NT - 02.08.1984, Blaðsíða 5
Fimmtudagur 2. ágúst 1984 5
■ Hótel Brekka. Bjarni ásamt framkvæmdastjóranum Birgi Sigurjónssyni og
starfsstúlku Brekku Sigrúnu Guðlaugsdóttur.
Hríseyjarmjöður
og Galloway-naut
■ Hrísey í Eyjafirði vekur forvitni margra fyrir nauta ræktarstöðina
sem þar er staðsett. Þangað voru flutt naut af Galloway kyni 1973
og sett í sóttkví. En ferðamannastraumur hefur aukist þangað
jöfnum skrefum á undanförnum árum og friðsæld og náttúrufegurð
eyjarinnar vakið áhuga fólks. Opnun nýs hótels og veitingahúss ber
vitni þessari þróun og sýnir að heimamenn hafa fulian hug á að koma
til móts við aukinn ferðamannastraum. Þegar við á NT fórum til
Hríseyjar nýlega náðum við tali af Bjarna Ingvarssyni kokki á hinu
nýja hóteli, Brekku. Hríseyingar eru gestrisnir mjög og buðu okkur
upp á úrvals Galloway-nautasteik og bjórlíki þeirra Hríseyinga
„Brekkusnigilinn“ sem óhætt er að segja að engan svíkur.
„Brekkusnígillinn er bragðbætt
lageröl. Við höfum ekki enn vín-
veitingaleyfi fyrir sterkt vín en
leyfið er á leiðinni. Það er eins
með áfengislöggjöfina og með
hámarkshraðann á vegum. að
þetta er til staðar en ekkert farið
eftir því. Blaðamenn og fleiri
hafa komið langt að og gætt sér á
Brekkusniglinum okkar og líkað
vel. Aðsöknin hefur verið mest á
fimmtudögum og urn helgar.
Margir sem ferðast hingað taka
svo að segja í einum „pakka“
Akureyri, Dalvík og Hrísey. Við
leggjum áherslu á að bjóða út-
lendingum upp á fiskmeti og svo
náttúrlega nautakjötið en fyrir
útlendinga er það ekki eins spenn- „
andi. Fjölbreytilegt og ferskt fisk-
meti er það sem við viljum geta
boðið upp á.
Galloway nautakjötið er ljós-
ara en það sem ræktað er í landi
og vöðvarnir eru meyrari og sver-
ari þannig að hægt er að nota
stærn hluta af skepnunni í góðar
steikur. Nautaeldinu hér má líkja
við svína og kjúklingaeldi í Dan-
mörku, það er allt gert til að láta
þetta blása út á sem stystum tíma.
Fóðurgjöfin er mjög markviss og
það er komið í veg fyrir að
skepnan verði fyrir skakkaföllum
á uppvaxtartímanum eins og til
dæmis að skepnan horist niður.
Nautin hér eru undir stöðugu
eftirliti og fara ekki út úr girðing-
um.
Við leggjum áherslu núna á að
kynna ferðaáætlun ferjunnar,
veitingar hér og gönguleiðir en
auk þess er sjóminjasafn í burðar-
liðunum. Nú hér er sundlaug og
mikið æðarvarp. Hrísey er eini
staðurinn í landinu þar sem
rjúpnaveiðar eru algerlega bann-
aðar enda er mikið af rjúpum hér
sem ganga um götur og hreiðra
um sig í húsgörðum eyjaskeggja.“
Kuldinn hverfur úr kroppnum
með bolla af
„Enginn poki án pakka
frá J&ioVlu.
ÁSBJÖRN ÓLAFSSON HF. HEILDVERSLUN BORGAR l’ÚNI 33- 105 RHYKJAVÍK SÍMI 24440
Kaupgarður í leiðinni heim
Engihjalla 8. Símar 44455-44311
Opið alla daga
til kl. 19.00
nema föstudaga
til kl. 22.00
Skór á alla fjölskylduna
Kaupgarður í leiðinni heuu
Engihjalla 8. Símar 44455-44311