Íslendingaþættir Tímans - 12.07.1973, Blaðsíða 6

Karl B. Stefánsson
Fæddur 25. nóv. 1918 — dáinn 1. júni
1973.
Þann 1. júni s.l. lézt á Borgarspltal-
anum, mjög um aldur fram, Karl B.
Stefánsson f. 25. nóv 1918, og þvi tæp-
lega 55 ára.
Karl fæddist að Hrisum i Fróðár-
hreppi á Snæfellsnesi, sonur hjónanna
Kristinar Sigurðardóttur og Stefáns
Jónssonar. Hann ólst upp hjá foreldr-
um sinum, en þeirra börn urðu ellefu.
Karl var næstelztur sinna systkina og
elztur sonanna. Eins og þá var venja
fóru börnin að vinna eins fljótt og kost-
ur var, og á þessu heimili, þar sem svo
marga þurfti að metta, munu allar
hendur hafa verið nýttar til hins ýtr-
asta, enda hafði heimilisfaðirinn mörg
járn i eldinum. Hafði bú svipað og aðr-
ir,stundaði sjóinn af kappi og að auki
var hann afgreiðslumaður pöntunarfé-
lags. Börnin munu þvi fljótt hafa farið
að vinna, enda hafa þau öll reynzt
manndóms- og myndarfólk.
Karl reyndist snemma góðum gáf-
um og fjölhæfum hæfileikum búinn, en
eins og þá var algengast voru ekki
möguleikar á skólagöngu umfram
barnaskóla, sem þá var farskóli, sem
svo var kallað, svona tveir til þrir
mánuðir á ári. Þessi skólaganga skil-
aði nemendum sinum með ótrúlega
mikilli þekkingu, þó skólasetan væri
ekki löng miðað við það, sem nú er.
Karl fer til Reykjavikur um tvitugs-
aldur. Þar aflaði hann sér réttinda til
vélgæzlu, fyrst tekur hann minna próf-
ið og seinna hið meira próf og stundar
vélgæzlu á þessum árum á skipum,
sem voru á siglingu milli landa. A
þessum árum tekur Karl mikinn þátt I
féiagsmálum stéttar sinnar, er i stjórn
Mótorvélstjórafélags Islands og for-
maður þess um skeið.
Þegar þetta gerist er Karl ungur
maður, svo að greinilegt er,að hann
hefur haft álit meðal sinna félaga,
enda var hann eins og fyrr segir mjög
vel gefinn, rökfastur og lipur ræðu-
maður og vel ritfær.
Karl giftist árið 1944. Kona hans var
Jenný Asmundsdóttir ættuð frá Nes-
kaupsstað. Þau áttu saman sex börn
fjórar dætur og tvo syni. Þá átti Karl
son áður en hann giftist, sem Hjörtur
heitir. Hann ólst upp hjá foreldrum
Karls og var þeim til mikillar ánægju,
enda vel gefinn og gæða drengur.
Karl og Jenný slitu samvistum 1963,
og nokkru seinna giftist hann aftur
Alfheiði Jónsdóttur ættaðri frá Isa-
firði. Þau eiga tvo drengi, sem báðir
eru ungir.
Arið 1947 verða þáttaskil i lifi Karls,
þá gerist hann framkvæmdastjóri
Hraðfrystihúss Grundarfjarðar H/F.
Þá hefst sá timi á starfsævi Karls,
sem ég þekki vel, þvi frá 1947 til 1961
erum við mjög nánir samstarfsmenn,
þvi að öil þessi ár er ég i stjórn fyrir-
tækisins og talsvert af þeim tima for-
maður stjórnarinnar.
Þegar Karl tekur við framkvæmd-
arstjórn fyrirtækisins er hann tæpra 29
ára, og hafði unnið við mjög ólik störf.
Þar að auki var hagur fyrirtækisins og
öll aðstaða þess mjög bágborin um
þessar mundir, m.a. má segja að bók-
hald þess væri þannig, að á þvi var
ekki hægt að byggja áframhaldandi
stárf. Um það var mér vel kunnugt, að
Karl leit ekki björtum augum á verk-
efnin, sem við blöstu, og nú eftir tutt-
ugu og fimm ár get ég vel skilið þá af-
stööú Karls, sem við ræddum oft á
þessum árum og ég leit þá með meiri
bjartsýni en hann. En hvað um það,
Karl tók til starfa, og eitt er vist, að
hann lagði sig allan fram við þau störf.
Bókhald og allur frágangur til fyrir-
myndar, uppbygging fyrirtækisins fór
fram svo sem efni stóðu frekast
til,bankar og aðrar stofnanir, sem
skiptu við fyrirtækið svo lengi, sem ég
þekkti til treystu þvi vel, og þar með
forsjá Karls. 1 amstri þessara daga
fannst sumum Karl þurr á manninn og
stirður viðskiptis, en okkur hættir svo
mörgum til að lita hlutina af okkar
sjónarhóli.
En min kynni af Karli voru þau, að
hann var dulur og flíkaði ekki tilfinn-
ingum sinum, en undir bjó hlý og við-
kvæm lund, er öllum vildi vel.
Arið 1963 hættir Karl störfum hjá
Hraðfrystihúsi Grundarfjarðar og
flyzt til Reykjavikur, þar sem hann
vann við ýmis störf.
Þvi miður bar fundum okkar sjaldan
saman eftir að hann settist að I
Reykjavik, ég frétti þó á siðastliðnu
ári,að hann hefði veikzt hastarlega, en
væri að ná sér.
Svo er eins og samband rofni. Mér
berst til eyrna, að Karl sé dáinn. En er
sambandið rofið að fullu? — ég held
ekki. Ég er þess fullviss, að við Karl,
sem aðrir, eigum eftir að hittast á öðru
tilverustigi.
Ég votta að lokum öllum aðstand-
endum Karls mina innilegustu samúð.
Pétur Sigurösson.
6
islendingaþættir