NT - 08.09.1984, Page 35

HJ
Útlönd
Dollarinn
á uppleið
Frankfurt-Reuter
■ Dollarinn hélt enn áfram að
hækka í verði á gjaldeyris-
mörkuðum í gær og bætti enn
fyrri met gagnvart breska sterl-
ingspundinu og franska frank-
anum. Nú telja menn það aðeins
tímaspursmál hvenær dollarinn
rjúfi þriggja marka múrinn í
fyrsta skipti síðan Vestur-Þjóð-
verjar tóku upp fljótandi gengi
árið 1973. Til ferðamanna er
dollarinn nú seldur á rétt rúm
, þrjú mörk í Þýskalandi.
Dollarinn fór í fyrsta sinn yfir
níu franska franka fyrr í vikunni
og er nú skráður á rúmlega 9.1
franka. Sterlingspundið, sem er
þjakað af langvinnu verkfalli
kolanámumanna, féll nokkuð
snarlega gagnvart dollaranum
snemma í gær, en rétti aðeins
við er líða tók á daginn vegna
ráðstafana Englandsbanka.
Pundið er nú skráð á um 1.27
dollara.
Bundesbankinn, eins konar
seðlabanki Vestur-Þýskalandy
hefur selt um 230 milljónir doll-
ara í þessari viku til að reyna að
koma í veg fyrir að dollarinn
hækki meira, en ólíklegt er talið
að bankinn grípi til frekari að-
gerða.
Skoðanir eru nokkuð skiptar
um það hvort dollarinn muni
halda áfram að hækka, sumir
sérfræðingar trúa því að dollar-
inn sé mjög ofverðlagður og að
hann hljóti að fara að lækka
aftur innan tíðar. En flestir
hallast þó að því að dollarinn
haldi áfram að hækka í verði
enn um sinn, enda þykjast menn
þess fullvissir að vextir muni
áfram haldast háir í Bandaríkj-
unum og að Reagan verði
endurkjörinn forseti í kosning-
unum í nóvember.
Kína:
Gengur í Interpol
Sovétríkin:
250 km kola-
leiðslur
■ Sovétmenn eru nú að
byggja rúmlega 250 km
langa kolaleiðslu til að flytja
kol frá kolanámum í Síberíu
til hafnarborgarinnar No-
vosibirsk.
Kolunum verður dælt í
gegnum tuttugu tomma
leiðslur eftir að þeim hefur
verið breytt í koladuft og
vatni blandað saman við
þau.
Sovétmenn hafa í hyggju
að byggja síðar fleiri kola-
leiðslur sem verða jafnvel
mörg þúsund kílómetra
langar. t>að er gert ráð fyrir
því að um 20-30 milljón
tonn verði flutt árlega með
hverri slíkri leiðslu.
Lúxcraburg-Rcuter
■ Fulltrúar á þingi Alþjóða-
lögreglunnar, Interpol, létu
hafa eftir sér í gær að Kínverjum
yrði veitt aðild að Interpol þrátt
fyrir hatramma andstöðu Taiw-
anbúa.
Umsókn Pekingstjórnarinnar
um aðild að Interpol hefur verið
rædd fyrir lokuðum dyrum á
þessu 53. þingi Alþjóðalögregl-
unnar, sem um 400 lögreglu-
menn frá 116 löndum sitja.
Fyrir utan kínversku umsóknina
hefur þingið einkum rætt um
sívaxandi eiturlyfjasmygl milli
landa.
Fulltrúar Taiwan gengu út af
fundi á miðvikudaginn þar sem
rætt var um aðild Kína og enn
er ekki ljóst hvort Taiwan mun
starfa áfram í samtökunum.
Umsjón: Ragnar Baldursson 09 Egill Helgason 1
■ Þessi mynd er tekin af þeim demókrötunum, Walter Mondale
forsetaframbjóðanda ogThomas „Tip“ O’Neill þingflokksformanni
þegar Mondale heimsótti Bandaríkjaþing á fímmtudaginn. Mondale
á nú mjög undir högg að sækja í kosningabaráttunni og hefur
O’Neill, gamall stjórnmálajaxl og kjöftugur, hvatt Mondale til að
kasta kurteisisgrímunni sem þykir há honum nokkuð og sýna meiri
hörku í baráttunni við Reagan forseta
Símamýnd-Polfoto
Laugardagur 8. september 1984 35
Stórhuga fram-
kvæmdir í Nepal
■ Nepalir eru nú að hefja
framkvæmdir við veg sem mun
tengja frjósöm svæði vestast i
Nepal við aðra hluta landsins en
þau hafa verið að mestu ein-
angruð hingað til. Heildar-
kostnaður við vegalögn er tal-
inn vera 116 milijónir Banda-
ríkjadala og ætlar Alþjóða-
bankinn að lána Nepölum 47,5
milljónir dala til að standa straum
af hluta kostnaðarins.
Nepalir eru meðal fátækustu
þjóða heims. Þar búa tæplega
lómilljónir manna. Meðaltekjur
á mann eru aðeins um 150
Bandaríkjadalir á ári (4.700 ísl.
kr.). Nepal er mjög fjöllótt og
hafa slæmar samgöngur verið
mikill dragbítur á þróun
landsins.
Nú þegar hefur um 850 km
langur þjóðvegur verið byggður
frá Austur-Nepal í _yesturátt.
Nýi þjóðvegurinn mun bæta
200 km við til vesturs þannig að
Terai-hérað í Vestur-Nepal
mun loksins tengjast við vega-
kerfi landsins. Hingað til hefur
orðið að treysta á flugvélar við
samgöngur við Terai en á regn-
tímabilinu hefur ekki einu sinni
verið hægt að fljúga þangað.
Framkvæmdum við veginn á
að Ijúka árið 1989 og vonast
menn til að hann verði þá til að
hleypa nýju lífi í efnahagslíf
Nepala. Nepalstjórn mun að-
eins leggja fram um 18 milljónir
dala til framkvæmdanna en
auk lánsins frá Alþjóðabankan-
um hefur stjórninni verið lofað
lánum frá Saudi þróunarsjóðn-
um og fleiri alþjóðastofnunum.
Deila Libýumanna og Breta;
Samn-
ingafundir
á Möltu
Valetta-Reuter
■ Malta hefur boðið Bretum
og Líbýumönnum að setjast að
samningaborði á eyjunni, en
ekkert stjórnmálasamband hef-'
ur verið á milli ríkjanna tveggja
síðan líbýskir sendiráðsstarfs-
menn skutu breska lögreglu-
konu í apríl. Þetta er haft eftir
breskum fulltrúa á Evrópuþing-
inu, sem átt hafði viðræður við
utanríkisráðherra Möltu, Alex
Sceberras Trigona.
Möltustjórn hefur enn ekki
staðfest að hún hafi boðið
eyjuna undir samningavið-
ræður.
Heimildir í London herma að
Líbýumenn séu þess fýsandi að
bæta samskiptin við Breta 'og
Bretar munu óttast að mikilvæg
viðskiptatengsl við Líbýu rofni
endanlega ef ekki næst sam-
komulag innan tíðar. Bretar
flytja mikið af vörum til Líbýu
en auk þess er hefð fyrir því að
Líbýumenn leiti sér lækninga í
Bretlandi, en í staðinn hafa þeir
nú leitað til Vestur-Þýskalands
og Sviss.
Beittu neitunarvaldi
■ Á fímmtudaginn beittu Band.aríkjamenn neitunarvaldi sínu í Öryggisráði Sameinuðu
þjóðanna til að koma í veg fyrir að samþykkt yrði fordæming á atferli ísraelsmanna í
Suður-Líbanon. Líbanska stjórnin hefur ásakað ísraelsher fyrir síendurtekin.mannréttindabrot
og tilraunir til að kljúfa landið í tvennt og töldu vera tíma til að leita réttar síns í Öryggisráðinu.
Símamynd-Polfoto
Vandi vestraenna
stjómendavið að1
nyta sér japanskar
sqómunaraðferðir
HÁDEGISFYRIRLESTUR
Prófessor Naoto Sasaki frá Sophia University, Tokyo heldur fyrirlestur þriðjudaginn 11. september,
er nefnist „Vandi vestrænna stjórnenda við að nýta sér japanskar stjórnunaraðferðir“.
Fyrirlesturinn fer fram í Kristalssal Hótels Loftleiða og hefst kl. 12:00 með hádegisverði. Að loknum
fyrirlestrinum verða almennar umræður.
TILKYNNIÐ ÞÁTTTÖKU í SÍMA 82930
Astjórnunarfélag íslands &