Morgunblaðið - 19.03.2004, Side 33

UMRÆÐAN
MORGUNBLAÐIÐ FÖSTUDAGUR 19. MARS 2004 33
Grípið
tækifærið!
Markaðurinn
Rauðagerði 25
(Kælitæknihúsinu, hægra megin)
Þrenns konar verð í gangi:
500 - 1.000 og 2.000 kr.
OPIÐ ALLA DAGA FRÁ 14-18
Úrval af
kvenfatnaði
Hér erum
við
VIÐ sem einu sinni unnum að
félagsmálum skákmanna horfum
undrandi á afrek Hrafns Jökuls-
sonar við að efla skákáhuga Ís-
lendinga. Þó Íslendingar hafi átt
öfluga aflvaka skákáhuga á liðn-
um árum held ég að
erfitt geti orðið að
finna jafningja
Hrafns. Sem betur
fer hefur starf hans
vakið verðskuldaða
athygli og ég sé oft
undrunarsvipinn á
fólki þegar nafn
hans er nefnt. Auk
gríðarlega sterkra
skákmóta sem hann
hefur efnt til á tím-
um þegar skákin
virtist vera að falla í
mikla lægð hér á
landi er ástæða til
að leggja áherslu á
unglingastarf Hróks-
ins en nú virðist
mikill skákáhugi í
fjölmörgum grunn-
skólum og efnilegir
skákmenn ungir eru
að stíga fram í dags-
ljósið. Skáklífið á Ís-
landi er að lifna á
ný. Skáksamband Ís-
lands er að halda
glæsileg mót og al-
mennur áhugi að
glæðast. Hrafn Jök-
ulsson er að skipa sér sess í ís-
lenskri skáksögu með Daniel
Willard Fiske og Jóhanni Þóri
Jónssyni. Auðvitað eigum við
marga sterka félagsmálamenn á
þessu sviði sem betur fer og ég
leyfi mér að nefna Helga Ólafs-
son stórmeistara og skólastjóra
Skákskóla Íslands sem um árabil
hefur verið ein af lyftistöngum
skákhreyfingarinnar. En Hrafn
beitir sér nú af stöðugt meira afli
við að efla áhugann hjá ungu
kynslóðinni, í skólunum. Skákin
hefur gríðarlegt uppeldisgildi.
Hún eykur einbeitingu og ögun. Í
skákinni verða menn
að takast á við vanda-
málið, þar er ekki
hægt að skrökva sig
frá því. Hún kennir
mönnum að gera
áætlun og horfa fram
í tímann. Eins og
sagt hefur verið: Þó
hún sé takmörkuð við
sextíu og fjóra reiti
er hún takmarkalaus
í flækjum sínum og
þrátt fyrir strangar
leikreglur eru hugar-
flug og ímyndunarafl
máttarviðir þeirra
listaverka sem verða
til við skákborðið.
Þannig mætti lengi
telja.
Mér virðist Hrafn
stefna að því háleita
markmiði að gera Ís-
land að enn frekara
forystulandi í skák-
heiminum en það er
nú. Hann hefur sett
sér langtímamarkmið
og starf hans í grunn-
skólunum ber því
vitni. Við sem stönd-
um utan við veginn hljótum að
gleðjast og óska honum, sem og
skákhreyfingunni allri, alls góðs í
verkefnunum framundan.
Skákvakning Hrafns
Guðmundur G. Þórarinsson
skrifar um eflingu skákáhuga
Guðmundur G.
Þórarinsson
’Mér virðistHrafn stefna að
því háleita
markmiði að
gera Ísland að
enn frekara
forystulandi í
skákheiminum
en það er nú.‘
Höfundur er fyrrverandi forseti
Skáksambands Íslands.
NÝR golubelgur á ráðstjórn-
arheimilinu rauk upp með andfælum
á dögunum; ruddist um fast á Iðn-
þingi og gaf ófagrar lýsingar á fjár-
mála- og viðskiptalífi þjóðarinnar.
Upplýsti að viðskiptabankar verðu
mestum kröftum sínum og fjár-
munum í að ,,brytja niður fyrirtæki í
íslenzku viðskiptalífi“. Ennfremur
að þræðir þeirra og
annarra stórfyrirtækja
lægju svo víða ,,að
helst minnir á net risa-
vaxinnar kóngulóar“.
Í forystugrein 13.
marz tekur ritstjóri
Morgunblaðsins heils-
hugar undir orð félags-
málaráðherrans og tel-
ur ummæli hans um að
,,brytja niður fyr-
irtæki“ og ,,risavaxinn
kóngulóarvef“ sér-
staklega athyglisverð.
Ritstjóranum er
mikið niðri fyrir, sem vonlegt er, og
kallar til vitnis um alvöru málsins
aðalritara og verðandi aðalritara.
Einnig vitnar hann í ræðu Guðna
landbúnaðarráðherra og tekur sér-
staklega fram að hún hafi verið hald-
in á Hólum svo menn rugluðu henni
ekki saman við hægðaræðu herrans,
sem hann hélt í kjördæmi sínu á
dögunum.
Að svo búnu kemst ritstjórinn að
þeirri niðurstöðu ,,að samstaða
stjórnarflokkanna um að veita þurfi
viðnám er algjör“.
Það liggur greinilega lífið á að
sporna við þeim ófarnaði í fjármála-
og viðskiptalífi þjóðarinnar sem dun-
ið hefir yfir.
Í leiðara í sunnudagsblaðinu 14.
þ.m. er ritstjórinn enn með miklum
andþrengslum og vitnar í fleiri
þungavigtarmenn til stuðnings
þeirri lífsnauðsyn að ógæfunni verði
bægt frá dyrum þjóðarinnar með
órofa samstöðu allra.
Undirritaður saknar þess sárlega
í umfjöllun Morgunblaðsins að eng-
um orðum er farið um rót hins vá-
lega vanda, né heldur hverjir beri
aðallega ábyrgð á þeim háska sem
oss er nú búinn. Trúlega telur Morg-
unblaðið ríkisstjórnina stikkfría, ef
að líkum lætur.
Sá sem hér heldur á
penna ætlar sér ekki þá
dul að hann geti í stutt-
um pistli gert ítarlega
grein fyrir svo viða-
miklum málum, sem
hér koma við sögu. En
af því sem viðskipta-
bankar eru hafðir að
sérstökum skotspæni í
þessu sambandi, mætti
kannski minna á, að
staða þeirra nú er öll
mótuð af núverandi
valdhöfum. Ef starf-
semi banka þykir viðsjál og var-
hugaverð, ber ráðstjórnin alla og
ótakmarkaða ábyrgð á því.
Þegar hafizt var handa um einka-
væðingu bankanna margítrekaði að-
alritari að sala þeirra yrði að vera
dreifð. Hinu smávaxna íslenzka
efnahagssvæði hentaði með engu
móti yfirráð örfárra manna, enda
bankarnir risavaxin fyrirtæki á ís-
lenska mælikvarða og engin dæmi
sambærileg að því leyti á öðrum
löndum. Þessi stefna var með öllu
svikin og bankarnir afhentir örfá-
mennu auðvaldi á smánarverði.
Og nú hefir skepnan snúizt gegn
skapara sínum, en skaparanum sýn-
ist nú
,,gil og gljúfur opin
gapa himni við,“
Biður almenning í guðanna bæn-
um að hjálpa sér við að kveða niður
drauginn, sem þeir ráðamenn vöktu
sjálfir upp.
Meinsemdin mikla í málinu eru
þeir valdamenn, sem fengu auðvald-
inu vopn í hendur sem þeir ,,brytja
niður“ með önnur fyrirtæki og
hvoma svo í sig reitum þeirra að því
búnu. Hinir sömu ráðstjórnarmenn
hafa afhent ,,risaköngulónum“ efnið
í vefinn, sem þeir drepa með í dróma
athafnafrelsi hinna smærri.
Málið er ekki flóknara en þetta
þótt landstjórnarmenn láti auðvitað
eins og þeir viti ekki hvaðan á þá
stendur veðrið.
Meinsemdin
Sverrir Hermannsson skrifar
um fjármála- og viðskiptalíf ’Ef starfsemi bankaþykir viðsjál og var-
hugaverð, ber ráð-
stjórnin alla og ótak-
markaða ábyrgð á því.‘
Sverrir Hermannsson
Höfundur er fv. formaður
Frjálslynda flokksins.
HINN 17. apríl næstkomandi
verður haldið íbúaþing í Fjarða-
byggð í Kirkju- og menningar-
miðstöðinni á Eskifirði.
Ráðgjafarfyrirtækið
Alta mun annast fram-
kvæmd þingsins, en
meginþema þess eru
málefni tengd fjöl-
skyldunni.
Íbúaþing veita íbú-
um tækifæri til að
hafa áhrif á umræðu
og ákvarðanir sam-
félagsins og koma með
tillögur að lausnum.
Þau bjóða upp á um-
ræðu um hvaða verk-
efni beri að leysa og
þá hvernig. Í þingum
sem þessum felst því
aukið lýðræði með því að auðvelda
íbúunum aðgang að stofnunum og
ákvarðanaferli bæjaryfirvalda.
Sú aðferð sem beitt er á íbúa-
þingum undir stjórn Alta er mjög
skilvirk og einföld. Hún kallast
„samráðsskipulag“ og er þraut-
reynd hérlendis sem erlendis. Sam-
ráðsskipulag er aðferð sem beitt er
til þess að kalla eftir hugmyndum
og athugasemdum fólks um tiltekin
viðfangsefni. Aðferðin byggist m.a.
á því að notaðir eru minnismiðar
þar sem allar þær hugmyndir og
athugasemdir sem fara í gegnum
hugann eru skrifaðar niður og fara
síðan óháðir stjórnendur yfir at-
hugasemdirnar. Aðferðin gefur
þannig öllum sem þess óska, jafnt
íbúum, fagfólki sem öðrum hags-
munaaðilum, jafna möguleika á að
leggja sitt af mörkum til þess við-
fangsefnis sem um er fjallað. Nið-
urstöður íbúaþingsins eru síðan
góður efniviður fyrir bæjarstjórn
þegar kemur að ákvarðanatöku og
forgangsröðun verkefna.
Með íbúaþingi er þekking-
arbrunnur íbúanna nýttur. Enginn
býr yfir betri staðþekkingu en íbú-
arnir sjálfir og þessi sérþekking er
mjög gagnleg í ákvarðanatöku og
stefnumótun samfélagsins til fram-
tíðar. Þegar íbúarnir
sjálfir hafa komið
sjónarmiðum sínum á
framfæri skapast meiri
ánægja með þær
ákvarðanir sem teknar
eru og meiri sátt næst
um stefnumótun. Með
því að virkja íbúana til
þátttöku skapast einn-
ig meira bakland fyrir
sveitarstjórnir sem og
styrkir stöðu þeirra
við ákvarðanir, þar
sem íbúarnir sjálfir
eiga þátt í stefnumót-
uninni. Á íbúaþingum
eykst vitund íbúa um samfélag sitt
og þeir öðlast meiri skilning á um-
hverfi sínu, enda byggist hug-
myndin um þátttöku almennings í
mótun umhverfis síns að miklu leyti
á þeim rökum að umhverfið virki
betur þegar íbúarnir hafa verið
þátttakendur í mótun þess, í stað
þess að vera einungis óvirkir neyt-
endur.
Samvinna og stefnumótun á
dagsþingi, líkt og haldið verður í
Fjarðabyggð, er til þess fallið að
auka samkennd, samhug og skiln-
ing íbúa í byggðakjörnunum þrem-
ur.
Frá því Eskifjörður, Reyð-
arfjörður og Neskaupstaður sam-
einuðust árið 1998 í Fjarðabyggð
hefur ýmislegt breyst. Stærsta
breytingin er að sjálfsögðu sú upp-
bygging sem framundan er í at-
vinnumálum, en framkvæmdir í
tengslum við álver Fjarðaáls munu
hefjast í sumar. Það er því gríð-
arlega mikilvægt að vel takist til og
að sem flestir leggi hönd á plóginn
við framtíðarstefnumótun sveitarfé-
lagsins nú þegar framundan eru
svo miklar breytingar í samfélag-
inu.
Málefni fjölskyldunnar eru viða-
mikill málaflokkur og að mörgu er
að huga, en þingið verður haldið frá
kl. 10 um morguninn og áætluð
þingslit eru um kl. 16:00. Boðið
verður upp á kaffi og léttan hádeg-
isverð auk þess sem ýmislegt verð-
ur á döfinni fyrir alla fjölskylduna,
enda mikilvægt að sem breiðastur
aldurshópur komi því á framfæri
hvernig Fjarðabyggð við viljum sjá
í framtíðinni, öllum aldurshópum til
heilla.
Nú er lag, kæru íbúar, til að
koma skoðunum sínum og hug-
myndum á framfæri við bæj-
arstjórn og hafa þannig áhrif á
mótun sveitarfélagsins til fram-
tíðar. Ég vonast svo sannarlega til
að sjá sem flesta íbúa Fjarðabyggð-
ar á íbúaþingi hinn 17. apríl næst-
komandi.
Íbúaþing í Fjarða-
byggð – til hvers?
Guðný Björg Hauksdóttir
skrifar um íbúaþing ’Íbúaþing veita íbúumtækifæri til að hafa áhrif
á umræðu og ákvarð-
anir samfélagsins og
koma með tillögur að
lausnum.‘
Guðný Björg
Hauksdóttir
Höfundur er bæjarfulltrúi í Fjarða-
byggð og formaður upplýsinga- og
kynningarnefndar Fjarðabyggðar.
ATVINNA mbl.is
DILBERT
mbl.is