Morgunblaðið - 27.08.2003, Blaðsíða 11
MORGUNBLAÐIÐ MIÐVIKUDAGUR 27. ÁGÚST 2003 B 11
bílar
bílar
ALLTAF Á MIÐVIKUDÖGUM
SMÁAUGLÝSING
AÐEINS 995 KR.*
Áskrifendum Morgunblaðsins
býðst smáauglýsing fyrir aðeins 995 kr.*
Pantanafrestur er til kl. 12 á þriðjudögum.
* 4 línur og mynd.
HAFÐU SAMBAND!
Auglýsingadeild Morgunblaðsins sími 569 1111 eða augl@mbl.is
Á FIMMTUDAGINNALLTAF Á MIÐVIKUDÖGUM
ER HIN nýja íþróttahetja Spánverja
vaknaði í heimalandi sínu í fyrradag
reið yfir hann holskefla fyrirsagna þar
sem frábær frammistaða hans í ung-
verska kappakstrinum á sunnudag var
lofuð. Var hann ekki aðeins fyrsti Spán-
verjinn sem fer með sigur af hólmi í
Formúlu-1 kappakstri heldur yngsti
ökuþór sem vinnur frá upphafi.
„Á frægðartindi aðeins 22ja,“ sagði
íþróttadagblaðið Marca í stórri fyr-
irsögn en það lagði sjö blaðsíður undir
töfrandi sigur Alonso sem ýtti
fótboltafregnum af útsíðum – sem er
sjaldgæft þegar spænskir íþróttafjöl-
miðlar eiga í hlut. „Þetta var sögulegur
dagur fyrir spænskar íþróttir,“ bætti
Marca við og birti myndir af frá sér
numdum bæjarbúum sem fögnuðu á
götum úti og dansandi í gosbrunnum í
heimaborg hans, Oviedo.
Helsti keppinautur Marca, blaðið AS,
dró ekkert af sér í viðbrögðum sínum
við sigrinum. „Töfra-Alonso hefur klifið
Ólympustind Formúlu-1,“sagði blaðið
og spáði að meira væri í vændum frá
ökuþórnum unga. „Alonso getur orðið
arftaki Michaels Schumacher,“ bætti
það við og skírskotaði til Miguels
Indurain, fimmfalds sigurvegara í
frönsku hjólreiðakeppninni Tour de
France sem er lifandi goðsögn á Spáni,
er það nefndi ökuþórinn „Indurain
kappakstursins“.
Af almennum fréttablöðum birti El
Pais, sem annars leggur forsíðu sína
flesta daga undir fréttir af ástandinu í
Írak eða viðvarandi ásakanir um spill-
ingu í borgarstjórninni í Madríd, flenni-
myndir af Alonso þar sem hann gaf sig-
urmerki til stuðningsmanna sinna við
brautina í Búdapest. „Alonso hinn mikli
er maður ársins,“ sagði El Pais og
spáði því að framtíðin lofaði miklu fyrir
ökuþórinn.
Blaðið El Mundo lét sitt ekki eftir
liggja og sagði Alonso hafa unnið tröll-
aukið afrek, ekki bara með því að verða
yngsti kappaksturssigurvegari sög-
unnar í Formúlu-1, heldur og með því að
láta fótbolta falla í skuggann, að
minnsta kosti í einn dag.
„Lífið er ekki lengur bara fótbolti á
Spáni. Héðan í frá mun börn dreyma
um að feta í fótspor þessa unga, hæv-
erska og agaða ungmennis, sem drekk-
ur ekki, reykir ekki, hefur ímugust á
hroka og ekur Renault Clio í frítíma sín-
um,“ sagði El Mundo, sem prentaði sér-
blað helgað sigri Alonso og yfirskrift
þess var: „Spænskur prins Formúlu-1.“
Blaðið ABC sagði að nafn Fernando
Alonso væri hér með komið í sögubæk-
urnar. „Alonso er mýtan sem okkur
vantaði,“ sagði Barcelonablaðið La
Vanguardia einfaldlega. „Við munum
nefna nafn hans þegar aðrir aka fram
úr okkur á hraðbrautunum,“ bætti það
við.
Reuters
Undir lokin var Fernando Alonso orðinn heilum hring á undan ríkjandi heimsmeistara,
Michael Schumacher.
Fernando Alonso sýnir verðlaunagripinn
eftir sigurinn í Ungverjalandi.
Lofa sögulegan
sigur Alonso
Á SAMA tíma og spænskir fjölmiðlar ráða sér vart af kæti vegna
jómfrúarsigurs Fernando Alonso í Formúlu-1 rífa ítalskir fjölmiðlar
Ferrariliðið nánast á hol fyrir afhroð liðsins í ungverska kappakstr-
inum.
Rubens Barrichello varð fórnarlamb fátíðrar bilunar er afturhjóla-
búnaður brotnaði af bílnum sem flaug út úr brautinni og hafnaði fyrir
vikið á öryggisvegg er tæpur þriðjungur var af keppni. Þá varð Mich-
ael Schumacher að gera sér áttunda sætið að góðu og víkja fyrir
Alonso undir lokin er hann var orðinn hring á undan heimsmeist-
aranum.
„Sannleikurinn er sagna bestur; þetta var sársaukafullt,“ sagði dag-
blaðið La Repubblica. „Við sáum Barrichello missa dekk undan bílnum
og klessa eins og hann væri á Trabant. Og Schumacher róa fleka sem
skipreika væri,“ sagði blaðið.
„Ferrari, verra getur það ekki verið,“ sagði La Gazzetta dello Sport.
„Ferrariliðið hefur orðið fyrir mikilli niðurlægingu, einmitt á brautinni
þar sem mikilfengleika þess var hampað í fyrra,“ bætir blaðið við. Og
annað íþróttadagblað, Tutto Sport, sparaði ekki lýsingarorðin: „Ferr-
ari getur ekki neitt, Schumacher var aldrei með,“ sagði það.
Corriere della Sera skrifaði að meistaraliðið væri í mikilli kreppu.
„Guði sé lof fyrir Alonso,“ sagði blaðið, „hann hrósaði sigri og fækk-
aði í leiðinni stigum sem Kimi Räikkönen og Juan Pablo Montoya
hefðu annars unnið. Fyrir vikið heldur Schumacher forystu í stiga-
keppninni um heimsmeistaratitil ökuþóra.“
Blöðin segja að tími sé kominn til að Ferrariliðið hætti að búa til af-
sakanir og reyni frekar að leysa fram úr tæknivandamálum sínum.
„Þeir segja okkur að það séu dekkin . . . þá eiga þeir bara að fara til
dekkjakallanna og skipta. Þeir segja og að hin liðin hafi bara tekið gíf-
urlegum framförum, en ekki hvers vegna Ferraribílarnir eru eins og
strætisvagnar í brautinni,“ sagði La Repubblica.
Þá lögðust ítölsku blöðin á eitt í skömmum sínum í garð dekkjafyr-
irtækisins Bridgestone og hvöttu Ferrari til að skipta um dekkjafram-
leiðanda ef það væri ástæðan fyrir því að liðinu hrakar.
Ferrari getur einungis svarað gagnrýni með því að spjara sig vel í
næsta móti, á heimavelli í Monza! Liðið má búast við ragnarökum úr
blaðaátt, endurtaki hörmungarnar í Hungaroring þar.
Niki Lauda, sem á sínum tíma varð tvisvar heimsmeistari á Ferr-
aribíl, sagði að frammistöðu liðsins í ungverska kappakstrinum mætti
jafna við náttúruhamfarir, svo illa myndi hún leggjast í liðið og ítalska
stuðningsmenn þess og fjölmiðla.
Ferrariforstjórinn Luca di Montezemolo sættir sig ekki við stöðu
mála. Hann kallaði forsvarsmenn liðsins saman til fundar í stöðvum
þess í Maranello í fyrradag. „Nú eru örlagatímar hjá Ferrari því
keppinautar okkar, sem ekki hafa fagnað sigri um margra ára skeið,
eru mjög öflugir. Árangur og atvik eins og þau sem við urðum vitni að í
gær [sunnudag] mega aldrei endurtaka sig og um það vorum við sam-
mála. Ég vil sjá Ferrari komast aftur á sigurbraut í Monza 14. sept-
ember,“ sagði forstjórinn eftir liðsfundinn.
Húðstrýkja
Ferrari-liðið