Morgunblaðið - 12.09.2003, Blaðsíða 8
8 B FÖSTUDAGUR 12. SEPTEMBER 2003 MORGUNBLAÐIÐ
AUÐLESIÐEFNI
ANNA Lindh,
utanríkis-ráðherra Svíþjóðar,
lést í gær af sárum sem hún
hlaut eftir árás í miðborg
Stokkhólms á miðvikudag.
Stakk árásar-maðurinn hana
mörgum sinnum. Svíar eru
harmi slegnir vegna þessa
skelfilega atburðar. Segja
margir um að ræða beina
árás á lýðræðið og opið
samfélag.
Lindh var stödd í verslun í
Stokkhólmi þegar ungur
maður klæddur
hermanna-jakka hljóp að
henni og stakk mörgum
sinnum með hnífi. Forðaði
hann sér síðan burt. Vitni
hafa þó gefið góða lýsingu á
honum og er hans nú leitað.
Sænska lögreglan hefur
þegar undir höndum hnífinn
sem Lindh var myrt með og
blóðugan jakka mannsins.
Göran Persson,
forsætis-ráðherra Svíþjóðar,
sagði lát Lindh mikinn missi
fyrir alla Svía. Hún þótti
einstaklega geðug og
hæfileika-rík kona. Litu margir
á hana sem væntanlegan
leiðtoga sænskra
jafnaðar-manna og
forsætis-ráðherraefni.
Stjórnmála-menn og
þjóðar-leiðtogar um allan
heim minntust hennar með
miklum hlýhug í gær.
Ekki var vitað hvað vakti
fyrir morðingjanum. Átökin
sem nú eru meðal sænskra
stuðnings-manna og
andstæðinga evrunnar komu
þó óhjákvæmilega upp í
hugann hjá mörgum. En á
sunnudag kjósa Svíar um
hvort evran verði tekin upp
eða ekki. Var Lindh
framarlega í flokki þeirra, sem
berjast fyrir upptöku evrunnar
og veltu því margir fyrir sér
hvort kosningunum yrði
frestað í kjölfar láts hennar.
Þegar hefur þó verið
ákveðið að svo verði ekki og
sagði Persson
ódæðis-manninn ekki fá að
ráða framgangi lýðræðis í
Svíþjóð. Viðbúið er, að gæsla
um stjórnmála-menn verði
hert í Svíþjóð og jafnvel
annars staðar á
Norður-löndum vegna þessa
atburðar.
Morðið á Lindh sagt árás á lýðræðið
Reuters
Fjöldi manna hefur minnst Önnu Lindh með því að leggja blóm að árásar-staðnum.
PAUL Simon og Art Garfunkel
hafa tilkynnt að þeir ætli
saman í tónleika-ferð um
Bandaríkin og Kanada í
haust. Þeir hafa ekki leikið
saman í tvo áratugi fyrir utan
að þeir komu fram á Grammy
tónlistar-hátíðinni í febrúar.
En þar afhentu þeir sérstök
heiðurs-verðlaun.
Þeir Simon og Garfunkel
eru báðir 62 ára gamlir og
nefnist tónleika-ferðin nefnist
Gamlir vinir: 2003. Hún hefst
í Michigan 18. október og
stendur fram í desember, en
á þeim tíma spila félagarnir í
36 borgum.
Gömlu vinirnir kynntu
tónleika-ferðina á
blaðamanna-fundi í New York
í vikunni. Þar sagði Garfunkel
að þegar þeir Simon hittust í
vetur hefðu þeir tekið að nýju
upp samband.
Simon og Garfunkel nutu
vinsælda á sjöunda og
áttunda áratug síðustu aldar
fyrir dægurlög sem nú eru
klassísk. Má nefna „Sound of
Silence“ og „Bridge Over
Troubled Water“. Þeir
kynntust á æskuárunum í
Queens í New York og gáfu út
fyrstu plötuna í lok sjötta
áratugarins. Eftir því sem
vinsældir Simons og
Garfunkels jukust óx spennan
á milli þeirra. Simon, sem
samdi flest lögin, fannst
Garfunkel hefta sig. Og
Garfunkel var það þyrnir í
augum hve Simon átti létt
með að semja lög.
Þegar plata þeirra Bridge
Over Troubled Water kom út
árið 1970 hættu þeir
samstarfinu. Þeir hafa þó
komið nokkrum sinnum fram
saman síðan á tónleikum,
síðast árið 1983.
Reuters
Paul Simon (til hægri) og Art Garfunkel tilkynntu um
tónleika-ferðalagið á blaðamanna-fundi í New York í vikunni.
Simon og Garfunkel
saman á ný
ÍSLENSKA lands-liðið í
knattspyrnu karla er í öðru
sæti í 5. riðli undan-keppni
Evrópu-mótsins í knattspyrnu.
Ennþá eiga Íslendingar einn
leik eftir í keppninni og er sá
leikur gegn efsta liði riðilsins,
Þjóðverjum.
Þjóðirnar mætast í
Hamborg 11. október og
skera úrslit leiksins úr um
það í hvaða sæti Ísland
hafnar og hvort liðið nær að
tryggja sér sæti í
loka-keppninni í Portúgal á
næsta ári. Til að svo verði
þurfa Íslendingar að vinna
leikinn og tryggja sér efsta
sætið. Hafni liðið í öðru sæti
verður það að leika tvo
auka-leiki við eitthvert þeirra
liða sem hafnar í öðru sæti í
öðrum riðlum
undan-keppninnar. Þá geta
Íslendingar líka hafnað í þriðja
sæti og setið eftir. Getur sú
staða komið upp ef Skotar
sigra lið Litháens og Ísland
tapar fyrir Þjóðverjum eða
gerir jafn-tefli. En
Íslendingar og Þjóðverjar
skildu jafnir eftir fyrri leik
liðanna á Laugardalsvelli
sl. laugardag.
„Það er virkilega gaman
að vera í þessari stöðu,“
sagði Ásgeir Sigurvinsson,
landsliðs-þjálfari í
knattspyrnu. „En við
verðum að vera raunsæir
og það verður erfitt að
sækja stig, hvað þá sigur,
til Hamborgar.“
Íslendingar í spennandi stöðu
Morgunblaðið/Árni Torfason
Hart var barist um boltann í leik Íslands og Þýskalands á
Laugardalsvelli á laugardag. Úrslit leiksins voru 0:0.
FLOSI Arnórsson stýri-maður er kominn heim
eftir að hafa verið í fangelsi og
gæslu-varðhaldi í Sameinuðu arabísku
fursta-dæmunum. Var Flosi handtekinn í vor
fyrir ætla að taka riffil með sér í flugvél á leið
heim.
Flosi sagði í samtali við Morgunblaðið að
fangelsið í borginni Abu Dhabi hefði verið
hræðilegt. „Við vorum sjö saman í einum
klefa og sváfum allir á steypugólfi. Þegar við
komum inn fengum við þrjú teppi. Eitt til að
hafa undir okkur, annað til að hafa yfir okkur
og þriðja til að hafa sem kodda. Þarna var allt
vaðandi í skorkvikindum, maurum og
kakkalökkum. Þetta var viðbjóður,“ sagði
Flosi, sem mætti aldrei í morgunmatinn af því
að hann var svo ógeðslegur. Það hefði ekki
verið þess virði að vakna til að fara í hann.
Morgunblaðið/Árni Sæberg
Flosi með þriggja ára syni sínum, Guðjóni
Alex, eftir heimkomuna.
Flosi kominn heim