
við nöfn bræðra eins og Schumac-
her í formúlunni, Mcrae í rallinu en
þeir Colin og Alister eru kannski í
kunnuglegri stöðu, en Jimmy pabbi
þeirra var einn af fremstu rallöku-
mönnum Bretlands fyrr á árum.
Frá Noregi koma bræður sem heita
Petter og Henning Solberg. Þeir
eru báðir úrvals ökumenn og senni-
lega er „Pétur frændi okkar“ hugs-
anlegur heimsmeistari á næstu ár-
um, en hann ekur fyrir
Subarukeppnisliðið. Til gamans má
geta að pilturinn sá arna var víst
hér á Íslandi á dögunum í brúð-
kaupsferð, ef marka má fréttir af
Rally.is.
Eflaust eru fleiri einstaklingar
sem greinarhöfundur man ekki eftir
nú, en getur þó staðfest að ung börn
þeirra akstursíþróttamanna sem
hann þekkir hafa svo sannarlega
þessa bakteríu. Íslenskt mótorsport
þarf því ekki að gjalda þess í fram-
tíðinni að geta ekki blómstrað þess
vegna. Hins vegar mættu stjórnvöld
sjá sóma sinn í að koma upp al-
mennilegri aðstöðu fyrir þetta fólk.
Bræður, feðgar,
mæðgin og feðgin
Morgunblaðið/RAX
Ómar Ragnarsson keppti á árum áður í ralli með bróður sínum, Jóni. Hérna er
hann við draumabílinn sinn NSU Prinz.
Morgunblaðið/Kristinn
Úlfar Eysteinsson hefur keppt í mörg
ár í ralli. Þekktari er hann samt fyrir
að töfra fram góðgæti úr sjávarfangi.
Elsa Kristín Sigurðardóttir er út-
skrifuð úr Húsmæðraskólanum, leik-
ur á trompet í Lúðrasveit Grafarvogs
og er aðstoðarökumaður föður síns,
Sigurðar Óla Gunnarssonar.
Morgunblaðið/Brynjar Gauti
Feðgarnir Jón Ragnarsson og Rúnar
Jónsson eru með sigursælustu
keppnismönnum í akstursíþróttum.
Eru hæfileikar og áhugi fyrir akstursíþróttum arfgengt fyr-
irbæri? Þessu veltir Páll Halldórsson fyrir sér þessa dagana.
Morgunblaðið/RAX
FJÓRÐA umferð Íslandsmeist-
armótsins í torfæruakstri var haldin
síðastliðin sunnudag við Stapafell á
Reykjanesi. Haraldur Pétursson
tryggði sér Íslandsmeistaratitilinn
með sigri í þessari keppni og hefur
nú 11 stiga forystu á Kristján Jó-
hannesson sem lauk keppni um
helgina í öðru sæti og er jafnframt í
öðru sæti í mótinu. Þrátt fyrir að
einni keppni sé ólokið þá getur eng-
inn náð Haraldi að stigum þar sem
einungis eru 10 stig eftir í pottinum.
Keppnin fór vel af stað fyrir Harald
þar sem tveir af hans helstu keppi-
nautum, Björn Ingi Jóhannsson og
Sigurður Þór Jónsson, gerðu mistök
í fyrstu tveimur brautunum og
blönduðu sér ekki í toppbaráttuna
eftir það. Eftir fjórðu braut fór að
síga á ógæfuhliðina fyrir Harald.
„Þetta fór vel af stað en síðan brýt
ég öxul í fjórðu braut,“ sagði Har-
aldur að keppni lokinni. „Þetta var
öxull sem átti ekki að vera hægt að
brjóta og því var maður kærulaus
með varahluti en aðstoðarmenn
mínir gátu lamið þetta saman. Ég
hélt að þetta myndi ekki nást því
það þarf vanalega að setja þetta í
pressu til að ná þessu sundur og
saman en þetta hafðist í æsingnum,
rétt slapp fyrir horn,“ sagði Har-
aldur.
Það má segja að Haraldur hafi
brotið öxulinn á réttum stað í
keppninni því eftir fjórðu braut var
stutt hlé á keppni og gafst því meiri
tími en ella til að gera við því annars
hefði Haraldur líklega ekki náð í
fimmtu braut í tíma og mögulega
orðið af þeim 250 stigum sem
fékkst fyrir þá braut og þar með
fyrsta sætinu. „Síðan kom upp
startarabilun í næstu braut á eftir
en það rétt slapp líka. Þetta var allt
á nippinu en hafðist á endanum,“
sagði Haraldur sem var í skýjunum
með að vera búinn að tryggja sér
titilinn.
Hnífjafnt í flokki götubíla
Keppnin í flokki götubíla var engu
minni því Gunnar Gunnarsson sem
vann þann flokk lauk keppni í þriðja
sæti í heildarkeppninni og ekki nema
fimm stigum frá öðru sætinu. Ragn-
ar Róbersson hans helsti keppinaut-
ur náði öðru sætinu eftir að þeir
höfðu verið hnífjafnir eftir fyrri helm-
ing keppninnar. Fyrir þessa keppni
voru þeir Gunnar og Ragnar jafnir í
flokki götubíla til Íslandsmeistara en
með sigrinum um helgina þá hefur
Gunnar nú tveggja stiga forskot á
Ragnar og því úrslitin til Íslands-
meistara langt frá því að vera ljós.
Sólarhring fyrir keppni var ekki út-
séð um að Gunnar myndi ná að
mæta með bílinn í fullu lagi en með
mikilli vinnu hans og aðstoðarmanna
þá tókst þeim að gera við bílinn og
uppskáru þeir laun erfiðisins.
„Við erum búnir að vaka lengi
núna eftir miklar bilanir og við feng-
um hann ekki almennilega í gang
fyrr en núna í nótt,“ sagði Gunnar
að keppni lokinni. „Við þurftum að
prufukeyra og stilla í nótt þar sem
varahlutir sem við áttum von á
komu bara í síðustu viku og síðan
kom upp frekari bilun í gær. Þetta
var erfitt en hafðist, þetta var erf-
iðisins virði,“ sagði Gunnar sem
þótti keppnin vera skemmtileg þar
sem brautirnar reyndu jafn mikið á
lagni og afl.
Halli P. tryggði sér titilinn
Haraldur Pétursson var einn ökumanna sem tókst að aka
mýrina á enda og dugði það honum til sigurs.
Ljósmynd/Gunnlaugur Einar Briem
Guðlaugur Sindri Helgason er nýorðinn 17 ára og er hér
óragur við börðin á Hellu.
Úrslit í heildarkeppni:
Haraldur Pétursson 2.015 stig.
Kristján Jóhannesson 1.850 stig.
Gunnar Gunnarsson 1.845 stig.
Gunnar Ásgeirsson 1.690 stig.
Ragnar Róbertsson 1.585 stig.
Björn Ingi Jóhannsson 1.575 stig.
Sigurður Þór Jónsson 1.575 stig.
Bjarki Reynisson 1.097 stig.
Erlingur Reyr Klemensson 1.095
stig.
Daníel Gunnar Ingimundarsson
1.020 stig.
Óskar G. Óskarsson 950 stig.
Pétur V. Pétursson 335 stig.
Karl Víðir Jónsson 210 stig.
Garðar Sigurðsson 180 stig.
Helgi Gunnarsson 160 stig.
Þórður Bragason 60 stig.
Úrslit í keppni götubíla
Gunnar Gunnarsson 1.845 stig.
Ragnar Róbertsson 1.585 stig.
Bjarki Reynisson 1.097 stig.
Pétur V. Pétursson 335 stig.
Karl Víðir Jónsson 210 stig.
Þórður Bragason 60 stig.
Ö
LL ÞAU 25 ár sem Vél-
hjólaíþróttaklúbburinn
(VÍK) hefur verið starf-
ræktur hefur hann barist
fyrir úthlutun framtíðarsvæðis fyr-
ir æfingaakstur og keppni á vél-
knúnum torfæruhjólum. Góðir
hlutir gerast vissulega hægt og út-
hlutun Álfsness er vendipunktur í
þessu sporti á Íslandi. Ingibjörg
Sólrún Gísladóttir, þáverandi borg-
arstjóri, skrifaði undir viljayfirlýs-
ingu um úthlutun svæðisins til
VÍK í fyrra, Siv Friðleifsdóttir um-
hverfisráðherra tók fyrstu skóflu-
stunguna að brautinni í vor og eft-
ir mikla uppbyggingu svæðisins í
sumar opnaði Ellert B. Schram,
forseti ÍSÍ, svæðið formlega um
helgina og ræsti fyrstu keppnina.
Freyr með nauman sigur í
80cc unglingaflokki
Keppni unglinga var fyrsti dag-
skrárliður þéttskipaðrar keppnis-
dagskrár VÍK s.l. laugardag. Aron
Ómarsson hefur verið alls ráðandi
í unglingaflokki í sumar. Hann hóf
keppnina af krafti en vélarbilun
olli því að hann varð að hætta
keppni í fyrri umferð mótsins.
Freyr Torfason hefur verið í mik-
illi sókn í sumar, greip tækifærið
og sigraði. Svavar Friðrik Smára-
on sem byrjaði sumarið rólega
fann sig vel í leirkenndri mold-
arbrautinni, hafði gott vald á hjól-
inu og keyrði af þéttu öryggi.
Hann gerði harða atlögu að sigri
Freys en var hársbreidd frá sigr-
inum og varð að láta sér lynda 2.
sætið. Samhliða keppni unglinga
ók kvennaflokkur. Sara Ómars-
dóttir hefur verið dugleg við æf-
ingar upp á síðkastið og uppskeran
var öruggur sigur á mótinu. Að-
alheiður Birgisdóttir varð önnur
og með þeim árangri tryggði hún
sér Íslandsmeistaratitilinn í
kvennaflokki. Hin unga og knáa
Aníta Hauksdóttir krækti í bronz-
ið.
Sænsku ofurhugarnir
stálu sigrinum
Rafmögnuð stemning ríkti þegar
Ellert B. Schram, forseti ÍSÍ, opn-
aði rásblokkirnar á Álfsnesi fyrir
Meistaradeild. Brautin var sleip og
leirkennd moldin fór snemma að
mótast í þrönga skurði við hraðar
beygjurnar. Breidd brautarinnar
gefur færi á framúrakstri við
hverja beygju sem gerði baráttuna
óvenju líflega. Svíarnir Fredrik
Johansson og Morgan Carlson eru
þekktir ökumenn frá Svíþjóð og
hafa lengi keppt í sænsku móta-
röðinni. Þeir hafa síðustu ár ein-
beitt sér að háskaatriðum og sýn-
ingastökkum á torfæruhjólum.
Mikill fengur var að fá þá til
keppninnar enda ekki á hverjum
degi sem svo öflugir ökumenn
keppa hér á landi. Viggó Örn
Viggósson og Ragnar Ingi Stef-
ánsson reyndu hvað þeir gátu til
að halda í við þá, en skorti fluggír-
inn sem þeir keyrðu í allan tímann.
Fredrik vann mótið með Morgan
fast á hæla sér. Viggó Örn hélt
þriðja sætinu og Ragnar Ingi, sem
þó virkaði hraðari og öruggari,
náði lélegum störtum en náði þó að
vinna sig upp í fjórða sætið. Leðj-
an hentaði öruggum akstri Hauks
Þorsteinssonar vel og hafnaði hann
í fimmta sæti. Michael B. David
kom skemmtilega á óvart enda bú-
inn að æfa stíft við verstu að-
stæður. Michael hefur ávallt haft
skapið til að keyra á útopnu en
með aukinni tækni og ökuleikni
hefur honum tekist að fækka mis-
tökum. Í stað þess að vera sífellt á
hausnum var hann eins og eldflaug
í brautinni og magnaðir sprettir
hans skiluðu honum 6. sætinu.
Sænskt tvíeyki
með meistaratakta
Um síðustu helgi fór fram þriðja umferð Íslandsmótsins í mót-
orkrossi. Keppt var í nýrri braut á Álfsnesi og meðal keppenda
voru tveir af bestu ökumönnum Svíþjóðar. Bjarni Bærings var á
svæðinu og segir hér frá keppninni.