Morgunblaðið - 15.10.2003, Blaðsíða 3

MORGUNBLAÐIÐ MIÐVIKUDAGUR 15. OKTÓBER 2003 B 3
bílar
 SALA hefur aukist á bílum frá
BMW Group og þá bæði á BMW
og Mini bílum, en metsala var á
Mini í september. Alls jókst salan
í september milli ára um 6,3%
og hefur sala á BMW bílum auk-
ist jafnt og þétt á milli mánaða á
árinu, að því er fram kemur í
fréttatilkynningu frá BMW
Group. Þar skiptir mestu vel-
gengni nýja BMW 5 Series-
fólksbílsins, sem nú er fáanlegur
á flestum bílamörkuðum í heim-
inum. Frá því að BMW 5 kom á
markað í júlí á þessu ári hafa ríf-
lega 24 þúsund slíkra bíla verið
afhent til kaupenda.
Frá því að Mini kom á markað
á ný sumarið 2001 hafa aldrei
selst jafnmargir bílar og nú í
september, þegar 18.650 Mini
Cooper S, Mini Cooper og Mini
One voru seldir víðsvegar um
heiminn. Þetta er rúmlega 11%
söluaukning miðað við sept-
ember í fyrra, en þrátt fyrir það
náðist ekki alls staðar að anna
eftirspurn, að því er fram kemur í
fréttatilkynningu. Á fyrstu níu
mánuðum ársins hafa alls verið
seldir ríflega 137 þúsund Mini
bílar, sem er þriðjungi meira en á
sama tíma í fyrra.
Aukin sala bjá
BMW Group
ÞAÐ er ekki oft sem menn kaupa
aukabúnað í 18 milljóna króna bíl
fyrir fjórfalt hærri upphæð, eða 72
milljónir króna. Enda ekki algengt að
bíleigendur láti skera bílinn í þrennt
til þess að allur aukabúnaður komist
fyrir í bílnum.
Breska hönnunarfyrirtækið Design
Q fékk það verkefni nýlega að
breyta nýjum Aston Martin V8
sportbíl fyrir auðugan Hollending,
sem var með ákveðnar óskir um
breytingar á bílnum. Í fyrstu vildi
hann reyndar aðeins setja ný hljóm-
flutningstæki í bílinn, auk smávægi-
legra breytinga á innréttingunni til
að auka plássið. Á endanum varð
niðurstaðan þó sú að bíllinn var nán-
ast endurbyggður frá grunni. Aftur-
endinn og framendinn eru algerlega
nýir og segja bílasmiðirnir hjá De-
sign Q að 70% af ytra byrði bílsins
séu ekki lengur upprunalegur Aston
Martin.
Þá var bíllinn endurhannaður að
innan, sætin voru færð, nýtt mæla-
borð sett í bílinn með snertiskjá fyr-
ir skipanir og leður og málmur sett-
ur á fleti á innréttingunni. Aftan við
sætin var sett upp nýtt geymsluhólf
sem opnast og lokast með rafræn-
um stýribúnaði, og ytra byrðið að
sjálfsögðu leðurklætt.
Það eina sem ekki var breytt í
bílnum á þeim sex mánuðum sem
Design Q var með hann á gólfinu var
5.3 lítra V8 vélin, en svo virðist
sem Hollendingnum hafi þótt nóg að
hafa 349 hestafla vél í bílnum.
Hann varð hins vegar svo hrifinn af
því hvernig til tókst að nýr bíll er á
leiðinni í breytingu til Design Q.
Að loknum breytingum eru aðeins 70% af ytra byrði Aston Martin-bílsins upprunaleg.
Aston
Martin
breytt fyrir
72 milljónir
RSH.is
Dalvegi 16b • 201 Kópavogur
Sími 544 5570 • Fax 544 5573
www.rsh.is • rsh@rsh.is
Pro-Clip
VERSLUN • VERKSTÆ‹I
Radíófljónusta Sigga Har›ar
Vanda›ar festingar fyrir
öll tæki í alla bíla.
Festingar sérsni›nar fyrir flinn bíl.
Engin göt í mælabor›i›.
w
w
w
.d
e
si
g
n
.is
©
2
0
0
3