NT - 13.08.1984, Qupperneq 22

w
Mánudagur 13. ágúst 1984 22
Kuwait fær
sovésk vopn
Betri nýting
olíuborhola
með nýrri teg-
und olíuskipa
Kuwait-Rcuter
■ Sendinefnd sovéskra hern-
aðarsérfræðinga var væntanleg
til Kuwait í dag. Þar er búist við
því að hún undirriti samninga
um vopnasölu til Kuwait að
verðmæti um 300 milljón banda-
ríkjadala.
Kuwait, sem er auðugt
olíuríki, hafði áður gert tilraun
til að kaupa vopn frá Bandaríkj-
unum en Bandaríkjamenn neit-
uðu að selja þeim háþróaðar
loftvarnaflaugar af Stingergerð
svo að stjórnvöld í Kuwait snéru
sér til Sovétríkjanna.
Singapore:
Leysa upp fagfélög
Singapore-Rcuter
■ Stjórnvöld í Singapore hafa
hleypt af stokkunum áætlun um
að leysa upp fagfélög en stofna
þess í stað verkalýðsfélög þannig
að allir verkamenn sem vinni við
sama fyrirtæki verði einnig sam-
an í verkalýðsfélagi.
Verkalýðssambandið í Singa-
pore styður þessar áætlanir enda
er það í mjög nánu sambandi við
stjórnarflokkinn sem setti þær
fram.
London-Reuter
■ Breska olíufyrirtækið
BP hefur látið hefja smíði
nýrrar tegundar olíuskipa
sem munu valda byltingu
á nýtingu olíu úr neðan-
sjávarborholum.
Olíuskip af þessari nýju
tegund verða með færan-
legan útbúnað til að bora
eftir olíu sem þau dæla
beint inn í tanka skipsins.
Þau geta því nýtt oiíu úr
borholum sem gefa af sér
tiltölulega litla olíu en
hingað til hefur ekki verið
hagkvæmt að dæla olíu úr
slíkum holum þar sem
kostnaður við uppsetn-
ingu olíuborpalla og dælu-
búnaðar hefur verið allt of
hár.
En hin nýju olíuskip
geta fært sig á milli bor-
liola og dælt upp olíu þar
til þau fyllast. Stjórnbún-
aður skipanna verður í
beinu sambandi við gerfi-
hnetti sem tryggja að skip-
in séu stöðug á meðan þau
dæla upp olíunni.
Fyrsta skipið af þessari
tegund verður tilbúið
árið 1987 og er ætlunin að
nota það í Norðursjó þar
sem búist er við að
olíuframleiðslan nái há-
marki eftir nokkur ár.
Með þessu móti verður
hægt að nýta Norðursjávar-
olíuna lengur og betur en
ella.
Bretar vonast einnig til
þess að hægt verði að nota
olíuskip af þessari gerð á
fleiri stöðum í heiminum.
Rúmenía:
Föngum gefn
ar upp sakir
Vínarborg-Reuter
■ Rúmenar hafa ákveðið að
gefa föngum, sem sitja í fangelsi
vegna minniháttar afbrota, upp
sakir í tilefni af 40 ára afmæli
rúmensku byltingarinnar sem
er í þessum mánuði.
Sakaruppgjöfin nær til fanga
sem hafa verið dæmdir í fimm
ára fangelsisvist og sektir
verða felldar niður. Hún nær
einnig til fólks sem hefur verið
dæmt til að vinna í „endur-
menntunarvinnubúðum“.
Refsingar við alvarlegum
glæpum eins og ránum, mútum
og ofbeldisglæpum verða samt
ekki felldar niður.
Kína kaupir hveiti
■ Kínverjar munu kaupa um
8 milljón tonn af korni frá
Bandaríkjunum á þessu ári.
Samkvæmt samningum Banda-
ríkjamanna og Kínverja eru
Kínverjar skuldbundnir til að
kaupa a.m.k. 6 milljón tonn af
hveiti og maís frá Bandaríkjun-
um á ári en Kínverjar rufu það
samkomulag árið 1983 vegna
deilna við Bandaríkjamenn um
innflutning á vefnaðarvörum.
Ofstækisf ulli r trúarf lokkar
vilja ryðja Mubarak úr vegi
Sennilega standa þeir á bak við tundurduflalagnirnar
Þórarinn Þórariiísson,
ritstjóri, skrifar
■ Uppdráttur,
sem sýnir Rauða-
hafið (Red Sea) og
umhverfi þess.
Mestar skemmdir
hafa orðið á skipi,
sem varð fyrir
sprengju skammt
undan Port Sudan
síðastl. sunnudag,
en minnstu munaði
að það sykki.
Mubarak í heimsókn hjá Reagan í Hvíta húsinu
■ SKÖMMU fyrir síðustu
mánaðamót urðu skip, sem
sigldu um Rauðahafið, fyrir
sprengingum, sem einna lík-
legast þótti, að stöfuðu frá
ófullkomnum tundurduflum,
sem enginn hefði þó búist við
að væri að finna á þessari leið.
Það er nú staðfest, að hér
hafi verið um tundurdufl að
ræða. Þessum sprengingum
hefur haldið áfram og hafa alls
um sextán skip orðið fyrir
þeim. Engin sprengingin hefur
orðið svo öflug, að hún hafi
grandað skipi, en hins vegar
hafa skemmdir oft orðið veru-
legar.
Til þess að draga úr ótta við
siglingar um Rauðahaf hófst
stjórn Egyptalands strax handa
um að skipuleggja tundur-
duflaleit, en þegar það þótti
ekki nægja, leitaði hún til
Bandaríkjanna og síðan Frakk-
lands og Bretlands. Öll þessi
ríki hafa orðið við beiðninni
og urðu Bandaríkin fyrst til að
senda á vettvang sérbúnar
þyrlur, sem notaðar eru til að
finna tundurdufl. Tundur-
leitarskip frá þessum ríkjum
munu fylgja á eftir.
Það þykir ekki upplýst, þeg-
ar þetta er skrifað, hverjir
standa á bak við þesar tundur-
dulfalagnir. Að vísu hefur
hulduher skæruliða, sem kalla
sig Heilagt stríð íslams,talið
sig bera ábyrgð á þessum
verknaði en því er varlega
trúað, enda virðast engir vita
um deili á þessum félagsskap.
í fyrstu var talið, að stjórn
írans stæði hér að baki, enda
hefur hún augljósan hag af því.
að olíuflutningar stöðvist um
Rauðahaf. Nú hafa frönsk
stjórnvöld mótmælt þessu með
sjálfan Khomeini í fararbroddi.
Þau gefa hins vegar til
kynna, að Bandaríkin og Israel
séu hér að verki og séu að
reyna að koma höggi á íran.
Rússar hafa áður látið þetta í
ljós.
Ýmsir fréttaskýrendur giska
á, að hér kunni Gaddafi Líbýu-
forseti að vera að verki, en
hann er lítill vinur Mubaraks,
forseta Egyptalands, en það
yrði verulegt áfall fyrir hann
og stjórn hans, ef siglingar
stöðvuðust um Suezskurðinn.
Sprengingar hafa aðallega
orðið á tveimur svæðum, eða
við innsiglinguna úr Rauðahafi
í Suezskurðinn og við Bab el
Mandeb, þar sem Rauðahafið
sameinast Adenflóanum.
ÞAÐ YRÐI mikið áfall fyrir
Egypta, ef siglingar um Suez-
skurð stöðvuðust að miklu
leyti eða að mestu, en sú gæti
orðið raunin, ef siglingar þættu
ótryggar um Rauðahafið. Þess
vegna er ekki fjarri lagi að
álykta, að tilraunirnar til að
gera siglingar um Rauðahafið
ótryggar, sé ekki síst beint
gegn Mubarak og stjórn hans.
Mubarak hefur senn verið
við völd í Egyptalandi í þrjú
ár, en hann tók við forseta-
embættinu, þegar Sadat var
myrtur. Mubarak hefur að
mörgu leyti breytt um stjórnar-
stefnu og m.a. leitað meira
samstarfs við önnur Arabaríki
en Sadat gerði. Egyptaland
hefur því fengið inngöngu að
nýju í bandalag. Múhameðs-
trúarríkja. Ríkin, sem eru
andstæðust ísrael, eins og
Líbýa og Sýrland, beittu sér
gegn því.
Þá hefur Mubarak stefnt að
því að taka upp aftur fullt
stjórnmálasamband við Sovét-
ríkin.
Þrátt fyrir þetta, hefur Mub-
arak fylgt áfram þeirri stefnu
Sadats, að leggja áherslu á
bætta sambúð við Bandaríkin
og fengið frá þeim bæði efna-
hagslega og hernaðarlega
aðstoð. Hann hefur jafnframt
haldið óbreyttu sambandi við
ísarel, en samningur ísraela og
Egypta um versturbakkann
voru komnar í strand, þegar
Sadat féll frá. Mubarak hefur
látið þar við sitja, en til viðbót-
ar tekið undir mótmæli Araba-
ríkja gegn landnámi Gyðinga
á vesturbakkanum og hersetu
ísraela í Líbanon.
í innanlandsmálum hefur
Mubarak stefnt að því að koma
á lýðræðislegri stjórnarhátt-
um. Á síðastliðnu vori, fóru
fram kosningar til þingsins í
Egyptalandi og þótti fram-
kvæmd þeirra á ýmsan hátt
lýðræðislegri en áður. Flokkur
Mubaraks hlaut yfirgnæfandi
meirihluta, þótt Mubarak tæki
ekki sjálfur beinan þátt í kosn-
ingabaráttunni. Þetta þykir
nokkurt merki um vinsældir
hans.
Nýi Wafd-flokkurinn, sem
er arftaki þess stjórnmála-
flokks, sem mestu réði í Egypta-
landi fyrir byltingu Nassers,
náði þó verulegri fótfestu og
hlaut 58 þingsæti af 448 alls.
Hann verður helsti stjórnar-
andstöðuflokkurinn í þinginu
og hyggst styrkja mjög aðstöðu
sína í næstu þingkosningum,
sem eiga að fara fram 1989.
Wafd-flokkurinn er til hægri
við Mubarak. Vinstri flokkum
gekk verr í kosningunum og
komust yfirleitt ekki yfir 8%
markið, sem flokkar þurfa að
ná af heildaratkvæðamagninu
til að fá þingsæti. Forsetinn
hefur rétt til að tilnefna nokkra
þingmenn og valdi hann nær
alla eftir ábendingu vinstrl
flokka. Þanmg verður stjórn-
arandstaða bæði til hægri og
vinstri í þinginu.
MEÐAL öfgafullra trúar-
hópa hefur Mubarak sætt vax-
andi gagnrýni fyrir aukið sam-
starf við hófsamari Arabaríki
og frjálslegri stjórnarhætti
innanlands. Það kemur ekki á
óvart, þótt slíkir öfgahópar
reyni að koma honum á kné.
Mubarak hagar sér á margan
hátt öðruvísi en Sadat. Hann
berst lítið á og lifir ekki rík-
mannlegu lífi, eins og Sadat
gerði. Kona hans kemur aldrei
fram opinberlega. Hann veitir
blaðamönnum sjaldan viðtöl,
en Sadat sóttist eftir því.
Mubarak hefur lýst yfir því,
að hann verði ekki forseti
nema í tvö kjörtímabil. Sam-
kvæmt því verður hann ekki
lengur forseti en til 1993. Hann
verður þá búinn að vera forseti
í tólf ár. Eftir er að sjá, hvort
valdatími hans verður svo
langur. Egyptar búa við mikla
efnahagserfiðleika og fátækt,
m.a. vegna mikillar fólksfjölg-
unar. Mubarak situr því ekki í
traustu sæti, að ógleymdum
öfgahópunum, sem vilja
steypa honum af stóli.