Morgunblaðið - 12.01.2004, Blaðsíða 7

ÍÞRÓTTIR
MORGUNBLAÐIÐ MÁNUDAGUR 12. JANÚAR 2004 B 7
LUIS Figo, landsliðsmaður
Portúgala og leikmaður Real
Madrid á Spáni segir í viðtali
við sjónvarpsstöðina SIC í
Portúgal að hann hafi hug á
því að reyna fyrir sér á öðrum
vígstöðvum en Spáni á næstu
misserum. Figo hefur leikið
með Real Madrid frá árinu
2000 er hann kom frá erki-
fjendunum Barcelona en þar
hóf hann að leika árið 1995.
„Eins og staðan er í dag þá er
ég ekki að skipuleggja brott-
för mína frá Spáni en hins-
vegar hef ég verið lengi á
Spáni og ég neita því ekki að
mig langar að reyna fyrir mér
í öðru landi. Ég hef unnið allt
sem hægt er að vinna á Spáni
og þarf nýja áskorun á næstu
misserum,“ segir Figo sem er
31 árs gamall og er samnings-
bundinn Real Madrid fram til
ársins 2006. Hann var út-
nefndur leikmaður Evrópu
árið 2000 og knattspyrnumað-
ur heims árið 2001.
Ensku liðin Manchester
United, Chelsea og ítalska lið-
ið AC Milan hafa öll verið í
sambandi við forráðamenn
Real Madrid vegna leik-
mannsins undanfarna mán-
uði.
Figo vill
breyta til
FINNINN Janne Ahonen sigraði í
keppni af 120 metra palli í skíða-
stökki á heimsbikarmóti sem fram
fór í Liberec í Tékklandi á sunnu-
dag. Þetta er í annað sinn á ferli
Ahonen sem hann sigrar á heims-
bikarmóti en aðeins ein umferð
fór fram í keppninni að þessu
sinni þar sem að nokkur vindur
var á keppnistaðnum. Ahonen er
efstur í samanlagðri keppni á
heimsbikarmótunum, en hann
stökk 139 metra í gær og fékk
fyrir það 147,2 stig en annar í
keppninni í Tékklandi varð Norð-
maðurinn
Björn Einar Romören sem flaug
136 metra og fékk 145.3 stig.
Andreas Kuettel frá Sviss varð
þriðji með 134 metra og fékk fyrir
það stökk 143,2 stig frá dómurum
keppninnar en dæmt er út frá
tækni, lengd og stíl í skíðastökki.
Ahonen er með 658 stig sam-
anlagt á heimsbikarmótunum en
annar er Norðmaðurinn Sigurd
Pettersen, en hann er 102 stigum
á eftir þeim finnska.
Pettersen sigraði á „fjögurra
brekku mótinu“ sem fram fór í
Þýskalandi og Austurríki á milli
jóla og nýárs. Pettersen tók ekki
þátt í keppninni í Tékklandi í gær,
en engir keppendur komu frá Jap-
an og Bandaríkjunum. Að auki tók
Þjóðverjinn Sven Hannawald ekki
þátt í keppninni líkt og Pólverjinn
Adam Malysz.
Ahonen flaug
lengst allra
Reuters
Þjóðverjinn Ronny Ackermann virðist vera á leið út í skóg í
skíðastökkkeppni sem fram fór í Seefeld í gær en Ackermann
náði sér ekki á strik og endaði í 17. sæti í norrænni tvíkeppni.
FORRÁÐAMENN Körfuknatt-
leiksfélags Ísafjarðar, KFÍ, sem
leikur í úrvalsdeildinni eiga von
á því að framherjinn Darko Ris-
tic verði með liðinu á ný er KFÍ
sækir Tindastól heim í Inter-
sportdeildinni þann 15. janúar
n.k. Jón Kristmannsson formað-
ur KFÍ sagði í gær að Ristic hefði
ekki getað leikið með liðinu þann
4. janúar s.l. gegn Haukum þar
sem leikmaðurinn hefði veikst í
heimalandi sínu um jólin en hann
er frá Júgóslavíufyrrverandi.
„Sá orðrómur hefur verið hér á
landi þess efnis að Ristic ætli sér
ekki að leika með KFÍ á ný en
svo er ekki og við eigum von á
honum á allra næstu dögum.
Hann verður í okkar liði þegar
við mætum til leiks gegn Tinda-
stól,“ sagði Jón.
KFÍ bíður enn eftir
komu Darko Ristic
ÍTALINN Giorgio Rocca sigraði í
svigkeppni karla á heimsbikarmóti
sem fram fór í Chamonix í Frakklandi
í gær. Heimamaðurinn Pierrick Bo-
urgeat varð annar. Rocca, sem kemur
frá smábænum Livigno, gerði engin
mistök í síðari umferðinni, skíðaði lip-
urt og létt og kom í mark á tímanum
1.29,09 mínútum en Bourgeat hafði
áður komið í mark á 1.29,17 mín.
„Þjálfarinn sagði mér að taka
áhættu í síðari umferðinni, í raun
sagði hann mér að haga mér eins og
brjálæðingur. Ég geri alltaf eins og
þjálfarinn leggur upp og herbragðið
heppnaðist fullkomnlega,“ sagði
Rocca eftir sigurinn. „Það var sér-
staklega ánægjulegt að hafa unnið
hér í Chamonix þar sem ég hef ekki
fram til þessa kunnað vel við mig í
brautinni.“
Bandaríkjamaðurinn Bode Miller
varð þriðji og virðist vera að nálgast
sitt besta á ný eftir nokkra lægð að
undanförnu.
Rainer Schönfelder náði besta tím-
anum í fyrri umferðinni en náði ekki
að fylgja því eftir og endaði í fjórða
sæti.
Rocca er 28 ára gamall og hefur nú
þrívegis unnið heimsbikarmót í svigi,
en hann er efstur í stigakeppninni í
svigi eftir fjögur mót með 290 stig.
„Ég er með ágæta stöðu fyrir fram-
haldið en keppnin um besta saman-
lagða árangurinn verður mjög hörð,“
sagði Rocca.
Manfred Pranger frá Austurríki er
annar í samanlögðu með 240 stig en
fyrrverandi æfingafélagi Kristins
Björnssonar, Finninn Kalle Palender,
er þriðji með 215 stig. Palender end-
aði í 16 sæti í gær.
Norðmaðurinn Tom Stiansen var
sá eini sem náði ekki að ljúka við síð-
ari umferðina.
Reuters
Einbeittur skíðaði Ítalinn Giorgo Rocca hraðast allra í svig-
keppni heimsbikarsins sem fram fór í Chamonix í gær.
Rocca
gerði engin
mistök í
Chamonix
Kvennalið Grindavíkur í körfu-knattleik sýndi hvað í þeim býr
er liðið tók á móti grönnum sínum úr
Njarðvík í leik lið-
anna í 1. deild. Þar
hafði heimaliðið bet-
ur, 99:47. Staðan í
hálfleik var 52:58. Í
byrjun leiks voru gestirnir algjörlega
vængbrotnir og söknuðu greinilega
erlenda leikmannsins og þjálfara,
Andrea Gaines. Grindavíkurstúlkur
voru aftur á móti fullar sjálfstrausts
með erlenda leikmanninn sinn, Kesha
Tardy, sem fellur greinilega vel inn í
liðið. Eftir að hafa komist í 13:0 má
eiginlega segja að leikurinn hafi verið
búinn því heimastúlkur héldu sama
dampi allan tímann og gáfu engin
grið. Í hálfleik var staðan 52:28 og
eins og áður sagði sigruðu Grindavík-
urstúlkur örugglega 99:47. Mikið
sjálfstraust er greinilega komið í
Grindavíkurliðið með tilkomu þessa
erlenda leikmanns og hún ásamt Pet-
rúnellu Skúladóttur voru einfaldlega
of stór biti fyrir gestina því þær áttu
stórleik bæði í sókn og vörn. Hjá gest-
unum var engin að spila eins og þær
geta best.
„Þetta var góður leikur hjá okkur.
Kesha Tardy fann sig vel í leiknum og
sjálfstraust annarra stúlkna kom með
þessum leik vonandi. Markmiðið er að
komst inn í úrslitakeppnina,“ sagði
Pétur Guðmundsson, þjálfari Grinda-
víkurstúlkna.
„Stefnum
í úrslit“
Garðar
Vignisson
skrifar
STJÓRN Körfuknattleiksdeildar
Breiðabliks sem leikur í úrvals-
deild, hefur enn ekki tekið ákvörð-
un um hvort liðið fær til sín banda-
rískan leikmann í stað Cedrick
Holmes sem fór frá liðinu á dög-
unum vegna meiðsla í hné. Eggert
Baldvinsson formaður deildarinnar
sagði í gær að stjórnin væri að velta
ýmsum möguleikum fyrir sér þessa
dagana og þar hefði einnig sú hug-
mynd komið upp að bæta ekki við
leikmanni. „Við þurfum að standa
við okkar skuldbindingar og ætlum
að skoða okkar mál betur. Næsti
leikur er á föstudaginn en ég get
ekki sagt það hér og nú hvort nýr
leikmaður verður komin á svæðið.
Það eru helmingslíkur á því.“
Blikar íhuga
vel sín mál