NT - 08.09.1984, Page 6

á ■
. fc'". (\fl , Á
W
Yfirvinnu-
bannið og
afleiðingar
þess
Yfirvinnubannið sem
verkalýðshreyfingin setti á
sínum tíma (1977) sýndi
mönnum betur en margt annað
hve vinnutími alls þorra
verkafólks hefur verið og er
langur. Víða í sjávarþorpum
komust menn sem vanir voru
að vinna 10-12 tíma á
sólarhring í hálfgerð vandræði.
Vissu ekki hvað þeir áttu af sér
að gera þegar þeir stóðu allt í
einu uppi um miðjan dag og
voru búnir í vinnunni. í
Borgarblaðinu sem gefið er út
í Borgarnesi getur að líta eina
klausu, sem innansveitarmenn
segja fjalla um afleiðingar
yfirvinnubannsins.
Umræðuefnið er
Grunnskólinn í Borgarnesi.
Þar stendur: „í 6 ára bekk
verðurvæntanlega41 nemandi
í vetur, en í fyrra voru 18
nemendur í 6 ára bekk og var
það minnsti byrjunarbekkur í
tvo áratugi. Ástæður þessa eru
ókunnar."
- Borgarblaðið (Borgarnesi)
Ökuleikni
Bæjarblaðið á Akranesi
skýrir svo frá „Frá áramótum
og fram til 1. ágúst hafa alls
orðið 99 árekstrar í umferðinni
hér á Akranesi. Að sögn
lögreglu eru það heldur fleiri
en á sama tíma í fyrra. í 11
tilfellum hefur verið ekið á
fólk og eru það í 8 tilfellum
börn og í 3 tilfellum fullorðnir.
í tveimur árekstranna hafa
orðið slys á fólki. Flest
umferðaróhöppin urðu í
febrúar, 23 en 22 urðu í janúar.
Fæst óhöpp á þessu ári urðu í
júní, fjögur.“
- Bæjarblaðið (Akranesi)
Hart barist
á Húsavík
„Einhverjir spekingar liafa
sett fram þann vísdóm að
leikur sé ekki búinn fyrr en
flautað hefur verið til
leiksloka. Þetta er ekki alltaf
rétt, a.m.k. var aðal prumpið
eftir þegar Rúnar Árason
dómari hafði flautað til
leiksloka í leik Tjörnesinga og
Reynis frá Árskógsströnd í
úrslitum 4. deildar en leikurinn
fór fram á Húsavík um síðustu
helgi.“ Þannig hefst frásögn
Víkurblaðsins af þessum
sögulega úrslitaleik sem
einkenndist af mikilli
taugaspennu leikmanna, ekki
síður en áhorfenda.
„Leikurinn var ákaflega grófur
og nöldrið og muldrið í
gestunum yfirgengilegt,“ segir
í Víkurblaðinu. En ekki tók
betra við þegar leiknum var
lokið því þá upphófust miklar
deilur um meintar skemmdir á
búningsklefa og er það mál
enn óleyst að sögn blaðsins.
Áhorfendur á Húsavík virðast
taka virkan þátt í framvindu
fótbolta með glósum sem
Iátnar eru dynja á
leikmönnum, ef marka má
blaðið. „Áhorfendur kunnu
vel að meta hasarinn og hvöttu
sína menn og hrópuðu
útspekúleraðar svívirðingar til
andstæðinganna sem létu þetta
fara mjög í taugarnar á sér og
heimtuðu meðal annars að
Hafliði Jósteinsson yrði
fjarlægður af svæðinu. en
Hafliði var iðinn við að stríða
leikmönnum."
- Víkurblaðið (Húsavík)
írrr.h'.En'iz j
Laugardagur 8. september 1984 6
Heimaslód
■ Mæðurnar mættar með börnin fyrsta daginn. Ef vel er að gáð má þó sjá einn og einn pabba. ■
„I skólanum, í skólanum
er skemmtilegt að vera“
■ Undanfarna daga hafa
skólabörn verið að streyma í
skólana eftir frelsi sumarsins.
(Allt heitir þetta frelsi nú
orðið.) Fyrsta vikan fór að
mestu í skrásetningu og að
skipa niður í bekki. Alvara
lífsins hefst því varla að gagni
í grunnskólunum fyrr en eftir
helgi. Blaðamenn NT brugðu
sér í Laugarnesskólann nú í
vikunni og fylgdust með því
þegar 7 ára nemendur komu
fyrsta sinni í skólann eftir
sumarfríið. Laugarnesskólinn
var í og með valinn vegna þess
að þar munu bætast við óvenju
margir nýir nemendur að þessu
sinni, en það eru krakkar úr
nýju hverfunum á Ártúns-
höfða og í Grafarholti. Skóla-
bíll mun sækja þau og skila
heim að loknum skóladegi.
Of margir í bekk
Allstór hópur foreldra og
barna var saman kominn í
salnum í Laugarnesskóla þegar
okkur bar að garði. Börnin
voru lesin upp samkvæmt
bekkjarskrám og skiptist hóp-
urinn þá niður í nokkrar
stofur. Það leyndi sér ekki að
■ Það voru ekki margir sem nýttu sér þjónustu þessa stóra
skólabfls í gær. Þegar þessi nemandi var kominn upp í bflinn var
fjöldi farþega orðinn 3 og ef NT væri ferðaskrifstofa myndum við
sjálfsagt auglýsa „Örfá sæti ennþá laus“.
NT-myndir: Ámi Bjama og Róbert
En líka ansi þröngt
margir foreldrar voru gramir
vegna þess mikla fjölda sem
settur var í suma bekkina og
meðan við stöldruðum við kom
sendinefnd foreldra úr einum
bekk til fundar við skólastjóra
og kvartaði undan þessu.
Jón Freyr Þórarinsson,
skólastjóri, sagði að enn hefði
ekki gefist tími til að gera sér
grein fyrir því hve fjölgunin í
skólanum yrði nákvæmlega
mikil frá síðasta skólaári, en í
fljótu bragði virtist sér þetta
vera um 80 nemendur. Þá væri
búið að draga frá þá sem hættu
síðasta vor, en það skólaár
voru nemendur skólans um
440.
Hann sagðist ekki geta svar-
að því af hverju Laugarnes-
skólinn hefði orðið fyrir valinu
fyrir nemendur nýju hverfanna
frekar en til dæmis Vogaskóli,
sem liggur nær og í eru færri
nemendur. Nærtækasta
skýringin væri hins vegar sú að
ef átt hefði að setja þennan
fjölda í Vogaskóla hefði orðið
að fjölga bekkjardeildum í
hverjum árgangi, vegna þess
hve fáar þær væru. I Laugar-
nesskóla væru bekkjardeildir
hins vegar fleiri og því hefði
■ Jón Freyr Þórarinsson,
skólastjóri, taldi aö nemendur
Laugarnesskóla yröu um 80
fleiri nú en í fyrra, en þá voru
þeir um 440.
■ Laufeyju Ósk og Gísla Má
leist bara ágætlega á að hefja
nám í nýjum skóla, þótt langt
sé að fara.
verið farin sú leið að fjölga í
hverri deild, sem væri ódýrari
kostur. Ákvörðun um þetta er
tekin af fræðsluyfirvöldum.
Langt að fara
Laufey Ósk Þórhallsdóttir
(11) og Gísli Már Þórhallsson
voru að bíða eftir 7 ára systur
sinni þegar við hittum þau í
anddyri Laugarnesskóla. Þau
eru meðal þeirra nemenda sem
koma úr nýju hverfunum. Síð-
asta vetur voru þau í Hóla-
brekkuskóla, en nú eruþau að
flytja í nýja hverfið í Ártúns-
holtinu og þá verða þau að
skipta um skóla. Þau sögðu að
það Iegðist ágætlega í þau að
byrja á nýjum stað þótt svo að
það væri nokkuð langt að fara.
■ Það hefur sjálfsagt ekki
verið tekið út með sældinni að
vera útsendari blaðanna á
þingi Stéttarsambands bænda
á ísafirði um síðustu helgi. Eitt
helsta viðfangsefni þingsins var
að bauna á pressuna fyrir rót-
arleg skrif um málefni land-
búnaðarins, sem bændum
finnst mörgum vanta allt vit í.
Ekki er þó annað að sjá af
þessari mynd sem Finnbogi
náði af nokkrum fulltrúum
blaðanna, en að þeir fylgist
með af mikilli athygli. Þessir
heiðursmenn eru frá vinstri:
Magnús H. Gíslason fyrrum
bóndi, blaðamaður Þjóðvilj-
ans. Þá Arnar Páll Hauksson
blaðamaður DV og loks Helgi
Bjarnason blaðamaður Morg-
unblaðsins.
Seltjarnarnes:
Ný sundlaug opnuð nýlega
■ Fyrir stuttu var opnuð ný
sundlaug á Seltjarnarnesi, sent
er lokaáfangi í íþrótta- og
félagsmiðstöð Seltjarnarness.
Er hún 25x12.5 metrar að
stærð, auk barnalaugar. Enn-
fremur eru tveir heitir pottar.
Búningsklefar taka í einu 200
gesti auk þess sem hægt er að
nota búningsklefa íþróttahúss-
ins á sumrin.
Sundlaugin er að hluta
skólamannvirki og mun öll að-
staða til sundkennslu gjör-
breytast við tilkomu hennar.
Langt er síðan farið var að
huga að sundlaugarbyggingu á
Seltjarnarnesi og var hafist
handa við smíði laugarinnar
árið 1981. Hún er hönnuð hjá
Teiknistofunni, Ármúla 6 og
hefur verkið verið í höndum
Leifs Gíslasonar en yfirsmiður
frá upphafi hefur verið Kristj-
án Jónsson.
Ólokið er framkvæmdum
við gufuböð og æfingasali í vetur. Laugin verður opin frá
kjallara en stefnt að því að kl. 7.10 til kl. 20.30 virka daga
taka gufubaðið í notkun í en frá 7.10-18.30 um helgar.
■ Sundlaugin á Seltjarnamesi er hið smekklegasta mannvirki
eins og sjá má. Sundlaugin, búningsklefar og setlaugar eru lögð
Höganás flísum en bærinn Höganás í Svíþjóð er einmitt vinabær
Seltjarnarness. Þær Álda Sigurðardóttir og Heiga Vala ísaksdótt-
ir brugðu á leik fyrir Ijósmyndarann. NTmynd: Róbcrt