Morgunblaðið - 15.01.2004, Qupperneq 60
ÍÞRÓTTIR
60 FIMMTUDAGUR 15. JANÚAR 2004 MORGUNBLAÐIÐ
SLÓVENAR, gestgjafar og and-
stæðingar Íslendinga á Evr-
ópumeistaramótinu í handknatt-
leik, skriðu undan híði sínu og
léku tvo vináttuleiki við Make-
dóníu á dögunum, en Slóvenar
búa sig undir Evrópumótið af
mikilli leynd um þessar mundir.
Úrslit beggja leikja var 30:24.
Leikirnir fóru ekki hátt og er
greinilegt á þeim litlu upplýs-
ingum sem hægt er að finna um
þá að þeir fóru fram í litlum
íþróttasölum því ekki voru nema
um 500 áhorfendur á fyrri leikn-
um og 700 á þeim síðari.
Allir helstu kappar liðs Slóven-
íu, að Ivan Simonovic og Renato
Vugrinec undanskildum, tóku
þátt í viðureignunum, en Simon-
ovic lék Íslendinga grátt í vin-
áttuleikjum hér á landi fyrir einu
ári. Þá má þess geta að Vugrinec
gengur til liðs við Magdeburg í
sumar og er ætlað að fylla það
skarð sem Ólafur Stefánsson
skildi eftir sig.
Hinn ungi Vid Kavticnik, skor-
aði flest mörk liðsins í leikjunum,
12, örvhenta skyttan Roman
Pungartnik hjá Kiel var með 11.
Stórskyttan Ales Pajovic, félagi
Ólafs hjá Ciudad Real, hafði hins
vegar hægt um sig, skoraði að-
eins sex mörk í síðari leiknum en
ekkert í þeim fyrri.
Að halda
eða sleppa
ÞÓ nokkrar vangaveltur hafa
verið síðustu daga um val á
landsliði Íslands í handknatt-
leik, sem tekur þátt í Evr-
ópukeppni landsliða í Slóveníu.
Tveir leikmenn eru meiddir –
Dagur Sigurðsson og Sigfús
Sigurðsson – og verður látið
reyna á þá í Danmörku og Sví-
þjóð, á móti sem hefst í kvöld.
18 leikmenn eru í Danmörku og
ef þeir standast ekki prófið
falla þeir út og þeir sextán leik-
menn sem eftir eru halda til
Slóveníu á þriðjudaginn. Það
gefur auga leið að það er betra
að fara með fullfríska menn í
stórmót en leikmenn sem eru
meiddir og geta ekki leikið á
fullum krafti. Sagan frá Ólymp-
íuleikunum í München 1972 má
ekki endurtaka sig – þangað
var farið með meiddan leik-
mann sem gat ekki leikið.
Meiðsli Sigfúsar, brjósklos í
baki, eru erfiðari en meiðsli
Dags, sem er meiddur á læri. Ef
Sigfús stenst ekki prófið í Dan-
mörku og menn vilja gefa Degi
lengri hvíld til að jafna sig, þá
er sá möguleiki fyrir hendi að
fara með sautján leikmenn til
Slóveníu – tilkynna ekki nema
fimmtán strax sem keppn-
ismenn, en það má tilkynna
einn leikmann til sögunnar síð-
ar á EM. Dagur og þá vænt-
anlega þriðji markvörðurinn í
hópnum, Björgvin Gústavsson,
væru þá tilbúnir að hlaupa í
skarðið þegar við ætti. Dagur
fengi lengri tíma til að fá sig
góðan – gæti jafnvel komið inn í
keppni í milliriðli – ef Ísland
kemst áfram – þegar leikur
harðnar á EM. Einnig er sá
möguleiki til staðar að fara með
alla 18 leikmennina til Slóveníu,
þannig að Sigfús væri með í för
og tilbúinn í slaginn, ef hann
hressist.
Sigmundur Ó. Steinarsson
Ég þekki vel til þeirra leikmannasem skipa lið Slóvena. Það er
gríðarlega vel mannað og nánast
skipað sömu mönn-
um og voru hér á
landi í fyrra og voru
síðan á HM að því
undanskildu að Ales
Pajovic, samherji Ólafs Stefánssonar
hjá Ciudad Real, var þá ekki með.
Hann tekur hins vegar þátt í Evr-
ópukeppninni. Þar er á ferð afar
sterk skytta. Auk hans er lið Slóvena
skipað sterkum leikmönnum, á því
leikur enginn vafi en við vitum hvað
bíður okkar í Celje,“ segir Guðmund-
ur sem þegar er farinn að undirbúa
myndbandsspólur með leik Slóvena
og greina leik þeirra í sérstöku tölvu-
forriti ásamt aðstoðarmanni sínum,
Gunnari Magnússyni.
Slóvenar eru nærri því í felum
núna, leika ekkert af opinberum æf-
ingaleikjum, ekki satt?
„Það er rétt, það má segja að þeir
séu í felum. Ég hef reynt að afla mér
upplýsinga um þá en hef nánast ekk-
ert haft upp úr krafsinu. Þeir eru við
æfingar í heimalandi sínu, leika æf-
ingaleiki gegn félagsliðum, eftir því
sem næst verður komist. Þeir fara
ekkert út úr landi. Ég hafði óljósar
spurnir af því að Slóvenar hafi leikið
æfingaleiki við Makedóníu en mynd-
ir frá þeim leikjum eru eitthvað sem
ég get ekki nálgast séu þær á annað
borð á lausu,“ segir Guðmundur sem
telur sig vita nokkuð vel hvað bíður
sín og lærisveinanna þegar flautað
verður til leiks Slóvena og Íslend-
inga í Celje annan fimmtudag. „Ég
tel mig vita nokkurn veginn hvernig
Slóvenar spila, en auðvitað er aldrei
hægt að fullyrða fullkomlega.“
Að leiknum við Slóvena loknum
tekur við viðureign við Ungverja, lið-
ið sem hafnaði flestum að óvörum í 5.
sæti á síðasta heimsmeistaramóti.
Guðmundur segist vera með talsvert
af nýlegum myndum af leik Ung-
verja sem virðast vera síst veikari en
fyrir ári á HM. Ungverjar léku á æf-
ingamóti á Spáni um síðustu helgi og
lögðu Úkraínu og Pólland og gerðu
síðan jafntefli við heimamenn í
hörkuleik, 28:28, þrátt fyrir að vera
án tveggja afar sterkra leikmanna,
Laszlos Nagy og Carlosar Perez.
Hinn síðarnefndi er meiddur og
verður ekki með á HM en Nagy
verður væntanlega með þrátt fyrir
skyndilegt fráfall nákomins ættingja
á dögunum.
„Ég veit að ungverska liðið er
mjög öflugt og vel skipulagt. Það er
skipað hávöxnum og líkamlega
sterkum leikmönnum auk þess sem
skyttur liðsins eru framúrskarandi.
Það breytir því litlu þótt Perez,
markahæsti leikmaður heimsmeist-
aramótinu í Portúgal, verði ekki
með. Það segir meira en mörg orð
um styrk liðsins að það hafnaði í
fimmta sæti á HM.“
Færðu myndir af leikjum Ung-
verja á Spáni?
„Ég er að reyna það, en það er alls
ekki auðvelt. Menn eru mjög varir
um sig, vilja lítið láta fara frá sér af
myndefni, að minnsta kosti ekki of
auðveldlega. Ég á hins vegar von á
því að fá í hendur á næstu dögum
upptökur af leikjum Tékka í Túnis á
dögunum. Varðandi Ungverja þá hef
ég upptökur af leikjum þeirra við
Dani í haust og ég reikna með að þeir
leiki svipað gegn okkur og á móti
Dönum,“ segir Guðmundur og telur
sig hafa þegar á hólminn verður
komið eins góðar upplýsingar og
hægt er að ná í um þjóðirnar þrjár
sem verða andstæðingar Íslendinga í
riðlakeppninni, Slóvena, Ungverja
og Tékka. „Þótt sumt af efninu sé
orðið nærri árs gamalt þá má ganga
út frá því sem vísu að flest sé í svip-
uðum skorðum, menn breyta ekki
sínum leik í einni svipan, þótt auðvit-
að sé alltaf um einhverjar viðbætur
að ræða.“
Hvernig metur þú styrk Tékka?
„Ég hef ekki ástæðu til að ætla
annað en að þeir séu þrælsterkir um
þessar mundir. Tékkar hafa sýnt það
upp á síðkastið að þeir eru til alls vís-
ir. Þeir töpuðu naumlega fyrir Svíum
en unnu Frakka sem er mjög athygl-
isvert þar sem Frakkar hafa leikið
einna best þátttökuþjóðanna á EM í
undirbúningsleikjunum. Það vinnur
ekkert lið Frakka með fjögurra
marka mun nema því aðeins að það
búi yfir mikilli getu.“
Morgunblaðið/Sverrir
Guðmundur Þórður Guðmundsson, landsliðsþjálfari í handknattleik, mun stjórna landsliðinu í
þremur leikjum í Danmörku og Svíþjóð næstu daga – fyrst gegn Dönum í Farum í kvöld.
Slóvenar
æfa á laun
fyrir EM-
leiki í Celje
SLÓVENAR æfa á laun í bænum Celje í heimalandi sínu fyrir Evr-
ópumeistaramótið í handknattleik og eftir því sem næst verður
komist leika þeir enga æfingaleiki utan Slóveníu fyrir keppnina sem
hefst á fimmtudaginn í næstu viku. Íslenska landsliðið mætir
heimamönnum í fyrsta leik í Celje, þar sem Mekka handknattleiks-
ins í Slóveníu er um þessar mundir. Guðmundur Þórður Guðmunds-
son landsliðsþjálfari segist ekki hafa neinar nýjar myndir af leikjum
Slóvena, hann verði að byggja á því sem hann eigi, m.a. frá vináttu-
leikjum þjóðanna hér á landi fyrir ári og frá heimsmeistaramótinu í
Portúgal í fyrra. Guðmundur hélt með sveit sína til Danmerkur í gær
þar sem það tekur þátt í fjögurra þjóða móti áður en haldið verður
til Slóveníu á þriðjudag.
Eftir
Ívar
Benediktsson
Slóvenar skelltu Make-
dóníu í „feluleikjum“
VEGNA mistaka í vinnslu
blaðsins í gær féllu út tíu línur
á fjórum stöðum í viðtali við
Guðmund Þ. Guðmundsson,
landsliðsþjálfara í handknatt-
leik. Viðtalið er hér í heild
sinni.