Morgunblaðið - 27.08.2003, Blaðsíða 4
Morgunblaðið/Guðjón Guðmundsson
S
KODA hefur á undanförn-
um árum vakið athygli á
sér með vel smíðuðum og
ódýrum bílum sem hefur
verið vel tekið í Evrópu.
Þarna er átt við Octavia og minni bíl-
inn Fabia. Framleiðslulínan hefur að
sönnu verið takmörkuð; eingöngu
þessir tveir bílar hafa verið fluttir inn
hingað til lands á síðustu árum. Á síð-
asta ári var Superb kynntur til sög-
unnar í Evrópu og nú er hann kominn
á markað hérlendis.
Superb er bíll í stærri millistærð-
arflokki, byggður á sama undirvagn
og VW Passat en er tíu cm lengri.
Þetta er laglegur bíll á að líta þótt
fremur hefðbundinn sé í útliti. Grillið
er stórt og margspegla framlugtirnar
fremur kantaðar og á framstuðaran-
um eru stór loftinntök. Krómlisti er
eftir hliðum og meðfram hliðarglugg-
um og þótt línurnar minni óneitan-
lega á Passat er margt með öðrum
hætti.
Mikið rými fyrir aftursætisfarþega
Superb er fernra dyra bíll með
skotti og hefðbundinn í útliti. Lengd-
in er 4,80 metrar og tíu cm sem hann
hefur umfram Passat nýtist allir fyrir
aftursætisfarþegana. Þar er merki-
lega mikið rými og þar geta menn
teygt úr sér og látið fara vel um sig.
Sumir virðast hafa komið auga á að
Superb getur verið það sem breskir
kalla „chauffeur-driven“ farkostur,
þ.e.a.s. forstjórabíll með bílstjóra.
Það hefur altént félagsmálaráðherr-
ann séð sem nú hefur fengið sinn Su-
perb afhentan. Margir hafa látið í ljós
ánægju með val ráðherrans og talið
hann sýna nægjusemi með þessu vali.
En það er ekki allt sem sýnist - Sup-
erb er nefnilega vel boðlegur ráð-
herrabíll og verðið á þessari gerð
reyndar rétt undir 3,5 milljónum kr.
En sumir ráðherrar velja fremur
þýska eðalvagna, Audi, BMW eða
Mercedes-Benz og þeim fylgir tals-
vert hærri verðmiði.
190 hestöfl og tiptronic
Superb er framleiddur í þremur
búnaðarútfærslum og með fimm vél-
argerðum. Í fyrstu verður hann ein-
göngu fáanlegur með 2ja lítra, 1,8T
og 2,8 lítra, V6 bensínvélum. Þá er
von á honum seinna með 1,9TDI og
2,5 V6 TDI, sem hægt væri að
ímynda sér að hentaði vel til leigu-
bílaaksturs.
Til reynsluakstursins fékkst til af-
nota flaggskipið, Superb í Elegance-
útfærslu með 2,8 lítra, V6 bensínvél
sem skilar 193 hestöflum. Þetta er
sama vélin og boðin er í Passat V6.
Superb fæst þó einvörðungu fram-
hjóladrifinn en ekki með fjórhjóla-
drifi eins og Passat V6.
Superb er með tiptronic-sjálfskipt-
ingu með handskiptivali og frágeng-
inn að innan í anda þýskra eðalvagna
- leðraður í bak og fyrir og með við-
arklæddum millistokki og viðarlist-
um í hurðum, rafmagni í sætum
ásamt þremur minnisstillingum o.fl.
Lúxusbragur
Það er lúxusbragur yfir bílnum að
innan. Efnisval er eins og best gerist
og gengur - leður, viður og króm, og
miðstöðvarristar og stjórnrofar
minna á Passat. Prófunarbíllinn er
með rafstýrðri sóllúgu en án fjölrofa-
stýris sem ætti að vera staðalbúnaður
í bíl af þessari gerð. En þarna er að
finna flestan þann búnað sem prýðir
bíla í þessum flokki eins og skriðstilli,
tölvustýrða miðstöð með kælingu og
miðstöðvarstillingu fyrir aftursætis-
farþega. Staðalbúnaður er líka stöð-
ugleikastýring, ESP, sem hægt er að
aftengja með hnappi í mælaborðinu.
Skott og bensíntankur er opnanlegur
innanfrá. Framsætin eru rafstýrð
með minni og þau eru með framleng-
ingu á setunni sem er þægilegt á
langferðum. Þarna er sem sagt flest
að finna en bíllinn er laus við tækni-
lega ofgnótt sem flækir oft bara málið
við aksturinn.
Superb er fimm manna bíll en hann
hentar best fyrir tvo aftursætisfar-
þega því þrátt fyrir tíu cm meiri
lengd en Passat nýtist það aðallega
þeim sem í aftursætum sitja. Þar er
mikið fótarými en bíllinn er ekki
breiður að sama skapi. Athygli vekur
að regnhlíf er staðalbúnaður í bílnum.
Fágaður og hljóðlátur akstur
Superb býður upp á fágaðan akst-
ur en jafnframt er upptakið alveg við-
unandi fyrir þetta þungan bíl, 8,0 sek-
úndur úr kyrrstöðu í 100 km hraða.
Það sem vekur athygli er að Superb
jafnast á við þýska lúxusbíla hvað við-
kemur hljóðeinangrun. Hröðunin á
sér stað á hljóðlátan og virðulegan
hátt. Prófunarbíllinn er á 17 felgum
og á lágprófílbörðum og hefði því
mátt ætla að hann gæti verið dálítið
hastur á íslenskum vegum. Sú er hins
vegar ekki raunin enda byggt á fram-
úrskarandi fjölliðafjöðrunarkerfi VW
sem margir þekkja t.a.m. úr Audi A4
og Passat. Bíllinn liggur vel á vegi og
er rásfastur.
Verð á Superb er frá 2.370.000 kr.
fyrir beinskiptan bíl með 2ja lítra, 115
hestafla vél. Elegance sjálfskiptur
með V6 vélinni kostar 3.490.000 kr.
og staðalbúnaður er t.a.m. 17 tommu
álfelgur, tölvustýrð miðstöð, útvarp/
geislaspilari og fleira. Aukabúnaður í
prófunarbílnum er leðurklæðning og
sóllúga sem samtals kostar 320.000
kr.
Leðurklæðning og sóllúga er aukabúnaður.
Superb –
lúxusgerð
af Skoda
gugu@mbl.is
Það er lúxusblær yfir dýrustu gerð
Skoda Superb.
Bíllinn er byggður á VW Passat en er 10 cm lengri.
17 tommu álfelgur fylgja dýrustu
gerðinni.
Superb er flaggskip Skoda og nú
ráðherrabíll á Íslandi.
Krómskreytingar og stór hjólin gera bílinn virðulegan.
REYNSLUAKSTUR
Skoda Superb Elegance V6
Guðjón Guðmundsson
4 B MIÐVIKUDAGUR 27. ÁGÚST 2003 MORGUNBLAÐIÐ
bílar
Vél: 2.771 rúmsentimetri,
sex strokkar, 30 ventlar,
tveir yfirliggjandi
knastásar.
Afl: 193 hestöfl við 6.000
snúninga á mínútu.
Tog: 280 Nm við 3.200
snúninga á mínútu.
Hröðun: 8 sekúndur úr
kyrrstöðu í 100 km.
Hámarkshraði: 235 km/
klst.
Gírskipting: Fimm þrepa
sjálfskipting með
handskiptivali.
Drif: Framdrifinn.
Lengd: 4.803 mm.
Breidd: 1.765 mm.
Hæð: 1.469 mm.
Eigin þyngd: 1.565 kg.
Farangursrými: 462 l.
Hemlar: Diskahemlar,
kældir að framan.
Hjól: 225/45 17.
Eyðsla: 10,9 lítrar í
blönduðum akstri.
Verð: 3.490.000 kr.
Umboð: Hekla hf.
Skoda Superb
Elegance V6