NT - 05.03.1985, Side 2

Þriðjudagur 5. mars 1985 2
Fellaskóli:
Vinnueftirlitið
lokar tveimur
handavinnustofum

- úrbóta yfirvalda beðið
■ Sigurbjörn Kristinssan listmálari.
Málverkasýning:
NT-mynd: Árni Bjarna
Gamli bærinn og hraunið málað
■ Sigurbjörn Kristinsson, list-
málari, opnaði á laugardag mál-
verkasýningu í sýningarsalnum
í Hafnarborg, Strandgötu 34
Hafnarfirði. Á sýningunni eru
31 mynd, unnar í akríl og olíu.
Myndirnar sem Sigurbjörn
sýnir, eru allar málaðar á síð-
ustu tveimur árum, og sækir
Sigurbjörn viðfangsefni sín í
gamla bæinn í Hafnarfirði og
hraunið í kring, og einnig alla
leið norður á Strandir.
Sigurbjörn hefur áður haldið
fjölda einkasýninga, auk þess
að taka þátt í samsýningum.
Sýningin er opin 14.00-19.00
alla daga til 17. mars.
Eiður Guðnason um baráttu gegn hval- og selveiðum:
„Efnahagur
terrorismi“ gégn
■ Vinnueftirlit ríkisins lokaði
tveimur handavinnustofum í
Fellaskóla þann 8. febrúar
síðastliðinn, þar sem þær upp-
fylla ekki skilyrði um öryggi og
hollustuhætti á vinnustöðum.
Hefur Vinnueftirlitið óskað eft-
ir skriflegri og tímasettri áætlun
um úrbætur, og er nú beðið eftir
að menntamálaráðuneytið
sendi hana frá sér. Á meðan fær
um helmingur nemenda enga
handavinnukennslu.
Arnfinnur Jónsson skóla-
stjóri Fellaskóla sagði í samtali
við NT, að athugasemdir
Vinnueftirlitsins vörðuðu að-
stöðu til lökkunar með lífrænum
leysiefnum og aðstöðu til með-
ferðar á opnum eldi. Pá gerði
Vinnueftirlitið athugasemd við
frágang á gólfi. Arnfinnur vildi
taka það skýrt fram, að í vetur
hefði hvorki verið lakkað með
lífrænum leysiefnum, né notað-
ur opinn eldur í stofunum.
Kröfurnar væru fyrst og fremst
til að knýja á um, að aðstaða
fáist til þess. Þegar áætlun um
endurbætur hefur verið lögð
fram, verður hægt að hefja á ný
kennslu í stofunum.
Pegar Fellaskóli var byggður
fyrir 13 árum, voru viðkomandi
stofur útbúnar samkvæmt
staðli, sem þá var í gildi. Pessi
staðall hefur síðan breyst og
kröfur um endurbætur voru
fyrst settar fram síðastliðið vor.
Lokunin nú var því eina ráðið
til þess að ýta á eftir svari
yfirvalda.
Tillaga á Norðurlandaráðsþingi:
Samnorrænt átak í viður-
eigninni við vímugjafa
■ Áformað er á vegum
Norðurlandanna að samstilla
ráðstafanir sem torvelda mönn-
um að afla sér eiturlyfja og
dragi jafnframt úr ásókn í þau.
Er talað um að gera þetta
meðal annars með því að efla
sem allra nánast samstarf lög-
reglu- og tollyfirvalda og endur-
bæta upplýsingamiðlun. Eiga
þjóðirnar að kosta þetta verk-
efni hver hjá sér eftir að sameig-
inlegu undirbúningsstarfi er
lokið.
Varnir
■ Efnahagslegur „terrorismi"
var orðalagið, sem Eiður
Guðnason notaði til að lýsa
afskiptum umhverfisverndar-
hópa vegna hval-og selveiða í
Norðurhöfum. Orð hans vöktu
hvöss viðbrögð danska þing-
fulltrúans Margerte Auken.
Eiður sagði hval-og selveiðar
lífsspursmál fyrir fólk á norður-
slóðum. Bann við slíkum veið-
um hefðu mjög alvarleg áhrif á
atvinnulíf þar.
„Undir yfirskyni náttúru-
verndar er komið á atvinnuleysi
á svæðum hjá okkur í norðri.
Hinn góði málstaður umhverfis-
verndar hefur verið misnotaður
herfilega. Þetta höfum við horft
á gerast án þess að segja orð.
Pað er kominn tími til að
Norðmenn, Færeyingar, íslend-
ingar og Grænlendingar samein-
ist um að hrinda árásum öfga-
mannanna,“ sgði Eiður.
vimu
■ Hópur Slíugamanna boðar
til fundar á Hótel Hofi miðviku-
daginn 6. mars með stofnun
félags í huga til að styðja við
bakið á ungmennum sem hafa
farið í meðferð eða eiga það
eftir vegna neyslu vímuefna.
Hefst fundurinn kl. 20.30 og
eru foreldrar og áhugafólk kvatt
til að mæta og takast á við
þennan vanda sem lagt hefur
svo margt ungmennið að velli.
mioi’AU
A öldum
Ijósvakans
■ Útvarpslagafrumvarpið
hefur verið til umræðu á Al-
þingi og gera bjartsýnustu
menn sér vonir um að það
verði samþykkt fyrir þingslit í
vor meðan stjórnarand-
stöðuþíngmenn efast stórlega
um að það nái fram að ganga á
þessu þingi.
En það eru ekki allir sem
hafa þolinmæði til að bíða og
hafa hætt sér inn á öldur Ijós-
vakans í trássi við gildandi lög.
Að fráskildum útvarpsstöðv-
unum „frjálsu" sem sendu í
verkfalli BSRB í haust hefur
þetta niest megnis verið fikt og
náð til mjög takmarkaðs
svæðis.
Enginn vandi er að koma sér
upp útvarpssendi. Hægt er að
kaupa í raftækjaverslun pakka
sem kallast „rostikit h-65“ og
er einskonar mælitæki. Með
smávægilegum breytingum á
þessu tæki, magnara og loftneti
er kominn sendibúnaður og þá
er bara að finna sér pláss á
FM-bandinu!
En sendingar af þessu tagi
munu hafa miklar truflanir í
för með sér og ná yfirleitt um
takmarkað svæði og þar að
auki eru starfsmenn Pósts og
síma vel á verði þannig að það
er hætt við að fiktið geti endað
með hárri fjársekt. Og þá er
fiktið e.t.v. of dýru verði
keypt.
Laust sæti?
■ Ratsjárstöðvamálið er
mjög í brennidepli um þessar
mundir og hefur reyndar verið
um nokkra hríð. Steingrímur
Sigfússon hefur ásamt fleirum
lagt fram þingsályktunartillögu
sem felur í sér að Alþingi taki
afstöðu gegn upsetningu rat-
sjárstöðvanna. Sú tillaga hefur
fram að þessu ekki notið mikils
fylgis sjálfstæðismanna á þingi,
en hver veit nema það sé nú að
breytast.
Geir Hallgrímsson mun
nefnilega hafa lýst því yfir á
fundi á Pórshöfn fyrir helgina
að hann mundi sennilega segja
af sér ráðherradómi ef tillagan
næði fram að ganga. Nú velta
menn því fyrir sér hvort þessi
yfirlýsing Geirs kynni að ríða
baggamuninn og verða til þess
að tillagan verði samþykkt.
Það virðist að minnsta kosti
ekki fráleitt að Þorsteinn Páls-
son muni endurskoða afstöðu
sína.
Verið þið nú stilltir rétt á meðan NT gerir vaxtarmælingu á okkur.
■ Jónas H. Haralz, formaður
ritnefndar, afhendir Klemens
Tryggvasyni eintak af Klemens-
arbók.
Klemensarbók
komin út
■ Félag viðskiptafræðinga og
hagfræðinga hefur gefið út
Klemensarbók, afmælisrit til
Klemensar Tryggvasonar, fyrr-
verandi Hagstofustjóra, sjötugs.
í bókinni eru tuttugu og þrjár
áður óbirtar greinar eftir ís-
lenska og erlenda hagfræðinga.
Greinarnar eru um ýmis hag-
fræðileg efni, eins og hag-
skýrslugerð, hagþróun, vexti og
gengi, verðmyndun og verðlags-
ákvæði, hagsveiflur og gengis-
mál, fiskihagfræði og markaðs-
sósíalisma. Er óvíst að gildari
bók um hagfræðileg efni hafi
áður komið út á íslensku.
Klemens Tryggvason hafði
orð á því þegar bók hans var
kynnt hvað fjöldi og áhrif hag-
fræðinga hefði stóraukist á
starfsævi sinni. Þannig hefðu frá
1941 til 1951 verið útskrifaðir
samtals 45 viðskiptafræðingar
hér á landi. En frá 1970 til 1980
var fjöldi útskrifaðra viðskipta-
fræðinga kominn í 940 manns.
Ritstjóri Klemensarbókar er
Sigurður Snævarr, hagfræðing-
ur.