Morgunblaðið - 04.02.2004, Blaðsíða 4

4 B MIÐVIKUDAGUR 4. FEBRÚAR 2004 MORGUNBLAÐIÐ
bílar
480 8000
SELFOSSI
Bílasala Suðurlands - Fossnesi 14 - 800 Selfossi
www.toyotaselfossi.is • toyotaselfossi@toyotaselfossi.is
480 8000
Toyota Avensis 1,8 W/G
New árg. 2003. Ek. 7
þús., sjálfsk.
Verð 2.470 þús.
Toyota Rav 4 2,0 árg.
1999. Ek. 97 þús., sjálfsk.
Verð 1.350 þús.
Nissan Primera 2,0
Steptronic árg. 2000. Ek.
30 þús., sjálfsk.
Verð 1.480 þús.
Lexus IS 200 árg. 2002.
Ek. 26 þús., sjálfsk.
Verð 2.825 þús.
Volvo S 70 árg. 1997. Ek.
97 þús., sjálfsk.
Verð 1.450 þús.
Toyota Avensis 2,0 W/G
Sol árg. 2002. Ek. 76 þús.,
sjálfsk., leður.
Verð 1.980 þús.
CITROËN hefur sett á markað
tveggja dyra bíl í smábílaflokki sem
kallast C2 og er á sama undirvagni
og fernra dyra bíllinn C3. Þrátt fyr-
ir sama undirvagn og tækni eru yf-
irbyggingar bílanna talsvert ólíkar.
C3 er tiltölulega formfastur fólksbíll
og fremur hábyggður, sem hentar
vel sem annar bíll á heimili. C2 er
hins vegar sportlegri í allri hönnun
og gæti sem best höfðað mest til
ungra bílkaupenda. Prófaður var á
dögunum aflmesta gerðin af C2 sem
kallast VTR og er með 1,6 lítra, 110
hestafla vél. Í þessari gerð er bíllinn
farinn að minna mest á GTI-út-
færslur – aflmikill miðað við stærð
og þyngd og með aksturseiginleika
af bestu gerð. Allt samt á kostnað
rýmisins sem auðvitað er í takt við
ytri stærð bílsins og byggingarlag.
Sportlegur að innan
C2 er laglegur bíll. Að framan
ganga stórar, næstum ferkantaðar
lugtir langt upp á vélarhlífina og
þegar hliðarlínan er skoðuð er eins
og bíllinn sé samsettur úr tveimur
bílum. VTR-útgáfan er síðan með
vindkljúfum að framan og á hliðum.
Þá er vindskeið á bílnum aftanverð-
um. Hann er á fimmtán tommu
dekkjum og virkar eins og lítill
kraftabíll tilsýndar.
C2 er smábíll, 3,67 m á lengd, og
aðeins skráður fjögurra manna.
Hann er glæsilega innréttaður í
sportlegum stíl. Framsætin eru
glæsileg og litrík og með miklum
hliðarstuðningi. Þau eru með hæð-
arstillingu. Mælarnir eru sömuleiðis
íturhannaðir og öðruvísi sem og
hurðarspjöldin og handföngin, sem
eru úr lituðu harðplasti. Það er sem
sagt flest með öðrum hætti í um-
hverfi ökumannsins og allt virkar
þetta frísklegt.
Aftursætin taka tvo, þó ekki há-
vaxna, og þá býður bíllinn einungis
upp á 166 lítra farangursrými. En
afturrýminu má líka breyta í stórt
farangursrými með því að fella nið-
ur sætisbökin og velta sætunum því
næst upp að framsætunum.
Sensodrive-skipting
Hestöflin 110 virka skemmtilega í
þessum litla og létta bíl. Mesta aflið
næst við 5.750 snúninga á mínútu og
hámarkstog, 147 Nm, eru við 4.000
snúninga á mínútu. Þetta er því vél
sem skilar mestu á háum snúningi
og það er lítið mál að ná öllu út úr
henni með Sensodrive gírkassanum.
Bíllinn er eingöngu með tveimur
pedölum, þ.e.a.s. bensínpedala og
bremsupedala. Engu að síður er
hann handskiptur en kúplingin er
sjálfvirk. Ökumaður stjórnar gír-
skiptingunni annað hvort með því að
hreyfa gírstöngina eða þrýsta á
flapsa aftan við stýrið, vinstra meg-
in til að gíra niður og hægra megin
til að gíra upp. Einnig er hægt að
velja um að láta gírkassann sjálfan
um að skipta sér upp og niður. Í
handskiptingunni gírar bíllinn sig
sjálfur niður í fyrsta gír þegar dreg-
ur úr hraðanum og hann er stöðv-
aður en hann skiptir sér aldrei upp
sjálfur.
Skemmtilegur akstursbíll
Þetta er gírskipting sem tekur
nokkurn tíma að venjast. Í sjálf-
skipta ferlinu virkar Sensodrive-
kassinn ágætlega innanbæjar og í
þrengslum þar sem ekki er ekið
hratt. En um leið og gefið er inn
taka gírskiptin of langan tíma. En
um leið og menn venja sig á það að
stíga af bensíngjöfinni þegar bíllinn
er að skipta sér upp, alveg eins og
gert er með hefðbundnar handskipt-
ingar, er unnt að draga úr hikinu
sem annars verður. Þá fer líka að
verða verulega skemmtilegt að aka
þessum bíl því hann er með sport-
lega takta og liggur geysilega vel á
vegi. Um margt minnir hann mest á
körtuakstur því vandfundinn er
smábíll sem er stöðugri í snöggum
og kröppum beygjum en C2 VTR,
nema ef vera skyldi nýi Mini-inn.
C2 er léttur í stýri en stýrið
þyngist og gerir bílinn stöðugri á
meiri hraða. Og uppgefinn há-
markshraði er 195 km á klst.
C2 VTR er virkilega skemmtileg-
ur akstursbíll en ópraktískur að
mörgu leyti vegna lítils innanrýmis.
Ljóst er að hann getur höfðað
sterklega til þeirra sem leita að afl-
miklum og góðum akstursbíl af
minnstu gerð og menn ættu ekki að
verða fyrir vonbrigðum. Það er ekki
um auðugan garð að gresja í þess-
um flokki bíla. Þarna eru þó keppi-
nautar eins og Mini, sem þó hefur
enn ekki verið fluttur inn til al-
mennra kaupenda, en svo má ekki
heldur gleyma Toyota Yaris T-
Sport, sem líka er afbragðs aksturs-
bíll. Sá bíll kostar handskiptur með
105 hestafla, 1,5 l VVTi-vél,
1.589.000 kr. C2 VTR kostar á hinn
bóginn 1.669.000 kr. með Senso-
drive-skiptingunni.
Citroën C2 VTR
– eykur akstursgleði
Morgunblaðið/Ásdís
Bíllinn er eins og samsettur úr tveimur bílum.
Sportleg hliðarlína endar í vindkljúf að aftan. Álfelgur eru staðalbúnaður. Með því að fórna aftursætunum fæst mikið farangursrými.
Allt er sportlegt að innan en tíma tekur að venjast Sensodrive-skiptingunni.
Svo léttur bíll er vel settur með 1,6 lítra, spræka vélina.
gugu@mbl.is
REYNSLUAKSTUR
Citroën C2 VTR 1.6
Guðjón Guðmundsson
Vél: Fjórir strokkar,
1.587 rúmsentimetrar,
16 ventlar.
Afl: 110 hestöfl við
5.750 snúninga
á mínútu.
Tog: 147 Nm við 4.000
snúninga á mínútu.
Hröðun: 10,9 sekúndur.
Hámarkshraði:
195 km/klst.
Gírskipting: Handskiptur,
fimm gíra með sjálfvirkri
kúplingu, sjálfskiptur,
Sensodrive.
Eyðsla: 6,3 lítrar í
blönduðum akstri (upp-
gefið af framleiðanda.)
Lengd: 3.666 mm.
Breidd: 1.659 mm.
Hæð: 1.461 mm.
Eigin þyngd: 1.055 kg.
Sæti: Fjögur.
Farangursrými:
166-879 lítrar.
Verð: 1.669.000 kr.
Umboð: Brimborg hf.
Citroën C2 VTR 1.6
Sensodrive