Lesbók Morgunblaðsins - 25.05.2002, Side 12

12 LESBÓK MORGUNBLAÐSINS ˜ MENNING/LISTIR 25. MAÍ 2002
Hér blómstra greinar bleikum skúfum með,
sem brúðarvöndur skartar perutréð.
Og gullnir sprotar gleðja augu mín
á gráum runna hvíta rósin skín.
En heima á Fróni stendur barkflett björk
með brotna grein sem norðanveðrið sló.
Í apríl hríðarhretið nísti fast
og hraunsins lind var svæfð af frostsins kló.
Samt er minn hugur þar á þeirri stund
er þyngst og sárast aprílveðrið hvein
og felldi þá úr okkar ættarhóp
er átti bros svo hlýtt og stóð svo bein.
---
Ég veit: Að aftur vorar heima í dal
að varmi sólar ilman björkum fær,
að lindir hraunsins leysast böndum frá,
að lifir minning þín svo björt, svo skær.
ÁSA KETILSDÓTTIR
HUGSAÐ HEIM
Ort í minningu Hjördísar Bjartmarsdóttur.