Morgunblaðið - 19.03.2004, Page 63

ÍÞRÓTTIR
MORGUNBLAÐIÐ FÖSTUDAGUR 19. MARS 2004 63
ÚRVALSDEILDARLIÐ Grindvíkinga í knatt-
spyrnu fer um næstu mánaðamót til Belgrad, höf-
uðborgar Serbíu-Svartfjallalands, og dvelur þar í
æfingabúðum í níu daga. Grindvíkingar fara utan
31. mars og verða í íþróttamiðstöð rétt utan við
borgina þar sem þeir æfa, og auk þess spila þeir
sex leiki gegn serbneskum liðum. Þar á meðal
gegn fyrrverandi Evrópumeisturum Rauðu stjörn-
unnar en sá leikur, sem verður sá fyrsti í ferðinni,
verður gegn blöndu úr aðalliði og varaliði þessa
fræga félags sem varð Evrópumeistari 1991 og
vann heimsbikar félagsliða sama ár. Rauða stjarn-
an, sem var eitt frægasta félagið í A-Evrópu á sín-
um tíma, er með sjö stiga forystu í serbnesku úr-
valsdeildinni um þessar mundir. Að auki leika
Grindvíkingar við úrvalsdeildarliðin Borac og
Radnicki Obrenovac og 1. deildarliðið Rad og B-lið
Grindvíkinga mætir varaliðum Zeleznik, sem leik-
ur í úrvalsdeild, og Cukaricki, sem leikur í 1. deild.
Grindvíkingar
fara til Belgrad
MIKIL umræða hefur verið að undanförnu á spjallvefjum
um körfuknattleik þess efnis að von væri á liðsstyrk frá
Bandaríkjunum í Íslandsmeistaralið Keflavíkur.
Hrannar Hólm, formaður körfuknattleiksdeildar
Keflavíkur, sagði í gær við Morgunblaðið að enginn leik-
maður væri á leið til félagsins fyrir fyrsta leik liðsins
gegn Grindvíkingum í undanúrslitarimmu liðanna á
laugardaginn.
Hrannar bætti því við að Keflavíkurliðið hefði átt slaka
leiki að
undanförnu en það væri mat manna að liðið væri í
stakk búið til þess að leggja Grindvíkinga að velli. „Við
höfum þann möguleika að bæta við okkur manni, tefla
fram þremur Bandaríkjamönnum líkt og Grindavík. En
það er ekki á dagskrá hjá okkur eins og staðan er í dag,
við höfum haldið hópinn frá því í haust og vitum hvað í
honum býr. Við treystum þessum hópi til að fara alla leið
og stöndum á bakvið okkar leikmenn,“ sagði Hrannar
Hólm.
Meistararnir ætla
ekki að fá liðstyrk
ERIC Black, knattspyrnustjóri Cov-
entry, er himinlifandi með Bjarna
Guðjónsson, lánsmanninn frá Bochum
í Þýskalandi, en er sannfærður um að
hann eigi eftir að sýna enn meira
næstu vikurnar. Bjarni átti frábæran
leik í fyrrakvöld, skoraði tvö mörk og
lagði eitt upp í 4:1 sigri á Preston, en
tókst ekki að krækja í þrennuna þegar
markvörður Preston varði frá honum
vítaspyrnu undir lok leiksins.
„Fyrra markið var eins og þau ger-
ast best, en aðalmálið er að Bjarni er
mjög hreyfanlegur og virkur í spilinu
og frammistaða hans í fyrri hálfleik
var frábær. Ég var hissa þegar Gary
McSheffrey leyfði honum að taka víta-
spyrnuna, Bjarni hefur kannski sagt
eitthvað við hann á íslensku, en það
skipti ekki máli þó hann nýtti hana
ekki því hann lék virkilega vel. En ég
er líka sannfærður um að hann á eftir
að bæta sig enn frekar,“ sagði Black
við Evening Telegraph. í Coventry
Í umfjöllun um leikinn í sömu grein
er Bjarna hælt á hvert reipi. Sagt er
að hann hafi verið svo beittur í stöðu
fremsta miðjumanns að Preston hafi
ekki átt nein svör. Móttaka hans,
boltameðferð, sendingar og fyr-
irgjafir hafi verið fyrsta flokks, sem
og leikskilningur og tilfinning fyrir
hreyfingum samherjanna.
Bjarni hefur leikið 9 leiki með Cov-
entry frá því hann kom þangað og
skorað í þeim 3 mörk. Á sama tíma
hefur Coventry þotið upp 1. deild-
artöfluna.
„Bjarni frábær og á
enn eftir að bæta sig“
FÓLK
 BERGÞÓR Morthens, leikmaður
1. deildarliðs Þórs í handknattleik,
slasaðist á æfingu í fyrrakvöld.
Samkvæmt vef félagsins er talið að
hann hafi bæði brotnað og slitið lið-
bönd í ökkla. Þórsarar eru með
mjög fámennan hóp fyrir síðustu
fjóra leiki sína í deildinni því margir
hafa helst úr lestinni hjá þeim í vet-
ur.
 FORRÁÐAMENN bandaríska
landsliðsins í körfuknattleik hafa
óskað eftir því að miðherji Los Ang-
eles Lakers, Shaquille O’Neal, og
framherji Minnesota Timberwolv-
es, Kevin Garnett, leiki með liðinu á
Ólympíuleikunum í Aþenu í Grikk-
landi. Þeir félagar hafa hinsvegar
ekki gefið svar og hafa þeir fengið
tveggja vikna umhugsunarfrest.
 ÓVÍST er hvort Kobe Bryant,
leikmaður Lakers, geti tekið þátt
þar sem hann stendur í ströngu í
dómsölum vegna ákæru um nauðg-
un og hefur Larry Brown, þjálfari
bandaríska landsliðsins, sagt að það
komi til greina að velja LeBron
James í hans stað. Liðið er þannig
skipað í dag: Jermaine O’Neal, Jas-
on Kidd, Mike Bibby, Tracy
McGrady, Allen Iverson, Ray Allen,
Karl Malone og Tim Duncan.
 SPÆNSKA knattspyrnuliðið
Barcelona hefur óskað eftir því að
fá að ræða við franska framherjann
David Trezeguet sem er samnings-
bundinn ítalska liðinu Juventus
fram til ársins 2005. Faðir leik-
mannsins segir í viðtali við franska
íþróttadagblaðið l’Equipe að
spænska liðið hafi verið á höttunum
eftir Trezeguet í heilt ár en fjár-
hagsstaða Barcelona hefur tekið
stakkaskiptum að undanförnu en
stærstu bankar í Katalóníu endur-
fjármögnuðu skuldir félagsins á
dögunum. Barcelona skuldaði tæp-
lega 14 milljarða kr. Trezeguet hef-
ur skorað 59 mörk í 93 leikjum með
Juventus en hann er 26 ára gamall
og hefur verið í herbúðum ítalska
meistaraliðsins frá árinu 2000.
MIHAJLO Bibercic, markahæsti er-
lendi knattspyrnumaðurinn í efstu
deild hér á landi frá upphafi, er
væntanlega á leið til landsins á ný
eftir sex ára fjarveru. Hann er
væntanlegur til 1. deildarliðs
Stjörnunnar í Garðabæ um miðjan
næsta mánuð ásamt landa sínum
frá Serbíu-Svartfjallalandi, Dalibor
Lazic, 22 ára gömlum miðjumanni,
og ef að líkum lætur skrifa þeir
undir samning við Stjörnuna.
Ragnar Gíslason, annar af þjálf-
urum Stjörnuliðsins, var í Serbíu-
Svartfjallalandi á dögunum þar
sem hann hitti þá Bibercic og Lazic
og þar var ákveðið að leikmenn-
irnir kæmu til Stjörnunnar í næsta
mánuði.
„Bibercic leit bara virkilega vel
út og allar fréttir þess efnis að hann
væri vel í holdum voru ekki réttar.
Hann hefur spjarað sig vel með liði
sínu og mér skilst að hann hafi
skorað 9 mörk í 14 leikjum svo
hann kann þetta allt ennþá,“ sagði
Ragnar við Morgunblaðið í gær en
Bibercic, sem er orðinn 36 ára, hef-
ur í vetur leikið í næstefstu deild í
Serbíu-Svartfjallalandi.
Bibercic, sem er frá Svartfjalla-
landi og spilaði með Pristina í úr-
valsdeildinni í Júgóslavíu, lék hér á
landi í sex ár, frá 1993 til 1998, og
skoraði 52 mörk í 74 leikjum í efstu
deild með ÍA, KR og Stjörnunni, en
auk þess lék hann nokkra leiki með
Breiðabliki í 1. deild í byrjun tíma-
bils 1997. Hann varð markakóngur
efstu deildar 1994 þegar hann skor-
aði 14 mörk fyrir ÍA en þar lék
hann í þrjú ár, 1993–94 og 1996, og
skoraði 33 mörk í 46 deildaleikjum.
Með KR skoraði hann 13 mörk í 17
leikjum sumarið 1995 og varð þá
þriðji markahæsti leikmaður deild-
arinnar. Hann varð þrisvar Íslands-
meistari og tvisvar bikarmeistari
með ÍA og bikarmeistari með KR.
Sumarið 1997 skoraði Bibercic 5
mörk í 9 leikjum með Stjörnunni í
efstu deild og tímabilið 1998 hóf
hann að leika með ÍA á ný, en hætti
eftir fyrsta deildaleikinn og fór af
landi brott þar sem hann var ekki í
nægilega góðri æfingu.
Bibercic á leið til Stjörnunnar
Ég er búinn að fá sömu svör hjáöllum þeim læknum sem
skoðað hafa hnéð. Þeir segja að ég
geti ekki spilað
knattspyrnu framar
og það þýðir lítið
fyrir mig að streit-
ast á móti því. Ég á
ekkert val. Ég verð einfaldlega að
sætta mig við þá staðreynd að
knattpyrnuferlinum er lokið og
skórnir eru komnir á hilluna,“
sagði Andri í samtali við Morg-
unblaðið.
Meiðslunum, sem bundu enda á
feril Andra, varð hann fyrir í leik
með Molde gegn Moss í norsku úr-
valsdeildinni í maí 2002. Hann þrí-
brotnaði við hnéliðinn á vinstra
fæti eftir samstuð við markvörð
Moss. Auk brotanna varð mikill
skaði á brjóski í hnénu ásamt því
að liðþófi gaf sig.
„Það er bara lítið sem ekkert
brjósk eftir í hnénu og þar af leið-
andi er útséð um að ég fái mig
góðan af þessum meiðslum. Það er
ekkert hægt að gera til að laga
þetta. Ég er búinn að leita til
margra lækna og sérfræðinga,
bæði hér í Noregi og þó aðallega í
Svíþjóð auk þess sem myndir hafa
verið sendar til margra lækna og
þeir hafa allir komist að sömu nið-
urstöðu,“ segir Andri.
Andri var í stöðugum meðferð-
um hjá læknum og sjúkraþjálfur-
um og eftir margra mánaða end-
urhæfingu spilaði hann fyrsta leik
Molde í norsku úrvalsdeildinni á
síðustu leiktíð. Það reyndist hans
síðasti leikur. Hnéð stokkbólgnaði
og hann átti erfitt með gang og
eftir ítarlegar rannsóknir komust
læknar að þeirri niðurstöðu að
hnéð væri það illa farið að hann
gæti ekki spilað meira.
Hristi hausinn
Hvernig er fyrir þig að kyngja
þeirri staðreynd að þú spilir ekki
knattspyrnu framar?
„Þetta var óskaplega mikið áfall
þegar ég fékk að heyra það fyrst
frá læknum að ég ætti ekki aft-
urkvæmt í fótboltanum. Það var
ekki alveg það sem ég átti von á.
Þó svo að ég sé búinn að eiga erf-
iðan feril hvað meiðsli varðar þá
hélt ég ekki að þetta væri svona
slæmt. Ég fékk þó strax að vita
eftir aðgerðina að þetta væru al-
varleg meiðsli en ég hef áður lent í
erfiðum meiðslum. Þegar ég var
hjá Bayern meiddist ég illa í ökkl-
anum. Þá var mér sagt að þetta liti
illa út og eins þegar ég fékk sýk-
inguna í lífbeinið heima þegar ég
spilaði með KR. Margir afskrifuðu
mig þá en mér tókst að vinna bug
á þeim meiðslum. Ég hristi því
hausinn fyrst þegar læknar sögðu
við mig hérna úti að ferillinn væri
búinn en svo kom bara á daginn að
þeir höfðu rétt fyrir sér.
Síðustu mánuðir hafa því verið
ansi erfiður tími fyrir mig en það
er lítið sem ég gert annað en að
reyna að taka þessu með eins
miklu jafnaðargeði og ég get. Lífið
heldur áfram og ég verð bara að
líta björtum augum á framtíðina,“
segir Andri sem er í sambúð og á
tvö börn, 5 ára strák og þriggja
mánaða gamla stúlku.
Andri hóf ungur að sparka bolta.
Fjögurra ára mætti hann á sína
fyrstu æfingu hjá KR og fljótlega
komu hæfileikar hans í ljós. Átján
ára gamall gerði hann samning við
þýska stórliðið Bayern München.
Hann var á svokölluðum unglinga-
samningi hjá Bæjurum í tvö ár en
kom svo heim 1997 og gekk í raðir
KR. Andri stimplaði sig vel inn í
íslensku knattspyrnuna og sumar-
ið 2000 varð hann markakóngur
Íslandsmótsins þegar KR-ingar
hömpuðu Íslandsmeistaratitlinum.
Eftir mótið var hann seldur til
Salzburg í Austurríki þar sem
hann var í eitt og hálft ár og þaðan
lá leið hans til Molde. Andri gerði
fjögurra ára samning við Molde og
er samningsbundinn félaginu út
þetta ár en þar sem útséð er um
að hann leiki knattspyrnu framar
vinnur hann að því að fá starfs-
lokasamning við félagið. Andri lék
sjö landsleiki og skoraði í þeim
leikjum tvö mörk og hann þótti á
þeim tíma framtíðarframherji
landsliðsins sem miklar vonir voru
bundnar við.
Búinn að fá upp í kok
af fótbolta
„Ég á von á því að ég fái mig
lausan frá samningi við Molde á
allra næstu dögum. Ég bíð spennt-
ur eftir að losna svo ég geti farið
að takast á við ný verkefni,“ segir
Andri. Spurður hvað hann hyggist
taka sér fyrir hendur segir Andri;
„Ég er með góð plön og ýmislegt á
prjónunum sem ég vil ekki ræða
um á þessari stundu. Ég get sagt
þér að þetta tengist ekki knatt-
spyrnunni því eins og er þá er ég
búinn að fá alveg upp í kok af fót-
bolta. Ég útiloka þó ekki að koma
aftur inn í fótboltann á öðrum for-
sendum. Það eru ýmsir möguleikar
hjá mér svo sem þjálfun og þá
hafa mér boðist störf í Noregi í
kringum fótboltann. En eins og
staðan er í dag þá vil ég prófa eitt-
hvað nýtt og draga mig í hlé frá
boltanum. Það er bjart fram undan
hjá mér og ég kvíði engu þó svo að
ég hafi þurft að segja skilið við
knattspyrnuna.“
Andri segist tryggður og er að
vinna í að klára sín mál hvað
tryggingarnar varðar. Hann segir
að forráðamenn Molde hafi reynt
eftir megni að aðstoða sig en það
hafi líka verið mikið áfall fyrir þá
þegar úrskurður lækna lá ljós fyr-
ir. „Það var erfitt tímabil hjá
Molde í fyrra. Liðinu gekk illa að
skora mörk og auðvitað benti fólk
á mig og spurði: hvar er þessi
maður sem átti að skora mörkin
fyrir okkur?“
Andri segist af og til heimsækja
félaga sína í Molde á æfingar.
„Það er ekki auðvelt fyrir mig að
fara niður á völl og sjá félagana
reima á sig skóna og reyna um leið
að vera einhver trúður inni í bún-
ingsklefanum.“
Yngri bróðir Andra, Kolbeinn
Sigþórsson, hefur vakið mikla at-
hygli fyrir hæfileika sína á knatt-
spyrnuvellinum og mörg erlend fé-
lög eru farin að renna hýru auga
til Víkingsins unga sem á vormán-
uðum verður fermdur. Arsenal er
eitt þeirra liða sem hafa augastað
á Kolbeini. Honum var boðið til
æfinga hjá Lundúnaliðinu á síð-
asta ári og það vill fá hann aftur til
sín eins fljótt og auðið er. Andri
segist fylgjast vel með bróður sín-
um.
„Ég mun eftir fremsta megni
reyna að aðstoða Kolbein og svo
að hann lendi ekki í öllu því sem
ég lenti í. Ég fór ungur út og ég
get vonandi vísað honum veginn.
Kolbeinn er efnilegur og hann á
bjarta framtíð í fótboltanum en
það er margt sem getur breyst á
þeim aldri sem hann er á.“
Alvarleg hnémeiðsli hafa bundið enda á knattspyrnuferil Andra Sigþórssonar
Lífið
heldur
áfram
ANDRI Sigþórsson hefur lokið
knattspyrnuferli sínum, aðeins
27 ára gamall. Andri varð fyrir
alvarlegum hnémeiðslum í leik
með norska liðinu Molde fyrir
tveimur árum og eftir ítarlegar
rannsóknir margra lækna og
sérfræðinga hafa þeir komist
að þeirri niðurstöðu að hann
eigi ekki afturkvæmt í knatt-
spyrnuna. Andri vinnur nú að
því að fá starfslokasamning við
félag sitt í Noregi og semja um
tryggingarbætur og síðan að
hasla sér völl á nýjum vett-
vangi.
Guðmundur
Hilmarsson
skrifar