Morgunblaðið - 12.02.2004, Blaðsíða 23
SUÐURNES
MORGUNBLAÐIÐ FIMMTUDAGUR 12. FEBRÚAR 2004 23
Dekuraskja sem inniheldur Blue Lagoon spa
baðflögur, kísilmaska, hárband og róandi ilmkerti.
lagoon@bluelagoon.is • www.bluelagoon.is • 420 8800
Valentínusardagur
Dekraðu við
elskuna þína
Gjafaöskjur eru fáanlegar í verslun heilsulindar,
verslun við Aðalstræti 2 og í netverslun.
Verð 3.500 kr.
Minnum á gjafakortin
– ávísun á einstaka upplifun.
Dekuröskjunni fylgir boðskort
fyrir tvo í Bláa lónið – heilsulind.
Fallegar herratöskur ásamt boðskorti
í Bláa lónið – heilsulind einnig fáanlegar.
Reykjanesbær | „Þið eigið að vera
góðir við okkur gamlingjana en ekki
öfugt,“ heyrðist sagt á einu borðanna
þegar eldri biljarðsspilarar öttu
kappi við ungmenni í félagsmið-
stöðinni Fjörheimum. Þarna hafði sá
eldri greinilega komið sér í einhverja
klemmu.
Hópur eldri borgara í Reykjanes-
bæ kemur saman reglulega til að æfa
knattborðsleik. Hafa þeir aðstöðu í
Fjörheimum. Einn úr hópnum, Ingi
F. Gunnarsson, tók það upp hjá sér
að skora á ungmenni sem koma sam-
an í menningarmiðstöðinni 88. Nils-
ína Larsen Einarsdóttir, tómstunda-
leiðbeinandi í Fjörheimum, tók Inga
á orðinu og skipulagði mótið. Ingi
tók fram í áskorun sinni að mótið
yrði að vera „á skikkanlegum tíma“,
ekki of snemma fyrir krakkana og
ekki of seint fyrir þá eldri. Mótið var
haldið síðdegis í gær.
Eldri keppendurnir héldu mót til
að velja fulltrúa sína og hafa æft stíft
að undanförnu. Einn lét þess getið að
þeir hefðu varla komist heim í mat
undanfarna daga en annar tók fram
að það hefði hann vissulega gert og
líka farið í nudd til að vera klár í slag-
inn.
Sjö keppendur voru í hvoru liði og
var keppt í riðlum. Eldri borgarar
höfðu betur því tveir af þremur efstu
komu úr þeirra röðum. Sveinn Jak-
obsson sigraði eftir mikla úr-
slitarimmu við ungliðann Gunnar
Þór Ásgeirsson. Ingi Gunnarsson
varð í þriðja sæti.
Yngri og eldri biljarðsspilarar kepptu í Fjörheimum
Morgunblaðið/Helgi Bjarnasson
Kann á þessu lagið: Ingi F. Gunnarsson sýnir gamla takta á knattborðinu. Keppinautur Inga og félagar hans úr
eldri manna liðinu fylgjast með og ræða frammistöðu síns manns. Ingi átti hugmyndina að keppninni.
Hafa varla komist heim í mat
Suðurnes | Ferðamálasamtök
Suðurnesja hafa ákveðið að skipa
nefnd til að draga saman upplýs-
ingar um gönguleiðir á Suður-
nesjum og minjar og sögur sem
tengjast þeim.
Kristján Pálsson, formaður
Ferðamálasamtaka Suðurnesja,
segir að víða í sveitarfélögunum
séu starfandi gönguhópar sem
búi yfir miklum upplýsingum
sem mikilvægt sé að safna sam-
an. Sumir hóparnir hafi skráð
skipulega gönguleiðir, minjar og
sögur sem tengjast þeim og nefn-
ir sérstaklega Ómar Smára Ár-
mannsson og gönguhópinn
FERLIR í því sambandi.
Kristján segir að vaxandi
áhugi sé hjá göngufólki og mik-
ilvægt að gera þessar upplýsing-
ar aðgengilegar fyrir áhugafólk.
Ætlunin er að draga upplýsing-
arnar saman og gefa út á kort-
um.
Í nefndinni verða fulltrúar úr
öllum sveitarfélögunum og fólk
úr gönguhópunum.
Nefnd skipuð til að skrá
gönguleiðir og minjar
Hafnavegur | Útilit er fyrir að
slökkviliðin á Suðurnesjum fá gömlu
sorpeyðingarstöðina við Hafnaveg
til afnota. Þar hyggjast þau koma
upp aðstöðu til verklegra æfinga
sem þeir telja að geti nýst á lands-
vísu.
Sorpeyðingarstöðin við Hafnaveg
er að ljúka núverandi hlutverki sínu
þar sem verið er að leggja lokahönd
á byggingu Kölku, nýrrar mótttöku-,
flokkunar- og sorpeyðingarstöðvar
fyrir sorp í Helguvík. Þó enn rjúki
úr reykháfi gömlu stöðvarinnar
verður það ekki nema í nokkra daga
til viðbótar.
Slökkviliðin á Suðurnesjum hefur
vantað æfingaaðstöðu og hafa sum
þeirra verið að huga að því að koma
sér upp slíkri aðstöðu. Þannig hafa
Brunavarnir Suðurnesja undirbúið
uppbyggingu í Helguvík. Slökkvi-
liðsstjórarnir fengu augastað á hús-
næði sorpeyðingarstöðvarinnar sem
raunar tilheyrir varnarsvæði og
spurðust fyrir um vilja stjórnar
Sambands sveitarfélaga á Suður-
nesjum til málsins. Að erindinu
stóðu öll slökkviliðin á Suðurnesjum,
það er að segja Brunavarnir Suð-
urnesja, Slökkvilið varnarliðsins á
Keflavíkurflugvelli, Slökkviliðið í
Sandgerði og Slökkviliðið í Grinda-
vík.
Reynir Sveinsson, formaður
stjórna Kölku og SSS, segir að
stjórnirnar hafi samþykkt þessa ósk.
Æfingamiðstöð
Sigmundur Eyþórsson, slökkvi-
liðsstjóri hjá Brunavörnum Suður-
nesja, segir að slökkviliðin á Suð-
urnesjum vinni vel saman og myndi
öfluga heild þegar á þurfi að halda.
Lengi hafi vantað aðstöðu til verk-
legra æfinga þar og raunar á lands-
vísu. Þess vegna hafi slökkviliðs-
stjórarnir viljað kanna hvort gamla
sorpbrennslustöðin væri föl til þess-
arra nota. Þeir horfi einnig til sam-
starfs við Brunamálastofnun og
Brunamálaskóla ríkisins og vonast
til að hægt verði að hafa þarna starf-
semi sem nýttist fleirum.
Hugmyndin er að nýta mannvirk-
in og bæta við aðstöðu á lóðinni.
Plönin við stöðina eru með olíuskilj-
um og henta því til þessarra nota.
Sigmundur segir að einkum sé verið
að ræða um verklega þjálfun í reyk-
köfun með eldi, vatnsöflun og meng-
unarvörnum. Þarna sé aðstaða til að
sinna öllum þessum þáttum. Að vísu
þurfi að leggja í nokkurn kostnað til
að byggja þessa starfsemi upp en nú
verði gengið í að kanna kostnað,
rekstrargrundvöll og afla leyfa.
Slökkviliðsmenn af Suðurnesjum
hafa sótt þjálfun til annarra landa.
Sigmundur telur að áfram þurfi að
senda menn til þjálfunar erlendis í
vissum störfum.
Morgunblaðið/Helgi Bjarnason
Slökkt á brennslunni: Slökkviliðin hafa hug á að nota gömlu sorpbrennsluna til þjálfunar slökkviliðsmanna.
Slökkviliðin fá gömlu
sorpeyðingarstöðina