Morgunblaðið - 19.11.2003, Blaðsíða 8

8 B MIÐVIKUDAGUR 19. NÓVEMBER 2003 MORGUNBLAÐIÐ
bílar
KRISTINN keypti bílinn eins árs
gamlan á sínum tíma og er búinn
að nostra við hann í rúma fjörutíu
mánuði og er ekki enn þá hættur.
Hvað ertu búinn að gera við
þennan bíl?
„Ég byrjaði á hljómtækjunum.
Setti í hann DLS og Genesis
hljómtæki frá Clarion og sjón-
varpsstöð frá Clarion líka. Ég mæli
hljómtækin eiginlega ekki í vöttum
heldur hljómgæðum, sem er það
sem ég er að sækjast eftir. Bíllinn
er settur upp sem hljómgæðabíll
en ekki hávaðabíll. Engu að síður
getur hávaðinn verið talsverður. Í
bílnum eru tíu hátalarar. Í skottinu
eru sérsmíðuð bassabox úr trefja-
plasti. Hurðarspjöldin voru sér-
smíðuð til þess að þar væri hægt
að koma fyrir tvídurum og
miðjuhátalara. Svo eru í honum
átta tomma bassahátalarar og tvær
tólf tommu bassakeilur í skottinu.“
Hljómtækin voru sem sagt út-
gangspunkturinn?
„Já, síðan fór ég að breyta útliti
bílsins í takt við hljómgæðin. Það
er ekki nóg að vera bara með flott
hljómtæki.“
Í bílnum er 12 tommu sjónvarps-
skjár en Kristinn er ekki með sjón-
varpsmóttakara í bílnum.
„Skilyrðin eru ekki það góð og
það fæst ekki nógu góð mynd. En
ég er með Playstation 2 leikjatölvu
sem keyrir allt, tónlist, dvd-diska
og fleira.“
Neónþræðir og Playstation
Kristinn, sem vinnur hjá AMG
Aukaraf, og félagar hans smíðuðu
líka mælahatt í bílinn. Þeir gerðu
mót af hattinum og steyptu hann
úr trefjaplasti. Mælarnir geta verið
með sex mismunandi ljósum. Þeir
sýna olíuþrýsting, snúningshraða,
vatnshita og spennu. Sætin eru
upprunaleg í bílnum, en það stend-
ur til bóta. Í kringum hurðar-
spjöldin hefur Kristinn sett neón-
þræði sem gefa skemmtilegt ljós
inni í bílnum. Búið er að mála
mælaborðið og komið er nýtt Rac-
ing-stýri frá ÁG Mótorsporti.
„Það er eiginlega allt sérsmíðað í
þennan bíl því það fæst nánast
ekkert frá framleiðanda.“
Það er ekki nóg með að það sé
sjónvarpsskjár í mælaborðinu
heldur eru líka tveir minni skjáir
aftan í hvorum hnakkapúðanum
þannig að aftursætisfarþegar geta
horft á dvd-diska eða farið í tölvu-
leiki. Þráðlaus heyrnartæki eru
fyrir aftursætisfarþega svo þeir
geti einbeitt sér að sínum afþrey-
ingarmöguleikum ef bílstjórinn vill
t.d. hlusta á útvarpið.
Bíllinn er á 17 tommu krómfelg-
um frá Hjólbarðahöllinni. Dekkin
eru 215/45 R17. Kristinn kemur
ekki stærri felgum undir bílinn því
hann er búinn að lækka bílinn nið-
ur um fimm sentímetra. Glæsilegir
spoilerer eru á bílnum og setja
sterkan svip á hann. Þeir eru
steyptir hjá ÁG Mótorsport. Á
þakinu er loftinntak af Impreza
WRX. Á vélarhlífinni er síðan loft-
inntak af Mitsubishi Evo Lancer
sem er steypt inn í sjálfa vélarhlíf-
ina. Þá er búið að saga og opna
grillið og stuðarann og setja
möskvahlíf fyrir. Undir bílnum er
síðan neónljós sem gera bílinn yf-
irnáttúrulegan þegar myrkrið er
skollið á.
Nissan Primera 1997 kostar lík-
lega nálægt 750–800 þúsund krón-
ur en það þýðir ekki að bjóða
Kristni minna en 2,5 milljónir fyrir
bílinn. „En þessi bíll er bara ekki
til sölu. Ég ákvað að setja peninga
í hann og ég eftir að gera ýmislegt
fleira við hann. Þetta er sameig-
inlegt áhugamál mitt og vinkonu
minnar,“ segir Kristinn.
Flottasta Primeran á landinu?
Dvd, öflug hljómtæki og ýmiss konar lýsing er í bílnum. Neónþræðir eru í kringum hurðarspjöldin.
Sérsmíðaður mælahattur er á mælaborðssyllunni.
Öflugt Clarion-hljómtæki. Tíu hátalarar eru í bílnum, þar af þessir í hurðinni.
Kristinn Kjartansson á Nissan Primera árgerð 1997,
sem væri vart í frásögur færandi nema vegna þess að
síðastliðin tvö og hálft ár hefur hann gert viðamiklar
breytingar á bílnum sem þegar upp er staðið eru mun
verðmætari en sjálfur bíllinn.
Morgunblaðið/Jim Smart
Bíllinn er hinn glæsilegasti útlits.